ಕಿಚ್ಚ ಸುದೀಪ್ ಮಾರ್ಕ್, ಶಿವಣ್ಣ-ಉಪ್ಪಿ-ರಾಜ್‌ ಬಿ ಶೆಟ್ಟಿ ’45’ ಒಟಿಟಿ ರಿಲೀಸ್‌; ಬಿಗ್‌ ಅಪ್‌ಡೇಟ್

45 and Mark OTT release date: ಕನ್ನಡ ಚಿತ್ರರಂಗದ ಇಬ್ಬರು ಧ್ರುವತಾರೆಗಳಾದ ಕಿಚ್ಚ ಸುದೀಪ್ ಮತ್ತು ಹ್ಯಾಟ್ರಿಕ್ ಹೀರೊ ಶಿವರಾಜ್‌ಕುಮಾರ್ ಅವರ ಸಿನಿಮಾಗಳು ಏಕಕಾಲಕ್ಕೆ ಸುದ್ದಿಯಲ್ಲಿದ್ದು, ಚಿತ್ರಮಂದಿರಗಳ ನಂತರ ಇವುಗಳು ಯಾವ ಒಟಿಟಿ ಪ್ಲಾಟ್‌ಫಾರ್ಮ್‌ನಲ್ಲಿ ಬಿಡುಗಡೆಯಾಗಲಿವೆ ಎಂಬ ಕುತೂಹಲಕ್ಕೆ ಈಗ ತೆರೆಬಿದ್ದಿದೆ. ಸುದೀಪ್ ಅಭಿನಯದ ಹೈ-ವೋಲ್ಟೇಜ್ ಆಕ್ಷನ್ ಸಿನಿಮಾ ‘ಮಾರ್ಕ್’ (Mark OTT Release Date) ಮತ್ತು ಶಿವಣ್ಣ-ಉಪೇಂದ್ರ-ರಾಜ್ ಬಿ ಶೆಟ್ಟಿ ಕಾಂಬಿನೇಷನ್‌ನ ’45’ ಸಿನಿಮಾಗಳ (45 OTT Release Date) ಡಿಜಿಟಲ್ ಹಕ್ಕುಗಳು ಭಾರಿ ಮೊತ್ತಕ್ಕೆ ಮಾರಾಟವಾಗಿವೆ.

ಕಿಚ್ಚ ಸುದೀಪ್‌ ಮಾರ್ಕ್‌ ಯಾವ ಒಟಿಟಿಗೆ?

ಒಟಿಟಿ ಕಣದಲ್ಲಿ ‘ಮಾರ್ಕ್’ ಮತ್ತು ’45’ ಡಿಸೆಂಬರ್ 25ರಂದು ಕ್ರಿಸ್‌ಮಸ್ ಹಬ್ಬದ ಸಂಭ್ರಮದಲ್ಲಿ ಬಿಡುಗಡೆಯಾದ ಕಿಚ್ಚ ಸುದೀಪ್ ಅವರ ‘ಮಾರ್ಕ್’ ಸಿನಿಮಾ ಸದ್ಯ ಬಾಕ್ಸ್ ಆಫೀಸ್‌ನಲ್ಲಿ ಅಬ್ಬರಿಸುತ್ತಿದೆ. ಈ ಸಿನಿಮಾದ ಡಿಜಿಟಲ್ ಹಕ್ಕುಗಳನ್ನು ಜಿಯೋ ಹಾಟ್‌ಸ್ಟಾರ್ (JioHotstar) ಸಂಸ್ಥೆಯು ಅಧಿಕೃತವಾಗಿ ತನ್ನದಾಗಿಸಿಕೊಂಡಿದೆ. ಈ ಹಿಂದೆ ಸುದೀಪ್ ಅವರ ಸಿನಿಮಾಗಳು ‘ಜೀ5’ನಲ್ಲಿ ಬರುತ್ತಿದ್ದವು, ಆದರೆ ಈ ಬಾರಿ ಜಿಯೋ ಹಾಟ್‌ಸ್ಟಾರ್ ಈ ಚಿತ್ರವನ್ನು ದೊಡ್ಡ ಮೊತ್ತಕ್ಕೆ ಖರೀದಿಸಿದೆ. ಈ ಚಿತ್ರವು 2026ರ ಜನವರಿ ಕೊನೆಯ ವಾರದಲ್ಲಿ ಅಥವಾ ಗಣರಾಜ್ಯೋತ್ಸವದ ವಿಶೇಷವಾಗಿ ಸ್ಟ್ರೀಮಿಂಗ್ ಆಗುವ ನಿರೀಕ್ಷೆಯಿದೆ.

