ಅಬ್ಬಬ್ಬಾ ಲಾಟರಿ…! ಕೇವಲ 2599 ರೂ.ಗೆ ಸ್ಮಾರ್ಟ್​ ಫೋನ್​ ಮಾರುಕಟ್ಟೆಗೆ ತಂದಿದೆ ರಿಲಯನ್ಸ್​ ಕಂಪನಿ..!

ದೀಪಾವಳಿ ಹಬ್ಬ (Diwali festival) ಬಂತು ಅಂದರೆ ಸಾಕು ಹಲವಾರು ಬ್ರ್ಯಾಂಡ್​ಗಳು ತಮ್ಮ ಪ್ರಾಡಕ್ಟ್​ಗಳ ಮೇಲೆ ಆಫರ್​ಗಳ ಮೇಲೆ ಆಫರ್​ ಬಿಡುತ್ತವೆ. ಈ ಸಾಲಿಗೆ ಕೋಟ್ಯಾಧಿಪತಿ, ರಿಲಯನ್ಸ್​ ಗ್ರೂಪ್​ ಮಾಲೀಕ ಮುಕೇಶ್​ ಅಂಬಾನಿ ಕೂಡ ಸೇರಿದ್ದಾರೆ. ಮುಕೇಶ್​ ಅಂಬಾನಿ (Mukesh Ambani) ಪ್ರತಿ ವರ್ಷವೂ ದೀಪಾವಳಿ ಸಂದರ್ಭದಲ್ಲಿ ತಮ್ಮ ಕಂಪನಿಯ ಉತ್ಪನ್ನಗಳಿಗೆ ರಿಯಾಯಿತಿ ನೀಡುವ ಕಾರ್ಯವನ್ನು ಮಾಡುತ್ತಲೇ ಬಂದಿದ್ದಾರೆ.

ಈ ಬಾರಿಯ ದೀಪಾವಳಿಗೂ ಸಹ ಗ್ರಾಹಕರಿಗೆ ಮುಕೇಶ್​ ಅಂಬಾನಿ ಭರ್ಜರಿ ಆಫರ್​ಗಳನ್ನೇ ಬಿಟ್ಟಿದ್ದಾರೆ. ಈ ಬಾರಿ ಅತ್ಯಂತ ಕಡಿಮೆ ದರಕ್ಕೆ ಆಂಡ್ರಾಯ್ಡ್​ ಸ್ಮಾರ್ಟ್​ಫೋನ್​ನ್ನು ಮಾರುಕಟ್ಟೆಗೆ ತಂದಿದ್ದಾರೆ. ಏನಿದರ ವಿಶೇಷ..? ಈ ಮೊಬೈಲ್​ನ ಬೆಲೆ ಎಷ್ಟು..? ಎಲ್ಲವನ್ನೂ ತಿಳಿದುಕೊಳ್ಳೋಣ . ಭಾರತದಲ್ಲಿ ಆಂಡ್ರಾಯ್ಡ್​ ಫೋನ್​ಗಳು 8000 ರೂಪಾಯಿಗಳ ಆಸುಪಾಸಿನಲ್ಲಿ ಆರಂಭಗೊಳ್ಳುತ್ತದೆ.

ಆದರೆ ಜಿಯೋ ಕಂಪನಿಯ ಜಿಯೋ ಪೋನ್‌ ಪ್ರಿಮಾ ( JioPhone Prima 4G) ಮೊಬೈಲ್​ ಕೇವಲ 2599 ರೂಪಾಯಿಗಳಿಗೆ ಲಭ್ಯವಿದೆ. ಅತ್ಯಂತ ಕಡಿಮೆ ದರದ ಈ ಅಂಡ್ರಾಯ್ಡ್​ ಫೋನ್​ ಯುಟ್ಯೂಟ್​, ವಾಟ್ಸಾಪ್​ ಸೇರಿದಂತೆ ಎಲ್ಲಾ ಸೌಕರ್ಯಗಳನ್ನು ಹೊಂದಿದೆ ಎನ್ನಲಾಗಿದೆ. ಭಾರತದ ಅತ್ಯಂತ ಕಡಿಮೆ ದರದ ಸ್ಮಾರ್ಟ್​ಪೋನ್​ ಎಂದರೆ ಇದೇ ಆಗಿದೆ.

