ಧರ್ಮಸ್ಥಳದ ಭಕ್ತಾದಿಗಳ ಗಮನಕ್ಕೆ : ವಸತಿ ಗೃಹಗಳ ಬುಕ್ಕಿಂಗ್​ ನೆಪದಲ್ಲಿ ಸೈಬರ್​ ವಂಚನೆ, ಆಡಳಿತ ಮಂಡಳಿಯಿಂದ ಎಚ್ಚರಿಕೆ

ಬೆಳ್ತಂಗಡಿ : Attention Dharmasthala devotees: ಧರ್ಮಸ್ಥಳಕ್ಕೆ ಆಗಮಿಸುವ ಭಕ್ತರ ಸಂಖ್ಯೆ ಅಪಾರ. ಆದರೆ ಈ ಭಕ್ತಾದಿಗಳಿಗೆ ಸೈಬರ್​ ವಂಚಕರ ಕಾಟ ಎದುರಾಗಿದ್ದು ಈ ಸಂಬಂಧ ಇದೀಗ ಸ್ವತಃ ಶ್ರೀ ಕ್ಷೇತ್ರ ಧರ್ಮಸ್ಥಳದ ಆಡಳಿತ ಮಂಡಳಿ ಸಾಮಾಜಿಕ ಜಾಲತಾಣಗಳ ಮೂಲಕ ಜಾಗೃತಿ ಸಂದೇಶ ಹೊರಡಿಸಿದೆ. ವಸತಿ ಗೃಹಗಳ ಬುಕ್ಕಿಂಗ್​ ಹೆಸರಿನಲ್ಲಿ ತೆರೆದುಕೊಂಡಿರುವ ನಕಲಿ ವೆಬ್​ಸೈಟ್​ ಜಾಲಗಳ ಬಗ್ಗೆ ಭಕ್ತಾದಿಗಳನ್ನು ಎಚ್ಚರಿಸಿದೆ.

ಈ ಸಂಬಂಧ ಶ್ರೀ ಕ್ಷೇತ್ರ ಧರ್ಮಸ್ಥಳ ಮಂಜುನಾಥ ದೇವಸ್ಥಾನದ ಅಧಿಕೃತ ಸೋಶಿಯಲ್​ ಮೀಡಿಯಾ ಖಾತೆಯಲ್ಲಿ ಮಾಹಿತಿ ನೀಡಲಾಗಿದೆ. ನಕಲಿ ವೆಬ್​ಸೈಟ್​ಗಳು, ಫೋನ್​ ಕರೆಗಳು ಅಥವಾ ವಾಟ್ಸಾಪ್​ ಸಂದೇಶಗಳ ಮೂಲಕ ನಡೆಯುವ ನಕಲಿ ವಸತಿಗೃಹಗಳ ಬುಕ್ಕಿಂಗ್​ ಬಗ್ಗೆ ಎಚ್ಚರಿಕೆಯಿಂದಿರಿ.

ಶ್ರೀ ಕ್ಷೇತ್ರ ಧರ್ಮಸ್ಥಳದ ಅತಿಥಿ ಗೃಹಗಳ ಮುಂಗಡ ಕಾಯ್ದಿರಿಸುವಿಕೆ ಕೇವಲ ಅಧಿಕೃತ ವೆಬ್​ಸೈಟ್​ http://www.shridharmasthala.org ಮೂಲಕ ಮಾತ್ರ ಮಾಡಬಹುದಾಗಿದೆ. ಇದನ್ನು ಹೊರತುಪಡಿಸಿ ಬೇರೆ ಯಾವುದೇ ಆ್ಯಪ್ ಅಥವಾ ಪ್ಲಾಟ್‌ಫಾರ್ಮ್‌ಗಳ ಮೂಲಕ ಬುಕ್ಕಿಂಗ್ ಮಾಡಲು ಅವಕಾಶವಿರುವುದಿಲ್ಲ ಎಂದು ಜನಜಾಗೃತಿ ಸಂದೇಶ ರವಾನಿಸಿದೆ.

Also Read: ಮಂಗಳೂರಿನಲ್ಲಿ ಬಾಲಕಿ ಗ್ಯಾಂಗ್ ರೇಪ್, ಕೊಲೆ ಪ್ರಕರಣ: 3 ಅಪರಾಧಿಗಳಿಗೆ ಮರಣದಂಡನೆ ಖಚಿತಪಡಿಸಿದ ಹೈಕೋರ್ಟ್

ಶಿವರಾತ್ರಿ ಸಂದರ್ಭದಲ್ಲಿ ಧರ್ಮಸ್ಥಳಕ್ಕೆ ಆಗಮಿಸುವ ಭಕ್ತಾದಿಗಳ ಸಂಖ್ಯೆ ಅತ್ಯಧಿಕ ಪ್ರಮಾಣದಲ್ಲಿ ಇರುವ ಹಿನ್ನೆಲೆಯಲ್ಲಿ ಈ ಸಂದರ್ಭದ ಲಾಭ ಪಡೆದು ಸೈಬರ್​ ವಂಚಕರು ವಸತಿಗೃಹಗಳ ವಂಚನೆ ಹೆಸರಿನಲ್ಲಿ ಭಕ್ತಾದಿಗಳಿಗೆ ಮೋಸ ಮಾಡುವ ಸಾಧ್ಯತೆ ಹೆಚ್ಚಿದೆ.ಮಂಗಳೂರಿನಲ್ಲಿ ಬಾಲಕಿ ಗ್ಯಾಂಗ್ ರೇಪ್, ಕೊಲೆ ಪ್ರಕರಣ: 3 ಅಪರಾಧಿಗಳಿಗೆ ಮರಣದಂಡನೆ ಖಚಿತಪಡಿಸಿದ ಹೈಕೋರ್ಟ್

ಈ ಹಿನ್ನೆಲೆಯಲ್ಲಿ ಮುನ್ನೆಚ್ಚರಿಕಾ ಕ್ರಮವಾಗಿ ನಕಲಿ ಸೈಬರ್​ ಜಾಲದ ಬಗ್ಗೆ ಮಾಹಿತಿ ನೀಡಿರುವ ದೇವಸ್ಥಾನದ ಆಡಳಿತ ಮಂಡಳಿ ಜೊತೆಯಲ್ಲಿ ದೇವಸ್ಥಾನದ ಅಧಿಕೃತ ವೆಬ್​ಸೈಟ್​ ಬಗ್ಗೆಯೂ ಮಾಹಿತಿ ನೀಡಿದೆ. ಹೀಗಾಗಿ ಭಕ್ತಾದಿಗಳು ಧರ್ಮಸ್ಥಳ ದೇಗುಲದ ಅಧಿಕೃತ ವೆಬ್​ಸೈಟ್​ ಖಾತೆಯ ಮೂಲಕವೇ ಬುಕ್ಕಿಂಗ್​ ಮಾಡುವ ಬಗ್ಗೆ ಎಚ್ಚರಿಕೆ ವಹಿಸಬೇಕಿದೆ.