ಎಸ್ಬಿಐ ಪ್ರೊಬೇಷನರಿ ಆಫೀಸರ್ ನೇಮಕಾತಿ : ₹48,480 ವೇತನ
ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾ (SBI) ನಿರುದ್ಯೋಗಿಗಳಿಗೆ ಗುಡ್ನ್ಯೂಸ್ ಕೊಟ್ಟಿದೆ. ಖಾಲಿ ಇರುವ ಪ್ರೊಬೇಷನರಿ ಆಫೀಸರ್ (PO) ಹುದ್ದೆಗಳ ನೇಮಕಾತಿಗೆ ಅರ್ಹ ಅಭ್ಯರ್ಥಿಗಳಿಂದ ಅರ್ಜಿಗಳನ್ನು ಆಹ್ವಾನಿಸಿದೆ.
ಎಸ್ಐಬಿ ನೇಮಕಾತಿಗೆ ಈಗಾಗಲೇ ಅರ್ಜಿ ಸಲ್ಲಿಸಲು ಅವಕಾಶ ಕಲ್ಪಿಸಲಾಗಿದೆ. ಅರ್ಹ ಅಭ್ಯರ್ಥಿಗಳು ಜುಲೈ 14ರ ಒಳಗಾಗಿ ಅರ್ಜಿಗಳನ್ನು ಸಲ್ಲಿಸಬಹುದಾಗಿದೆ. ನಂತರ ಬಂದ ಅರ್ಜಿಗಳನ್ನು ನೇಮಕಾತಿಗೆ ಪರಿಗಣಿಸಲಾಗುವುದಿಲ್ಲ.
SBI PO ಹುದ್ದೆಯು ಬ್ಯಾಂಕಿಂಗ್ ಕ್ಷೇತ್ರದಲ್ಲಿ ಉತ್ತಮ ಅವಕಾಶ. ಈ ಹುದ್ದೆಗೆ ನೇಮಕಾತಿಯು ಮೂರು ಹಂತಗಳಲ್ಲಿ ನಡೆಯುತ್ತದೆ: ಪೂರ್ವಭಾವಿ ಪರೀಕ್ಷೆ (Preliminary Exam), ಮುಖ್ಯ ಪರೀಕ್ಷೆ (Main Exam), ಮತ್ತು ಸಂದರ್ಶನ (Interview) ಜೊತೆಗೆ ಗುಂಪು ಚರ್ಚೆ (Group Exercise).
SBI PO Recruitment 2025 : ಪ್ರಮುಖ ದಿನಾಂಕ :
- ಅರ್ಜಿ ಸಲ್ಲಿಕೆ ಆರಂಭ : ಜೂನ್ 24, 2025
- ಅಪ್ಲಿಕೇಶನ್ ಸಲ್ಲಿಸಲು ಅಂತಿಮ ದಿನ : ಜುಲೈ 14, 2025
- ಶುಲ್ಕ ಪಾವತಿಸಲು ಲಾಸ್ಟ್ ಡೇಟ್ : ಜುಲೈ 14, 2025
- ಪೂರ್ವಭಾವಿ ಪರೀಕ್ಷೆಗೆ ಪ್ರವೇಶ ಪತ್ರ ಡೌನ್ಲೋಡ್: ಜುಲೈ 3/4ನೇ ವಾರ 2025
- ಪೂರ್ವಭಾವಿ ಪರೀಕ್ಷೆ: ಜುಲೈ/ಆಗಸ್ಟ್ 2025
- ಪೂರ್ವಭಾವಿ ಪರೀಕ್ಷೆ ಫಲಿತಾಂಶ: ಆಗಸ್ಟ್/ಸೆಪ್ಟೆಂಬರ್ 2025
- ಮುಖ್ಯ ಪರೀಕ್ಷೆಗೆ ಪ್ರವೇಶ ಪತ್ರ ಡೌನ್ಲೋಡ್: ಆಗಸ್ಟ್/ಸೆಪ್ಟೆಂಬರ್ 2025
- ಮುಖ್ಯ ಪರೀಕ್ಷೆ: ಸೆಪ್ಟೆಂಬರ್ 2025
- ಮುಖ್ಯ ಪರೀಕ್ಷೆ ಫಲಿತಾಂಶ: ಸೆಪ್ಟೆಂಬರ್/ಅಕ್ಟೋಬರ್ 2025
- ಫೇಸ್-III (ಸಂದರ್ಶನ/ಗುಂಪು ಚರ್ಚೆ) ಪ್ರವೇಶ ಪತ್ರ ಡೌನ್ಲೋಡ್: ಅಕ್ಟೋಬರ್/ನವೆಂಬರ್ 2025
- ಫೇಸ್-III ಪರೀಕ್ಷೆ (ಸೈಕೋಮೆಟ್ರಿಕ್ ಟೆಸ್ಟ್/ಸಂದರ್ಶನ/ಗುಂಪು ಚರ್ಚೆ): ಅಕ್ಟೋಬರ್/ನವೆಂಬರ್ 2025
- ಅಂತಿಮ ಫಲಿತಾಂಶ ಪ್ರಕಟ: ನವೆಂಬರ್/ಡಿಸೆಂಬರ್ 2025
SBI PO Recruitment 2025 : ಹುದ್ದೆಗಳ ವಿವರ:
ಎಸ್ಬಿಐ (SBI) ಪ್ರೊಬೆಷನರಿ ಆಫೀಸರ್ಸ್ (PO)ನ ಒಟ್ಟು 541 ಹುದ್ದೆಗಳಿಗೆ ನೇಮಕಾತಿ ನಡೆಯುತ್ತಿದೆ. ಸಾಮಾನ್ಯ (General) ವರ್ಗಕ್ಕೆ 203 ಹುದ್ದೆಗಳು, ಒಬಿಸಿ (OBC) ಗೆ 135, EWS ಗೆ 50, SC ಗೆ 80 ಮತ್ತು ST ಗೆ 73 ಹುದ್ದೆಗಳ ಜೊತೆಗೆ ಬ್ಯಾಕ್ಲಾಗ್ ಹುದ್ದೆಗಳು ಒಳಗೊಂಡಿದೆ.
