Virat Kohli One-8 Resturant : ತನ್ನದೇ ರೆಸ್ಟೋರೆಂಟ್‌ನಲ್ಲಿ ಮ್ಯಾಕ್ಸಿ, ಫಾಫ್, ಸಿರಾಜ್‌ಗೆ ಭರ್ಜರಿ ಊಟ ಮಾಡಿಸಿದ ಕಿಂಗ್ ಕೊಹ್ಲಿ

ಕೋಲ್ಕತಾ : ರಾಯಲ್ ಚಾಲೆಂಜರ್ಸ್ ಬೆಂಗಳೂರು (Royal Challengers Bangalore) ತಂಡ ಐಪಿಎಲ್-2023 (IPL 2023) ಟೂರ್ನಿಯ ತನ್ನ 2ನೇ ಪಂದ್ಯವನ್ನಾಡಲು ಕೋಲ್ಕತಾದಲ್ಲಿದೆ. ಈಡನ್ ಗಾರ್ಡನ್ಸ್ ಮೈದಾನದಲ್ಲಿ (Virat Kohli One-8 Resturant) ಗುರುವಾರ (ಏಪ್ರಿಲ್ 6) ನಡೆಯಲಿರುವ ಪಂದ್ಯದಲ್ಲಿ ಫಾಫ್ ಡುಪ್ಲೆಸಿಸ್ ನಾಯಕತ್ವದ ರಾಯಲ್ ಚಾಲೆಂಜರ್ಸ್ ಪಡೆ, ಆತಿಥೇಯ ಕೋಲ್ಕತಾ ನೈಟ್ ರೈಡರ್ಸ್ ತಂಡವನ್ನು ಎದುರಿಸಲಿದೆ. ಬೆಂಗಳೂರಿನ ಎಂ.ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ಭಾನುವಾರ ನಡೆದ ತನ್ನ ಮೊದಲ ಪಂದ್ಯದಲ್ಲಿ ಆರ್’ಸಿಬಿ, 5 ಬಾರಿಯ ಚಾಂಪಿಯನ್ಸ್ ಮುಂಬೈ ಇಂಡಿಯನ್ಸ್ ವಿರುದ್ಧ 8 ವಿಕೆಟ್’ಗಳ ಭರ್ಜರಿ ಗೆಲುವು ದಾಖಲಿಸಿ ಟೂರ್ನಿಯಲ್ಲಿ ಶುಭಾರಂಭ ಮಾಡಿದೆ.

ಕೋಲ್ಕತಾ ನೈಟ್ ರೈಡರ್ಸ್ ವಿರುದ್ಧದ 2ನೇ ಪಂದ್ಯಕ್ಕೆ ಆರ್’ಸಿಬಿ ಆಟಗಾರರು ಸಜ್ಜಾಗುತ್ತಿದ್ದಾರೆ. ಈ ಮಧ್ಯೆ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡದ ಮಾಜಿ ನಾಯಕ ವಿರಾಟ್ ಕೊಹ್ಲಿ (Virat Kohli), ಕೋಲ್ಕತಾದಲ್ಲಿರುವ ತಮ್ಮ ಒಡೆತನದ One-8 ರೆಸ್ಟೋರೆಂಟ್’ಗೆ ಮಂಗಳವಾರ ರಾತ್ರಿ ಆರ್’ಸಿಬಿ ಆಟಗಾರರಾದ ನಾಯಕ ಫಾಫ್ ಡುಪ್ಲೆಸಿಸ್ (Faf du Plessis), ಗ್ಲೆನ್ ಮ್ಯಾಕ್ಸ್’ವೆಲ್ (Glenn Maxwell) ಮತ್ತು ವೇಗಿ ಮೊಹಮ್ಮದ್ ಸಿರಾಜ್ (Mohammed Siraj) ಅವರನ್ನು ಕರೆದೊಯ್ದಿದ್ದಾರೆ. ತಮ್ಮ ಹೋಟೆಲ್’ನಲ್ಲಿ ಸಹ ಆಟಗಾರರಿಗೆ ಆತಿಥ್ಯ ನೀಡಿದ್ದಾರೆ.

