ಇಸ್ರೋ ‘ಯುವಿಕಾ-2026’ ಉಚಿತ ತರಬೇತಿ: ಈ ವಿದ್ಯಾರ್ಥಿಗಳಿಗೆ ಸುವರ್ಣಾವಕಾಶ
ISRO YUVIKA 2026 Applications: ಭಾರತೀಯ ಬಾಹ್ಯಾಕಾಶ ಸಂಶೋಧನಾ ಸಂಸ್ಥೆ (ISRO) ಶಾಲಾ ವಿದ್ಯಾರ್ಥಿಗಳಲ್ಲಿ ಬಾಹ್ಯಾಕಾಶ ವಿಜ್ಞಾನ ಮತ್ತು ತಂತ್ರಜ್ಞಾನದ ಬಗ್ಗೆ ಆಸಕ್ತಿ ಮೂಡಿಸಲು ಹಮ್ಮಿಕೊಳ್ಳುವ ‘ಯುವ ವಿಜ್ಞಾನಿ ಕಾರ್ಯಕ್ರಮ’ ಅಥವಾ ಯುವಿಕಾ (YUVIKA) – 2026 ರ ಅಡಿಯಲ್ಲಿ ಅರ್ಜಿಗಳನ್ನು ಆಹ್ವಾನಿಸಿದೆ.
ಬಾಹ್ಯಾಕಾಶ ಕ್ಷೇತ್ರದಲ್ಲಿ ವೃತ್ತಿಜೀವನ ರೂಪಿಸಿಕೊಳ್ಳಲು ಬಯಸುವ 9ನೇ ತರಗತಿಯ ವಿದ್ಯಾರ್ಥಿಗಳಿಗೆ ಇದು ಅತ್ಯುತ್ತಮ ವೇದಿಕೆಯಾಗಿದೆ.
ಯಾರು ಅರ್ಜಿ ಸಲ್ಲಿಸಬಹುದು?
ಜನವರಿ 1, 2026 ರ ವೇಳೆಗೆ ದೇಶದ ಯಾವುದೇ ಶಾಲೆಯಲ್ಲಿ 9ನೇ ತರಗತಿಯಲ್ಲಿ ವ್ಯಾಸಂಗ ಮಾಡುತ್ತಿರುವ ವಿದ್ಯಾರ್ಥಿಗಳು ಈ ಕಾರ್ಯಕ್ರಮಕ್ಕೆ ಅರ್ಜಿ ಸಲ್ಲಿಸಲು ಅರ್ಹರು.
ಆಯ್ಕೆ ಪ್ರಕ್ರಿಯೆ ಹೇಗೆ?
ವಿದ್ಯಾರ್ಥಿಗಳ ಆಯ್ಕೆಯನ್ನು ವಿವಿಧ ಮಾನದಂಡಗಳ ಆಧಾರದ ಮೇಲೆ ಮಾಡಲಾಗುತ್ತದೆ:
- ಅಂಕಗಳು: 8ನೇ ತರಗತಿಯಲ್ಲಿ ಪಡೆದ ಅಂಕಗಳಿಗೆ ಶೇ. 50 ರಷ್ಟು ಆದ್ಯತೆ.
- ಆನ್ಲೈನ್ ಕ್ವಿಜ್: ಆನ್ಲೈನ್ನಲ್ಲಿ ನಡೆಸುವ ರಸಪ್ರಶ್ನೆಗೆ ಶೇ. 10 ರಷ್ಟು ಆದ್ಯತೆ.
- ಗ್ರಾಮೀಣ ವಿದ್ಯಾರ್ಥಿಗಳಿಗೆ ವಿನಾಯಿತಿ: ಪಂಚಾಯತ್ ವ್ಯಾಪ್ತಿಯ ಗ್ರಾಮೀಣ ಶಾಲೆಗಳಲ್ಲಿ ಓದುತ್ತಿರುವ ವಿದ್ಯಾರ್ಥಿಗಳಿಗೆ ಹೆಚ್ಚುವರಿಯಾಗಿ ಶೇ. 15 ರಷ್ಟು ವೇಟೇಜ್ ನೀಡಲಾಗುತ್ತದೆ.
- ಇತರ ಚಟುವಟಿಕೆ: ವಿಜ್ಞಾನ ಪ್ರದರ್ಶನ, ಕ್ರೀಡೆ, ಒಲಿಂಪಿಯಾಡ್, ಎನ್ಸಿಸಿ (NCC), ಸ್ಕೌಟ್ಸ್ ಮತ್ತು ಗೈಡ್ಸ್ ಭಾಗವಹಿಸುವಿಕೆಗೂ ಅಂಕಗಳನ್ನು ನೀಡಲಾಗುತ್ತದೆ.
ಕಾರ್ಯಕ್ರಮದ ವಿಶೇಷತೆಗಳು:
- ಈ ಕಾರ್ಯಕ್ರಮವು ಮೇ 11 ರಿಂದ 22, 2026 ರವರೆಗೆ ಇಸ್ರೋದ ಒಂಬತ್ತು ಪ್ರಮುಖ ಕೇಂದ್ರಗಳಲ್ಲಿ (ಬೆಂಗಳೂರಿನ ಯು.ಆರ್. ರಾವ್ ಸ್ಯಾಟಲೈಟ್ ಸೆಂಟರ್ ಸೇರಿದಂತೆ) ನಡೆಯಲಿದೆ.
- ಆಯ್ಕೆಯಾದ ವಿದ್ಯಾರ್ಥಿಗಳ ವಸತಿ, ಊಟ ಮತ್ತು ಓದಿನ ಸಾಮಗ್ರಿಗಳ ಸಂಪೂರ್ಣ ವೆಚ್ಚವನ್ನು ಇಸ್ರೋ ಭರಿಸಲಿದೆ.
- ವಿದ್ಯಾರ್ಥಿಗಳ ಪ್ರಯಾಣ ವೆಚ್ಚವನ್ನು (ದ್ವಿತೀಯ ದರ್ಜೆ ಎಸಿ ರೈಲು ಪ್ರಯಾಣ) ಕೂಡ ಮರುಪಾವತಿಸಲಾಗುತ್ತದೆ.
ಬೆಂಗಳೂರಿನ S-VYASA ವಿಶ್ವವಿದ್ಯಾಲಯದಲ್ಲಿ HR ಅಸಿಸ್ಟೆಂಟ್, CA ಇಂಟರ್ನ್ಶಿಪ್, ಯೋಗ, ಲೈಫ್ ಸೈನ್ಸಸ್, ಪ್ರಾಧ್ಯಾಪಕ ಹುದ್ದೆಗಳಿಗೆ ಅಪ್ಲೈ ಮಾಡಿ; ಇಲ್ಲಿದೆ ವಿವರ
ಪ್ರಮುಖ ದಿನಾಂಕಗಳು:
- ನೋಂದಣಿ ಆರಂಭ: ಫೆಬ್ರವರಿ 27, 2026.
- ಅರ್ಜಿ ಸಲ್ಲಿಸಲು ಕೊನೆಯ ದಿನ: ಮಾರ್ಚ್ 31, 2026.
- ಮೊದಲ ಆಯ್ಕೆ ಪಟ್ಟಿ ಪ್ರಕಟ: ಏಪ್ರಿಲ್ 13, 2026.
- ಕಾರ್ಯಕ್ರಮದ ಅವಧಿ: ಮೇ 11 ರಿಂದ ಮೇ 22, 2026.
