KGF 2 U / A : ಕೆಜಿಎಫ್-2 ಗೆ ಸೆನ್ಸಾರ್ ಬೋರ್ಡ್ U/A ಗ್ರೀನ್ ಸಿಗ್ನಲ್ : ಪ್ರಮೋಶನ್ ಗೆ ಖಾಸಗಿ ವಿಮಾನ ಏರಿದ ಯಶ್

By Kannada News Next Desk Last updated ಮಾರ್ಚ್ 31, 2022

ಕಳೆದ ಎರಡು ಮೂರು ವರ್ಷದಿಂದ ಸಿನಿಪ್ರಿಯರು ಕಾತುರತೆಯಿಂದ ಕಾಯ್ತಿದ್ದ ಸಿನಿಮಾ ರಿಲೀಸ್ ಗೆ ಸಿದ್ಧತೆ ನಡೆದಿದೆ. ಮೊನ್ನೆ ಮೊನ್ನೆ ತೆರೆ ಕಂಡ ಕೆಜಿಎಫ್-2 ಟ್ರೇಲರ್ ದಾಖಲೆ ಮೇಲೆ ದಾಖಲೆ ಬರೆಯುತ್ತಿದೆ. ಈ ಮಧ್ಯೆ ಸಿನಿಮಾಗೆ ಸೆನ್ಸಾರ್ ಬೋರ್ಡ್ ಸರ್ಟಿಫೀಕೇಟ್ (KGF 2 U / A) ಕೂಡ ಸಿಕ್ಕಿದ್ದು ಖಾಸಗಿ ವಿಮಾನದಲ್ಲಿ ಚಿತ್ರತಂಡ ಟ್ರಿಪ್ ಆರಂಭಿಸಿದೆ. ಹೌದು ಇನ್ನೇನು ಕೆಜಿಎಫ್-2 ಸಿನಿಮಾ ರಿಲೀಸ್ ಗೆ ದಿನಗಣನೆ ಆರಂಭವಾಗಿದೆ. ಸಾಲು ಸಾಲು ರಜಾದಿನಗಳನ್ನೇ ಗಮನದಲ್ಲಿಟ್ಟುಕೊಂಡು ಏಪ್ರಿಲ್ 14 ರಂದು ಕೆಜಿಎಫ್-2 ರಿಲೀಸ್ ಮಾಡಲು ಚಿತ್ರತಂಡ ಸಿದ್ಧವಾಗಿದೆ.

KGF 2 U / A Certificate censor board, Yash private plane Travel for promotion

ಈ ಮಧ್ಯೆ ಕೆಜಿಎಫ್-2 ಸಿನಿಮಾಕ್ಕೆ ಸೆನ್ಸಾರ್ ಮಂಡಳಿಯು KGF U/A ಸರ್ಟಿಫಿಕೇಟ್ ನೀಡಿದೆ. ಹಾಗಾಗಿ ನೀವು ಫ್ಯಾಮಿಲಿ ಜೊತೆ ಆರಾಂವಾಗಿ ಕೆಜಿಎಫ್-2 ಸಿನಿಮಾ ನೋಡಬಹು ದಾಗಿದೆ. ಇನ್ನೂ ಸೆನ್ಸಾರ್ ಮಂಡಳಿ ದಾಖಲೆ ಪ್ರಕಾರ ಕೆಜಿಎಫ್ ಸಿನಿಮಾಗಿಂತ ಕೆಜಿಎಫ್-2 ಸಿನಿಮಾ 13 ನಿಮಿಷಗಳ ಕಾಲ ಹೆಚ್ಚುವರಿ ಅವಧಿಯನ್ನು ಹೊಂದಿದೆ.

