ಭಾರತ -ಚೀನಾ ಸಂಘರ್ಷ : ಚೀನಾದ ಐವರು ಯೋಧರನ್ನ ಹೊಡೆದುರುಳುಸಿದ ಭಾರತೀಯ ಸೇನೆ

ನವದೆಹಲಿ : ಭಾರತ ಹಾಗೂ ಚೀನಾ ಗಡಿ ಸಂಘರ್ಷದಲ್ಲಿ ಭಾರತೀಯ ಸೇನಾಧಿಕಾರಿ ಸೇರಿದಂತೆ ಮೂವರು ಹುತಾತ್ಮರಾಗಿದ್ದರು. ಇದರ ಬೆನ್ನಲ್ಲೇ ಭಾರತೀಯ ಸೇನೆ ಪ್ರತೀಕಾರ ತೀರಿಸಿಕೊಂಡಿದ್ದು, ಚೀನಾದ ಐವರು ಸೈನಿಕರನ್ನು ಭಾರತೀಯ ಯೋಧರು ಹೊಡೆದುರುಳಿಸಿದ್ದಾರೆ. ಅಲ್ಲದೇ 11 ಮಂದಿ ಯೋಧರಿಗೆ ಗಾಯವಾಗಿದೆ.

ಭಾರತೀಯ ಯೋಧರ ಮೇಲೆ ಚೀನಾ ಸೈನಿಕರು ದಾಳಿ ನಡೆಸುತ್ತಿದ್ದಂತೆಯೇ ಭಾರತೀಯ ಯೋಧರು ಪ್ರತಿದಾಳಿಯನ್ನು ನಡೆಸಿದ್ದಾರೆ. ಆದರೆ ಚೀನಾ ಭಾರತೀಯ ಯೋಧರು ಗಡಿಯಲ್ಲಿ ಪ್ರಚೋದನಕಾರಿ ವರ್ತನೆ ತೋರಿದೆ. ಭಾರತೀಯ ಯೋಧರಿಂದಲೇ ನಮ್ಮ ಸೈನಿಕರ ಮೇಲೆ ಹಲ್ಲೆ ನಡೆದಿದೆ. ಇದಕ್ಕೆ ಪ್ರತ್ಯತ್ತರವಾಗಿ ನಡೆದ ದಾಳಿಯಲ್ಲಿ ಮೂವರು ಭಾರತೀಯ ಸೈನಿಕರು ಹತ್ಯೆಗೀಡಾಗಿದ್ದಾರೆ ಎಂದು ಚೀನಾ ವಿದೇಶಾಂಗ ಇಲಾಖೆ ಹೇಳಿಕೆ ನೀಡಿದೆ ಎಂದು ಚೀನಾದ ಮಾಧ್ಯಮಗಳು ವರದಿ ಮಾಡಿವೆ.

ಪರಿಸ್ಥಿತಿ ನಿಯಂತ್ರಣಕ್ಕೆ ಉಭಯ ರಾಷ್ಟ್ರಗಳ ಜನರಲ್‌ಗಳ ಮಾತುಕತೆ ಇನ್ನು ಭಾರತೀಯ ಹಾಗು ಚೀನಾ ಗಡಿಯಲ್ಲಿ ನಡೆದ ಸಂಘರ್ಷದ ಹಿನ್ನೆಲೆ ಪರಿಸ್ಥಿತಿಯನ್ನ ನಿಯಂತ್ರಿಸಲು ಉಭಯ ರಾಷ್ಟ್ರಗಳ ಜನರಲ್‌ಗಳು ಮಾತುಕತೆ ನಡೆಸಲಿದ್ದಾರೆ.