Virat Kohli & @RCBTweets Boys Enjoyed Great Food & Good Times At #one8commune Kolkata! 👌@imVkohli • #IPL2023 • #ViratGang pic.twitter.com/AO1gB6Q0Mj

— ViratGang (@ViratGang) April 4, 2023

ವಿರಾಟ್ ಕೊಹ್ಲಿಯ One-8 ರೆಸ್ಟೋರೆಂಟ್ ಬಗ್ಗೆ :
ಆರ್’ಸಿಬಿ ಮಾಜಿ ಕ್ಯಾಪ್ಟನ್, ರನ್ ಮಷಿನ್ ವಿರಾಟ್ ಕೊಹ್ಲಿ One-8 ಹೆಸರಿನ ತಮ್ಮದೇ ಬ್ರ್ಯಾಂಡ್ ಹೊಂದಿದ್ದಾರೆ. ಇದೇ ಹೆಸರಿನ ರೆಸ್ಟೋರೆಂಟ್’ಗಳನ್ನು ದೇಶದ ಪ್ರಮುಖ ನಗರಗಳಲ್ಲಿ ಆರಂಭಿಸಿದ್ದಾರೆ. ಕೋಲ್ಕತಾದಲ್ಲಿ One-8 ರೆಸ್ಟೋರೆಂಟ್ 2021ರಲ್ಲಿ ಆರಂಭಗೊಂಡಿತ್ತು.

View this post on Instagram

A post shared by Virat Kohli (@virat.kohli)

ಇದನ್ನೂ ಓದಿ : Nepal to support RCB : ಆರ್‌ಸಿಬಿಗೆ ಸಪೋರ್ಟ್ ಮಾಡಲು 2,376 ಕಿ.ಮೀ ದೂರದಿಂದ ಬೆಂಗಳೂರಿಗೆ ಬಂದ ಅಭಿಮಾನಿಗಳು

ಇದನ್ನೂ ಓದಿ : Rajat Patidar : ಆರ್‌ಸಿಬಿಗೆ ಡಬಲ್ ಶಾಕ್, ಸ್ಟಾರ್ ಬ್ಯಾಟ್ಸ್‌ಮನ್ ಐಪಿಎಲ್ ಟೂರ್ನಿಯಿಂದಲೇ ಔಟ್

ಇದನ್ನೂ ಓದಿ : RCB vs KKR: RCB ಅಭಿಮಾನಿಗಳಿಗೆ ಶಾಕಿಂಗ್ ಸುದ್ದಿ: IPL 2023 ರಿಂದ ಪ್ರಮುಖ ಆಟಗಾರ ಔಟ್

One-8 ರೆಸ್ಟೋ ಬಾರ್ ಅನ್ನು ಖ್ಯಾತ ವಿನ್ಯಾಸಕ ಸುಮೇಶ್ ಮೆನನ್ ಡಿಸೈನ್ ಮಾಡಿದ್ದಾರೆ. 4,500 ಚದರ ಅಡಿ ವಿಸ್ತೀರ್ಣದ ರೆಸ್ಟೋರೆಂಟ್’ನಲ್ಲಿ 100 ಜನ ಕುಳಿತುಕೊಳ್ಳಬಹುದಾಗಿದೆ.
ಐಪಿಎಲ್-2023 ಟೂರ್ನಿಯಲ್ಲಿ ಭರ್ಜರಿಯಾಗಿಯೇ ತಮ್ಮ ಅಭಿಯಾನ ಆರಂಭಿಸಿರುವ ವಿರಾಟ್ ಕೊಹ್ಲಿ, ಮುಂಬೈ ಇಂಡಿಯನ್ಸ್ ವಿರುದ್ಧದ ಮೊದಲ ಪಂದ್ಯದಲ್ಲಿ ಕೇವಲ 49 ಎಸೆತಗಳಲ್ಲಿ 6 ಬೌಂಡರಿ ಹಾಗೂ 5 ಸಿಕ್ಸರ್’ಗಳ ನೆರವಿನಿಂದ ಅಜೇಯ 82 ರನ್ ಸಿಡಿಸಿ ರಾಯಲ್ ಚಾಲೆಂಜರ್ಸ್’ಗೆ ಭರ್ಜರಿ ಗೆಲುವು ತಂದುಕೊಟ್ಟಿದ್ದರು.

Virat Kohli One-8 Resturant: King Kohli had a great meal for Maxi, Faf, Siraj in his own restaurant.