ಇಂದು ಹೈಕಮಾಂಡ್ ನೇತೃತ್ವದಲ್ಲಿ ಬಿಗ್ ಮೀಟಿಂಗ್, ಸಿದ್ದು-ಡಿಕೆ ಬಣಗಳ ನಡುವೆ ತೀವ್ರ ಫೈಟ್!

ರಾಜ್ಯ ರಾಜಕಾರಣದಲ್ಲಿ ಸಿಎಂ ಬದಲಾವಣೆಯ ತಲೆನೋವಿನ ಭಾರ ಇಳಿಸಿಕೊಂಡಿರುವ ಕಾಂಗ್ರೆಸ್​ ಹೈಕಮಾಂಡ್​ಗೆ ಇದೀಗ ಸಂಪುಟ ಪುರ್ನರಚನೆಯ ತಲೆನೋವು ಶುರುವಾಗಿದೆ. ಸಿದ್ದರಾಮಯ್ಯ ಹಾಗೂ ಡಿ.ಕೆ ಶಿವಕುಮಾರ್​ ಬಣದ ನಾಯಕರು ಸಂಪುಟದಲ್ಲಿ ಸ್ಥಾನ ಪಡೆಯಲು ತೀವ್ರ ಪೈಪೋಟಿ ನಡೆಸಿದ್ದು, ಯಾರನ್ನು ಆಯ್ಕೆ ಮಾಡುವುದು ? ಯಾರನ್ನು ಸಂಪುಟದಿಂದ ಕೈಬಿಡುವುದು ಎಂಬುದೇ ಸದ್ಯದ ದೊಡ್ಡ ತಲೆನೋವಿನ ವಿಚಾರವಾಗಿದೆ .

ಇದೇ ವಿಚಾರವಾಗಿ ನಿಯೋಜಿತ ಸಿಎಂ ಡಿ.ಕೆ ಶಿವಕುಮಾರ್​ ಹಾಗೂ ಕಾಂಗ್ರೆಸ್​ ಹೈಕಮಾಂಡ್​ ನಡುವೆ ನಿನ್ನೆ ನಡೆಯಬೇಕಿದ್ದ ಸಭೆ ಇಂದು ಬೆಳಗ್ಗೆ 11 ಗಂಟೆಗೆ ನಿಗದಿಯಾಗಿದೆ. ರಾಹುಲ್​ ಗಾಂಧಿ ರಾಜಸ್ಥಾನ ಪ್ರವಾಸ ಹಾಗೂ ವಿಮಾನ ರದ್ದತಿ ಹಿನ್ನೆಲೆ ಐಸಿಸಿಸಿ ಪ್ರಧಾನ ಕಾರ್ಯದರ್ಶಿ ಕೆ.ಸಿ ವೇಣುಗೋಪಾಲ್​ ನಿನ್ನೆ ದೆಹಲಿ ತಲುಪೋದು ತಡವಾದ ಕಾರಣ ನಿನ್ನೆ ನಡೆಯಬೇಕಿದ್ದ ಸಭೆ ಇಂದಿಗೆ ಮುಂದೂಡಿಕೆಯಾಗಿದೆ .

ಇದನ್ನೂ ಓದಿ : ಕುಟುಂಬ ಕಲಹಕ್ಕೆ 7 ಜೀವ ಬಲಿ! ಅಮೆರಿಕದಲ್ಲಿ ನಡೆಯಿತು ಭೀಕರ ಶೂಟೌಟ್

ಇಂದು ಡಿ.ಕೆ ಶಿವಕುಮಾರ್​ ಸಲ್ಲಿಸಲಿರುವ ಪಟ್ಟಿಯ ಪ್ರಕಾರ ಡಾ. ಜಿ ಪರಮೇಶ್ವರ್​ರನ್ನು ಕೆಪಿಸಿಸಿ ಅಧ್ಯಕ್ಷ ಹುದ್ದೆಗೆ ಪರಿಗಣಿಸದಿದ್ದಲ್ಲಿ ಸ್ಪೀಕರ್​ ಮಾಡಲು ನಿರ್ಧರಿಸಲಾಗಿದೆ ಎನ್ನಲಾಗಿದೆ. ಇನ್ನುಳಿದಂತೆ ಸತೀಶ್​ ಜಾರಕಿಹೊಳಿ ಹಾಗೂ ಬಿ.ಕೆ ಹರಿಪ್ರಸಾದ್​ರನ್ನೂ ಸಹ ಕೆಪಿಸಿಸಿ ಹುದ್ದೆಗೆ ಪರಿಗಣಿಸದಿದ್ದರೆ ಸಚಿವ ಸ್ಥಾನ ನೀಡಲು ಚಿಂತಿಸಲಾಗಿದೆ. ಹಾಗೂ ಇತ್ತ ಎಂ.ಬಿ ಪಾಟೀಲ್, ಈಶ್ವರ ಖಂಡ್ರೆ, ಕೆ.ಜೆ ಜಾರ್ಜ್, ಕೆ.ಎಚ್​ ಮುನಿಯಪ್ಪ ಅಥವಾ ಪ್ರಿಯಾಂಕ್​ ಖರ್ಗೆ, ಬೈರತಿ ಸುರೇಶ್​, ಯು.ಟಿ ಖಾದರ್​ ಹಾಗೂ ರಾಮಲಿಂಗಾ ರೆಡ್ಡಿ ಹೆಸರು ಡಿ.ಕೆ ಶಿವಕುಮಾರ್​ ಪಟ್ಟಿಯಲ್ಲಿದೆ ಎನ್ನಲಾಗಿದೆ.

