International Chocolate day: ಅಂತಾರಾಷ್ಟ್ರೀಯ ಚಾಕೊಲೇಟ್ ದಿನ; ಚಾಕೊಲೇಟ್ ತಿಂದರೆ ಏನೆಲ್ಲಾ ಪ್ರಯೋಜನಗಳಿವೆ ಗೊತ್ತಾ !

ವಿಶ್ವ ಚಾಕೊಲೇಟ್ ದಿನ (Chocolate day)ಅಥವಾ ಅಂತರಾಷ್ಟ್ರೀಯ ಚಾಕೊಲೇಟ್ ದಿನವನ್ನು(International Chocolate day) ಪ್ರತಿ ವರ್ಷ ಜುಲೈ 7 ರಂದು ಆಚರಿಸಲಾಗುತ್ತದೆ. ಈ ವಿಶೇಷ ದಿನವು ಪ್ರಪಂಚದಾದ್ಯಂತ ಜನರು ತಮ್ಮ ನೆಚ್ಚಿನ ಚಾಕೊಲೇಟ್ ಅನ್ನು ಇಂದು ಯಾವುದೇ ತಡೆಯಿಲ್ಲದೆ ತಿನ್ನಲು ಅನುವು ಮಾಡಿಕೊಡುತ್ತದೆ.ಚಾಕೊಲೇಟ್ ನಿಸ್ಸಂದೇಹವಾಗಿ ವಯಸ್ಸಿನ ಬೇಧವಿಲ್ಲದೆ, ಎಲ್ಲರ ಅಚ್ಚು ಮೆಚ್ಚಿನದ್ದಾಗಿದೆ . ಹಾಗಾಗಿಯೇ ಅದು ಇಲ್ಲಿಯವರೆಗೆ ತನ್ನ ಖ್ಯಾತಿಯನ್ನು ಉಳಿಸಿಕೊಳ್ಳುವಲ್ಲಿ ಯಶಸ್ವಿಯಾಗಿದೆ. ಚಾಕೊಲೇಟ್ ಅನ್ನು ಕೋಕೋ ಮರದ ಹಣ್ಣಿನಿಂದ ತಯಾರಿಸಲಾಗುತ್ತದೆ.ಇದನ್ನು ಮೊದಲು ಕೆಲವು ಸಾವಿರ ವರ್ಷಗಳ ಹಿಂದೆ ಬೆಳೆಸಲಾಯಿತು ಎಂದು ಹೇಳಲಾಗುತ್ತದೆ.

ಕೋಕೋ ಬೀನ್ಸ್ ಆರಂಭದಲ್ಲಿ ಕಹಿ ರುಚಿಯನ್ನು ಹೊಂದಿರುತ್ತದೆ. ಮರದಿಂದ ಪಡೆದ ನಂತರ, ಅವುಗಳನ್ನೂ ಹುರಿದು, ಶೆಲ್ ತೆಗೆಯುವುದು ಮತ್ತು ಬಿಸಿಮಾಡುವುದು ಸೇರಿದಂತೆ ವಿವಿಧ ಪ್ರಕ್ರಿಯೆಗಳ ಮೂಲಕ ಸಂಸ್ಕರಿಸಲಾಗುತ್ತದೆ. ಅದು ಅಂತಿಮವಾಗಿ ಬಾಯಿ ಚಪ್ಪರಿಸುವಂತಹ ಚಾಕೊಲೇಟ್‌ ಆಗಿ ಮಾರುಕಟ್ಟೆಗೆ ತಲುಪುತ್ತದೆ.

ಇತರ ಜನಪ್ರಿಯ ಆಹಾರ ಪದಾರ್ಥಗಳೊಂದಿಗೆ, ಚಾಕೊಲೇಟ್ ಕೂಡ ಕಾಲಾನಂತರದಲ್ಲಿ ವಿಕಸನಗೊಂಡಿತು. ಹಾಲಿನ ಚಾಕೊಲೇಟ್, ಬಿಳಿ ಚಾಕೊಲೇಟ್‌ನಿಂದ ಡಾರ್ಕ್ ಚಾಕೊಲೇಟ್‌ನವರೆಗೆ, ಇಂದು ನಾವು ವಿವಿಧ ಶ್ರೇಣಿಯ ಚಾಕೊಲೇಟ್ ಅನ್ನು ಮಾರುಕಟ್ಟೆಯಲ್ಲಿ ನೋಡಬಹುದು. ಅವುಗಳೆಲ್ಲ ವಿಭಿನ್ನ ರುಚಿ ಹೊಂದಿದೆ.

