Today Horoscope : ದಿನಭವಿಷ್ಯ ಜೂನ್ 3, 2026: ಇಂದು ಅಪರೂಪದ ಭದ್ರ ರಾಜಯೋಗ; ಈ 5 ರಾಶಿಯವರಿಗೆ ಕುಬೇರ ಯೋಗ

ದಿನಭವಿಷ್ಯ ಜೂನ್ 3, 2026 : ಜ್ಯೋತಿಷ್ಯ ಶಾಸ್ತ್ರದ ದೃಷ್ಟಿಯಿಂದ ಅತ್ಯಂತ ವಿಶೇಷವಾಗಿದೆ. ಇಂದು ಪವಿತ್ರವಾದ ‘ವಿಭುವನ ಸಂಕಷ್ಟ ಚತುರ್ಥಿ’ (sankashti chaturthi june 2026) ಆಚರಿಸಲಾಗುತ್ತಿದ್ದು, ಇದರೊಂದಿಗೆ ಬ್ರಹ್ಮಾಂಡದಲ್ಲಿ ಬುಧಾದಿತ್ಯ ಹಾಗೂ ಭದ್ರ ರಾಜಯೋಗಗಳು ಸೃಷ್ಟಿಯಾಗುತ್ತಿವೆ. ಈ ಶುಭ ಯೋಗಗಳ ಪ್ರಭಾವದಿಂದಾಗಿ ದ್ವಾದಶ ರಾಶಿಗಳಲ್ಲಿ ಪ್ರಮುಖ 5 ರಾಶಿಯವರಿಗೆ ಆಕಸ್ಮಿಕ ಧನಲಾಭ ಹಾಗೂ ಗಣೇಶನ ವಿಶೇಷ ಆಶೀರ್ವಾದ ಸಿಗಲಿದೆ. ಹಾಗಾದರೆ ಇಂದಿನ ದಿನದ ನಿಮ್ಮ ರಾಶಿ ಭವಿಷ್ಯ ಹೇಗಿದೆ? ಯಾರಿಗೆ ಲಾಭ? ಯಾರಿಗೆ ಎಚ್ಚರಿಕೆ ಅಗತ್ಯ? ಇಲ್ಲಿದೆ ಕಂಪ್ಲೀಟ್ ಡಿಟೇಲ್ಸ್.

ಮೇಷ ರಾಶಿ (Aries)

ಬಹಳ ದಿನಗಳಿಂದ ಬಾಕಿ ಉಳಿದಿದ್ದ ಒಂದು ಪ್ರಮುಖ ಕೆಲಸ ಇಂದು ಪೂರ್ಣಗೊಂಡು ನಿರಾಳತೆ ತರಲಿದೆ. ಆರ್ಥಿಕವಾಗಿ ಪರಿಸ್ಥಿತಿ ಉತ್ತಮವಾಗಿದ್ದರೂ, ನೀವು ಸಾಲ ನೀಡಿದ ಹಣ ಮರಳಿ ಪಡೆಯಲು ಸ್ವಲ್ಪ ಕಾಯಬೇಕಾಗಬಹುದು. ವೃತ್ತಿಜೀವನದಲ್ಲಿ ಹೊಸ ಜವಾಬ್ದಾರಿಗಳು ಬರಲಿವೆ. ಉದ್ಯೋಗಿಗಳಿಗೆ ಕಚೇರಿಯಲ್ಲಿ ಸಹೋದ್ಯೋಗಿಗಳ ಸಂಪೂರ್ಣ ಬೆಂಬಲ ಸಿಗಲಿದೆ.

ವೃಷಭ ರಾಶಿ (Taurus)

ಉದ್ಯಮ ಮತ್ತು ವ್ಯಾಪಾರಸ್ಥರಿಗೆ ಅತ್ಯಂತ ಲಾಭದಾಯಕ ದಿನ. ಹೊಸ ಒಪ್ಪಂದಗಳಿಗೆ ಸಹಿ ಹಾಕಲು ಇಂದು ಸಕಾಲ. ಕೌಟುಂಬಿಕ ಜೀವನದಲ್ಲಿ ಪ್ರೀತಿ ಮತ್ತು ಸಂತೋಷದ ವಾತಾವರಣ ಇರಲಿದ್ದು, ಸಂಗಾತಿಯೊಂದಿಗೆ ಮಧುರ ಕ್ಷಣಗಳನ್ನು ಕಳೆಯಲಿದ್ದೀರಿ. ಆದರೆ, ದೂರದ ಪ್ರಯಾಣ ಮಾಡುವಾಗ ನಿಮ್ಮ ಬೆಲೆಬಾಳುವ ವಸ್ತುಗಳ ಬಗ್ಗೆ ಹೆಚ್ಚಿನ ಜಾಗ್ರತೆ ಇರಲಿ.

