Hair Care : ಈ ಮನೆಮದ್ದುಗಳನ್ನು ಉಪಯೋಗಿಸಿ ನಿಮ್ಮ ‘ಸ್ಪ್ಲಿಟ್‌ ಹೇರ್‌’ ಸಮಸ್ಯೆಯನ್ನು ದೂರಮಾಡಿಕೊಳ್ಳಿ

ಕೂದಲು ಉದುರುವುದು (Hair Fall) ಮತ್ತು ಒಣಗುವುದು (Dry Hair) ಇವೆಲ್ಲವೂ ಕೂದಲಿನ ಸಮಸ್ಯೆಯ ಲಕ್ಷಣಗಳಾಗಿವೆ. ಇದರಿಂದ ಕೂದಲಿನ ಸಮರ್ಪಕ ನಿರ್ವಹಣೆ ಕಷ್ಟಕರವಾಗಿರುತ್ತದೆ. ಆದ್ದರಿಂದ, ಕೂದಲಿನ ಬಗ್ಗೆ ಕಾಳಜಿ ವಹಿಸುವುದು ಮುಖ್ಯವಾಗಿದೆ. ನಿಮ್ಮ ಕೂದಲಿಗೆ ನಿಯಮಿತವಾಗಿ ಎಣ್ಣೆ ಹಚ್ಚಿ, ಮಸಾಜ್‌ ಮಾಡಿದರೂ ಕೂದಲಿನ ಸಮಸ್ಯೆಗಳು ಕೆಲವೊಮ್ಮೆ ನಿವಾರಣೆಯಾಗುವುದೇ ಇಲ್ಲ. ಆಗ ಕೂದಲಿನ ರಕ್ಷಣೆ (Hair Care home remedies) ಸ್ವಲ್ಪ ಕಷ್ಟವಾಗಿಬಿಡುತ್ತದೆ.

ನಿಮ್ಮ ಕೂದಲಿನ ಉದ್ದವನ್ನು ಸಂರಕ್ಷಿಸಲು ನೀವು ಬಯಸಿದರೆ, ನಿಮ್ಮ ಕೂದಲನ್ನು ನೀವು ಚೆನ್ನಾಗಿ ನೋಡಿಕೊಳ್ಳುವುದು ಮುಖ್ಯವಾಗಿದೆ. ನಿಮ್ಮ ಕೂದಲನ್ನು ಒಣಗಿಸಲು ಹೇರ್‌ ಡ್ರೈಯರ್‌ ಬಳಸುವುದನ್ನು ತಪ್ಪಿಸುವುದು ಸಹ ಮುಖ್ಯವಾಗಿದೆ, ಏಕೆಂದರೆ ಅದು ನಿಮ್ಮ ಕೂದಲನ್ನು ಹಾನಿಗೊಳಗಾಗಿಸಬಹುದು. ಇಲ್ಲಿ, ಸ್ಪ್ಲಿಟ್‌ ಹೇರ್‌ ಸಮಸ್ಯೆಗೆ ನೀವು ಬಳಸಬಹುದಾದ ಮನೆಮದ್ದುಗಳನ್ನು ಹೆಳಿದ್ದೇವೆ. ಅವುಗಳನ್ನು ಉಪಯೋಗಿಸಿ ನಿಮ್ಮ ಸಮಸ್ಯೆಗೆ ಪರಿಹಾರ ಕಂಡುಕೊಳ್ಳಿ.

• ತೆಂಗಿನ ಎಣ್ಣೆ:
  ಕೂದಲಿನ ಸಮಸ್ಯೆಗಳಿಗೆ ನೈಸರ್ಗಿಕ ಪರಿಹಾರವಾಗಿ ಇದನ್ನು ಬಳಸಲಾಗುತ್ತದೆ. ಹಾನಿಗೊಳಗಾದ ಕೂದಲಿನಿಂದ ಹಿಡಿದು, ತಲೆಹೊಟ್ಟು ಸಮಸ್ಯೆವರೆಗೂ ಇದು ನಿಮಗೆ ಉತ್ತಮ ಪರಿಹಾರ ನೀಡುತ್ತದೆ. ತೆಂಗಿನ ಎಣ್ಣೆಯು ಕೂದಲನ್ನು ರಕ್ಷಿಸುವ ಸಾಮರ್ಥ್ಯವನ್ನು ಹೊಂದಿದೆ ಮತ್ತು ಅದನ್ನು ಆರೋಗ್ಯವಾಗಿಡುತ್ತದೆ.
  