ಕೆಜಿಎಫ್ (KGF) ಸಿನಿಮಾ 2 ಗಂಟೆ 35 ನಿಮಿಷಗಳ ಅವಧಿಯನ್ನು ಹೊಂದಿತ್ತು. ಈಗ ತೆರೆಗೆ ಬರ್ತಿರೋ ಕೆಜಿಎಫ್-2 ಸಿನಿಮಾ 2 ಗಂಟೆ 48 ನಿಮಿಷಗಳ ಕಾಲಾವಧಿಯನ್ನು ಹೊಂದಿದೆ. ಇನ್ನು ಕೆಜಿಎಫ್-2 ಸಿನಿಮಾ ಒಂದೇ ಭಾರಿಗೆ ಹಲವು ಭಾಷೆಗಳಲ್ಲಿ ತೆರೆಗೆ ಬರಲಿದೆ. ಹೀಗಾಗಿ ಸಿನಿಮಾದ ಪ್ರಚಾರಕ್ಕಾಗಿ ಕೆಜಿಎಫ್-2 ಸಿನಿಮಾ ತಂಡ ಖಾಸಗಿ ವಿಮಾನದಲ್ಲಿ ಪ್ರಯಾಣಿಸಿದ್ದಾರೆ. ನಟ ಯಶ್, ನಿರ್ಮಾಪಕ ವಿಜಯ್ ಕಿರಂಗದೂರು, ನಿರ್ದೇಶಕ ಪ್ರಶಾಂತ್ ನೀಲ್, ನಾಯಕಿ ಶ್ರೀನಿಧಿ ಶೆಟ್ಟಿ ಸೇರಿದಂತೆ ಹಲವರು ಖಾಸಗಿ ವಿಮಾನದಲ್ಲಿ ಪ್ರಚಾರಕ್ಕಾಗಿ ಮುಂಬೈ ಸೇರಿದಂತೆ ಹಲವು ಮಹಾನಗರಗಳಿಗೆ ತೆರಳಿದ್ದಾರೆ.

ಹಲವು ಮಹಾನ ನಗರದಲ್ಲಿ ಕೆಜಿಎಫ್-2 ಚಿತ್ರತಂಡ ಸುದ್ದಿಗೋಷ್ಠಿ ನಡೆಸಲಿದೆಯಂತೆ. ಕನ್ನಡ, ಹಿಂದಿ, ತೆಲುಗು, ತಮಿಳು ಹಾಗೂ ಮಲೆಯಾಳಂ ನಲ್ಲಿ ಏಕಕಾಲಕ್ಕೆ ರಿಲೀಸ್ ಆಗಲಿದ್ದು, ದೇಶದಲ್ಲಿ ಒಟ್ಟು 7 ಸಾವಿರ ಚಿತ್ರಮಂದಿರದಲ್ಲಿ ತೆರೆಗೆ ತರೋ ಸಿದ್ಧತೆಯಲ್ಲಿದೆ ಚಿತ್ರತಂಡ. ಈ ಪೈಕಿ ಕರ್ನಾಟಕದಲ್ಲಿ 450 ಚಿತ್ರಮಂದಿರದಲ್ಲಿ ಹಾಗೂ ತಮಿಳಿನಲ್ಲಿ 2 ಸಾವಿರ ಚಿತ್ರಮಂದಿರದಲ್ಲಿ ರಣಭೇಟೆಗಾರನ ಆರ್ಭಟ ನೋಡಲು ಅವಕಾಶ ಸಿಗಲಿದೆ ಎನ್ನಲಾಗುತ್ತಿದೆ. ಅಲ್ಲದೇ ಸೋಷಿಯಲ್ ಮೀಡಿಯಾದಲ್ಲೂ ಕೆಜಿಎಫ್-2 ಚಿತ್ರತಂಡದ ಹವಾ ಜೋರಾಗಿದ್ದು, ಯೂಟ್ಯೂಬ್ ನಲ್ಲಿ ಕೆಜಿಎಫ್-2 ಟ್ರೇಲರ್ ದಾಖಲೆ ಬರೆಯುತ್ತ ಸಾಗಿದೆ.