ಮಿಥುನ ರಾಶಿ (Gemini)

ಬುಧನ ರಾಶಿ ಬದಲಾವಣೆಯಿಂದ ನಿಮ್ಮ ಜಾತಕದಲ್ಲಿ ಭದ್ರ ರಾಜಯೋಗ ಸೃಷ್ಟಿಯಾಗುತ್ತಿದೆ. ಉದ್ಯೋಗದಲ್ಲಿ ಬಡ್ತಿ ಅಥವಾ ಸಂಬಳ ಹೆಚ್ಚಳದ ಶುಭ ಸುದ್ದಿ ಕೇಳಲಿದ್ದೀರಿ. ಸಮಾಜದಲ್ಲಿ ನಿಮ್ಮ ಗೌರವ ಹೆಚ್ಚಾಗಲಿದೆ. ಹಳೆಯ ಹೂಡಿಕೆಗಳಿಂದ ನಿರೀಕ್ಷೆಗೂ ಮೀರಿದ ಲಾಭ ಬರಲಿದೆ. ವಿದ್ಯಾರ್ಥಿಗಳಿಗೆ ಸ್ಪರ್ಧಾತ್ಮಕ ಪರೀಕ್ಷೆಗಳಲ್ಲಿ ಭರ್ಜರಿ ಯಶಸ್ಸು ಕಾಯ್ದಿರಿಸಿದೆ.

ಕರ್ಕಾಟಕ ರಾಶಿ (Cancer)

ಆಧ್ಯಾತ್ಮಿಕ ಹಾಗೂ ತೀರ್ಥಕ್ಷೇತ್ರ ದರ್ಶನದ ಯೋಗವಿದೆ. ದ್ರವ್ಯ ಲಾಭದಿಂದಾಗಿ ಆರ್ಥಿಕ ಸ್ಥಿತಿ ಗಟ್ಟಿಯಾಗಲಿದೆ. ದಾಂಪತ್ಯ ಜೀವನದಲ್ಲಿ ಅನ್ಯೂನ್ಯತೆ ಹೆಚ್ಚಾಗಲಿದೆ. ಆದರೆ, ಆರೋಗ್ಯದ ಕಡೆಗೆ ವಿಶೇಷ ಗಮನ ನೀಡಿ; ಶೀತ ಮತ್ತು ಉಸಿರಾಟಕ್ಕೆ ಸಂಬಂಧಿಸಿದ ಸಣ್ಣಪುಟ್ಟ ತೊಂದರೆಗಳು ಎದುರಾಗಬಹುದು. ಕಚೇರಿಯಲ್ಲಿ ವರ್ಗಾವಣೆಯ ಮುನ್ಸೂಚನೆ ಸಿಗುವ ಸಾಧ್ಯತೆ ಇದೆ.

ಸಿಂಹ ರಾಶಿ (Leo)

ನಿಮಗೆ ದೇವತಾ ಕಾರ್ಯಗಳಲ್ಲಿ ಭಾಗವಹಿಸುವ ಅವಕಾಶ ಸಿಗಲಿದೆ. ಆದರೆ, ನೆರೆಹೊರೆಯವರೊಂದಿಗೆ ಸಣ್ಣಪುಟ್ಟ ಭಿನ್ನಾಭಿಪ್ರಾಯಗಳು ಮೂಡಿ ಮಾನಸಿಕ ಒತ್ತಡ ಹೆಚ್ಚಾಗಬಹುದು. ಅನಗತ್ಯ ಕೋಪಕ್ಕೆ ಬ್ರೇಕ್ ಹಾಕುವುದು ಸೂಕ್ತ. ವೃತ್ತಿ ರಂಗದಲ್ಲಿ ಮೇಲಧಿಕಾರಿಗಳಿಂದ ಪ್ರಶಂಸೆ ಸಿಗಲಿದ್ದು, ನಿಮ್ಮ ಆತ್ಮವಿಶ್ವಾಸ ದುಪ್ಪಟ್ಟಾಗಲಿದೆ. ಹಣಕಾಸಿನ ಹರಿವು ಸಾಧಾರಣವಾಗಿ ಇರಲಿದೆ.

