sudeep has gone to delhi : 13 ವರ್ಷಗಳ ಬಳಿಕ ದೆಹಲಿಗೆ ಹಾರಿದ ಕಿಚ್ಚ ಸುದೀಪ : ಪ್ರಹ್ಲಾದ್​ ಜೋಶಿ ಜೊತೆ ಮಾತುಕತೆ

sudeep has gone to delhi : ಸ್ಯಾಂಡಲ್​ವುಡ್​ನಲ್ಲಿ ಸಧ್ಯ ಸಾಲು ಸಾಲು ಹಿಟ್​ ಸಿನಿಮಾಗಳು ಪ್ರದರ್ಶನ ಕಾಣುತ್ತಿದ್ದು ಚಂದನವನದ ಪಾಲಿಗೆ ಇದೊಂದು ರೀತಿಯಲ್ಲಿ ಸುವರ್ಣಯುಗ ಎನಿಸಿದೆ. ಇದೀಗ ನಟ ಕಿಚ್ಚ ಸುದೀಪ ನಟನೆಯ ವಿಕ್ರಾಂತ್​ ರೋಣ ಸಿನಿಮಾ ಬಿಡುಗಡೆಗೆ ಸಜ್ಜಾಗಿದ್ದು ಸಿನಿಮಾದ ಮೇಲಿನ ನಿರೀಕ್ಷೆ ಕೂಡ ಹೆಚ್ಚೇ ಇದೆ. ಈಗಾಗಲೇ ವಿಕ್ರಾಂತ್​ ರೋಣ ಸಿನಿಮಾದ ಟ್ರೈಲರ್​, ಹಾಡುಗಳು ಸಖತ್​ ವೈರಲ್​ ಆಗಿದೆ. ಅದರಲ್ಲೂ ರಾ ರಾ ರಕ್ಕಮ್ಮ ಎಂಬ ಗೀತೆ ಇಂಟರ್ನೆಟ್​ನಲ್ಲಿ ಸಂಚಲನವನ್ನೇ ಸೃಷ್ಟಿಸಿದೆ.

ಈ ಎಲ್ಲದರ ನಡುವೆ ನಟ ಕಿಚ್ಚ ಸುದೀಪ ಬರೋಬ್ಬರಿ 13 ವರ್ಷಗಳ ಬಳಿಕ ದೆಹಲಿಗೆ ಪ್ರಯಾಣ ಬೆಳೆಸಿದ್ದು ಕೇಂದ್ರ ಸಚಿವ ಪ್ರಹ್ಲಾದ್​ ಜೋಶಿ ಜೊತೆಯಲ್ಲಿ ಉಪಹಾರವನ್ನು ಸೇವಿಸಿದ್ದಾರೆ. ಈಗ ಸಿನಿಮಾ ಚಿತ್ರೀಕರಣದ ಸಂದರ್ಭದಲ್ಲಿ ದೆಹಲಿಗೆ ತೆರಳಿದ್ದ ನಟ ಸುದೀಪ ಇದಾದ ಬಳಿಕ ದೆಹಲಿ ಕಡೆಗೆ ಪ್ರಯಾಣ ಬೆಳೆಸಿರಲಿಲ್ಲ. ಇದೀಗ ತಮ್ಮ ವಿಕ್ರಾಂತ್​ ರೋಣ ಸಿನಿಮಾದ ಪ್ರಚಾರಕ್ಕಾಗಿ ಸುದೀಪ ದೆಹಲಿ ಕಡೆ ಮುಖ ಮಾಡಿದ್ದಾರೆ.

ಜುಲೈ 28ರಂದು ವಿಕ್ರಾಂತ್​ ರೋಣ ಸಿನಿಮಾ ವಿಶ್ವಾದ್ಯಂತ ತೆರೆ ಕಾಣಲಿದೆ . ಈ ಸಂಬಂಧ ದೆಹಲಿಗೆ ಪ್ರಚಾರ ಕಾರ್ಯಕ್ಕಾಗಿ ತೆರಳಿದ್ದ ಸುದೀಪ ಕೇಂದ್ರ ಸಚಿವ ಪ್ರಹ್ಲಾದ್​ ಜೋಶಿಯನ್ನು ಭೇಟಿಯಾದ್ರು. ಪ್ರಹ್ಲಾದ್​ ಜೋಶಿ ಜೊತೆಯಲ್ಲಿ ಬೆಳಗಿನ ಉಪಹಾರ ಸೇವಿಸಿದ ಸುದೀಪ ಕೆಲ ಕಾಲ ಮಾತುಕತೆಯನ್ನು ನಡೆಸಿದ್ದಾರೆ. ಪ್ರಹ್ಲಾದ್​ ಜೋಶಿ ನಟ ಸುದೀಪರಿಗೆ ಶಾಲು ಹೊದಿಸಿ ಗೌರವ ಸೂಚಿಸಿದ್ದಾರೆ.

ಕಿಚ್ಚ ಸುದೀಪ ಸದ್ಯ ಉತ್ತರ ಭಾರತದಲ್ಲಿ ವಿಕ್ರಾಂತ್​ ರೋಣ ಸಿನಿಮಾ ಪ್ರಮೋಷನ್​ ಮಾಡ್ತಿದ್ದಾರೆ. ಕೆಜಿಎಫ್​ 2 ಸಿನಿಮಾದ ಬಳಿಕ ಸ್ಯಾಂಡಲ್​ವುಡ್​ನ ಮತ್ತೊಂದು ಪ್ಯಾನ್ ಇಂಡಿಯಾ ಸಿನಿಮಾ ಎನಿಸಿರುವ ವಿಕ್ರಾಂತ್​ ರೋಣಗೆ ಅನುಪ್​ ಭಂಡಾರಿ ನಿರ್ದೇಶನವಿದೆ. ಜಾಕ್​ ಮಂಜು ಈ ಸಿನಿಮಾದ ನಿರ್ಮಾಪಕರಾಗಿದ್ದು 3 ಡಿ ಆವೃತ್ತಿಯಲ್ಲೊ ಜುಲೈ 28ರಂದು ಗ್ರ್ಯಾಂಡ್​ ರಿಲೀಸ್​ ಕಾಣಲಿದೆ.

ಇದನ್ನು ಓದಿ : File Income Tax Returns : ITR ಅನ್ನು ಆನ್‌ಲೈನ್‌ ನಲ್ಲಿ ಫೈಲ್‌ ಮಾಡಿ, ದಂಡದಿಂದ ತಪ್ಪಿಸಿಕೊಳ್ಳಿ!

ಇದನ್ನೂ ಓದಿ : Robin Uthappa blessed with a baby girl : ರಾಬಿನ್ ಉತ್ತಪ್ಪಗೆ ಹೆಣ್ಣು ಮಗು, 2ನೇ ಮಗುವಿಗೆ ತಂದೆಯಾದ ಕೊಡಗಿನ ವೀರ

sudeep has gone to delhi after 13 years to promote vikrant rona movie and this time he met pralhad joshi