Bank Holidays In May 2023 : ಮೇ ತಿಂಗಳಲ್ಲಿ 12 ದಿನ ಬ್ಯಾಂಕ್ ರಜೆ : ಸಂಪೂರ್ಣ ಪಟ್ಟಿ ಇಲ್ಲಿದೆ

ನವದೆಹಲಿ : ಭಾರತೀಯ ರಿಸರ್ವ್ ಬ್ಯಾಂಕ್ ರಜಾ ಪಟ್ಟಿಯ ಪ್ರಕಾರ, ಮೇ 2023 ರಲ್ಲಿ ಬ್ಯಾಂಕುಗಳು 12 ದಿನಗಳವರೆಗೆ ಮುಚ್ಚಲ್ಪಡುತ್ತದೆ. ಹಾಗೆಯೇ ಮೇ ತಿಂಗಳಲ್ಲಿ (Bank Holidays In May 2023) ಬ್ಯಾಂಕ್‌ ಗ್ರಾಹಕರು ವ್ಯವಹಾರಕ್ಕೆ ಹೋಗುವ ಮೊದಲು ರಜಾದಿನಗಳ ಮೇಲೆ ಗಮನಹರಿಸಬೇಕಾಗಿದೆ. ಈ ರಜಾದಿನಗಳಲ್ಲಿ ಶನಿವಾರ ಮತ್ತು ಭಾನುವಾರಗಳೂ ಸೇರಿವೆ.

ಈ ರಜಾ ಪಟ್ಟಿಯಲ್ಲಿರುವ ಕೆಲವು ರಜಾದಿನಗಳು ಕೆಲವು ರಾಜ್ಯಗಳಿಗೆ ಮಾತ್ರ ನಿರ್ದಿಷ್ಟವಾಗಿರುತ್ತವೆ. ಈಗಾಗಲೇ ಮೇ ತಿಂಗಳ ಬ್ಯಾಂಕ್ ರಜಾದಿನಗಳ ಪಟ್ಟಿಯನ್ನು ಆರ್‌ಬಿಐ (RBI) ಬಿಡುಗಡೆ ಮಾಡಿದೆ. ಆರ್‌ಬಿಐ ಬ್ಯಾಂಕ್ ರಜಾದಿನಗಳ ಪಟ್ಟಿಯ ಮಾರ್ಗಸೂಚಿಗಳ ಪ್ರಕಾರ, ನಿರ್ದಿಷ್ಟ ರಾಜ್ಯವನ್ನು ಅವಲಂಬಿಸಿ ಕೆಲವು ಪ್ರಾದೇಶಿಕ ರಜಾದಿನಗಳೊಂದಿಗೆ ಎಲ್ಲಾ ಸಾರ್ವಜನಿಕ ರಜಾದಿನಗಳಲ್ಲಿ ಬ್ಯಾಂಕುಗಳನ್ನು ಮುಚ್ಚಲಾಗುತ್ತದೆ.

ಇನ್ನು ಸಿಕ್ಕಿಂ ನಿವಾಸಿಗಳಾಗಿದ್ದರೆ, ಮೇ 13 ರಂದು ರಜೆ ಪ್ರಾರಂಭವಾದ್ದರೆ ಮೇ 16 ರವರೆಗೆ ನಾಲ್ಕು ದಿನಗಳ ದೀರ್ಘ ವಾರಾಂತ್ಯವನ್ನು ನೀವು ಆನಂದಿಸಬಹುದು. ಮೇ 13 (ಎರಡನೇ ಶನಿವಾರ), ಮೇ 14 (ಭಾನುವಾರ) ಮತ್ತು ಸಿಕ್ಕಿಂ ದಿನಕ್ಕಾಗಿ ಮೇ 16ರಂದು ಬ್ಯಾಂಕ್‌ಗಳು ಮುಚ್ಚಿರುತ್ತವೆ.

ಮೇ 2023 ರಲ್ಲಿ ಬ್ಯಾಂಕ್ ರಜಾದಿನಗಳ ಸಂಪೂರ್ಣ ಪಟ್ಟಿ :

• ಮೇ 1 (ಸೋಮವಾರ) : ಕಾರ್ಮಿಕರ ದಿನಾಚರಣೆ, ಮಹಾರಾಷ್ಟ್ರ ದಿನ
• ಮೇ 5 (ಶುಕ್ರವಾರ) : ಬುದ್ಧ ಪೂರ್ಣಿಮಾ – ದೆಹಲಿ, ಹರಿಯಾಣ, ಮಹಾರಾಷ್ಟ್ರ, ಪಂಜಾಬ್, ಉತ್ತರ ಪ್ರದೇಶ, ಪಶ್ಚಿಮ ಬಂಗಾಳ, ಉತ್ತರಾಖಂಡ, ಅಸ್ಸಾಂ, ಬಿಹಾರ, ಗುಜರಾತ್, ಅರುಣಾಚಲ ಪ್ರದೇಶ, ಛತ್ತೀಸ್‌ಗಢ
• ಮೇ 7 : ಭಾನುವಾರ
• ಮೇ 9 (ಮಂಗಳವಾರ) : ರವೀಂದ್ರನಾಥ ಟ್ಯಾಗೋರ್ ಅವರ ಜನ್ಮದಿನ
• ಮೇ 13 : ಎರಡನೇ ಶನಿವಾರ
• ಮೇ 14 : ಭಾನುವಾರ
• ಮೇ 16 (ಮಂಗಳವಾರ) : ರಾಜ್ಯ ದಿನ – ಸಿಕ್ಕಿಂ
• ಮೇ 21 : ಭಾನುವಾರ
• ಮೇ 22 (ಸೋಮವಾರ) : ಮಹಾರಾಣಾ ಪ್ರತಾಪ್ ಜಯಂತಿ – ಗುಜರಾತ್, ಹರಿಯಾಣ, ಹಿಮಾಚಲ ಪ್ರದೇಶ, ಪಂಜಾಬ್, ರಾಜಸ್ಥಾನ
• ಮೇ 24 (ಬುಧವಾರ ): ಕಾಜಿ ನಜ್ರುಲ್ ಇಸ್ಲಾಂ ಜಯಂತಿ – ತ್ರಿಪುರ
• ಮೇ 27 : ನಾಲ್ಕನೇ ಶನಿವಾರ
• ಮೇ 28 : ಭಾನುವಾರ

