ಚೀನಾ – ಭಾರತದ ನಡುವೆ ನೇರ ವಿಮಾನಯಾನ : ಇಂಡಿಗೋದಿಂದ ಮಹತ್ವದ ಘೋಷಣೆ

Direct flights between China and India: ನಾಗರಿಕ ವಿಮಾನಯಾನ ಅಧಿಕಾರಿಗಳ ನಿರಂತರ ಚರ್ಚೆಯ ಫಲವಾಗಿ ಕಳೆದ ಐದು ವರ್ಷಗಳಿಂದ ಸ್ಥಗಿತಗೊಂಡಿದ್ದ ಭಾರತ ಹಾಗೂ ಚೀನಾ ನಡುವಿನ ನೇರ ವಿಮಾನಯಾನ ಸಂಪರ್ಕ ಮತ್ತೆ ಪುನಾರಂಭಿಸಲು ಉಭಯ ದೇಶಗಳು ಒಪ್ಪಿಗೆ ನೀಡಿದ್ದವು.

ಇದೀಗ ಮತ್ತೊಂದು ಪ್ರಮುಖ ಬೆಳವಣಿಗೆ ಎಂಬಂತೆ ನವೆಂಬರ್​ 10ರಿಂದ ದೆಹಲಿ(Delhi) ಮತ್ತು ಗುವಾಂಗ್​ ಝೌ ನಡುವೆ ದಿನನಿತ್ಯ ನೇರ ವಿಮಾನಯಾನ ಆರಂಭಿಸುವುದಾಗಿ ಇಂಡಿಗೋ ಸಂಸ್ಥೆ ಘೋಷಣೆ ಮಾಡಿದೆ. ಅಕ್ಟೋಬರ್​ 26ರಿಂದ ಕೊಲ್ಕತ್ತಾದಿಂದ ಗುವಾಂಗ್‌ಝೌ ವಿಮಾನಯಾನ ಆರಂಭಿಸುವುದಾಗಿ ಇಂಡಿಗೋ ಕಂಪನಿಯು ಈ ಹಿಂದೆಯೇ ಮಾಹಿತಿ ನೀಡಿತ್ತು.

ಇಂಡಿಗೋ ಸಂಸ್ಥೆಯ ಘೋಷಣೆ ಬೆನ್ನಲ್ಲೇ ಏರ್​ ಇಂಡಿಯಾ ಕೂಡ ಈ ವರ್ಷಾಂತ್ಯದೊಳಗಾಗಿ ಚೀನಾಗೆ ನೇರ ವಿಮಾನಯಾನ ಆರಂಭಿಸಲು ತಯಾರಿ ನಡೆಸುತ್ತುದೆ. ಅದೇ ರೀತಿ ಚೀನಾದ ವಿಮಾನಯಾನ ಸಂಸ್ಥೆಗಳು ಕೂಡ ಭಾರತಕ್ಕೆ ವಿಮಾನ ಸಂಪರ್ಕ ನೀಡಲಿವೆ.

Also Read: ಹೈದರಾಬಾದ್​ನಲ್ಲಿ ಪೊಲಿಯೋ ಲಸಿಕೆ ಅಭಿಯಾನ : ಹೊಸ ಕ್ರಾಂತಿ ರಚಿಸಲು ಜಿಲ್ಲಾಡಳಿತ ಸರ್ವಸನದ್ಧ

ಆದರೆ ಪ್ರಧಾನಿ ನರೇಂದ್ರ ಮೋದಿ ಹಾಗೂ ಚೀನಾ ಅಧ್ಯಕ್ಷ ಕ್ಸಿ ಜಿನ್​ ಪಿಂಗ್​ ನಡುವಿನ ಮಹತ್ವದ ಸಭೆ ಬಳಿಕ ಚೀನಾ ಹಾಗೂ ಭಾರತದ ನಡುವೆ ಮೊದಲ ವಿಮಾನಯಾನ ಘೋಷಿಸಿದ ಸಂಸ್ಥೆ ಇಂಡಿಗೋ ಎನಿಸಲಿದೆ.

2019ರಲ್ಲಿ ಭಾರತ ಹಾಗೂ ಚೀನಾ ನಡುವೆ ಏರ್​ ಇಂಡಿಯಾ, ಇಂಡಿಗೋ ಹಾಗೂ ಚೀನಾದ ಒಟ್ಟೂ 539 ವಿಮಾನಗಳು ಹಾರಾಡುತ್ತಿದ್ದವು. ಮಾರ್ಚ್ 2020ರಲ್ಲಿ ಕೊರೊನಾ ಸಂದರ್ಭದಲ್ಲಿ ಚೀನಾ ಹಾಗೂ ಭಾರತದ ನಡುವೆ ನೇರ ವಿಮಾನ ಸಂಪರ್ಕ ಕಡಿತಗೊಂಡಿತ್ತು.

ಇದಾದ ಬಳಿಕ ಪ್ರಯಾಣಿಕರು ಬೇರೆ ದೇಶಗಳಿಂದ ಪ್ರಯಾಣಿಸಬೇಕಾದ ಅನಿವಾರ್ಯತೆಯಿತ್ತು. ಆದರೆ ಅಕ್ಟೋಬರ್​ 2ರಂದು ಉಭಯ ದೇಶಗಳ ನಡುವೆ ನಡೆದ ಮಹತ್ವದ ಸಭೆಯಲ್ಲಿ ನೇರ ವಿಮಾನಯಾನ ಆರಂಭಿಸಲು ಎರಡೂ ದೇಶಗಳು ಒಪ್ಪಿಗೆ ನೀಡಿದ್ದವು.

Also Read: Karuru Vijay rally : ಕರೂರು ವಿಜಯ್ ರ‍್ಯಾಲಿ ದುರಂತ: ಮೃತರ ಸಂಖ್ಯೆ 39ಕ್ಕೆ ಏರಿಕೆ, ಕೊಲೆ ಯತ್ನ ಪ್ರಕರಣ ದಾಖಲು