iPhone 17e ಬಿಡುಗಡೆ : ಬಜೆಟ್ ಬೆಲೆಯಲ್ಲಿ ಆಪಲ್‌ನ ಹೊಸ ಧಮಾಕಾ ! ಫೀಚರ್ಸ್ ನೋಡಿ ಗ್ರಾಹಕರು ಫುಲ್ ಫಿದಾ

ಬೆಂಗಳೂರು: ಸ್ಮಾರ್ಟ್‌ಫೋನ್ ಲೋಕದ ದೈತ್ಯ ಕಂಪನಿ ಆಪಲ್, ತನ್ನ ಬಹುನಿರೀಕ್ಷಿತ ಐಪೋನ್‌17ಇ (iPhone 17e) ಅನ್ನು ಅಧಿಕೃತವಾಗಿ ಮಾರುಕಟ್ಟೆಗೆ ಪರಿಚಯಿಸಿದೆ. ಪ್ರತಿ ವರ್ಷ ಸೆಪ್ಟೆಂಬರ್‌ನಲ್ಲಿ ಹೊಸ ಸರಣಿಯನ್ನು ಬಿಡುಗಡೆ ಮಾಡುವ ಆಪಲ್, ಈ ಬಾರಿ ಮಾರ್ಚ್ ತಿಂಗಳಲ್ಲೇ ಮಧ್ಯಮ ಕ್ರಮಾಂಕದ ಬಳಕೆದಾರರನ್ನು ಸೆಳೆಯಲು ಈ ‘e’ ಸರಣಿಯ ಫೋನ್ ಅನ್ನು ಬಿಡುಗಡೆ ಮಾಡಿರುವುದು ವಿಶೇಷ.

iPhone 17e ಐಪೋನ್‌17ಇ : ವಿನ್ಯಾಸ ಮತ್ತು ಡಿಸ್‌ಪ್ಲೇ

iPhone 17e ನೋಡಲು ಹೆಚ್ಚು ಕಡಿಮೆ iPhone 16 ಸರಣಿಯಂತೆಯೇ ಇದ್ದರೂ, ಕೆಲವು ಮಹತ್ವದ ಬದಲಾವಣೆಗಳನ್ನು ಮಾಡಲಾಗಿದೆ. ಇದು 6.1-ಇಂಚಿನ ಸೂಪರ್ ರೆಟಿನಾ XDR ಡಿಸ್‌ಪ್ಲೇ ಹೊಂದಿದ್ದು, ಕೈಯಲ್ಲಿ ಹಿಡಿಯಲು ಅತ್ಯಂತ ಹಗುರವಾಗಿದೆ. ವಿಶೇಷವೆಂದರೆ, ಈ ಬಾರಿ ಈ ಬಜೆಟ್ ಮಾಡೆಲ್‌ನಲ್ಲಿಯೂ ಆಪಲ್ ಸೆರಾಮಿಕ್ ಶೀಲ್ಡ್ ರಕ್ಷಣೆಯನ್ನು ನೀಡಿದೆ, ಇದು ಫೋನ್ ಬಿದ್ದಾಗ ಒಡೆಯದಂತೆ ಹೆಚ್ಚಿನ ಸುರಕ್ಷತೆ ನೀಡುತ್ತದೆ.

ಐಪೋನ್‌17ಇ : ಪವರ್‌ಫುಲ್ A19 ಚಿಪ್‌ಸೆಟ್

ಕಡಿಮೆ ಬೆಲೆಯ ಫೋನ್ ಎಂದಾಕ್ಷಣ ಪರ್ಫಾರ್ಮೆನ್ಸ್‌ನಲ್ಲಿ ಯಾವುದೇ ರಾಜಿ ಮಾಡಿಕೊಂಡಿಲ್ಲ. ಇದರಲ್ಲಿ ಲೇಟೆಸ್ಟ್ A19 ಬಯೋನಿಕ್ ಚಿಪ್‌ಸೆಟ್ ಬಳಸಲಾಗಿದೆ. ಇದು ಗೇಮಿಂಗ್ ಮತ್ತು ಮಲ್ಟಿಟಾಸ್ಕಿಂಗ್‌ಗೆ ಅದ್ಭುತ ವೇಗವನ್ನು ನೀಡುತ್ತದೆ. ಅಷ್ಟೇ ಅಲ್ಲದೆ, ಇದು ಹೊಸ iOS 26.2 ಆವೃತ್ತಿಯಲ್ಲಿ ಕಾರ್ಯನಿರ್ವಹಿಸಲಿದ್ದು, ಹೊಸ ರೀತಿಯ ಆಪಲ್ ಇಂಟೆಲಿಜೆನ್ಸ್ (AI) ಫೀಚರ್‌ಗಳನ್ನು ಬೆಂಬಲಿಸುತ್ತದೆ.

