Bigg Boss Kannada Ott 1: ಬಿಗ್ಬಾಸ್ ಒಟಿಟಿ ಸೀಸನ್ 1ರ ಟಾಪರ್ ಆಗಿ ಹೊರಹೊಮ್ಮಿದ ಕರಾವಳಿ ಕುವರ ರೂಪೇಶ್ ಶೆಟ್ಟಿ
Bigg Boss Kannada Ott 1 : ಕನ್ನಡ ಕಿರುತೆರೆಯಲ್ಲಿ ಹೊಸದೊಂದು ಪ್ರಯತ್ನ ಎನಿಸಿಕೊಂಡಿದ್ದ ಬಿಗ್ಬಾಸ್ ಕನ್ನಡ ಓಟಿಟಿ ಸೀಸನ್ 1 ಕಾರ್ಯಕ್ರಮಕ್ಕೆ ಅದ್ಧೂರಿಯಾಗಿ ತೆರೆ ಬಿದ್ದಿದೆ.ವೂಟ್ ಆ್ಯಪ್ನಲ್ಲಿ ಪ್ರಸಾರವಾಗುತ್ತಿದ್ದ ಈ ಸೀಸನ್ ಶುಕ್ರವಾರದಂದು ತನ್ನ ಗ್ರ್ಯಾಂಡ್ ಫಿನಾಲೆ ಕಾರ್ಯಕ್ರಮವನ್ನು ಪೂರ್ಣಗೊಳಿಸಿದೆ. ಫಿನಾಲೆ ಕಾರ್ಯಕ್ರಮದಲ್ಲಿ ಎಂಟು ಮಂದಿ ಸ್ಪರ್ಧಿಗಳು ಉಳಿದುಕೊಂಡಿದ್ದು ಇವರಲ್ಲಿ ನಾಲ್ಕು ಮಂದಿಯನ್ನು ಕಿಚ್ಚ ಸುದೀಪ್ ಬಿಗ್ಬಾಸ್ ಸೀಸನ್ 9ಗೆ ಕಳುಹಿಸಿಕೊಟ್ಟಿದ್ದಾರೆ. ವೀಕ್ಷಕರು ನೀಡಿದ ಮತಗಳನ್ನು ಆಧರಿಸಿ ನಡೆದ ಆಯ್ಕ ಪ್ರಕ್ರಿಯೆಯಲ್ಲಿ ಟಾಪರ್ ಆಗಿ ರೂಪೇಶ್ ಶೆಟ್ಟಿ ಹೊರ ಹೊಮ್ಮಿದ್ದಾರೆ.
ಬಿಗ್ಬಾಸ್ ಸೀಸನ್ 9ಗೆ ಒಟಿಟಿ ಸೀಸನ್ನಿಂದ ರೂಪೇಶ್ ಶೆಟ್ಟಿ, ರಾಕೇಶ್ ಅಡಿಗ, ಆರ್ಯವರ್ಧನ ಗುರೂಜಿ ಹಾಗೂ ಸಾನ್ಯಾ ಅಯ್ಯರ್ ಆಯ್ಕೆಯಾಗಿದ್ದಾರೆ. ಟಾಪ್ 4 ಸ್ಥಾನಕ್ಕಾಗಿ ಸಾನ್ಯಾ ಅಯ್ಯರ್ ಹಾಗೂ ಸೋನು ಗೌಡ ನಡುವೆ ತೀರ್ವ ಪೈಪೋಟಿ ಏರ್ಪಟ್ಟಿತ್ತು. ಆದರೆ ಕೊನೆಯಲ್ಲಿ ಕಿಚ್ಚ ಸುದೀಪ್ ಬಿಗ್ ಬಾಸ್ ಕನ್ನಡ ಒಟಿಟಿ ಸೀಸನ್ ಒಂದರ ಟಾಪ್ 4 ಸ್ಪರ್ಧಿ ಸಾನ್ಯಾ ಅಯ್ಯರ್ ಎಂದು ಘೋಷಣೆ ಮಾಡಿದ್ದಾರೆ.
