Protein Vegetables : ಬರೀ ಮೊಟ್ಟೆ ಅಷ್ಟೇ ಅಲ್ಲ, ಈ ಮೂರು ತರಕಾರಿಗಳೂ ಪ್ರೋಟೀನ್‌ ಕೊರತೆ ನೀಗಿಸಬಲ್ಲದು

ನಮ್ಮ ಆರೋಗ್ಯವನ್ನು (Health) ಉತ್ತಮವಾಗಿಟ್ಟುಕೊಳ್ಳಲು ದೇಹಕ್ಕೆ ಒಮ್ಮೊಮ್ಮೆ ಅಗತ್ಯ ಪೋಷಕಾಂಶಗಳನ್ನು ಒದಗಿಸುವ ಅವಶ್ಯಕತೆಯಿರುತ್ತದೆ. ಉಳಿದ ಪೋಷಕಾಂಶಗಳಂತೆಯೇ ದೇಹಕ್ಕೆ ಪ್ರೋಟೀನ್‌ ಸಹ ಅತಿ ಅವಶ್ಯಕವಾಗಿದೆ. ದೇಹದಲ್ಲಿನ ಪ್ರೋಟೀನ್‌ ಕೊರತೆಯಿಂದಾಗಿ ಅನೇಕ ಗಂಭೀರ ಖಾಯಿಲೆಗಳು ಸಂಭವಿಸುತ್ತವೆ. ಹಲವರು ತಿಳಿದಿರುವುದೇನೆಂದರೆ ಪ್ರೋಟೀನ್‌ನ ಅಂಶವು ಮೊಟ್ಟೆ ಅಥವಾ ಮಾಂಸಾಹಾರಗಳಲ್ಲಿ ಮಾತ್ರ ಇರುತ್ತವೆ. ಆದರೆ ಕೆಲವು ತರಕಾರಿಗಳೂ ಪ್ರೋಟೀನ್‌ (Protein Vegetables) ಅಂಶವನ್ನು ಅಧಿಕವಾಗಿ ಹೊಂದಿವೆ. ಅವುಗಳು ಪ್ರೋಟೀನ್‌ನ ಕೊರತೆಯನ್ನು ನೀಗಿಸಿ ದೇಹಕ್ಕೆ ಅಗತ್ಯವಾದ ಪೊಷಕಾಂಶಗಳನ್ನು ಮರುಪೂರೈಸುತ್ತವೆ. ಆ ತರಕಾರಿಗಳು ಬಗ್ಗೆ ಇಲ್ಲಿದೆ ಓದಿ.

ಪ್ರೋಟೀನ್‌ ಕೊರತೆಯನ್ನು ಸರಿದೂಗಿಸುವ ತರಕಾರಿಗಳು :

ಇದನ್ನೂ ಓದಿ : ಕರ್ನಾಟಕದಲ್ಲಿಂದು ಪ್ರಧಾನಿ ಮೋದಿ, ಅಮಿತಾ ಶಾ, ಯೋಗಿ ಆದಿತ್ಯನಾಥ್‌ ಆರ್ಭಟ

ಕಾಲಿಫ್ಲಾವರ್‌ (ಹೂಕೋಸು) :
ಹೆಲ್ತ್ ಶಾಟ್ ಪ್ರಕಾರ, ಕಾಲಿಫ್ಲಾವರ್‌ ಮತ್ತು ಬ್ರೊಕೊಲಿ ಎರಡೂ ಪ್ರೋಟೀನ್ ಅಧಿಕವಾಗಿರುವ ತರಕಾರಿಗಳಾಗಿವೆ. ಈ ಎರಡೂ ತರಕಾರಿಗಳು ಮೊಟ್ಟೆಗಿಂತ ಹೆಚ್ಚಿನ ಪ್ರೋಟೀನ್ ಅನ್ನು ಹೊಂದಿವೆ. ಕಾಲಿಫ್ಲಾವರ್‌ನ ವಿಶೇಷತೆ ಎಂದರೆ ಅದರಲ್ಲಿ ಕ್ಯಾಲೋರಿ ಮತ್ತು ಕೊಬ್ಬಿನಂಶ ಬಹಳ ಕಡಿಮೆ. ಈ ಕಾರಣಕ್ಕಾಗಿಯೇ ಈ ತರಕಾರಿ ತೂಕವನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ. ಹೂಕೋಸು ಪೊಟ್ಯಾಸಿಯಮ್, ಮೆಗ್ನೀಸಿಯಮ್, ಫೋಲೇಟ್, ಫಾಸ್ಫರಸ್, ವಿಟಮಿನ್ ಕೆ ಮತ್ತು ವಿಟಮಿನ್ ಸಿ ಮುಂತಾದ ಅಗತ್ಯ ಪೋಷಕಾಂಶಗಳಲ್ಲಿ ಸಮೃದ್ಧವಾಗಿದೆ. ಇದು ಕ್ಯಾನ್ಸರ್ ವಿರುದ್ಧ ಹೋರಾಡಲು ಸಹಾಯ ಮಾಡುತ್ತದೆ.