ಚಾಕೊಲೇಟ್ ದಿನದಂದು, ನೀವು ತಿಳಿದಿರಬೇಕಾದ ಒಂದಿಷ್ಟು ಕುತೂಹಲಕಾರಿ ಸಂಗತಿಗಳು ಇಲ್ಲಿವೆ.

• ಡಾರ್ಕ್ ಚಾಕೊಲೇಟ್‌ಗಳಲ್ಲಿ ಇರುವ ಆಂಟಿಆಕ್ಸಿಡೆಂಟ್‌ಗಳು ರಕ್ತದೊತ್ತಡವನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ ಮತ್ತು ನಿಮ್ಮ ಹೃದಯರಕ್ತನಾಳದ ಆರೋಗ್ಯಕ್ಕೆ ಒಳ್ಳೆಯದು.
• ಕೆಲವರು ಬಿಳಿ ಚಾಕೊಲೇಟ್ ಅನ್ನು ಅದರ ಡಾರ್ಕ್ ಕೌಂಟರ್ಪಾರ್ಟ್‌ಗಿಂತ ಉತ್ತಮವಾಗಿ ಇಷ್ಟಪಡುತ್ತಾರೆ, ಆದರೆ ಬಿಳಿ ಚಾಕೊಲೇಟ್ ನಿಜವಾಗಿಯೂ ಚಾಕೊಲೇಟ್ ಅಲ್ಲ ಎಂದು ಗಮನಿಸಬೇಕು. ಇದು ಕೋಕೋ ಕಣಗಳನ್ನು ಹೊಂದಿರುವುದಿಲ್ಲ ಮತ್ತು ಸಕ್ಕರೆ, ವೆನಿಲ್ಲಾ ಮತ್ತು ಕೋಕೋ ಬಟರ್ ಮಿಶ್ರಣವಾಗಿದೆ.
• ಚಾಕೊಲೇಟ್ ಅನ್ನು ಸ್ವರ್ಗೀಯ ಹಣ್ಣು ಎಂದು ಶ್ಲಾಘಿಸಲಾಗಿದೆ. ಮತ್ತು ಅದರ ಮರವು ಪ್ರಾಚೀನ ಕಾಲದಲ್ಲಿಯೂ ಸಹ ಅದರ ಖ್ಯಾತಿಯನ್ನು ಸೂಚಿಸುವ ಆಸಕ್ತಿದಾಯಕ ಹೆಸರನ್ನು ಹೊಂದಿದೆ. ಗ್ರೀಕ್ ಭಾಷೆಯಲ್ಲಿ, ಮರವನ್ನು ‘ಥಿಯೋಬ್ರೊಮಾ ಕೋಕೋ’ ಎಂದು ಕರೆಯಲಾಗುತ್ತದೆ, ಇದನ್ನು ಇಂಗ್ಲಿಷ್‌ನಲ್ಲಿ ‘ದೇವರ ಆಹಾರ’ ಎಂದು ಅನುವಾದಿಸಲಾಗುತ್ತದೆ.
• ಚಾಕೊಲೇಟ್ ತಿನ್ನುವುದರಿಂದ ಎಂಡಾರ್ಫಿನ್‌ಗಳು ಬಿಡುಗಡೆಯಾಗುತ್ತವೆ. ನಿಮ್ಮ ದೇಹದಲ್ಲಿನ ಉತ್ತಮ ರಾಸಾಯನಿಕಗಳು ನಿಮಗೆ ಸಂತೋಷವನ್ನು ನೀಡುತ್ತದೆ.
• ಸರಿಸುಮಾರು 500 ಗ್ರಾಂ ಚಾಕೊಲೇಟ್ ತಯಾರಿಸಲು 400 ಕೋಕೋ ಬೀನ್ಸ್ ಬೇಕಾಗುತ್ತದೆ.

ಇದನ್ನೂ ಓದಿ : Udupi School College Holiday : ಉಡುಪಿ ಜಿಲ್ಲೆಯ ಶಾಲೆ, ಕಾಲೇಜುಗಳಿಗೆ ರಜೆ ಘೋಷಣೆ

ಇದನ್ನೂ ಓದಿ : Neem Oil Benefits: ಬೇವಿನ ಎಣ್ಣೆಯಿಂದ ಎಷ್ಟೆಲ್ಲಾ ಪ್ರಯೋಜನಗಳಿವೆ ಗೊತ್ತಾ !

(International chocolate day know interesting facts)