ಶಿವರಾಜ್‌ಕುಮಾರ್, ಉಪೇಂದ್ರ ಮತ್ತು ರಾಜ್ ಬಿ ಶೆಟ್ಟಿ ’45’ ಒಟಿಟಿಗೆ ಯಾವಾಗ?

ಇನ್ನೊಂದೆಡೆ, ಅರ್ಜುನ್ ಜನ್ಯ ಚೊಚ್ಚಲ ನಿರ್ದೇಶನದಲ್ಲಿ ಮೂಡಿಬಂದಿರುವ ಮಲ್ಟಿಸ್ಟಾರರ್ ಸಿನಿಮಾ ’45’ ಕನ್ನಡದ ಅತಿದೊಡ್ಡ ಚಿತ್ರಗಳಲ್ಲಿ ಒಂದಾಗಿ ಹೊರಹೊಮ್ಮಿದೆ. ಶಿವರಾಜ್‌ಕುಮಾರ್, ಉಪೇಂದ್ರ ಮತ್ತು ರಾಜ್ ಬಿ ಶೆಟ್ಟಿ ಅವರಂತಹ ಘಟಾನುಘಟಿ ನಟರು ಒಂದೇ ಪರದೆಯ ಮೇಲೆ ಕಾಣಿಸಿಕೊಂಡಿರುವ ಈ ಚಿತ್ರದ ಒಟಿಟಿ ಹಕ್ಕುಗಳನ್ನು ಅಮೆಜಾನ್ ಪ್ರೈಮ್ ವಿಡಿಯೋ (Amazon Prime Video) ಸಂಸ್ಥೆ ಪಡೆದುಕೊಂಡಿದೆ ಎಂದು ವರದಿಯಾಗಿದೆ. ಈ ಚಿತ್ರವು ಫೆಬ್ರವರಿ 2026ರ ಆರಂಭದಲ್ಲಿ ಪ್ರೇಕ್ಷಕರ ಮನೆಬಾಗಿಲಿಗೆ ಬರಲಿದೆ.‌

ಇದನ್ನೂ ಓದಿ: ವಿಷ್ಣು ಪ್ರತಿಮೆ ಧ್ವಂಸ: ಥೈಲ್ಯಾಂಡ್ ವಿರುದ್ಧ ಸಿಡಿದೆದ್ದ ಭಾರತೀಯರು, ‘ಬಾಯ್ಕಾಟ್ ಥೈಲ್ಯಾಂಡ್’ ಅಭಿಯಾನಕ್ಕೆ ಕರೆ

ಪ್ರೇಕ್ಷಕರಲ್ಲಿ ಹೆಚ್ಚಿದ ಕುತೂಹಲ
ಕಿಚ್ಚ ಸುದೀಪ್ ಈ ಸಿನಿಮಾದಲ್ಲಿ ‘ಅಜಯ್ ಮಾರ್ಕಂಡೇಯ’ ಎಂಬ ಖಡಕ್ ಪೊಲೀಸ್ ಅಧಿಕಾರಿಯ ಪಾತ್ರದಲ್ಲಿ ಮಿಂಚಿದ್ದರೆ, ’45’ ಸಿನಿಮಾದಲ್ಲಿ ಮೂವರು ನಟರ ವಿಭಿನ್ನ ಶೇಡ್‌ಗಳು ನೋಡುಗರ ಗಮನ ಸೆಳೆಯುತ್ತಿವೆ. ಚಿತ್ರಮಂದಿರದಲ್ಲಿ ಈ ಸಿನಿಮಾಗಳನ್ನು ಮಿಸ್ ಮಾಡಿಕೊಂಡವರಿಗೆ ಅಥವಾ ಮತ್ತೆ ವೀಕ್ಷಿಸಲು ಬಯಸುವವರಿಗೆ ಈ ಒಟಿಟಿ ಬಿಡುಗಡೆಗಳು ದೊಡ್ಡ ಹಬ್ಬವಾಗಿರಲಿವೆ.

ಚಿತ್ರತಂಡಗಳು ಶೀಘ್ರದಲ್ಲೇ ಸ್ಟ್ರೀಮಿಂಗ್ ದಿನಾಂಕದ ಬಗ್ಗೆ ಅಧಿಕೃತವಾಗಿ ಪೋಸ್ಟರ್‌ಗಳನ್ನು ಹಂಚಿಕೊಳ್ಳಲಿದ್ದು, ಸದ್ಯ ಸ್ಯಾಂಡಲ್‌ವುಡ್ ಅಭಿಮಾನಿಗಳು ತಮ್ಮ ನೆಚ್ಚಿನ ನಟರ ಡಿಜಿಟಲ್ ಎಂಟ್ರಿಗಾಗಿ ಕಾತರದಿಂದ ಕಾಯುತ್ತಿದ್ದಾರೆ.