ಕಡಿಮೆ ಹೂಡಿಕೆಯಲ್ಲಿ ಶುರು ಮಾಡಬಹುದಾದ ಬಿಸಿನೆಸ್! ತಿಂಗಳಿಗೆ ಲಕ್ಷ ಆದಾಯ
ನಗರ ಪ್ರದೇಶಗಳಲ್ಲಿ ಸಾಕುಪ್ರಾಣಿಗಳ ಸಾಕಣೆ ಹೆಚ್ಚಾದ ಹಿನ್ನೆಲೆ ಪೆಟ್ ಫುಡ್ ಮತ್ತು ಆಕ್ಸೆಸರೀಸ್ ವ್ಯವಹಾರಕ್ಕೆ ಬೇಡಿಕೆ ಏರಿದೆ. ಕಡಿಮೆ ಹೂಡಿಕೆಯಲ್ಲಿ ಆರಂಭಿಸಿ ತಿಂಗಳಿಗೆ ಲಕ್ಷ ರೂ.ವರೆಗೆ ಆದಾಯ ಗಳಿಸುವ ಅವಕಾಶ ಇದೆ.
ದೇಶದಲ್ಲಿ ಸಾಕುಪ್ರಾಣಿಗಳನ್ನು ಸಾಕುವವರ ಸಂಖ್ಯೆ ವೇಗವಾಗಿ ಹೆಚ್ಚುತ್ತಿರುವ ಹಿನ್ನೆಲೆ ಪೆಟ್ ಫುಡ್ ಮತ್ತು ಆಕ್ಸೆಸರೀಸ್ ವ್ಯವಹಾರ ಹೊಸ ಉದ್ಯಮ ಅವಕಾಶವಾಗಿ ಹೊರಹೊಮ್ಮುತ್ತಿದೆ. ವಿಶೇಷವಾಗಿ ನಗರ ಪ್ರದೇಶಗಳಲ್ಲಿ ನಾಯಿಗಳು ಮತ್ತು ಬೆಕ್ಕುಗಳಿಗಾಗಿ ವಿಶೇಷ ಆಹಾರ, ಆಟಿಕೆಗಳು, ಬೆಲ್ಟ್, ಶಾಂಪೂ, ಡ್ರೆಸ್, ಬೆಡ್ ಖರೀದಿಸುವವರ ಸಂಖ್ಯೆ ಹೆಚ್ಚಾಗಿದೆ.
ಈ ಬೇಡಿಕೆಯನ್ನು ಗಮನಿಸಿದ ಯುವಕರು ಈಗ ಕಡಿಮೆ ಹೂಡಿಕೆಯಲ್ಲಿ ಈ ವ್ಯವಹಾರ ಆರಂಭಿಸುವತ್ತ ಮುಖ ಮಾಡಿದ್ದಾರೆ. ಮಾರುಕಟ್ಟೆ ತಜ್ಞರ ಪ್ರಕಾರ ಸುಮಾರು 50 ಸಾವಿರದಿಂದ 2 ಲಕ್ಷ ರೂಪಾಯಿ ಹೂಡಿಕೆ ಮಾಡಿದರೆ ಸಣ್ಣ ಮಟ್ಟದಲ್ಲಿ ಈ ಉದ್ಯಮ ಆರಂಭಿಸಬಹುದು.
ಆರಂಭದಲ್ಲಿ ಪೆಟ್ ಫುಡ್, ಫೀಡಿಂಗ್ ಬೌಲ್, ಟಾಯ್ಸ್, ಗ್ರೂಮಿಂಗ್ ಉತ್ಪನ್ನಗಳು ಹಾಗೂ ಬೇಸಿಕ್ ಆಕ್ಸೆಸರೀಸ್ಗಳನ್ನು ಸ್ಟಾಕ್ನಲ್ಲಿ ಇಟ್ಟು ಮಾರಾಟ ಮಾಡಬಹುದು. ಅಂಗಡಿ ಬಾಡಿಗೆಗೆ ತೆಗೆದುಕೊಳ್ಳದೇ ಮನೆಯಲ್ಲೇ ಕುಳಿತು ಇನ್ಸ್ಟಾಗ್ರಾಮ್, ವಾಟ್ಸಾಪ್, ಅಮೆಜಾನ್, ಫ್ಲಿಪ್ಕಾರ್ಟ್ ಮುಂತಾದ ಪ್ಲಾಟ್ಫಾರ್ಮ್ಗಳ ಮೂಲಕವೂ ವ್ಯಾಪಾರ ನಡೆಸಬಹುದು.
