cVigil App : ಕಣ್ಣೆದುರೇ ಚುನಾವಣಾ ನೀತಿ ಸಂಹಿತೆಯ ಉಲ್ಲಂಘನೆ ಆಗುತ್ತಿದೆಯೇ? ಮೊಬೈಲಲ್ಲೇ ಆಯೋಗಕ್ಕೆ ದೂರು ದಾಖಲಿಸಲು ಈ ಆ್ಯಪ್‌ ಬಳಸಿ

ಭಾರತೀಯ ಚುನಾವಣಾ ಆಯೋಗವು (Election Commission of India) ಹೊಸ ಸಿವಿಜಿಲ್ ಎಂಬ ಆ್ಯಪ್‌ಅನ್ನು (cVigil App) ಹೊರ ತಂದಿದೆ. ಈ ಮೊಬೈಲ್ ಅಪ್ಲಿಕೇಶನ್‌ (Mobile Application) ಮೂಲಕ ನಾಗರಿಕರು ಚುನಾವಣಾ ನೀತಿ ಸಂಹಿತೆಯ (Election Code Of Conduct) ಯಾವುದೇ ಉಲ್ಲಂಘನೆಗಳನ್ನು ವರದಿ ಮಾಡಬಹುದಾಗಿದೆ. ಚುನಾವಣಾ ಸಮಯದಲ್ಲಿ ರಾಷ್ಟ್ರದ ಜನರನ್ನು ಯಾವುದೇ ದುಷ್ಕೃತ್ಯದಿಂದ ರಕ್ಷಿಸಲು ಮತ್ತು ಯಾವುದೇ ವಿಳಂಬವಿಲ್ಲದೆ ತಕ್ಷಣವೇ ವರದಿಯನ್ನು ಸಲ್ಲಿಸಲು ಈ ಆ್ಯಪ್‌ ಸಹಾಯಕ ಆಗಲಿದೆ. ಇಷ್ಟೇ ಅಲ್ಲದೇ ಈ ಆ್ಯಪ್‌ ಇನ್ನು ಹಲವು ಫೀಚರ್ಸ್ ಹೊಂದಿದೆ.

ಏನೀ ಸಿವಿಜಿಲ್ ಆ್ಯಪ್‌?
ಹೊಸ ಸಿವಿಜಿಲ್ ಅಪ್ಲಿಕೇಶನ್ ಅನ್ನು ಭಾರತೀಯ ಚುನಾವಣಾ ಆಯೋಗವು ಸೆಕ್ಯೂರಿಟಿ ಅಪ್ ಗ್ರೇಡ್ ಮಾಡಲು ಮತ್ತು ಫಾಸ್ಟ್ ಟ್ರಾಕ್ ದೂರು ಸ್ವೀಕರಿಸಿ ಪರಿಹಾರ ವ್ಯವಸ್ಥೆಯನ್ನು ನೀಡುವ ವ್ಯವಸ್ಥೆ ಹೊಂದಿದೆ. ಚುನಾವಣಾ ಸಮಯದಲ್ಲಿ ಮಾದರಿ ನೀತಿ ಸಂಹಿತೆ ಮತ್ತು ವೆಚ್ಚದ ಉಲ್ಲಂಘನೆಯನ್ನು ವರದಿ ಮಾಡಲು ನಾಗರಿಕರಿಗೆ ಅಪ್ಲಿಕೇಶನ್ ಒಂದು ನವೀನ ವೇದಿಕೆಯಾಗಿದೆ.

ಸಿವಿಜಿಲ್ ಯಾವ ರೀತಿ ಕೆಲಸ ಮಾಡುತ್ತದೆ?
ಸಿವಿಜಿಲ್ ಎನ್ನುವುದು ಜಾಗರೂಕ ನಾಗರಿಕರನ್ನು ಪ್ರತಿನಿಧಿಸುತ್ತದೆ. ಇದು ಒಬ್ಬ ಪ್ರಯಾಣಿಕ ನಾಗರಿಕನ ಕರ್ತವ್ಯವನ್ನು ಹೇಳುತ್ತದೆ. ಇದು ಒಂದು ಯೂಸರ್ ಫ್ರೆಂಡ್ಲಿ ಅಪ್ಲಿಕೇಶನ್ ಮತ್ತು ಯಾವುದೇ ಆಂಡ್ರಾಯ್ಡ್ ಸ್ಮಾರ್ಟ್ ಫೋನ್ ಮೂಲಕ ಕಾರ್ಯನಿರ್ವಹಿಸಲು ಸುಲಭವಾಗಿದೆ. ಆದರೆ ಬಳಕೆದಾರರಿಗೆ ಮುಖ್ಯವಾಗಿ ಕ್ವಾಲಿಟಿ ಕ್ಯಾಮೆರಾ, ಫಾಸ್ಟ್ಇಂಟರ್ನೆಟ್ ಕನೆಕ್ಟಿವಿಟಿ ಮತ್ತು ಜಿಪಿಎಸ್ ಸೌಲಭ್ಯಗಳನ್ನು ಹೊಂದಿರಬೇಕಾಗಿದೆ. ಈ ಅಪ್ಲಿಕೇಶನ್ ಭಾರತದ ನಾಗರಿಕರಿಗೆ ರಾಜಕೀಯ ದುಷ್ಕೃತ್ಯದ ಘಟನೆಯನ್ನು ಪ್ರತ್ಯಕ್ಷದರ್ಶಿಯಾದ ಕೆಲವೇ ನಿಮಿಷಗಳಲ್ಲಿ ಚುನಾವಣಾಧಿಕಾರಿಗಳ ಕಚೇರಿಗೆ ಧಾವಿಸದೆ ತಕ್ಷಣ ವರದಿ ಮಾಡಲು ಅಥವಾ ದಾಖಲಿಸಲು ಅನುವು ಮಾಡಿಕೊಡುತ್ತದೆ.

