ಹ್ಯೂಮನ್‌ AI ಪಿನ್‌ : ನಿಮ್ಮ ಶರ್ಟ್​ನಲ್ಲಿರೋ ಪಿನ್ ಮೊಬೈಲ್​ನಂತೆ ಕಾರ್ಯನಿರ್ವಹಿಸುತ್ತೆ ಅಂದರೆ ನಂಬ್ತೀರಾ ? ಮೂಗಿನ ಮೇಲೆ ಬೆರಳಿಡುವಂತೆ ಮಾಡ್ತಿದೆ ಈ ಹೊಸ ಸ್ಮಾರ್ಟ್​ಫೋನ್​

Humane AI pin : ಸುಮ್ಮನೇ ಹೀಗೆ ಇಮಾಜಿನ್​ ಮಾಡಿಕೊಳ್ಳಿ. ನಿಮ್ಮ ಶರ್ಟ್​ ಅಥವಾ ನೀವು ಧರಿಸಿರುವ ಯಾವುದೇ ಡ್ರೆಸ್​ನಲ್ಲಿ ಒಂದು ಸಣ್ಣ ಪಿನ್​ ಇರುತ್ತೆ ಅಂದುಕೊಳ್ಳೋಣ. ಆದರೆ ಈ ಪಿನ್​ ಸಾಮಾನ್ಯ ಪಿನ್​ ಅಲ್ಲ. ಬದಲಾಗಿ ಇದೊಂದು ಸ್ಮಾರ್ಟ್​ಫೋನ್​ ಆಗಿದ್ದರೇ..? ಈಗ ಇಮಾಜಿನೇಷನ್​ ಮಾಡಿಕೊಳ್ಳುವುದು ಕಷ್ಟ ಎನಿಸುತ್ತಿದೆ ಅಲ್ವೇ..? ಡಿಸ್​ಪ್ಲೇ ಇಲ್ಲದ ಸ್ಮಾರ್ಟ್​ಫೋನ್​ನನ್ನು ಕಲ್ಪನೆ ಮಾಡಿಕೊಳ್ಳುವುದೇ ಕಷ್ಟ.ಆದರೂ ಈ ಪಿನ್​ಗಳು ನಿಮಗೆ ಕರೆಗಳನ್ನು ಡಯಲ್​ ಮಾಡಲು, ಸಂದೇಶ ಕಳುಹಿಸಲು ಹಾಗೂ ಸ್ವೀಕರಿಸಲು, ಫೋಟೋ ತೆಗೆಯಲು ಸೇರಿದಂತೆ ನೀವು ಸ್ಮಾರ್ಟ್​ಪೋನ್​ನಲ್ಲಿ ಮಾಡಬಲ್ಲ ಎಲ್ಲಾ ಕೆಲಸಗಳನ್ನು ಒಂದು ಸಣ್ಣ ಹ್ಯೂಮನ್ ಪಿನ್​ ಮಾಡುತ್ತೆ ಅಂದರೆ ನಂಬೋಕೆ ಸಾಧ್ಯ ಇಲ್ಲ ಅಲ್ವೇ..?

ಬರೋಬ್ಬರಿ ಒಂದು ವರ್ಷಗಳ ಕಾಲದ ಸಂಶೋಧನೆಯ ಬಳಿಕ ಹ್ಯೂಮನ್​ ಎಂಬ ಹೆಸರಿನ AI ಕಂಪನಿಯು (Humane AI pin) ಮುಂದಿನ ದಿನಗಳಲ್ಲಿ AI ಫಿನ್​ ಎಂಬ ತನ್ನ ಮೊಟ್ಟ ಮೊದಲ ಅತ್ಯಂತ ವಿಭಿನ್ನ ಸ್ಮಾರ್ಟ್ ಫೋನ್​ ಬಿಡುಗಡೆ ಮಾಡಲು ಎಲ್ಲಾ ರೀತಿಯ ತಯಾರಿಯನ್ನು ಮಾಡುತ್ತಿದೆ. ಸ್ಮಾರ್ಟ್​ಫೋನ್​ಗಳ ನಂತರ ಈ ಜಗತ್ತಿನಲ್ಲಿ ಏನು ಬರಬಹುದು ಎಂಬುದರ ಬಗ್ಗೆ ಚರ್ಚೆ ಈಗಾಗಲೇ ನಡೆಯುತ್ತಿದೆ. ಆದರೆ ಇದೀಗ ಈ ಪಿನ್​ ಎಂಬ ಸ್ಮಾರ್ಟ್​ಫೋನ್​ ಪರಿಕಲ್ಪನೆಯು ಇದೀಗ ಜಗತ್ತನ್ನು ಹೊಸ ದಿಕ್ಕಿನಲ್ಲಿಯೇ ನೋಡುವಂತೆ ಮಾಡುತ್ತಿದೆ.