• ಅಲೋವೆರಾ:
  ಇದು ಹಲವರಿಗೆ ಅಚ್ಚುಮೆಚ್ಚಿನದಾಗಿದೆ ಮತ್ತು ಇದು ಸ್ಪ್ಲಿಟ್‌ ಹೇರ್‌ಗಳನ್ನು ತಪ್ಪಿಸಲು ನಿಮಗೆ ಸಹಾಯ ಮಾಡುತ್ತದೆ. ಇದರಲ್ಲಿರುವ ವಿಟಮಿನ್ E ಕೂದಲಿನ ಪೋಷಣೆಗೆ ಸಹಾಯ ಮಾಡುತ್ತದೆ. ನೀವು ಅಲೋವೆರಾವನ್ನು ಹೇರ್‌ ಮಾಸ್ಕ್‌ ನಂತೆಯೂ ಬಳಸಬಹುದು ಅಥವಾ ಅದನ್ನು ನೇರವಾಗಿ ನಿಮ್ಮ ನೆತ್ತಿಗೆ ಅನ್ವಯಿಸಬಹುದು.
  
• ಮೊಸರು:
  ಮೊಸರನ್ನು ನಿಮ್ಮ ಕೂದಲಿಗೆ ಹಚ್ಚುವುದರಿಂದ ಅದನ್ನು ತೇವಗೊಳಿಸಬಹುದು ಮತ್ತು ಇದು ನಿಮ್ಮ ನೆತ್ತಿಗೂ ಒಳ್ಳೆಯದು. ಸ್ನಾನದ ಮೊದಲು ನಿಮ್ಮ ಕೂದಲಿಗೆ ಮೊಸರನ್ನು ಹಚ್ಚಿ ನಂತರ ಸೌಮ್ಯವಾದ ಶಾಂಪೂವಿನಿಂದ ನಿಮ್ಮ ಕೂದಲನ್ನು ತೊಳೆಯಿರಿ. ಮೊಸರು ಕೂದಲು ಮತ್ತು ನೆತ್ತಿಯನ್ನು ತೇವಗೊಳಿಸಲು ಸಹಾಯ ಮಾಡುತ್ತದೆ ಮತ್ತು ಸಾಕಷ್ಟು ಪ್ರಮಾಣದ ಪೋಷಣೆಯನ್ನು ಒದಗಿಸುತ್ತದೆ.
  
• ಮೊಟ್ಟೆ:
  ಹಾನಿಗೊಳಗಾದ ಕೂದಲಿಗೆ ಇದು ಅತ್ಯುತ್ತಮ ಪರಿಹಾರವಾಗಿದೆ. ಮೊಟ್ಟೆಯಲ್ಲಿ ಪ್ರೊಟೀನ್‌ಗಳಿದ್ದು ಅದು ಕೂದಲಿಗೆ ಪೋಷಣೆ ನೀಡುವುದರ ಜೊತೆಗೆ ಸ್ಪ್ಲಿಟ್‌ ಹೇರ್‌ ಅನ್ನು ತಡೆಯುತ್ತದೆ. ಇದನ್ನು ನಿಮ್ಮ ಹೇರ್ ಮಾಸ್ಕ್‌ಗೆ ಸೇರಿಸಬಹುದು. ಮೊಟ್ಟೆಯ ವಾಸನೆಯನ್ನು ತಪ್ಪಿಸಲು ಕೆಲವು ಹನಿ ನಿಂಬೆ ರಸವನ್ನು ಸೇರಿಸಿ.

ಇದನ್ನೂ ಓದಿ : Monsoon Skin Care:ಮಾನ್ಸೂನ್ ಸಮಯದಲ್ಲಿ ಮೊಡವೆಗಳೊಂದಿಗೆ ಹೋರಾಡುತ್ತಿದ್ದೀರಾ? ಚರ್ಮದ ಆರೋಗ್ಯವನ್ನು ಸುಧಾರಿಸಲು ಇಲ್ಲಿವೆ ಸಲಹೆಗಳು

ಇದನ್ನೂ ಓದಿ : Home Remedies : ಡಾರ್ಕ್‌ ಸರ್ಕಲ್‌ನ ಚಿಂತೆ ಕಾಡುತ್ತಿದ್ದರೆ, ಈ ಮನೆಮದ್ದುಗಳನ್ನೊಮ್ಮೆ ಬಳಸಿ ನೋಡಿ…

(Hair Care these home remedies help you for split hair problem)