Aishwarya Pise was eliminated :ಮೊದಲವಾರವೇ ಬಿಗ್ಬಾಸ್ ಮನೆಯಿಂದ ಹೊರಬಿದ್ದ ಲೇಡಿ ಬೈಕರ್ ಐಶ್ವರ್ಯಾ ಪಿಸೆ
Aishwarya Pise was eliminated : ಬಿಗ್ಬಾಸ್ ಸೀಸನ್ 9 ಹಲವಾರು ಕಾರಣಗಳಿಂದ ಸುದ್ದಿಯಾಗ್ತಿದೆ. ಇದೇ ಮೊದಲ ಬಾರಿಗೆ ಪ್ರವೀಣರು ಹಾಗೂ ನವೀನರು ಎಂಬ ಕಾಂಬಿನೇಷನ್ನಲ್ಲಿ ಈ ಬಾರಿ ಸ್ಪರ್ಧಿಗಳು ಕಣದಲ್ಲಿದ್ದಾರೆ. ಬಿಗ್ಬಾಸ್ ಮನೆಯಿಂದ ಈಗಾಗಲೇ ಮೊದಲನೇ ಎಲಿಮಿನೇಷನ್ ಆಗಿದೆ. ಬಿಗ್ಬಾಸ್ ಶೋ ಆರಂಭವಾಗಿ ಕೆಲವೇ ದಿನಗಳು ಆಗಿದೆ ಅನ್ನೋವಷ್ಟರಲ್ಲಿಯೇ ಮೊದಲನೇ ಸ್ಪರ್ಧಿ ಬಿಗ್ಬಾಸ್ ಮನೆಯಿಂದ ಹೊರ ಬಿದ್ದಿದ್ದಾರೆ. ಭಾರತದ ಏಕೈಕ ಮಹಿಳಾ ಬೈಕ್ ರೇಸರ್ ಐಶ್ವರ್ಯಾ ಪಿಸೆ ಸ್ಪರ್ಧೆಯಿಂದ ಹೊರಬಿದ್ದಿದ್ದಾರೆ.
ಕಳೆದ ಸೀಸನ್ನಲ್ಲಿ ಬೈಕರ್ ಆಗಿ ಬಿಗ್ಬಾಸ್ ಮನೆ ಒಳಗೆ ಕಾಲಿಟ್ಟಿದ್ದ ಅರವಿಂದ್ ಕೆಪಿ ರನ್ನರ್ ಆಗಿ ಹೊರಹೊಮ್ಮಿದ್ದರು.ಹೀಗಾಗಿ ಐಶ್ವರ್ಯಾ ಪಿಸೆ ಮೇಲೆ ಕೂಡ ಪ್ರೇಕ್ಷಕರಿಗೆ ನಿರೀಕ್ಷೆಗಳು ಬೆಟ್ಟದಷ್ಟಿತ್ತು. ಆದರೆ ಐಶ್ವರ್ಯಾ ಪಿಸೆ ಮೊದಲೇ ವಾರವೇ ಶೋನಿಂದ ಹೊರ ಬಿದ್ದಿದ್ದಾರೆ. ಕೊನೆಯ ಸ್ಥಾನದಲ್ಲಿ ಮಾಡೆಲ್ ಹಾಗೂ ಉದ್ಯಮಿ ದರ್ಶ್ ಚಂದ್ರಪ್ಪ ಮತ್ತು ಐಶ್ವರ್ಯಾ ಪಿಸೆ ಇದ್ದರು. ಕೊನೆ ಕ್ಷಣದಲ್ಲಿ ನಟ ಸುದೀಪ್ ದರ್ಶ್ರನ್ನು ಸೇಫ್ ಎಂದು ಘೋಷಿಸಿ ಐಶ್ವರ್ಯಾರನ್ನು ಮನೆಯಿಂದ ಹೊರಗೆ ಕರೆಸಿದ್ದಾರೆ.
ಮನೆಯಿಂದ ಎಲಿಮಿನೇಟ್ ಆಗಿ ಹೊರಬಿದ್ದ ಐಶ್ವರ್ಯಾ ಪಿಸೆಗೆ ಬಿಗ್ಬಾಸ್ ವಿಶೇಷ ಅಧಿಕಾರವೊಂದನ್ನು ನೀಡಿದ್ದರು. ಅದೇನೆಂದರೆ ಮುಂದಿನ ವಾರಕ್ಕೆ ನೇರವಾಗಿ ಯಾರನ್ನಾದರೂ ನೋಮಿನೇಟ್ ಮಾಡಿ ಎಂದು ಹೇಳಿದ್ದರು. ಕೂಡಲೇ ಐಶ್ವರ್ಯಾ ಪಿಸೆ ಆರ್ಯವರ್ಧನ್ ಹೆಸರನ್ನು ತೆಗೆದುಕೊಂಡಿದ್ದಾರೆ. ಪ್ರತಿಯೊಂದಕ್ಕೂ ಗ್ರಹ -ಗತಿ ಎಂಬ ಕಾರಣವನ್ನು ನೀಡಿದ್ದು ನನಗೆ ಸರಿ ಎನಿಸಿಲ್ಲ ಎಂದು ಕಾರಣ ನೀಡಿ ಆರ್ಯವರ್ಧನ್ರನ್ನು ನಾಮಿನೇಟ್ ಮಾಡಿ ಮನೆಯಿಂದ ಹೊರ ಬಂದಿದ್ದಾರೆ ..
ಬಿಗ್ಬಾಸ್ ಮನೆಯಿಂದ ಐಶ್ವರ್ಯಾ ಪಿಸೆಯನ್ನು ಎಲಿಮಿನೇಟ್ ಮಾಡಿದ್ದಕ್ಕೆ ಸಾಕಷ್ಟು ಮಂದಿ ಬಿಗ್ಬಾಸ್ ಪ್ರೇಕ್ಷಕರು ಅಸಮಾಧಾನ ಹೊರ ಹಾಕ್ತಿದ್ದಾರೆ. ವಿಶ್ವ ಮಟ್ಟದಲ್ಲಿ ಭಾರತದ ಕೀರ್ತಿಪತಾಕೆಯನ್ನು ಹಾರಿಸಿದ ಇಂತಹ ಮೇರು ಸ್ಪರ್ಧಿಯನ್ನು ಒಂದೇ ವಾರದಲ್ಲಿ ಬಿಗ್ಬಾಸ್ ಮನೆಯಿಂದ ಹೊರಹಾಕಬಾರದಿತ್ತು ಎಂದು ಬೇಸರ ಹೊರಹಾಕಿದ್ದಾರೆ. ಅಲ್ಲದೇ ವೈಲ್ಡ್ಕಾರ್ಡ್ ಎಂಟ್ರಿ ಮೂಲಕ ಅವರನ್ನು ಮತ್ತೆ ಮನೆ ಒಳಗೆ ಕರೆಸಿಕೊಳ್ಳಿ ಎಂದು ಆಗ್ರಹಿಸಿದ್ದಾರೆ.
ಇದನ್ನೂ ಓದಿ : Road Safety World Series 2022: ಸಚಿನ್ ನಾಯಕತ್ವದಲ್ಲಿ ಚಾಂಪಿಯನ್ ಪಟ್ಟಕ್ಕೇರಿದ ಇಂಡಿಯಾ ಲೆಜೆಂಡ್ಸ್
Aishwarya Pise was eliminated from the Bigg Boss house in the first week
Comments are closed.