ಆದರೆ ನೀವು AI ಪಿನ್​​ನೊಂದಿಗೆ ಸಂವಹನ ನಡೆಸುವುದು ಹೇಗೆ..?
ಸ್ಮಾರ್ಟ್​ಫೋನ್​ಗಳಾದರೆ ಅವುಗಳನ್ನ ಕೈಯಲ್ಲಿ ಹಿಡಿದು ಆಪರೇಟ್​ ಮಾಡಬಹುದು ಅನ್ನೋದು ಎಲ್ಲರಿಗೂ ತಿಳಿದಿದೆ. ಅದರೆ AI ಪಿನ್​ನ್ನು ಹೇಗೆ ಸ್ಮಾರ್ಟ್​ಪೋನ್​ನಂತೆ ಬಳಸುವುದು ಎಂಬ ಪ್ರಶ್ನೆ ಉದ್ಭವಿಸುತ್ತದೆ. ಅಂದಹಾಗೆ ಈ AI ಪಿನ್​ ಒಂದು ರೀತಿಯಲ್ಲಿ ಮಾಗ್ನೆಟಿಕ್​ ಪವರ್​ ಹೊಂದಿದೆ. ಇದನ್ನು ನೀವು ಧರಿಸಿರುವ ಯಾವುದೇ ಬಟ್ಟೆಯ ಮೇಲೆ ಕ್ಲಿಪ್​ನಂತೆ ಅಂಟಿಸಿಕೊಳ್ಳಬಹುದು.

ಇದನ್ನೂ ಓದಿ : ಅಬ್ಬಬ್ಬಾ ಲಾಟರಿ…! ಕೇವಲ 2599 ರೂ.ಗೆ ಸ್ಮಾರ್ಟ್​ ಫೋನ್​ ಮಾರುಕಟ್ಟೆಗೆ ತಂದಿದೆ ರಿಲಯನ್ಸ್​ ಕಂಪನಿ..!

ಒಂದು ವೇಳೆ ನೀವು ಯಾವುದಾದರೂ ಟೇಬಲ್​ನ ಮುಂದೆ ಕುಳಿತಿದ್ದರೆ ನೀವು ಟೇಬಲ್​ನ ಮೇಲೆಯೂ ಈ AI ಪಿನ್​ಗಳನ್ನು ಇಟ್ಟು ಮೊಬೈಲ್​ನಂತೆಯೇ ಬಳಕೆ ಮಾಡಬಹುದಾಗಿದೆ. ಈ AI ಪಿನ್​ಗೆ ನಿಮ್ಮ ಧ್ವನಿಯ ಮೂಲಕ ಸೂಚನೆಗಳನ್ನು ನೀಡಬಹುದು. ಇದರ ಜೊತೆಯಲ್ಲಿ ಹಸಿರು ಲೇಸರ್ ಕೂಡ AI ಪಿನ್​ಗಳಿಗೆ ಅಜ್ಞೆ ನೀಡುವ ಕಾರ್ಯವನ್ನು ನಿರ್ವಹಿಸುತ್ತದೆ. ಈ ಹಸಿರು ಲೇಸರ್​ ಮೂಲಕ ನಿಮ್ಮ ಅಂಗೈಗೆ ಮೊಬೈಲ್​ನಲ್ಲಿ ಡಿಸ್​ಪ್ಲೇ ಬರುತ್ತದೆ.