Also Read : ಬಣ್ಣಗಳ ಹಬ್ಬಕ್ಕೆ ಬಿಎಸ್‌ಎನ್‌ಎಲ್‌ನಿಂದ ವಿಶೇಷ ಕೊಡುಗೆ: 2ಜಿಬಿ ಹೈಸ್ಪೀಡ್ ಡೇಟಾ, 164 ದಿನಗಳ ಮಾನ್ಯತೆ

ಐಪೋನ್‌17ಇ : ಕ್ಯಾಮೆರಾ ವಿಶೇಷತೆ ಏನು ?

ಫೋಟೋಗ್ರಫಿ ಪ್ರಿಯರಿಗಾಗಿ ಇದರಲ್ಲಿ 48MP ಫ್ಯೂಷನ್ ಮೇನ್ ಕ್ಯಾಮೆರಾ ನೀಡಲಾಗಿದೆ. ಇದು ಕಡಿಮೆ ಬೆಳಕಿನಲ್ಲಿಯೂ ಅದ್ಭುತ ಫೋಟೋಗಳನ್ನು ಕ್ಲಿಕ್ ಮಾಡಲು ಸಹಾಯ ಮಾಡುತ್ತದೆ. ಸೆಲ್ಫಿಗಾಗಿ 18MP ಸೆಂಟರ್ ಸ್ಟೇಜ್ ಕ್ಯಾಮೆರಾ ಇದ್ದು, ವಿಡಿಯೋ ಕರೆಗಳ ಸಮಯದಲ್ಲಿ ಇದು ಬಳಕೆದಾರರ ಚಲನೆಯನ್ನು ಗುರುತಿಸಿ ಫೋಕಸ್ ಮಾಡುತ್ತದೆ.

ಐಪೋನ್‌17ಇ : ಬೆಲೆ ಮತ್ತು ಲಭ್ಯತೆ

• ಭಾರತೀಯ ಮಾರುಕಟ್ಟೆಯಲ್ಲಿ iPhone 17e ಬೆಲೆಯು ಅಂದಾಜು ₹64,900 ರಿಂದ ಆರಂಭವಾಗುವ ನಿರೀಕ್ಷೆಯಿದೆ.
• ಸ್ಟೋರೇಜ್: 256GB ಮತ್ತು 512GB ಮಾದರಿಗಳಲ್ಲಿ ಲಭ್ಯ.
• ಬಣ್ಣಗಳು: ಸಾಫ್ಟ್ ಪಿಂಕ್, ವೈಟ್ ಮತ್ತು ಬ್ಲಾಕ್ ಬಣ್ಣಗಳಲ್ಲಿ ಈ ಫೋನ್ ಲಭ್ಯವಿರಲಿದೆ.
• ಈ ಸರಣಿಯಲ್ಲಿ ಮೊದಲ ಬಾರಿಗೆ MagSafe ವೈರ್‌ಲೆಸ್ ಚಾರ್ಜಿಂಗ್ ವ್ಯವಸ್ಥೆ ತರಲಾಗಿದೆ.
• ಹೊಸ C1X ಸೆಲ್ಯುಲರ್ ಮಾಡೆಮ್ ಮೂಲಕ ವೇಗದ 5G ಕನೆಕ್ಟಿವಿಟಿ ಸಿಗಲಿದೆ.

Also Read : ಬಿಡುಗಡೆಗೆ ಸಜ್ಜಾದ ಐಫೋನ್‌ 17e: 48MP ಕ್ಯಾಮೆರಾ ವೈಶಿಷ್ಟ್ಯವಿರುವ ಫೋನ್‌ ಬೆಲೆ ಎಷ್ಟು?

ಆಪಲ್‌ನ ಈ ಹೊಸ ನಡೆ ಸ್ಯಾಮ್‌ಸಂಗ್ ಮತ್ತು ಗೂಗಲ್ ಪಿಕ್ಸೆಲ್ ಫೋನ್‌ಗಳಿಗೆ ದೊಡ್ಡ ಪೈಪೋಟಿ ನೀಡುವ ಸಾಧ್ಯತೆಯಿದೆ. ನೀವು ಪ್ರೀಮಿಯಂ ಫೋನ್ ಅನ್ನು ಕೈಗೆಟುಕುವ ಬೆಲೆಯಲ್ಲಿ ಖರೀದಿಸಬೇಕೆಂದಿದ್ದರೆ, iPhone 17e ಒಂದು ಉತ್ತಮ ಆಯ್ಕೆಯಾಗಬಹುದು.