ಈ ಕ್ಷೇತ್ರದಲ್ಲಿ ಯಶಸ್ಸು ಪಡೆಯಲು ಮೊದಲು ಸ್ಥಳೀಯವಾಗಿ ಯಾವ ಉತ್ಪನ್ನಗಳಿಗೆ ಹೆಚ್ಚು ಬೇಡಿಕೆ ಇದೆ ಎಂಬುದನ್ನು ಅರಿಯುವುದು ಮುಖ್ಯ. ನಂತರ ಹೋಲ್ಸೇಲ್ ಡೀಲರ್ಗಳೊಂದಿಗೆ ಸಂಪರ್ಕ ಬೆಳೆಸಿ ಕಡಿಮೆ ದರದಲ್ಲಿ ಉತ್ಪನ್ನ ಖರೀದಿ ಮಾಡಿದರೆ ಲಾಭ ಹೆಚ್ಚಿಸಬಹುದು.
ಪೆಟ್ ಉತ್ಪನ್ನಗಳ ಮೇಲೆ ಸಾಮಾನ್ಯವಾಗಿ 20 ರಿಂದ 50 ಶೇಕಡಾ ವರೆಗೆ ಮಾರ್ಜಿನ್ ಸಿಗುತ್ತದೆ ಎಂದು ವ್ಯಾಪಾರಿಗಳು ಹೇಳುತ್ತಾರೆ. ಒಮ್ಮೆ ಸ್ಥಿರ ಗ್ರಾಹಕರ ವಲಯ ನಿರ್ಮಾಣವಾದರೆ ತಿಂಗಳಿಗೆ 50 ಸಾವಿರದಿಂದ 1 ಲಕ್ಷ ರೂಪಾಯಿ ವರೆಗೆ ಆದಾಯ ಗಳಿಸುವ ಅವಕಾಶವೂ ಇದೆ. ವಿಶೇಷವಾಗಿ ಪ್ರತಿಮಾಸವೂ ಆಹಾರ ಖರೀದಿಸುವ ಗ್ರಾಹಕರು ಈ ಉದ್ಯಮದ ದೊಡ್ಡ ಶಕ್ತಿ.
ಇದರ ಜೊತೆಗೆ ಪೆಟ್ ಗ್ರೂಮಿಂಗ್, ಹೋಮ್ ಡೆಲಿವರಿ ಹಾಗೂ ಪೆಟ್ ಕೇರ್ ಸೇವೆಗಳನ್ನು ಸೇರಿಸಿದರೆ ಹೆಚ್ಚುವರಿ ಆದಾಯ ಕೂಡ ಸಾಧ್ಯ. ಆದರೆ ಆರಂಭದ ದಿನಗಳಲ್ಲಿ ಗ್ರಾಹಕರ ವಿಶ್ವಾಸ ಗೆಲ್ಲುವುದು ದೊಡ್ಡ ಸವಾಲಾಗಿರಬಹುದು.
ಉತ್ಪನ್ನಗಳ ಗುಣಮಟ್ಟ ಕಾಪಾಡದೇ ಹೋದರೆ ಗ್ರಾಹಕರು ಬೇರೆ ಅಂಗಡಿಗಳತ್ತ ತಿರುಗುವ ಸಾಧ್ಯತೆ ಇದೆ. ಆನ್ಲೈನ್ ಸ್ಪರ್ಧೆ ಕೂಡ ಹೆಚ್ಚಿರುವುದರಿಂದ ಸರಿಯಾದ ಡಿಜಿಟಲ್ ಮಾರ್ಕೆಟಿಂಗ್ ಮಾಡುವುದು ಅಗತ್ಯ ಎಂದು ತಜ್ಞರು ಸಲಹೆ ನೀಡಿದ್ದಾರೆ.
