ಐಪಿಎಲ್​ನ ಶ್ರೀಮಂತ ತಂಡವಾಗಿ ಹೊರಹೊಮ್ಮಿದ ಆರ್​ಸಿಬಿ: ದಾಖಲೆಯ ಮೊತ್ತಕ್ಕೆ ಮಾರಾಟ

ಬೆಂಗಳೂರು : ಈ ಬಾರಿ ಮಾರಾಟಕ್ಕಿದ್ದ ಆರ್​ಸಿಬಿ ತಂಡ ಯಾರ ಪಾಲಾಗಲಿದೆ ಎಂಬ ಬಿಲಿಯನ್​ ಡಾಲರ್​ ಪ್ರಶ್ನೆಗೆ ಕೊನೆಗೂ ಉತ್ತರ ದೊರಕಿದೆ. ದಾಖಲೆಯ ಮೊತ್ತದಲ್ಲಿ ಆರ್​ಸಿಬಿ ತಂಡವು ಮಾರಾಟಗೊಳ್ಳುವ ಮೂಲಕ ಕ್ರಿಕೆಟ್​ ಲೋಕದಲ್ಲಿಯೇ ಹೊಸ ಇತಿಹಾಸ ಬರೆದಿದೆ.

ಬಿಲಿಯನೇರ್ ಕುಮಾರ್ ಮಂಗಲಂ ಬಿರ್ಲಾ ನೇತೃತ್ವದ ಭಾರತದ ಪ್ರಸಿದ್ಧ ಬಹುರಾಷ್ಟ್ರೀಯ ಸಮೂಹ ಆದಿತ್ಯ ಬಿರ್ಲಾ ಗ್ರೂಪ್ ಆರ್​ಸಿಬಿ ತಂಡವನ್ನು 16,896 ಕೋಟಿ ರೂಪಾಯಿಗಳಿಗೆ ಖರೀದಿ ಮಾಡಿದೆ.

ಬಿರ್ಲಾ ಗ್ರೂಪ್ಸ್​​ ಜೊತೆಯಲ್ಲಿ ಆರ್​ಸಿಬಿ ತಂಡದ ಮಾಲೀಕತ್ವದ ಪಾಲುದಾರಿಕೆಯನ್ನು ಅಮೆರಿಕದ ಕ್ರೀಡಾ ಹೂಡಿಕೆದಾರರಾದ ಡೇವಿಡ್ ಬ್ಲಿಟ್ಜರ್, ಅಮೆರಿಕದ ಖಾಸಗಿ ಇಕ್ವಿಟಿ ಸಂಸ್ಥೆ ಬ್ಲಾಕ್‌ಸ್ಟೋನ್ ಮತ್ತು ಟೈಮ್ಸ್ ಆಫ್ ಇಂಡಿಯಾ ಕೂಡ ಹೊಂದಿದೆ ಎಂದು ತಿಳಿಸಲಾಗಿದೆ.

ಇದನ್ನೂ ಓದಿ: IPL 2026: “ಈ ಬಾರಿ ಸವಾಲು ಅಷ್ಟು ಸುಲಭವಲ್ಲ : ಸಹ ಆಟಗಾರರಿಗೆ ವಿರಾಟ್ ಕೊಹ್ಲಿ ಖಡಕ್ ಎಚ್ಚರಿಕೆ

ಇನ್ನು ಐಪಿಎಲ್​ನ ಮತ್ತೊಂದು ತಂಡ ರಾಜಸ್ಥಾನ ರಾಯಲ್ಸ್​ ಕೂಡ ದಾಖಲೆಯ ಮೊತ್ತಕ್ಕೆ ಸೇಲ್​ ಆಗಿದೆ. 15297 ಕೋಟಿ ರೂಪಾಯಿಗೆ ರಾಜಸ್ಥಾನ ರಾಯಲ್ಸ್​ ತಂಡವನ್ನು ಖರೀದಿ ಮಾಡಲಾಗಿದೆ. ಈ ಮೂಲಕ ಐಪಿಎಲ್​ನ ಎರಡು ತಂಡಗಳು ಬಿಲಿಯನ್​ ಸ್ಥಾನಕ್ಕೆ ಬಡ್ತಿ ಪಡೆದಿವೆ.
ರಾಜಸ್ಥಾನ ರಾಯಲ್ಸ್​ ತಂಡವನ್ನು ಭಾರತೀಯ ಮೂಲದ ಅಮೆರಿಕ ಟೆಕ್​ ಉದ್ಯಮಿ ಕಲ್​ ಸೋಮಾನಿ ಅವರ ನೇತೃತ್ವದ ತಂಡ ಖರೀದಿ ಮಾಡಿದೆ. ಈ ಮೂಲಕ ರಾಜಸ್ಥಾನ ರಾಯಲ್ಸ್​ ಐಪಿಎಲ್​ ಪಂದ್ಯಾವಳಿಯ ಎರಡನೇ ದುಬಾರಿ ತಂಡ ಎನಿಸಿದೆ.