Covid 19 Free Countries : ಈ ದೇಶಗಳಲ್ಲಿ ಕೊರೊನಾ ವೈರಸ್‌ನ ಒಂದೇ ಒಂದು ಪ್ರಕರಣವೂ ಇಲ್ಲ!

ಜಗತ್ತು ಎರಡು ವರ್ಷಗಳಿಗಿಂತಲೂ ಹೆಚ್ಚು ಕಾಲದಿಂದ ಕೊರೊನಾ ವೈರಸ್ ಸಾಂಕ್ರಾಮಿಕ ರೋಗವನ್ನು ಎದುರಿಸುತ್ತಿದೆ. ಸಾವಿರಾರು ಜನರು ಸೋಂಕಿಗೆ ಬಲಿಯಾಗುತ್ತಿದ್ದಾರೆ. ಕೊರೊನಾ ಲಸಿಕೆಯನ್ನು ಆದಷ್ಟು ಹೆಚ್ಚಿನ ಸಂಖ್ಯೆಯಲ್ಲಿ ವಿತರಣೆ ಮಾಡಲಾಗುತ್ತಿದೆ. ಕೊರೊನಾ ನಿಯಮಗಳನ್ನು ಹಲವು ದೇಶಗಳು ಬಿಗಿಗೊಳಿಸುತ್ತಿವೆ. ತಿಳಿಗೊಳಿಸುತ್ತಿವೆ. ಆದರೆ ಸದ್ಯ ಕೊರೊನಾ ವೈರಸ್‌ನ ಒಂದು ಪ್ರಕರಣಗಳೂ ಇಲ್ಲದ ದೇಶಗಳು ಸಹ ಇವೆ ಎಂದು ತಿಳಿದರೆ ನಿಮಗೆ ಅಚ್ಚರಿಯಾಗಬಹುದು. ಈಕುರಿತು ವಿಶ್ವ ಆರೋಗ್ಯ ಸಂಸ್ಥೆಯೇ (WHO) ಅಧಿಕೃತ ಮಾಹಿತಿ ನೀಡಿದ್ದು ಸದ್ಯ ಜಗತ್ತಿನಲ್ಲಿ ಕೊರೊನಾ ವೈರಾಣು ತಗುಲದ (Covid 19 Free Countries) ಜನರಿರುವ ಒಟ್ಟು 10 ದೇಶಗಳಿವೆ ಎಂದು ತಿಳಿಸಿದೆ. ಈಕುರಿತು ನಾವು ನಿಮಗೆ ವಿವರಿಸಿದ್ದೇವೆ. ಈ ದೇಶಗಳು ಮತ್ತು ಪ್ರಾಂತ್ಯಗಳಲ್ಲಿ ಹೆಚ್ಚಿನವು ಪೆಸಿಫಿಕ್ ಮತ್ತು ಅಟ್ಲಾಂಟಿಕ್ ಸಾಗರಗಳಲ್ಲಿನ ದ್ವೀಪಗಳಾಗಿವೆ.

ತುವಾಲು: ಇದು ಹವಳಗಳಿಂದ ಕೂಡಿದ ಒಟ್ಟು ಒಂಭತ್ತು ದ್ವೀಪಗಳ ಗುಂಪು. ಕಾಮನ್‌ವೆಲ್ತ್‌ ಸದಸ್ಯ  ದೇಶವಾಗಿದ್ದರೂ ತುವಾಲು ತನ್ನ ಗಡಿಗಳನ್ನು ಮುಚ್ಚುವ ಮೂಲಕ ಮತ್ತು ಕಡ್ಡಾಯ ಸಂಪರ್ಕ ತಡೆಯನ್ನು ಮಾಡುವ ಮೂಲಕ ಕೋವಿಡ್ -19 ಸೋಂಕು ದ್ವೀಪವನ್ನು ಪ್ರವೇಶಿಸದಂತೆ ತಡೆಗಟ್ಟಿದೆ. WHO ಪ್ರಕಾರ ಈ ದ್ವೀಗಳ ಪ್ರತಿ 100 ಜನರಲ್ಲಿ 50 ಜನರಿಗೆ ಸಂಪೂರ್ಣವಾಗಿ ಲಸಿಕೆ ವಿತರಿಸಲಾಗಿದೆ.

Tokelau: ದಕ್ಷಿಣ ಪೆಸಿಫಿಕ್‌ನಲ್ಲಿರುವ ಈ ದ್ವೀಪ ಹವಳಗಳ ದಂಡೆಯನ್ನು ಹೊಂದಿರುವ ದ್ವೀಪಸಮೂಹವಾಗಿದೆ. ಈ ದ್ವೀಪಗಳು WHO ನಿಂದ ಕೋವಿಡ್ -19 ಸೋಂಕುಮುಕ್ತವಾಗಿರುವ ದ್ವೀಪ ಎಂದು ಪಟ್ಟಿ ಮಾಡಲಾಗಿದೆ. ಈ ದ್ವೀಪವು ನ್ಯೂಜಿಲೆಂಡ್‌ನ ಸಮೀಪದಲ್ಲಿದೆ ಮತ್ತು 1,500 ಜನಸಂಖ್ಯೆಯನ್ನು ಹೊಂದಿರುವ ಒಂದೇ ವಿಮಾನ ನಿಲ್ದಾಣವನ್ನು ಹೊಂದಿರುವ ದೇಶವಾಗಿದೆ.