ದೂರು ಸಲ್ಲಿಸುವುದು ಹೇಗೆ?
ಬಳಕೆದಾರರು ಚುನಾವಣಾ ನಿಯಮ ಉಲ್ಲಂಘಿಸುವ ಚಟುವಟಿಕೆಯ ಚಿತ್ರ ಅಥವಾ 2-ನಿಮಿಷದ ವೀಡಿಯೊವನ್ನು ಕ್ಲಿಕ್ ಮಾಡಬಹುದು ಮತ್ತು ದೂರನ್ನು ನೋಂದಾಯಿಸುವ ಮೊದಲು ಸ್ವಲ್ಪ ಸಮಯದ ನಂತರ ಅದನ್ನು ವಿವರಿಸಬಹುದು. ಬಳಕೆದಾರರು ಸೆರೆಹಿಡಿಯುವ ಮಾಹಿತಿಯು ಅದನ್ನು ಸ್ವಯಂಚಾಲಿತವಾಗಿ ಸಂಬಂಧಿಸಿದ ಜಿಲ್ಲಾ ನಿಯಂತ್ರಣ ಕೊಠಡಿಗೆ ಫ್ಲ್ಯಾಗ್ ಮಾಡುತ್ತದೆ, ಇದು ದೂರು ಸಲ್ಲಿಸಿದ ನಂತರ ಕೆಲವೇ ನಿಮಿಷಗಳಲ್ಲಿ ಸಂಬಂಧಿಸಿದ ಸ್ಥಳಕ್ಕೆ ತಲುಪಲು ಫ್ಲೈಯಿಂಗ್ ಸ್ಕ್ವಾಡ್‌ಗಳಿಗೆ ಅನುಮತಿ ನೀಡುತ್ತದೆ.

1. ಮೊದಲು ಫೋಟೋ ಅಥವಾ 2 ನಿಮಿಷಗಳ ವಿಡಿಯೋ ಕ್ಲಿಕ್ ಮಾಡಿ ದೂರಿನ ಸಹಿತ ಅಪ್ಲೋಡ್ ಮಾಡಬೇಕು. ಜೊತೆಗೆ ಜಿಪಿಎಸ್ ಟ್ಯಾಗ್ ಮಾಡಬೇಕು. ಆಗ ಒಂದು ಯುನಿಕ್ ಕೋಡ್ ಲಭಿಸುತ್ತದೆ. ಅದನ್ನು ಬಳಸಿ ನಿಮ್ಮ ಕಂಪ್ಲೇಂಟ್ ಟ್ರಾಕ್ ಮಾಡಬಹುದು.
   2.ಒಮ್ಮೆ ಕಂಪ್ಲೇಂಟ್ ಕೊಟ್ಟರೆ ಅದು ನೇರ ಡಿಸ್ಟ್ರಿಕ್ಟ್ ಕಂಟ್ರೋಲ್ ರೂಮ್ ನಲ್ಲಿ ದಾಖಲಾಗುತ್ತದೆ. ಅಲ್ಲಿಂದ ಪ್ಲಾಯಿಂಗ್ ಸ್ಕ್ವಾಡ್ ಅಥವಾ ರಿಸರ್ವ್ ಟೀಮ್ ಬಂದು ದೂರನ್ನು ಪರಿಶೀಲಾನೆ ಮಾಡುತ್ತಾರೆ.
2. ಇನ್ವೆಸ್ಟಿಗೇಶನ್ ಆಫೀಸರ್ಸ್ ಯಾವ ರೀತಿ ಆಕ್ಷನ್ ತೆಗೆದು ಕೊಂಡಿದ್ದಾರೆ ಎಂದು ಸಿವಿಜಿಲ್ ಮೂಲಕ ದೂರು ನೀಡಿದವರೇ ದಾಖಲಿಸಬಹುದು.

ಇದನ್ನೂ ಓದಿ: PhonePe vs Google Pay : ಫೋನ್ ಪೇ vs ಗೂಗಲ್ ಪೇ; ಬಳಕೆಗೆ ಯಾವುದು ಬೆಸ್ಟ್?

(cVigil App helps to make good voting Election Commission of India launches new app)