ಪ್ರತಿಷ್ಠಿತ ಐಟಿ ಕಂಪನಿಯಲ್ಲಿ ಕಾರ್ಪೋರೇಟ್ ಜಿಹಾದ್ : 7 ಮಂದಿ ಆರೋಪಿಗಳ ಬಂಧನ
ದೇಶಾದ್ಯಂತ ಲವ್ಜಿಹಾದ್ ಪ್ರಕರಣಗಳು ಮಿತಿಮೀರುತ್ತಿರುವ ಬೆನ್ನಲ್ಲೇ ಇದೀಗ ಕಾರ್ಪೋರೇಟ್ ಜಿಹಾದ್ ಎನ್ನುವ ಹೊಸ ಆಘಾತಕಾರಿ ಬೆಳವಣಿಗೆಯೊಂದು ಐಟಿ ಕಂಪನಿಗಳನ್ನು ಪ್ರವೇಶಿಸಿದ್ದು ಆತಂಕಕ್ಕೆ ಕಾರಣವಾಗಿದೆ. ಮಹಾರಾಷ್ಟ್ರದ ನಾಸಿಕ್ನಲ್ಲಿರುವ ಪ್ರತಿಷ್ಠಿತ ಕಂಪನಿಯೊಂದರಲ್ಲಿ ಹಿಂದೂ ಯುವತಿಯರನ್ನು ಗುರಿಯಾಗಿಸಿ ಕಾರ್ಪೋರೇಟ್ ಜಿಹಾದ್ ಮಾಡುವ ಪ್ರಯತ್ನ ಮಾಡಲಾಗಿದೆ. ಹಿಂದೂ ಹೆಣ್ಣು ಮಕ್ಕಳಿಗೆ ಮುಂಬಡ್ತಿ ಆಮಿಷ ತೋರಿಸಿ ಬಲವಂತದ ಮತಾಂತರ, ಲೈಂಗಿಕ ಕಿರುಕುಳ ಹಾಗೂ ಗೋಮಾಂಸ ತಿನ್ನುವಂತೆ ಒತ್ತಡ ಹೇರಲಾಗುತ್ತಿದೆ ಎಂಬ ಆರೋಪ ಎದುರಾಗಿದೆ.
ನಾಸಿಕ್ ಸಾತ್ಪುರ ಎಂಬಲ್ಲಿರುವ ಪ್ರತಿಷ್ಠಿತ ಬಿಪಿಓ ಐಟಿ ಕಂಪನಿಯೊಂದರಲ್ಲಿ ಮುಸ್ಲಿಂ ಮ್ಯಾನೇಜರುಗಳ ಅಡಿಯಲ್ಲಿ ಕೆಲಸ ನಿರ್ವಹಿಸುತ್ತಿದ್ದ ಹಿಂದೂ ಯುವತಿಯರು ಈ ಕಿರುಕುಳ ಅನುಭವಿಸಿದ್ದಾರೆ. ಈ ಪ್ರಕರಣ ಸಂಬಂಧ ಓರ್ವಮಹಿಳೆಯೂ ಸೇರಿದಂತೆ 7 ಆರೋಪಿಗಳನ್ನು ಪೊಲೀಸರು ಬಂಧಿಸಿದ್ದಾರೆ. ಉದ್ಯೋಗದಲ್ಲಿ ಬಡ್ತಿ ಹಾಗೂ ಸಂಬಳ ಏರಿಕೆ ಮಾಡಬೇಕು ಎಂದರೆ ನಮಾಜ್ ಮಾಡಬೇಕು ಹಾಗೂ ಗೋಮಾಂಸ ತಿನ್ನಬೇಕು ಎಂದು ಕಿರುಕುಳ ನೀಡಲಾಗುತ್ತಿತ್ತು. ಲೈಂಗಿಕ ಹಿಂಸೆ ಕೂಡ ನೀಡುತ್ತಿದ್ದರು ಎಂದು ಯುವತಿಯರು ಆರೋಪಿಸಿದ್ದಾರೆ. ಈ ಪ್ರಕರಣವನ್ನು ಬಿಜೆಪಿ ಮುಖಂಡರು ಕಾರ್ಪೋರೇಟ್ ಜಿಹಾದ್ ಎಂದು ಕರೆದಿದ್ದಾರೆ.
ಇದನ್ನೂ ಓದಿ: ಡೇಟಿಂಗ್ ಆ್ಯಪ್ ಬಳಸುವವರೇ ಎಚ್ಚರ ..ಎಚ್ಚರ..! ಮದುವೆಯಾಗುವುದಾಗಿ ನಂಬಿಸಿ ಟೆಕ್ಕಿಂಗ್ ಪಂಗನಾಮ
ಇನ್ನು ಬಂಧಿತರಾದ 7 ಆರೋಪಿಗಳನ್ನು ಆಸಿಫ್ ಅನ್ಸಾರಿ, ಶಫಿ ಶೇಖ್, ಶಾಹ್ರುಖ್ ಖುರೇಶಿ, ರಜಾ ಮೆಮನ್, ತೌಸೀಫ್ ಅಟ್ಟಾರ್, ದಾನಿಶ್ ಶೇಖ್ ಎಂದು ಗುರುತಿಸಲಾಗಿದೆ. ಮಹಿಳಾ ಎಚ್ಆರ್ ಹೆಸರು ಬಹಿರಂಗಗೊಂಡಿಲ್ಲ. ಈ ಎಲ್ಲಾ ಆರೋಪಿಗಳ ವಿರುದ್ಧ 9 ಎಫ್ಐಆರ್ ದಾಖಲಾಗಿದೆ. ಈ ಬಂಧಿತ ಆರೋಪಿಗಳು ಹಿಂದೂ ದೇವರನ್ನು ಅವಮಾನಿಸುತ್ತಿದ್ದರು ಎನ್ನಲಾಗಿದೆ. ಈಶ್ವರ ಲಿಂಗವನ್ನು ಜನನಾಂಗಕ್ಕೆ ಹೋಲಿಸುವುದು, ಶ್ರೀ ಕೃಷ್ಣನನ್ನ ಸ್ತ್ರೀ ಲೋಲ ಎಂದು ಕರೆಯುವುದು, ದ್ರೌಪದಿ ಓರ್ವ ವೇಶ್ಯೆ ಎಂದೆಲ್ಲ ಜರಿಯುತ್ತಿದ್ದರು ಎನ್ನಲಾಗಿದೆ. 2022ರಿಂದ ಈ ಕಂಪನಿಯಲ್ಲಿ ಇಂತಹ ಕಿರುಕುಳ ಆರಂಭಗೊಂಡಿದ್ದು 2026ರವೆಗೂ ಇದು ಮುಂದುವರಿದಿತ್ತು ಎಂದು ದೂರಿನಲ್ಲಿ ಉಲ್ಲೇಖಿಸಲಾಗಿದೆ.