ಸೇಂಟ್ ಹೆಲೆನಾ: ದಕ್ಷಿಣ ಅಟ್ಲಾಂಟಿಕ್ ಸಾಗರದಲ್ಲಿದೆ, ಇದು ಬ್ರಿಟಿಷ್ ಸಾಗರೋತ್ತರ ಪ್ರದೇಶವಾಗಿದೆ. WHO ಪ್ರಕಾರ, ಸೇಂಟ್ ಹೆಲೆನಾದಲ್ಲಿ 100 ಕ್ಕೆ 58.16 ಜನರು ಸಂಪೂರ್ಣವಾಗಿ ಲಸಿಕೆಯನ್ನು ಹೊಂದಿದ್ದಾರೆ.

ಇದನ್ನೂ ಓದಿ: Reason For Not Having Boyfriend : ನಿಮಗೆ ಬಾಯ್‌ಫ್ರೆಂಡ್ ಸಿಗದೇ ಇರಲು ಕಾರಣ ಏನಿರಬಹುದು?

ಪಿಟ್ಕೈರ್ನ್ ದ್ವೀಪಗಳು: ಪೆಸಿಫಿಕ್ ಸಾಗರದಲ್ಲಿರುವ ದ್ವೀಪಗಳಾಗಿರುವ ಇವುಗಳ ಕುರಿತು ಅಮೆರಿಕದ ಕೇಂದ್ರೀಯ ಗುಪ್ತಚರ ಸಂಸ್ಥೆ (CIA) ಸಂಪೂರ್ಣ ಮಾಹಿತಿ ಹೊಂದಿದೆ. ಪಾಲಿನೇಷ್ಯನ್ನರು ಪಿಟ್‌ಕೈರ್ನ್ ದ್ವೀಪಗಳ ಮೊದಲ ನಿವಾಸಿಗಳು ಎಂದು ಅದು ಹೇಳುತ್ತದೆ, ಆದರೆ 1606 ರಲ್ಲಿ ಯುರೋಪಿಯನ್ನರು ಈ ದ್ವೀಪಗಳಿಗೆ ಕಾಲಿಟ್ಟಾಗ ಅಲ್ಲಿ ಜನವಸತಿ ಇರಲಿಲ್ಲ. WHO ಪ್ರಕಾರ, ಪ್ರತಿ 100 ಕ್ಕೆ 74 ಜನರಿಗೆ ಕೊವಿಡ್ ಲಸಿಕೆಯನ್ನು ಹಾಕಲಾಗಿದೆ.

ನೌರು: ಆಸ್ಟ್ರೇಲಿಯಾದ ಈಶಾನ್ಯ ಭಾಗದಲ್ಲಿರುವ ಈ ಪುಟ್ಟ ದೇಶವನ್ನು ಎರಡನೆಯ ಮಹಾಯುದ್ಧದ ಸಮಯದಲ್ಲಿ ಜಪಾನ್ ತನ್ನ ನೆಲೆಯನ್ನಾಗಿ ಬಳಸಿಕೊಂಡಿತ್ತು. ಇಲ್ಲಿ ಪ್ರತಿ 100ರಲ್ಲಿ 68 ಜನರು ಇಲ್ಲಿ ಸಂಪೂರ್ಣವಾಗಿ ಕೋವಿಡ್ -19 ಲಸಿಕೆ ಪಡೆದಿದ್ದಾರೆ.

ನಿಯು: ಇದು ದಕ್ಷಿಣ ಪೆಸಿಫಿಕ್ ಸಾಗರದಲ್ಲಿರುವ ಮತ್ತೊಂದು ದ್ವೀಪ ರಾಷ್ಟ್ರವಾಗಿದೆ. ಇದು  ಕಲ್ಲಿದ್ದಲು-ರೀಫ್ ಡೈವ್ ಸೈಟ್‌ಗಳಿಗೆ ಹೆಸರುವಾಸಿಯಾಗಿದೆ. WHO ಪಟ್ಟಿಯ ಪ್ರಕಾರ, ಪ್ರತಿ 100 ಕ್ಕೂ ಹೆಚ್ಚು ಜನರು ಇಲ್ಲಿ ಕೋವಿಡ್ -19 ವಿರುದ್ಧ ಸಂಪೂರ್ಣವಾಗಿ ಲಸಿಕೆಯನ್ನು ಪಡೆದುಕೊಂಡಿದ್ದಾರೆ.

ಮೈಕ್ರೋನೇಷಿಯಾ: ಇದು ನಾಲ್ಕು ರಾಜ್ಯಗಳನ್ನು ಒಳಗೊಂಡಿದೆ. ನಾಲ್ಕು ದ್ವೀಪಗಳನ್ನು ಕೂಡಿ ಮೈಕ್ರೋನೇಷ್ಯಾ ಫೆಡರೇಟೆಡ್ ಸ್ಟೇಟ್ಸ್ ಎಂದು ಕರೆಸಿಕೊಳ್ಲುತ್ತದೆ ಎಂದು CIA ವೆಬ್‌ಸೈಟ್ ತಿಳಿಸಿದೆ. WHO ಪ್ರಕಾರ, ಮೈಕ್ರೋನೇಷಿಯಾದಲ್ಲಿ ಪ್ರತಿ 100 ಜನರಲ್ಲಿ 38.37 ಲಸಿಕೆ ವಿತರಣೆ ಆಗಿದೆ.

ಇದನ್ನೂ ಓದಿ: China: ಚೀನಾ ಹೆದರುವುದು ಈ ಎರಡು ವಿಷಯಕ್ಕೆ ಮಾತ್ರ!

(Covid 19 Free Countries says WHO)