ಇದನ್ನೂ ಓದಿ : ವಾಟ್ಸಾಪ್​ ಬಳಕೆದಾರರಿಗೆ ಖಡಕ್​ ವಾರ್ನಿಂಗ್​ ನೀಡಿದೆ ಸುಪ್ರೀಂಕೋರ್ಟ್: ಇದನ್ನು ಪಾಲಿಸದಿದ್ದಲ್ಲಿ ನಿಮ್ಮ ಗೌಪ್ಯ ಮಾಹಿತಿಗಳಾಗಬಹುದು ಲೀಕ್​

ಮುಕೇಶ್​ ಅಂಬಾನಿ ಪುತ್ರ ಆಕಾಶ್​ ಅಂಬಾನಿ ಕಡಿಮೆ ದರದ ಸ್ಮಾರ್ಟ್ ಫೋನ್​ಗಳ ಹಿಂದಿನ ಮಾಸ್ಟರ್​ಮೈಂಡ್​ ಆಗಿದ್ದಾರೆ. ಕೆಲವು ದಿನಗಳ ಹಿಂದೆಯಷ್ಟೇ ಇನ್ನೊಂದು 4ಜಿ ಮೊಬೈಲ್​ ಕೂಡ ಕಡಿಮೆ ದರದಲ್ಲಿ ಜಿಯೋ ಕಂಪನಿಯಿಂದ ಮಾರುಕಟ್ಟೆಗೆ ಬಂದಿತ್ತು. ದೇಶದಲ್ಲಿ 25 ಕೋಟಿಗೂ ಅಧಿಕ 2 ಜಿ ಮೊಬೈಲ್​ ಬಳಕೆದಾರರನ್ನು ಗುರಿಯಾಗಿಸಿಕೊಂಡು ಆಕಾಶ್​ ಅಂಬಾನಿ ತಮ್ಮ ಮಾರುಕಟ್ಟೆ ಸ್ಟ್ರಾಟರ್ಜಿಯನ್ನು ಬದಲಾಯಿಸುತ್ತಿದ್ದಾರೆ.

ರಿಲಯನ್ಸ್​ ಕಂಪನಿಯು ಕೆಲವು ಸಮಯಗಳ ಹಿಂದೆ ಕೇವಲ 999 ರೂಪಾಯಿಗಳಿಗೆ ಮೊಬೈಲ್​ ಮಾರುಕಟ್ಟೆಗೆ ತಂದಿದ್ದು ನೆನಪಿದ್ದಿರಬಹುದು. ಜಿಯೋ ಭಾರತ್​ ವಿ 2 ಹೆಸರಿನ ಮೊಬೈಲ್​ ಫೋನ್​ ಅತೀ ಕಡಿಮೆ ದರದಲ್ಲಿ ಹೆಚ್ಚು ವೈಶಿಷ್ಟ್ಯವನ್ನು ಹೊಂದಿತ್ತು. ಇದೀಗ ದೀಪಾವಳಿ ಹಬ್ಬದ ಸಂದರ್ಭದಲ್ಲಿ ಗ್ರಾಹಕರನ್ನು ಇನ್ನಷ್ಟು ಖುಷಿಯಾಗಿಸಲು ಮತ್ತೊಂದು ಹೊಸ 4ಜಿ ಮೊಬೈಲ್​ ಮಾರುಕಟ್ಟೆಗೆ ಬಂದಂತಾಗಿದೆ.

