ರಿಷಬ್ ಶೆಟ್ಟಿಯಿಂದ ಮುಂದುವರಿದ ಡಿಜಿಟಲ್ ಡಿಟಾಕ್ಸ್ – ಪತ್ನಿ ಪ್ರಗತಿ ಹೊರತುಪಡಿಸಿ ಮಿಕ್ಕೆಲ್ಲರೂ ಅನ್ಫಾಲೋ – ತನ್ನ ನಿರ್ಮಾಣ ಸಂಸ್ಥೆಗಳಿಗೆ ಮಾತ್ರ ಫಾಲೋವಿಂಗ್ ಸ್ಥಾನ
ಯುಗಾದಿ ಹಬ್ಬದಂದು ಹೊಸ ಅಧ್ಯಾಯ ಶುರು ಎಂದು ಪೋಸ್ಟ್ ಹಾಕಿದ್ದ ಡಿವೈನ್ ಸ್ಟಾರ್ ರಿಷಭ್ ಶೆಟ್ಟಿ ( Rishab Shetty) ತಮ್ಮ ಇನ್ ಸ್ಟಾಗ್ರಾಂ ಖಾತೆಯಲ್ಲಿ ಹಲವು ಬದಲಾವಣೆಗಳನ್ನು ಮಾಡಿಕೊಂಡಿದ್ದಾರೆ. ಇನ್ಸ್ಟಾಗ್ರಾಂನಲ್ಲಿ ಡಿಜಿಟಲ್ ಡಿಟಾಕ್ಸ್ ಹಾದಿ ತುಳಿದಿರುವ ನಟ ರಿಷಭ್ ಶೆಟ್ಟಿ ತಮ್ಮ ಅತ್ಯಾಪ್ತ ಬಳಗಳಿಗೆ ಫಾಲೋವಿಂಗ್ ಸ್ಥಾನದಿಂದ ಕೊಕ್ ನೀಡಿದ್ದು, ಕೇವಲ ಮೂರು ಖಾತೆಗಳನ್ನು ಮಾತ್ರ ಫಾಲೋವಿಂಗ್ ಪಟ್ಟಿಯಲ್ಲಿ ಉಳಿಸಿಕೊಂಡಿದ್ದಾರೆ.ಅತ್ಯಾಪ್ತ ಬಳಗ, ದೈತ್ಯ ಸಿನಿಮಾ ನಿರ್ಮಾಣ ಸಂಸ್ಥೆಗಳನ್ನೇ ಅನ್ಫಾಲೋ ಮಾಡಿರುವ ರಿಷಭ್ ನಿರ್ಧಾರ ಚಿತ್ರರಂಗಕ್ಕೆ ನಿಜಕ್ಕೂ ಅಚ್ಚರಿ ತಂದಿದೆ.
ಕಾಂತಾರ 1 ಸಿನಿಮಾ ಸಂದರ್ಭದಲ್ಲಿ ರಿಷಭ್ರ ಮೇಲೆ ನಂಬಿಕೆಯಿಟ್ಟು ಕೋಟಿಗಟ್ಟಲೇ ಬಂಡವಾಳ ಹೂಡಿಕೆ ಮಾಡಿ ರಿಷಭ್ ಶೆಟ್ಟಿ ಸಿನಿ ಜೀವನದ ಬಹುದೊಡ್ಡ ಯಶಸ್ಸಿನಲ್ಲಿ ಪ್ರಮುಖ ಪಾತ್ರ ವಹಿಸಿದ್ದ ಹೊಂಬಾಳೆ ಫಿಲ್ಮ್ಸ್ನ್ನು ಇನ್ಸ್ಟಾದಿಂದ ರಿಮೂವ್ ಮಾಡಿದ್ದಾರೆ ರಿಷಬ್ ಶೆಟ್ಟಿ. ಇದು ಸಾಲದು ಎಂಬಂತೆ, ಇದೇ ಕಾಂತಾರ ಸಿನಿಮಾದಲ್ಲಿ ರಿಷಭ್ ಶೆಟ್ಟಿಗೆ ನೆರಳಾಗಿ ನಿಂತು ಸಹಕರಿಸಿದ್ದ ನಟ ರಾಜ್ ಬಿ ಶೆಟ್ಟಿಯವರನ್ನು ಫಾಲೋವಿಂಗ್ ಲಿಸ್ಟ್ನಿಂದ ಅಳಿಸಿ ಹಾಕಿದ್ದಾರೆ. ಇದಾದ ಬಳಿಕ ಸಹನಟಿ ರುಕ್ಮಿಣಿ ವಸಂತ್ರನ್ನು ಫಾಲೋವಿಂಗ್ ಪಟ್ಟಿಯಿಂದ ಹೊರಗಿಟ್ಟಿದ್ದರು. ಇದೀಗ ಕೊನೆಯದಾಗಿ ಪತ್ನಿ ಪ್ರಗತಿ ಶೆಟ್ಟಿ, ರಿಷಭ್ ಶೆಟ್ಟಿ ಫಿಲ್ಮ್ಸ್, ರಿಷಭ್ ಶೆಟ್ಟಿ ಫೌಂಡೇಶನ್ ಪೇಜ್ಗಳನ್ನು ಮಾತ್ರ ನಟ ರಿಷಬ್ ಶೆಟ್ಟಿ ಫಾಲೋ ಮಾಡುತ್ತಿದ್ದಾರೆ.
ಇದನ್ನೂ ಓದಿ: Sai Pallavi Marriage : ಶೀಘ್ರದಲ್ಲಿಯೇ ವೈವಾಹಿಕ ಜೀವನಕ್ಕೆ ಕಾಲಿಡಲಿದ್ದಾರಾ ನಟಿ ಸಾಯಿಪಲ್ಲವಿ..?
ನಟ ರಿಷಭ್ ಶೆಟ್ಟಿ ಈ ನಿರ್ಧಾರ ಏಕೆ ತೆಗೆದುಕೊಂಡರು ಎಂಬುದಕ್ಕೆ ಯಾರ ಬಳಿಯೂ ಉತ್ತರವಿಲ್ಲ. ಆದರೆ ಮೂಲಗಳ ಪ್ರಕಾರ ಕಾಂತಾರ ಚಾಪ್ಟರ್ 1 ಸಿನಿಮಾ ಯಶಸ್ಸಿನ ಬಳಿಕ ಹೊಂಬಾಳೆ ಹಾಗೂ ರಿಷಬ್ ನಡುವೆ ವೈಮನಸ್ಯ ಮೂಡಿತ್ತು ಎಂಬ ಊಹಾಪೋಹಗಳು ಕೇಳಿ ಬರುತ್ತಿವೆ. ಆದರೆ ಯಾವುದಕ್ಕೂ ಯಾರಿಂದಲೂ ಈವರೆಗೆ ಉತ್ತರ ದೊರಕಿಲ್ಲ. ಅಲ್ಲದೇ ಸ್ಟಾರ್ ನಟರು ಕೇವಲ ತಮ್ಮ ಪತ್ನಿಯನ್ನು ಮಾತ್ರ ಫಾಲೋ ಮಾಡೋದು ಹಳೆ ಟ್ರೆಂಡ್. ಹೀಗಾಗಿ ರಿಷಭ್ ಶೆಟ್ಟಿ ಕೂಡ ಇದೇ ಹಾದಿ ತುಳಿದ್ರಾ ಅನ್ನೋ ಪ್ರಶ್ನೆ ಕೂಡ ಎಲ್ಲೆಡೆ ಹುಟ್ಟಿಕೊಂಡಿದೆ.