ಕನ್ಯಾ ರಾಶಿ (Virgo)

ವ್ಯಾಪಾರ ವ್ಯವಹಾರಗಳಲ್ಲಿ ಇಂದು ಸ್ವಲ್ಪ ಹಿನ್ನಡೆ ಕಂಡುಬರಬಹುದು, ಆದ್ದರಿಂದ ಹೊಸ ಹೂಡಿಕೆಯಿಂದ ದೂರವಿರಿ. ದುಷ್ಟ ಜನರಿಂದ ಮತ್ತು ಅನಗತ್ಯ ವಿವಾದಗಳಿಂದ ದೂರವಿರುವುದು ನಿಮ್ಮ ನೆಮ್ಮದಿಗೆ ಒಳ್ಳೆಯದು. ಅಧಿಕಾರಿ ವರ್ಗದಿಂದ ಉತ್ತಮ ಬೆಂಬಲ ಸಿಗಲಿದೆ. ಸಂಜೆ ವೇಳೆಗೆ ಆಕಸ್ಮಿಕ ಧನಲಾಭದ ಯೋಗವಿದ್ದು, ಕೌಟುಂಬಿಕ ಸಮಾಧಾನ ತರಲಿದೆ.

ತುಲಾ ರಾಶಿ (Libra)

ಬಂಧು-ಮಿತ್ರರ ಹಠಾತ್ ಭೇಟಿಯಿಂದ ಮನಸ್ಸಿಗೆ ಸಂತೋಷವಾಗಲಿದೆ. ವ್ಯವಹಾರ ಕ್ಷೇತ್ರದಲ್ಲಿ ಯಾರನ್ನೂ ಅತಿಯಾಗಿ ನಂಬಬೇಡಿ, ಮೋಸ ಹೋಗುವ ಸಾಧ್ಯತೆ ಇದೆ. ಹಳೆಯ ಬಾಕಿ ವಸೂಲಾತಿಯಾಗಲಿದ್ದು ಆರ್ಥಿಕ ನೆಮ್ಮದಿ ಸಿಗಲಿದೆ. ನೀವು ಆಡುವ ಮಾತುಗಳಿಂದಲೇ ತೊಂದರೆ ಉಂಟಾಗುವ ಸಾಧ್ಯತೆ ಇರುವುದರಿಂದ, ಸಂವಹನ ನಡೆಸುವಾಗ ತಾಳ್ಮೆ ಮತ್ತು ನಿಧಾನವಿರಲಿ.

ವೃಶ್ಚಿಕ ರಾಶಿ (Scorpio)

ತಾಯಿಯ ಕಡೆಯಿಂದ ವಿಶೇಷ ಶುಭ ಹಾರೈಕೆ ಹಾಗೂ ಬೆಂಬಲ ಸಿಗಲಿದೆ. ನಿಮಗೆ ಇಷ್ಟವಾದ ದುಬಾರಿ ವಸ್ತುಗಳು ಅಥವಾ ವಾಹನ ಖರೀದಿ ಮಾಡುವ ಯೋಗವಿದೆ. ಸರ್ಕಾರಿ ಕೆಲಸಗಳಲ್ಲಿ ದೀರ್ಘಕಾಲದಿಂದ ಇದ್ದ ಅಡೆತಡೆಗಳು ನಿವಾರಣೆಯಾಗಿ ಜಯ ಸಿಗಲಿದೆ. ಪಿತ್ರಾರ್ಜಿತ ಆಸ್ತಿ ಗಳಿಕೆಗೆ ಸಂಬಂಧಿಸಿದಂತೆ ನ್ಯಾಯಾಲಯದ ತೀರ್ಪು ನಿಮ್ಮ ಪರವಾಗಿ ಬರಬಹುದು.

ಧನಸ್ಸು ರಾಶಿ (Sagittarius)

ಗ್ರಹಗಳ ಅನುಕೂಲಕರ ಸ್ಥಿತಿಯಿಂದ ಇಂದು ನಿಮಗೆ ಹೊಸ ವೃತ್ತಿಪರ ಅವಕಾಶಗಳು ಸಿಗಲಿವೆ. ಪ್ರಯಾಣ, ಉನ್ನತ ಶಿಕ್ಷಣ ಅಥವಾ ವಿದೇಶಿ ವ್ಯವಹಾರಗಳಿಗೆ ಸಂಬಂಧಿಸಿದ ಕೆಲಸಗಳಲ್ಲಿ ಭರ್ಜರಿ ಲಾಭ ಸಿಗಲಿದೆ. ಪ್ರೇಮ ಜೀವನದಲ್ಲಿ ಮಧುರತೆ ಇರಲಿದ್ದು, ಸಂಗಾತಿಯಿಂದ ಉಡುಗೊರೆ ಪಡೆಯಲಿದ್ದೀರಿ. ಆದರೆ, ಆತುರದ ನಿರ್ಧಾರಗಳಿಂದ ವ್ಯರ್ಥ ಧನಹಾನಿಯಾಗದಂತೆ ಜಾಗ್ರತೆ ವಹಿಸಿ.