ಈ ಬಾರಿ ಮೇಲ್ವರ್ಗದ ರಾಜಕಾರಣಿ ಮುಖ್ಯಮಂತ್ರಿಯಾಗುತ್ತಿರುವ ಹಿನ್ನೆಲೆಯಲ್ಲಿ ಒಬಿಸಿ ವರ್ಗಕ್ಕೆ ಕೆಪಿಸಿಸಿ ಅಧ್ಯಕ್ಷ ಸ್ಥಾನ ನೀಡುವ ಬಗ್ಗೆ ಹೈಕಮಾಂಡ್​ ಚಿಂತಿಸುತ್ತಿದೆ . ಕೆಪಿಸಿಸಿ ಅಧ್ಯಕ್ಷ ಸ್ಥಾನಕ್ಕೆ ಬಿ.ಕೆ ಹರಿಪ್ರಸಾದ್​ ಹಾಗೂ ಸತೀಶ್​ ಜಾರಕಿಹೊಳಿ ನಡುವೆ ತೀವ್ರ ಪೈಪೋಟಿ ಏರ್ಪಟ್ಟಿದ್ದು, ಇಬ್ಬರೂ ಈ ಸ್ಥಾನಕ್ಕಾಗಿ ಲಾಬಿ ನಡೆಸುತ್ತಿದ್ದಾರೆ ಎನ್ನಲಾಗಿದೆ. ಇಬ್ಬರಲ್ಲಿ ಯಾರಿಗೆ ಅಧ್ಯಕ್ಷ ಸ್ಥಾನ ಒಲಿಯುವುದಿಲ್ಲವೋ ಅವರಿಗೆ ಸಚಿವ ಸ್ಥಾನ ದೊರಕುವ ಸಾಧ್ಯತೆ ಇದೆ ಎನ್ನಲಾಗಿದೆ.

ಇದನ್ನೂ ಓದಿ : ವಾಷಿಂಗ್ ಮೆಷಿನ್ ಮೇಲೆ ಭಾರೀ ಡಿಸ್ಕೌಂಟ್! ಆನ್‌ಲೈನ್‌ನಲ್ಲಿ ಭರ್ಜರಿ ರಿಯಾಯಿತಿ

ಇತ್ತ ಡಿ.ಕೆ ಶಿವಕುಮಾರ್ ಪಟ್ಟಿಯಿಂದ ಜಮೀರ್​ ಅಹಮದ್​ಗೆ ಕೊಕ್​ ದೊರಕಿದೆ ಎನ್ನಲಾಗಿದೆ. ಜಮೀರ್​ ಅಹಮದ್​ ಬದಲು ಅಲ್ಪಸಂಖ್ಯಾತ ಕೋಟಾದ ಅಡಿಯಲ್ಲಿ ಡಿ.ಕೆ ಶಿವಕುಮಾರ್​, ಯು.ಟಿ ಖಾದರ್​ ಇಲ್ಲವೇ ತನ್ವೀರ್​ ಸೇಠ್​ರನ್ನು ಪರಿಗಣಿಸಲಿದ್ದಾರೆ ಎನ್ನಲಾಗಿದೆ. ಹೀಗಾಗಿ ಜಮೀರ್​ ಅಹಮದ್​ಗೆ ಈ ಬಾರಿ ಸಚಿವ ಸ್ಥಾನ ದೊರಕುವುದು ಬಹುತೇಕ ಡೌಟ್​ ಎಂದೇ ಹೇಳಲಾಗ್ತಾ ಇದೆ. ಇಂದು ಹೈಕಮಾಂಡ್​ ಜೊತೆಯಲ್ಲಿ ಈ ಎಲ್ಲಾ ವಿಚಾರಗಳನ್ನು ಚರ್ಚಿಸಲಿರುವ ನಿಯೋಜಿತ ಸಿಎಂ ಡಿ.ಕೆ ಶಿವಕುಮಾರ್​ ಸಚಿವ ಸಂಪುಟದ ಫೈನಲ್​ ಪಟ್ಟಿಗೆ ಅಂತಿಮ ಮುದ್ರೆ ಪಡೆದುಕೊಂಡೇ ಬೆಂಗಳೂರಿಗೆ ವಾಪಸ್ಸಾಗಲಿದ್ದಾರೆ.