ಬೆಂಗಳೂರು : young woman raped : ಬಾಡಿಗೆಗೆ ವಾಸವಿದ್ದ ಯುವತಿಯ ಮನೆಗೆ ನುಗ್ಗಿದ ಮನೆಯ ಮಾಲೀಕ ಆಕೆಯ ತಲೆಗೆ ಗನ್ಪಾಯಿಂಟ್ ಇಟ್ಟು ಬೆದರಿಸಿ ಅತ್ಯಾಚಾರವೆಸಗಿದ ಘಟನೆಯು ಬೆಂಗಳೂರಿನ ಅಶೋಕ ನಗರ ಪೊಲೀಸ್ ಠಾಣೆ ವ್ಯಾಪ್ತಿಯಲ್ಲಿ ನಡೆದಿದೆ. ಪಶ್ಚಿಮ ಬಂಗಾಳ ಮೂಲದ ಯುವತಿಯ ಮೇಲೆ ಅತ್ಯಾಚಾರವೆಸಗಲಾಗಿದೆ. ಲೈಂಗಿಕ ದೌರ್ಜನ್ಯ ವೆಸಗಿದ ಮನೆ ಮಾಲೀಕ ಅನಿಲ್ ರವಿಶಂಕರ್ ಪ್ರಸಾದ್ ಮೂಲತಃ ಬಿಹಾರದ ನಿವಾಸಿಯಾಗಿದ್ದು ಈತನನ್ನು ಬಂಧಿಸಿರುವ ಅಶೋಕ ನಗರ ಠಾಣಾ ಪೊಲೀಸರು ಮೂರು ದಿನಗಳ ಕಾಲ ಆರೋಪಿಯನ್ನು ವಶಕ್ಕೆ ಪಡೆದಿದ್ದಾರೆ.
ಬೆಂಗಳೂರಿನಲ್ಲಿ ಟೈಲ್ಸ್ ಉದ್ಯಮ ಮಾಡುತ್ತಿದ್ದ ಆರೋಪಿ ಅನಿಲ್ ರವಿಶಂಕರ್ ಪ್ರಸಾದ್ ಸಂತ್ರಸ್ತೆಗೆ ಮಾರ್ಚ್ ತಿಂಗಳಿನಿಂದ ಮನೆ ಬಾಡಿಗೆಗೆ ನೀಡಿದ್ದ ಎನ್ನಲಾಗಿದೆ. ಬೆಂಗಳೂರಿನಲ್ಲಿ ಪದವಿ ವ್ಯಾಸಂಗ ಮಾಡುತ್ತಿದ್ದ ಯುವತಿಯ ಮನೆಗೆ ಆಗಾಗ ಸ್ನೇಹಿತರು ಭೇಟಿ ನೀಡುತ್ತಿದ್ದುದು ಅನಿಲ್ ರವಿಶಂಕರ್ ಪ್ರಸಾದ್ಗೆ ಕೋಪ ತರಿಸುತ್ತಿತ್ತು. ಈ ವಿಚಾರವಾಗಿ ಅನೇಕ ಬಾರಿ ಯುವತಿ ಹಾಗೂ ಮನೆ ಮಾಲೀಕನ ನಡುವೆ ಜಗಳ ಕೂಡ ನಡೆದಿತ್ತು. ಒಮ್ಮೆ ಯುವತಿಯ ಮನೆಗೆ ಬಂದಿದ್ದ ಯುವಕ ಒಂದು ದಿನ ಅಲ್ಲಿಯೇ ವಾಸವಿದ್ದ. ಇದರಿಂದ ಕೋಪಗೊಂಡ ಅನಿಲ್ ಬಾಡಿಗೆ ಮನೆಯಲ್ಲಿ ಅಕ್ರಮ ಚಟುವಟಿಕೆ ನಡೆಸುತ್ತೀರಾ ಎಂದು ಆಕ್ರೋಶ ಹೊರ ಹಾಕಿದ್ದ. ಮಾತ್ರವಲ್ಲದೇ ಯುವಕನ ಬೈಕ್ ಲಾಕ್ ಮಾಡಿ ಪೊಲೀಸರಿಗೆ ಮಾಹಿತಿ ನೀಡುವುದಾಗಿ ಬೆದರಿಕೆಯನ್ನೂ ಒಡ್ಡಿದ್ದ ಎನ್ನಲಾಗಿದೆ.
ಏಪ್ರಿಲ್ 11ನೇ ತಾರೀಖಿನಂದು ಯುವತಿಯ ಮನೆಗೆ ನುಗ್ಗಿದ ಮನೆ ಮಾಲೀಕ ಅನಿಲ್ ನಿನ್ನ ಜೊತೆ ಮಾತನಾಡಬೇಕೆಂದು ಯುವತಿಗೆ ಹೇಳಿದ್ದಾನೆ. ಬಳಿಕ ಆಕೆಯ ತಲೆಗೆ ರಿವಾಲ್ವರ್ ಇಟ್ಟು ನೀನು ನನ್ನೊಂದಿಗೆ ಸಂಭೋಗಕ್ಕೆ ಸಹಕರಿಸದೇ ಇದ್ದಲ್ಲಿ ಕೊಲೆ ಮಾಡುತ್ತೇನೆಂದು ಬೆದರಿಸಿ ಆಕೆಯ ಮೇಲೆ ಅತ್ಯಾಚಾರಗೈದು ತೆರಳಿದ್ದಾನೆ . ಈ ಘಟನೆ ನಡೆದು ಹಲವು ದಿನಗಳವರೆಗೂ ಸುಮ್ಮನೇ ಇದ್ದ ಯುವತಿಯು ಕೆಲ ದಿನಗಳ ಹಿಂದಷ್ಟೇ ಪೋಷಕರಿಗೆ ಈ ಬಗ್ಗೆ ಮಾಹಿತಿ ನೀಡಿದ್ದಾಳೆ. ಇದರಿಂದ ಆಕ್ರೋಶಗೊಂಡ ಪೋಷಕರು ಆರೋಪಿ ವಿರುದ್ಧ ದೂರು ನೀಡಿದ್ದು ಅದರಂತೆ ಪೊಲೀಸರು ಭಾನುವಾರ ಮನೆ ಮಾಲೀಕ ಅನಿಲ್ ರವಿಶಂಕರ್ ಪ್ರಸಾದ್ನನ್ನು ಬಂಧಿಸಿದ್ದಾರೆ.
ಇದನ್ನು ಓದಿ : Sunny Leone Autograph : ಅಭಿಮಾನಿ ಎದೆಮೇಲೆ ಸನ್ನಿ ಲಿಯೋನ್ ಆಟೋಗ್ರಾಫ್ : ಮಳೆ ಚಳಿಗೆ ಬಿಸಿ ಏರಿಸಿದ ಮಾದಕ ನಟಿ
young woman raped at gunpoint in bengaluru
Comments are closed.