ಮಕರ ರಾಶಿ (Capricorn)

ನಿಮ್ಮ ಕಠಿಣ ಪರಿಶ್ರಮ ಮತ್ತು ಬುದ್ಧಿಶಕ್ತಿಯಿಂದ ಕಷ್ಟದ ಕೆಲಸಗಳನ್ನು ಸುಲಭವಾಗಿ ಪೂರ್ಣಗೊಳಿಸಲಿದ್ದೀರಿ. ಕಚೇರಿಯಲ್ಲಿ ನಿಮ್ಮ ಕಾರ್ಯಕ್ಷಮತೆಗೆ ಅಧಿಕಾರಿಗಳು ಬೆರಗಾಗಲಿದ್ದಾರೆ. ದೀರ್ಘಕಾಲದ ಸಾಲದ ಹೊರೆ ಕಡಿಮೆಯಾಗುವ ಮಾರ್ಗಗಳು ಗೋಚರಿಸಲಿವೆ. ಆದರೆ, ಶರೀರದಲ್ಲಿ ಆಲಸ್ಯ ಮತ್ತು ಸಣ್ಣಪುಟ್ಟ ದೈಹಿಕ ಸುಸ್ತು ಕಾಣಿಸಿಕೊಳ್ಳಬಹುದು, ಆರೋಗ್ಯದ ಕಡೆ ನಿಗಾ ಇರಲಿ.

ಕುಂಭ ರಾಶಿ (Aquarius)

ಸೃಜನಶೀಲ ಹಾಗೂ ಕಲಾತ್ಮಕ ರಂಗದಲ್ಲಿರುವವರಿಗೆ ಇಂದು ಹೊಸ ಬ್ರೇಕ್ ಸಿಗಲಿದೆ. ಷೇರು ಮಾರುಕಟ್ಟೆ ಅಥವಾ ಲಾಟರಿ ಮುಖಾಂತರ ಆಕಸ್ಮಿಕ ಧನಲಾಭದ ಲಕ್ಷಣಗಳಿವೆ. ಮಕ್ಕಳಿಂದ ಶುಭ ವಾರ್ತೆ ಕೇಳಲಿದ್ದೀರಿ. ಸಾರ್ವಜನಿಕ ರಂಗದಲ್ಲಿ ಗುರುತಿಸಿಕೊಂಡವರಿಗೆ ಪ್ರಭಾವಿ ವ್ಯಕ್ತಿಗಳ ಒಡನಾಟ ಸಿಗಲಿದೆ. ಹಳೆಯ ಸ್ನೇಹಿತರ ಭೇಟಿ ಮನಸ್ಸಿಗೆ ಉಲ್ಲಾಸ ನೀಡಲಿದೆ.

ಮೀನ ರಾಶಿ (Pisces)

ವಿಘ್ನನಿವಾರಕ ಗಣೇಶನ ಕೃಪೆಯಿಂದ ಇಂದು ನಿಮಗೆ ಮಾನಸಿಕ ಶಾಂತಿ ಮತ್ತು ಸಂಪೂರ್ಣ ತೃಪ್ತಿ ಸಿಗುವ ದಿನ. ವೃತ್ತಿಜೀವನದಲ್ಲಿ ಸುಧೀರ್ಘ ಪ್ರಗತಿಯ ಲಕ್ಷಣಗಳಿವೆ. ಆಧ್ಯಾತ್ಮಿಕ ವಿಷಯಗಳ ಕಡೆಗೆ ಆಕರ್ಷಣೆ ಹೆಚ್ಚಾಗಲಿದ್ದು, ದಾನ ಧರ್ಮ ಮಾಡಲಿದ್ದೀರಿ. ಕೌಟುಂಬಿಕ ಮತ್ತು ಆಸ್ತಿ ಜಗಳಗಳು ಸುಲಭವಾಗಿ ಇತ್ಯರ್ಥವಾಗಲಿವೆ. ಆರ್ಥಿಕ ಸ್ಥಿತಿ ಸದೃಢವಾಗಿರುತ್ತದೆ.