ಉಡುಪಿ ಸೈಬರ್ ವಂಚನೆ: ಟೆಲಿಗ್ರಾಂ ಜಾಬ್ ಲಿಂಕ್ ಮೂಲಕ ₹12 ಲಕ್ಷ ವಂಚನೆ
Udupi Cyber Fraud : ಸೈಬರ್ ವಂಚನೆಯ ಪ್ರಕರಣಗಳ ಸಂಖ್ಯೆ ಹೆಚ್ಚುತ್ತಿದ್ದರೂ ಕೂಡ ಜನರು ಮಾತ್ರ ಎಚ್ಚೆತ್ತುಕೊಳ್ತಿಲ್ಲ. ಇದೀಗ ಟೆಲಿಗ್ರಾಂ (Telegram) ಆಪ್ ಮೂಲಕ ಉದ್ಯೋಗ ಮತ್ತು ಹೂಡಿಕೆಯ ಆಮಿಷವೊಡ್ಡಿ ವ್ಯಕ್ತಿಯೊಬ್ಬರಿಂದ ಬರೋಬ್ಬರಿ ₹12,38,750 ಹಣವನ್ನು ವಂಚಿಸಿರುವ ಘಟನೆ ಬೆಳಕಿಗೆ ಬಂದಿದೆ. ಈ ಸಂಬಂಧ ಸೆನ್ ಅಪರಾಧ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
ಉಡುಪಿಯ ಪ್ರವೀಣ್ ಎಂಬವರೇ ವಂಚನೆಗೆ ಒಳಗಾದವರು. ಅಕ್ಟೋಬರ್ 22ರಿಂದ 29ರ ವರೆಗೆ ಈ ವಂಚನೆ ನಡೆದಿದೆ. ಪ್ರವೀಣ್ ಅವರು ತಮ್ಮ ಮೊಬೈಲ್ ಟೆಲಿಗ್ರಾಂ ಆಪ್ ವೀಕ್ಷಿಸುತ್ತಿದ್ದಾಗ @Roshnikhandbara ಎಂಬ ಜಾಬ್ ಲಿಂಕ್ ಬಂದಿದೆ.
ಈ ಲಿಂಕ್ನಲ್ಲಿ ವಿವಿಧ ಉದ್ಯೋಗ ಮತ್ತು ಹೂಡಿಕೆಯ ಬಗ್ಗೆ ಸಂದೇಶಗಳನ್ನು ಕಳುಹಿಸಲಾಗಿತ್ತು. ದೂರುದಾರರು ಲಿಂಕ್ ಒತ್ತಿದಾಗ ಅವರನ್ನು NSE (National Stock Exchange) ಎಂಬ ಗ್ರೂಪಿಗೆ ಸೇರಿಸಲಾಗಿದೆ.
Also Read: ಕಾರ್ಕಳಕ್ಕೆ ಒಕ್ಕರಿಸಿದ ಕುಷ್ಟರೋಗ : ಈ ಲಕ್ಷಣ ಕಂಡುಬಂದ್ರೆ ವೈದ್ಯರನ್ನು ಸಂಪರ್ಕಿಸಿ
ನಂತರ ವಿಶಾಲ್ ಕುಮಾರ್ (Vishal Kumar) ಎಂಬಾತನು ಹೋಟೆಲ್ ರೇಟಿಂಗ್ಸ್ (Hotel Ratings) ಮತ್ತು ಹೂಡಿಕೆಯ ಮೇಲಿನ ಲಾಭಾಂಶದ (Profit on Investment) ಬಗ್ಗೆ ಮತ್ತೊಂದು ಗ್ರೂಪಿಗೆ ಸೇರಿಸಿದ್ದಾನೆ.
ಮೊದಲಿಗೆ ನೀಡಿದ 3 ಟಾಸ್ಕ್ಗಳನ್ನು ಮುಗಿಸಿದ ನಂತರ, ದೂರುದಾರರು ಆರೋಪಿತರು ನೀಡಿದ ಕ್ಯೂಆರ್ ಕೋಡ್ಗೆ (QR Code) ₹3,900 ಹೂಡಿಕೆ ಮಾಡಿದ್ದಾರೆ. ಅದಕ್ಕೆ ಪ್ರತಿಯಾಗಿ ಆರೋಪಿತರು ₹8,800 ಮೊತ್ತವನ್ನು ದೂರುದಾರರ ಬ್ಯಾಂಕ್ ಖಾತೆಗೆ ಜಮಾ ಮಾಡಿ ವಿಶ್ವಾಸ ಗಳಿಸಿದ್ದಾರೆ.
ಆರೋಪಿಗಳ ಸೂಚನೆಯಂತೆ ಹಂತ ಹಂತವಾಗಿ ಒಟ್ಟು ₹12,38,750 ಹಣವನ್ನು ಕ್ಯೂಆರ್ ಕೋಡ್ ಸ್ಕ್ಯಾನ್, ಆರ್ಟಿಜಿಎಸ್ (RTGS) ಮತ್ತು ಕ್ಯಾಶ್ ಡೆಪಾಸಿಟ್ (Cash Deposit) ಮೂಲಕ ಹೂಡಿಕೆ ಮಾಡಿದ್ದಾರೆ..
Also Read: Gopal Kharvi : ಗೋಪಾಲ ಖಾರ್ವಿ ರಾಷ್ಟ್ರಮಟ್ಟಕ್ಕೆ ಆಯ್ಕೆ : ಗಿನ್ನಿಸ್ ದಾಖಲೆ ವೀರನ ಹೊಸ ಸಾಧನೆ
ಆರೋಪಿಗಳು ದೂರುದಾರರು ಹೂಡಿಕೆ ಮಾಡಿದ ಹಣವನ್ನಾಗಲಿ ಅಥವಾ ಭರವಸೆ ನೀಡಿದ ಲಾಭಾಂಶವನ್ನಾಗಲಿ ಹಿಂದಿರುಗಿಸದೇ, ನಂಬಿಸಿ ಮೋಸ ಮಾಡಿ ಆರ್ಥಿಕ ನಷ್ಟ ಉಂಟು ಮಾಡಿದ್ದಾರೆ.
ಈ ವಂಚನೆ ಕುರಿತು ಸೆನ್ ಅಪರಾಧ ಪೊಲೀಸ್ ಠಾಣೆಯಲ್ಲಿ ಅಪರಾಧ ಕ್ರಮಾಂಕ 60/2025 ರಂತೆ ಕಲಂ: 66(ಸಿ), 66(ಡಿ) ಐ.ಟಿ. ಆಕ್ಟ್ ಮತ್ತು ಕಲಂ: 318(4) ಬಿಎನ್ಎಸ್ (ಭಾರತೀಯ ನ್ಯಾಯ ಸಂಹಿತೆ) ಅಡಿಯಲ್ಲಿ ಪ್ರಕರಣ ದಾಖಲಿಸಲಾಗಿದೆ.
