Tamilnadu election 2026 : ಆಸೆಯಿಂದ ಮತ ಚಲಾಯಿಸಿದ ಮತದಾರರಿಗೆ 7 ಟನ್ ಚಿನ್ನ ಕೊಡ್ತಾರಾ ವಿಜಯ್..?
ದಳಪತಿ ವಿಜಯ್ ತಮಿಳುನಾಡು ರಾಜಕಾರಣವನ್ನೇ ಬುಡಮೇಲು ಮಾಡಿ ವಿಧಾನಸಭಾ ಚುನಾವಣೆಯಲ್ಲಿ ಅಭೂತಪೂರ್ವ ಯಶಸ್ಸನ್ನ ಸಾಧಿಸಿದ್ದಾರೆ. ಪ್ರಬಲ ಪ್ರಾದೇಶಿಕ ಪಕ್ಷಗಳೇ ಕೇವಲ 2 ವರ್ಷಗಳ ಹಿಂದೆ ಸ್ಥಾಪನೆಗೊಂಡ ಟಿವಿಕೆ ಪಕ್ಷದ ಎದುರು ಮಂಡಿಯೂರಿವೆ.
Tamilnadu election 2026 : ದಳಪತಿ ವಿಜಯ್ ತಮಿಳುನಾಡು ರಾಜಕಾರಣವನ್ನೇ ಬುಡಮೇಲು ಮಾಡಿ ವಿಧಾನಸಭಾ ಚುನಾವಣೆಯಲ್ಲಿ ಅಭೂತಪೂರ್ವ ಯಶಸ್ಸನ್ನ ಸಾಧಿಸಿದ್ದಾರೆ. ಪ್ರಬಲ ಪ್ರಾದೇಶಿಕ ಪಕ್ಷಗಳೇ ಕೇವಲ 2 ವರ್ಷಗಳ ಹಿಂದೆ ಸ್ಥಾಪನೆಗೊಂಡ ಟಿವಿಕೆ ಪಕ್ಷದ ಎದುರು ಮಂಡಿಯೂರಿವೆ.
108 ಸ್ಥಾನಗಳನ್ನು ಗೆದ್ದಿರುವ ಟಿವಿಕೆ ಉಳಿದ 10 ಸ್ಥಾನಕ್ಕಾಗಿ ಮೈತ್ರಿ ಮಾತುಕತೆ ನಡೆಸುತ್ತಿದೆ. ಈ ಎಲ್ಲದರ ನಡುವೆ ತಮಿಳುನಾಡಿನ ಜನತೆಗೆ ವಿಜಯ್ ಇದೀಗ ಬರೋಬ್ಬರಿ 7 ಟನ್ ಉಚಿತ ಚಿನ್ನ ಕೊಡಬೇಕಿದೆ.
ಹೌದು..! ಆಶ್ಚರ್ಯ ಎನಿಸಿದರೂ ಸತ್ಯ. ಚುನಾವಣಾ ಪ್ರಚಾರದ ಸಂದರ್ಭದಲ್ಲಿ ವಿಜಯ್ ಪ್ರಣಾಳಿಕೆ ಘೋಷಿಸುವ ಸಂದರ್ಭದಲ್ಲಿ ಗ್ಯಾರಂಟಿ ಯೋಜನೆಗಳನ್ನೂ ಘೋಷಿಸಿದರು. ಆದರೆ ಈ ಗ್ಯಾರಂಟಿ ಯೋಜನೆಗಳು ಸಾಮಾನ್ಯದ್ದಾಗಿರಲಿಲ್ಲ.