RBI ಬ್ಯಾಂಕ್ ರಜಾದಿನಗಳು :
12 ದಿನಗಳ ಕಾಲ ಬ್ಯಾಂಕ್‌ಗಳು ಬಂದ್ ಆಗಿದ್ದರೂ ಗ್ರಾಹಕರು ಆತಂಕ ಪಡಬೇಕಾಗಿಲ್ಲ ಏಕೆಂದರೆ ಆನ್‌ಲೈನ್ ಇಂಟರ್ನೆಟ್ ಬ್ಯಾಂಕಿಂಗ್ ಸೇವೆಗಳು ಎಂದಿನಂತೆ ಲಭ್ಯವಿರುತ್ತವೆ. ಗ್ರಾಹಕರು ಭೌತಿಕವಾಗಿ ಬ್ಯಾಂಕ್‌ನಿಂದ ಹಣವನ್ನು ಠೇವಣಿ ಮಾಡಲು ಮತ್ತು ಹಿಂಪಡೆಯಲು ಸಾಧ್ಯವಾಗುವುದಿಲ್ಲ ಆದರೆ ಉಳಿದ ಇಂಟರ್ನೆಟ್ ಸೇವೆಗಳನ್ನು ಯಾವುದೇ ಅನಾನುಕೂಲತೆ ಇಲ್ಲದೆ ಪಡೆಯಬಹುದು.

RBI ಬ್ಯಾಂಕ್ ರಜಾದಿನಗಳನ್ನು ಎರಡು ವರ್ಗಗಳಾಗಿ ವರ್ಗೀಕರಿಸಿದೆ. ರಾಷ್ಟ್ರೀಯ ರಜಾದಿನಗಳು ಮತ್ತು ಸರ್ಕಾರಿ ರಜಾದಿನಗಳು. ರಾಷ್ಟ್ರೀಯ ರಜಾದಿನಗಳು ಮೂರು ಪ್ರಮುಖ ದಿನಗಳನ್ನು ಒಳಗೊಂಡಿವೆ. ಗಣರಾಜ್ಯೋತ್ಸವ, ಸ್ವಾತಂತ್ರ್ಯ ದಿನ ಮತ್ತು ಮಹಾತ್ಮ ಗಾಂಧಿ ಜಯಂತಿ. ಈ ದಿನಗಳಲ್ಲಿ, ಬ್ಯಾಂಕ್‌ಗಳು ಮತ್ತು ಹಣಕಾಸು ಸಂಸ್ಥೆಗಳು ಕಾರ್ಯಾಚರಣೆಗಾಗಿ ಮುಚ್ಚಲ್ಪಡುತ್ತವೆ.

ಇದನ್ನೂ ಓದಿ : ಪ್ಯಾನ್ ಕಾರ್ಡ್ ವಂಚನೆ : ಆನ್‌ಲೈನ್‌ನಲ್ಲಿ ದೂರು ಸಲ್ಲಿಸಬಹುದು, ಹೇಗೆ ಗೊತ್ತಾ ?

ಇದನ್ನೂ ಓದಿ : ಅಕ್ಷಯ ತೃತೀಯ 2023 : ಮಾರುಕಟ್ಟೆಯಲ್ಲಿ ಇಂದು ಚಿನ್ನ, ಬೆಳ್ಳಿ ಬೆಲೆ ಎಷ್ಟಿದೆ ಗೊತ್ತಾ

ಸರಕಾರಿ ರಜಾದಿನಗಳನ್ನು ರಾಜ್ಯ ಸರಕಾರಿ ಬ್ಯಾಂಕ್ ರಜಾದಿನಗಳು ಮತ್ತು ಕೇಂದ್ರ ಸರಕಾರದ ಬ್ಯಾಂಕ್ ರಜಾದಿನಗಳು ಎಂದು ವರ್ಗೀಕರಿಸಲಾಗಿದೆ. ಕೇಂದ್ರ ಸರಕಾರದ ಬ್ಯಾಂಕ್ ರಜಾದಿನಗಳನ್ನು ದೇಶದಾದ್ಯಂತ ಆಚರಿಸಲಾಗುತ್ತದೆ, ಆದರೆ ರಾಜ್ಯ ಸರಕಾರಿ ಬ್ಯಾಂಕ್ ರಜಾದಿನಗಳು ನಿರ್ದಿಷ್ಟ ರಾಜ್ಯಗಳಿಗೆ ಅನ್ವಯಿಸುತ್ತವೆ.

Bank Holidays In May 2023 : 12 days bank holiday in May : Complete list is here