ಇದನ್ನೂ ಓದಿ : ಹೊಸ ಮೊಬೈಲ್​ ಖರೀದಿಸುವ ಆಲೋಚನೆಯಲ್ಲಿದ್ದೀರೇ..? : ಈ ಮೊಬೈಲ್​ ಪರಿಶೀಲಿಸೋದನ್ನ ಮರೀಬೇಡಿ

ಈ ಸ್ಮಾರ್ಟ್​ಫೋನ್​ನಲ್ಲಿ ಜಿಯೋ ಟಿವಿ, ಜಿಯೋ ಸಿನಿಮಾ, ಜಿಯೋ ನ್ಯೂಸ್​ ಹೀಗೆ ಜಿಯೋ ಕಂಪನಿಯ ಎಲ್ಲಾ ಸೌಕರ್ಯಗಳನ್ನೂ ಬಳಕೆ ಮಾಡಿಕೊಳ್ಳಬ ಹುದಾಗಿದೆ. ಸದ್ಯ ಈ ಮೊಬೈಲ್ ಗ್ರಾಹಕರಿಗೆ ನೀಲಿ ಹಾಗೂ ಹಳದಿ ಬಣ್ಣಗಳಲ್ಲಿ ಮಾತ್ರ ಲಭ್ಯವಿದೆ. ಈ ಮೊಬೈಲ್​ನಲ್ಲಿ ನೀವು 23 ಭಾಷೆಗಳನ್ನು ಬಳಕೆ ಮಾಡಬಹುದಾಗಿದೆ. 128 ಜಿಬಿವರೆ ಮೆಮೊರಿಯನ್ನು ಹೊಂದಿದೆ.

ಎ 53 ಪ್ರೊಸೆಸರ್​ ಈ ಮೊಬೈಲ್​ನಲ್ಲಿದೆ. ಫೋನ್ ಒಂದೇ ಸಿಮ್ ಮತ್ತು 3.5 ಎಂಎಂ ಆಡಿಯೊ ಜ್ಯಾಕ್‌ ಹೊಂದಿದೆ. 1800mAh ಬ್ಯಾಟರಿಯನ್ನು ಈ ಮೊಬೈಲ್​ ಹೊಂದಿದೆ. ಇನ್ನು ಜಿಯೋ ಸ್ಮಾರ್ಟ್ ಫೋನ್​ಗೆ Firefox OS ಅನ್ನು ಆಧರಿಸಿದ ಆಪರೇಟಿಂಗ್ ಸಿಸ್ಟಮ್ ಇರಿಸಲಾಗಿದೆ. KaiOS ನಲ್ಲಿ ಈ ಮೊಬೈಲ್​ ಕಾರ್ಯ ನಿರ್ವಹಿಸುತ್ತದೆ .

ಇದನ್ನೂ ಓದಿ : ಆಧಾರ್‌ ಕಾರ್ಡ್‌ ಮಾಹಿತಿ ಸೋರಿಕೆ : ಡಾರ್ಕ್‌ವೆಬ್‌ನಲ್ಲಿ 81 ಕೋಟಿ ಭಾರತೀಯರ ಮಾಹಿತಿ ಮಾರಾಟ

ಜಿಯೋ ಕಂಪನಿಯ ಈ ಸ್ಮಾರ್ಟ್​ ಫೋನ್​ ಅತೀ ಕಡಿಮೆ ದರದಲ್ಲಿ ಲಭ್ಯವಿರೋದ್ರ ಜೊತೆಯಲ್ಲಿ ಗ್ರಾಹಕರು ಕ್ಯಾಶ್​ಬ್ಯಾಕ್​ ಸೌಕರ್ಯ ಕೂಡ ಪಡೆಯಲಿದ್ದಾರೆ. ಅಲ್ಲದೇ ವಿವಿಧ ಬ್ಯಾಂಕ್​ಗಳು ಇಎಂಐ ಆಫರ್​ ಕೂಡ ನೀಡುತ್ತಿವೆ. ಕೂಪನ್​ಗಳನ್ನು ಬಳಕೆ ಮಾಡಿಕೊಂಡು ನೀವು ಈ ಕಡಿಮೆ ದರದ ಮೊಬೈಲ್​ ಜೊತೆಯಲ್ಲಿ ಇನ್ನೂ ಹೆಚ್ಚಿನ ಆಫರ್​ಗಳನ್ನು ನಿಮ್ಮದಾಗಿಸಿಕೊಳ್ಳಬಹುದಾಗಿದೆ

mukesh ambani Reliance Company 2599 diwali gift launches one of indias cheapest phone with whatsapp youtube