ಮದುವೆಯಾಗುವ ಮಹಿಳೆಗೆ 8 ಗ್ರಾಂ ಚಿನ್ನ, ರೇಷ್ಮೆ ಸೀರೆ, ಜನಿಸುವ ಪ್ರತಿ ಹೆಣ್ಣು ಮಗುವಿಗೆ ಬಂಗಾರದ ಉಂಗುರ, ಯಜಮಾನಿಗೆ 2,500 ರೂಪಾಯಿ ನಗದು, ವರ್ಷಕ್ಕೆ 6 ಎಲ್ಪಿಜಿ ಸಿಲಿಂಡರ್ ಎಲ್ಲವೂ ಫ್ರೀ ಉಚಿತ ಎಂದು ಘೋಷಿಸಿದ್ದರು.
Also Read: ವಿಜಯ್-ಕಾಂಗ್ರೆಸ್ ದೋಸ್ತಿ: ಕಾವೇರಿ ವಿವಾದಕ್ಕೆ ಬೀಳುತ್ತಾ ಬ್ರೇಕ್? ಕನ್ನಡಿಗರಿಗೆ ಕಾದಿದೆ ಬಂಪರ್ ಸುದ್ದಿ!
ಇತ್ತೀಚಿನ ದಿನಗಳಲ್ಲಿ ಪ್ರಣಾಳಿಕೆಯಲ್ಲಿ ಗ್ಯಾರಂಟಿ ಯೋಜನೆಗಳನ್ನು ಘೋಷಿಸುವುದು ಟ್ರೆಂಡ್ ಆಗ್ಬಿಟ್ಟಿದೆ. ಗ್ಯಾರಂಟಿ ಯೋಜನೆಗಳಿಂದ ರಾಜ್ಯದ ಅಭಿವೃದ್ಧಿ ಕುಂಠಿತವಾಗುತ್ತದೆ ಎಂದು ಸುಪ್ರೀಂಕೋರ್ಟ್ ಎಷ್ಟೇ ಹೇಳಿದರೂ ಕಿವಿಗೊಡದ ರಾಜಕೀಯ ಪಕ್ಷಗಳು ಅಧಿಕಾರಕ್ಕೇರುವ ಹಪಾಹಪಿಯಲ್ಲಿ ಬಾಯಿಗೆ ಬಂದ ಗ್ಯಾರಂಟಿ ಯೋಜನೆಗಳನ್ನು ಘೋಷಿಸುತ್ತಿವೆ. ಈ ಮಾತಿಗೆ ವಿಜಯ್ ಕೂಡ ಹೊರತಾಗಿಲ್ಲ.
ತಮಿಳುನಾಡಿನಲ್ಲಿ 3,60,09,064 ಮಂದಿ ಮಹಿಳೆಯರು ಇದ್ದಾರೆ ಎಂದು 2011ರ ಜನಗಣತಿಯ ಪ್ರಕಾರ ತಿಳಿದು ಬಂದಿದೆ. ಅವರ ಪೈಕಿ 8 ಲಕ್ಷಕ್ಕೂ ಅಧಿಕ ಮಂದಿ ಅವಿವಾಹಿತೆಯರು. ಈ ಜಣಗಣತಿ ನಡೆದು ಇದಾಗಲೇ 15 ವರ್ಷಗಳಾಗಿವೆ.
ಹೀಗಾಗಿ ಮಹಿಳೆಯರ ಸಂಖ್ಯೆ ಖಂಡಿತ ಹೆಚ್ಚಾಗಿರುತ್ತದೆ. 4 ಕೋಟಿ ಮಹಿಳೆಯರಿಗೆ ವಿಜಯ್ 7 ಟನ್ ಚಿನ್ನ ನೀಡಬೇಕಿದೆ. ಈ ಸವಾಲನ್ನು ವಿಜಯ್ ಯಾವ ರೀತಿಯಲ್ಲಿ ನಿಭಾಯಿಸ್ತಾರೆ ಅನ್ನೊದೇ ಸದ್ಯದ ಯಕ್ಷ ಪ್ರಶ್ನೆಯಾಗಿದೆ.
Will Vijay give 7 tons of gold to voters who voted with enthusiasm