ಹಸಿರು ಬಟಾಣಿ :
ಬಟಾಣಿಗಳು ಯಾವುದೇ ಆಹಾರಕ್ಕೆ ರುಚಿಯನ್ನು ಹೆಚ್ಚಿಸುವುದರ ಜೊತೆಗೆ ಪ್ರೋಟೀನ್‌ನ ಉತ್ತಮ ಮೂಲವೆಂದು ಪರಿಗಣಿಸಲಾಗಿದೆ. ಹೆಚ್ಚಿನ ಪ್ರಮಾಣದ ಪ್ರೋಟೀನ್‌ನ ಹೊರತಾಗಿ, ಬಟಾಣಿ ದೇಹದಲ್ಲಿನ ಕೊಬ್ಬು ಮತ್ತು ಕೊಲೆಸ್ಟ್ರಾಲ್ ಮಟ್ಟವನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ. ಮೆಗ್ನೀಸಿಯಮ್, ರಂಜಕ, ತಾಮ್ರ, ಫೋಲೇಟ್, ಸತು, ಕಬ್ಬಿಣ ಮತ್ತು ಮ್ಯಾಂಗನೀಸ್‌ನಂತಹ ಅಗತ್ಯವಾದ ಖನಿಜಗಳು ಬಟಾಣಿಗಳಲ್ಲಿ ಕಂಡುಬರುತ್ತವೆ. ಇದು ಅನೇಕ ರೋಗಗಳ ಅಪಾಯವನ್ನು ಕಡಿಮೆ ಮಾಡುವಲ್ಲಿ ಪರಿಣಾಮಕಾರಿಯಾಗಿ ಕೆಲಸ ಮಾಡುತ್ತದೆ. ಹಸಿರು ಬಟಾಣಿ ವಿಶಿಷ್ಟವಾದ ಫೈಟೊನ್ಯೂಟ್ರಿಯೆಂಟ್‌ಗಳನ್ನು ಹೊಂದಿರುತ್ತದೆ. ಇದು ಕರುಳಿನ ಕ್ಯಾನ್ಸರ್ ಅನ್ನು ತಡೆಯಲು ಸಹಾಯ ಮಾಡುತ್ತದೆ.

ಪಾಲಕ್:
ಪಾಲಕ್ ಪೌಷ್ಟಿಕಾಂಶದ ಶಕ್ತಿ ಕೇಂದ್ರವಾಗಿದೆ. ಇದು ಹಲವಾರು ಆರೋಗ್ಯ ಪ್ರಯೋಜನಗಳನ್ನು ನೀಡುತ್ತದೆ. ಪ್ರೋಟೀನ್ ಕೊರತೆಯನ್ನು ಎದುರಿಸುತ್ತಿರುವ ಜನರು ಹೆಚ್ಚು ಹೆಚ್ಚು ಪಾಲಕವನ್ನು ಸೇವಿಸಲು ಸಲಹೆ ನೀಡಲಾಗುತ್ತದೆ. ಪಾಲಕವು ಪ್ರೋಟೀನ್ ಜೊತೆಗೆ ವಿಟಮಿನ್ ಎ, ವಿಟಮಿನ್ ಕೆ ಮತ್ತು ವಿಟಮಿನ್ ಸಿ ಯಂತಹ ಅಗತ್ಯ ಜೀವಸತ್ವಗಳನ್ನು ಸಹ ಹೊಂದಿದೆ. ಇದು ಪ್ರತಿರಕ್ಷಣಾ ವ್ಯವಸ್ಥೆಯನ್ನು ಬಲಪಡಿಸಲು ಮತ್ತು ದೃಷ್ಟಿ ಸುಧಾರಿಸಲು ಸಹಾಯ ಮಾಡುತ್ತದೆ.

ಇದನ್ನೂ ಓದಿ: SSLC Result 2023: ಎಸ್‌ಎಸ್‌ಎಲ್‌ಸಿ ಫಲಿತಾಂಶ ಯಾವಾಗ ಪ್ರಕಟ, ಫಲಿತಾಂಶ ವೀಕ್ಷಿಸಲು ಇಲ್ಲಿ ಕ್ಲಿಕ್‌ ಮಾಡಿ

(Eat these Protein Vegetables to overcome protein deficiency)