ಇದನ್ನೂ ಓದಿ : ಐಫೋನ್​ 13ಗೆ 10,000 ರೂ. ಡಿಸ್ಕೌಂಟ್‌ : ಖರೀದಿಗೆ ಮುಗಿಬಿದ್ದ ಗ್ರಾಹಕರು , ಈ ಚಾನ್ಸ್​ ಮಿಸ್​ ಮಾಡ್ಲೇಬೇಡಿ

Image Credit to Original Sourceಇದರರ್ಥ ನೀವು ನಿಮ್ಮ ಅಂಗೈ ಮೇಲೆ ಟ್ಯಾಪ್​ ಮಾಡುವ ಮೂಲಕ ಯಾರಿಗಾದರೂ ಫೋನ್​ ಮಾಡಬಹುದು . ಮೆಸೇಜ್​ ಮಾಡಬಹುದಾಗಿದೆ. ಒಂದು ರೀತಿಯಲ್ಲಿ ನಿಮ್ಮ ಅಂಗೈ ಮೊಬೈಲ್​ನಂತೆ ಕಾರ್ಯ ನಿರ್ವಹಿಸುತ್ತದೆ. ಈ ವರ್ಷದ ಏಪ್ರಿಲ್​ ತಿಂಗಳಲ್ಲಿ ಇದರ ಡೆಮೋವನ್ನು ಪ್ರದರ್ಶನ ಮಾಡಲಾಗಿತ್ತು. ಅಲ್ಲದೆ ಇದರಲ್ಲಿ ಧ್ವನಿ ಸೂಚನೆಯ ಜೊತೆಯಲ್ಲಿ ಟಚ್​ ಪ್ಯಾಡ್​ ಕೂಡ ಇದೆ ಎನ್ನಲಾಗಿದೆ. ಹೀಗಾಗಿ ನೀವು ನಿಮ್ಮ ಅಂಗೈ ಮೇಲೆ ಒತ್ತುವ ಮೂಲಕ ಈ ಸ್ಮಾರ್ಟ್​ಫೋನ್​ನ್ನು ಬಳಕೆ ಮಾಡಬಹುದಾಗಿದೆ.

ಇದನ್ನೂ ಓದಿ : ಈ ಮೊಬೈಲ್​ ಖರೀದಿ ಮಾಡಿದ್ರೆ ಸಾಕು : ಯಾವುದೇ ಭಾಷೆಯ ಕರೆಯನ್ನೂ ನಿಮ್ಮ ಭಾಷೆಗೆ ಅನುವಾದಿಸಿ ಕೊಡುತ್ತೆ..!

ಇದರಲ್ಲಿ ಹೇ ಸಿರಿ ಅಥವಾ ಓಕೆ ಗೂಗಲ್​ ಎಂಬಂತಹ ಪದಗಳನ್ನು ಬಳಕೆ ಮಾಡಬೇಕು ಎಂದು ಇರೋದಿಲ್ಲ. ನೀವು ಸಾಮಾನ್ಯವಾಗಿ ಮಾತನಾಡುವ ಮೂಲಕ ನಿಮ್ಮ ಎಐ ಸ್ಮಾರ್ಟ್​ಫೋನ್​ಗೆ ಕಮಾಂಡ್​ ನೀಡಬಹುದಾಗಿದೆ. ಭವಿಷ್ಯದಲ್ಲಿ ಈಗಿರುವ ಸ್ಮಾರ್ಟ್​ ಫೋನ್​ ಜಾಗವನ್ನು ಈ ಎಐ ಪಿನ್​ಗಳು ಆವರಿಸಬಹುದು ಎಂದು ಅಂದಾಜಿಸಲಾಗಿದೆ.

Humane Launches AI pin No Apps No screen only voice here is all information