ಬಿಗ್ಬಾಸ್ ಒಟಿಟಿ ಸೀಸನ್ 1ರ ಫಿನಾಲೆ ಸ್ಪರ್ಧಿಗಳಾಗಿದ್ದ ಸೋಮಣ್ಣ ಮಾಚಿಮಾಡ, ಜಶ್ವಂತ್, ಜಯಶ್ರೀ ಹಾಗೂ ಸೋನು ಗೌಡ ಬಿಗ್ಬಾಸ್ ಸೀಸನ್ 9ಗೆ ಪ್ರವೇಶ ಪಡೆಯುವ ಅವಕಾಶದಿಂದ ವಂಚಿತರಾಗಿದ್ದಾರೆ. ಬಿಗ್ಬಾಸ್ ಒಟಿಟಿ ಸೀಸನ್ ಒಂದಕ್ಕೆ ವಿನ್ನರ್ ಎಂದು ಯಾರೂ ಇರುವುದಿಲ್ಲ. ವೂಟ್ ಆ್ಯಪ್ನಲ್ಲಿ ವೀಕ್ಷಕರು ನೀಡಿದ ಮತಗಳನ್ನು ಆಧರಿಸಿ ಅತ್ಯಧಿಕ ಮತಗಳನ್ನು ಪಡೆದಿರುವ ರೂಪೇಶ್ ಶೆಟ್ಟಿಯನ್ನು ಟಾಪರ್ ಎಂದು ಘೋಷಣೆ ಮಾಡಲಾಗಿದೆ. ಜನಪ್ರಿಯ ಸ್ಪರ್ಧಿ ಎಂಬ ಶೀರ್ಷಿಕೆ ಪಡೆದ ರೂಪೇಶ್ ಶೆಟ್ಟಿಗೆ ಬಹುಮಾನದ ರೂಪದಲ್ಲಿ ಐದು ಲಕ್ಷ ರೂಪಾಯಿಗಳನ್ನು ನೀಡಲಾಗಿದೆ.
ಬಿಗ್ಬಾಸ್ ಒಟಿಟಿ ಸೀಸನ್ನ ಐದನೇ ವಾರದಲ್ಲಿ ಹಣ ಗಳಿಕೆ ಮಾಡಲು ಬಿಗ್ಬಾಸ್ ಸ್ಪರ್ಧಿಗಳಿಗೆ ಅವಕಾಶ ನೀಡಲಾಗಿತ್ತು. ವಿವಿಧ ಸ್ಪರ್ಧೆಗಳಲ್ಲಿ ಭಾಗಿಯಾಗಿ ಸ್ಪರ್ಧಿಗಳು 2,86,000 ರೂಪಾಯಿಗಳನ್ನು ಗೆದ್ದಿದ್ದರು. ಈ ಹಣ ಹಾಗೂ 2,14,000 ರೂಪಾಯಿಗಳನ್ನು ಸೇರಿಸಿ ರೂಪೇಶ್ ಶೆಟ್ಟಿ ಒಟ್ಟು ಐದು ಲಕ್ಷ ರೂಪಾಯಿಗಳ ಚೆಕ್ನ್ನು ಸ್ವೀಕರಿಸಿದ್ದಾರೆ. ಬಿಗ್ ಬಾಸ್ ಒಟಿಟಿ ಸೀಸನ್ನಲ್ಲಿ ಟಾಪರ್ ಎನಿಸಿರುವ ರೂಪೇಶ್ ಶೆಟ್ಟಿ ಬಿಗ್ಬಾಸ್ ಸೀಸನ್ 9ನಲ್ಲಿ ಯಾವ ರೀತಿ ಕಮಾಲ್ ಮಾಡ್ತಾರೆ ಅಂತಾ ಕಾದು ನೋಡಬೇಕಿದೆ.
ಇದನ್ನು ಓದಿ : Super Sub Rules in Domestic Cricket: ಸೈಯದ್ ಮುಷ್ತಾಕ್ ಅಲಿ ಟಿ20ಗೆ ಸೂಪರ್ ಸಬ್ ವಾಪಸ್: ಐಪಿಎಲ್ಗೂ ಬರಲಿದೆ ಬಿಸಿಸಿಐನ ಹೊಸ ರೂಲ್ಸ್?
ಇದನ್ನೂ ಓದಿ : 56inch Modi Ji Thali : ಮೋದಿ ಬರ್ತಡೇಗೆ ಬನ್ನಿ: ಊಟ ಮಾಡಿ 8.5 ಲಕ್ಷ ಬಹುಮಾನ ಗೆಲ್ಲಿ….!
Bigg Boss Kannada Ott 1 Roopesh Shetty Emerges As Topper Of Bigg Boss Kannada Ott 1
Comments are closed.