ವಿದ್ಯಾರ್ಹತೆ (ಅರ್ಜಿ ಸಲ್ಲಿಸಲು ನಿಗದಿಪಡಿಸಿದ ದಿನಾಂಕದಂತೆ):
ಶೈಕ್ಷಣಿಕ ಅರ್ಹತೆ: ಮಾನ್ಯತೆ ಪಡೆದ ವಿಶ್ವವಿದ್ಯಾಲಯದಿಂದ ಯಾವುದೇ ವಿಭಾಗದಲ್ಲಿ ಪದವಿ (Graduate Degree).
ತಮ್ಮ ಪದವಿಯ ಅಂತಿಮ ವರ್ಷ/ಸೆಮಿಸ್ಟರ್ನಲ್ಲಿರುವ ಅಭ್ಯರ್ಥಿಗಳು ಸಹ ಅರ್ಜಿ ಸಲ್ಲಿಸಬಹುದು. ಆದರೆ, ಸಂದರ್ಶನಕ್ಕೆ ಆಯ್ಕೆಯಾದರೆ, ಅವರು ನಿಗದಿತ ದಿನಾಂಕದಂದು (ಸಾಮಾನ್ಯವಾಗಿ ಸಂದರ್ಶನದ ದಿನಾಂಕದ ಮೊದಲು) ತಮ್ಮ ಪದವಿ ಪರೀಕ್ಷೆಯಲ್ಲಿ ಉತ್ತೀರ್ಣರಾಗಿರುವ ಬಗ್ಗೆ ಪುರಾವೆ ಒದಗಿಸಬೇಕು.
- ವಯಸ್ಸಿನ ಮಿತಿ (ಅರ್ಜಿ ಸಲ್ಲಿಸಲು ನಿಗದಿಪಡಿಸಿದ ದಿನಾಂಕದಂತೆ):
- ಕನಿಷ್ಠ ವಯಸ್ಸು: 21 ವರ್ಷಗಳು.
- ಗರಿಷ್ಠ ವಯಸ್ಸು: 30 ವರ್ಷಗಳು.
- ವಯಸ್ಸಿನ ಸಡಿಲಿಕೆ (ಸರ್ಕಾರದ ನಿಯಮಗಳ ಪ್ರಕಾರ):
- ಪರಿಶಿಷ್ಟ ಜಾತಿ (SC) / ಪರಿಶಿಷ್ಟ ಪಂಗಡ (ST) ಅಭ್ಯರ್ಥಿಗಳಿಗೆ: 5 ವರ್ಷಗಳು.
- ಇತರ ಹಿಂದುಳಿದ ವರ್ಗಗಳ (OBC – ನಾನ್-ಕ್ರೀಮಿ ಲೇಯರ್) ಅಭ್ಯರ್ಥಿಗಳಿಗೆ: 3 ವರ್ಷಗಳು.
- ವಿಕಲಚೇತನ (PwBD) ಅಭ್ಯರ್ಥಿಗಳಿಗೆ: ವರ್ಗದ ಆಧಾರದ ಮೇಲೆ 10, 13, ಅಥವಾ 15 ವರ್ಷಗಳು.
- ಮಾಜಿ ಸೈನಿಕರಿಗೆ: 5 ವರ್ಷಗಳು.
- ವೇತನ (SBI PO Salary):
ಎಸ್ಬಿಐ PO ಹುದ್ದೆ ವೇತನ :
ಮೂಲ ವೇತನ (Basic Pay): ₹48,480/-
ವೇತನ ಶ್ರೇಣಿ: ₹36000-1490/7-46430-1740/2-49910-1990/7-63840. (ಇದು ನಾಲ್ಕು ಇನ್ಕ್ರಿಮೆಂಟ್ಗಳನ್ನು ಒಳಗೊಂಡಿದೆ).
ಒಟ್ಟು ವೇತನ (Gross Salary): ಸ್ಥಳವನ್ನು ಅವಲಂಬಿಸಿ ₹84,000 ರಿಂದ ₹85,000 ಪ್ರತಿ ತಿಂಗಳು ಇರುತ್ತದೆ. ಇದು ಮೂಲ ವೇತನ, ತುಟ್ಟಿಭತ್ಯೆ (DA), ಮನೆ ಬಾಡಿಗೆ ಭತ್ಯೆ (HRA), ಸಾರಿಗೆ ಭತ್ಯೆ (TA), ವಿಶೇಷ ಭತ್ಯೆಗಳು (Special Allowances) ಇತ್ಯಾದಿಗಳನ್ನು ಒಳಗೊಂಡಿರುತ್ತದೆ.
ಮೆಟ್ರೋ ನಗರಗಳಲ್ಲಿ (ಉದಾ: ಮುಂಬೈ) ನೇಮಕಗೊಂಡರೆ, ವಾರ್ಷಿಕ Cost to Company (CTC) ಸುಮಾರು ₹20.43 ಲಕ್ಷದವರೆಗೆ ಇರುತ್ತದೆ.
ಇತರ ಸೌಲಭ್ಯಗಳು: ಬಾಡಿಗೆ ಭತ್ಯೆ/ಬಾಡಿಗೆ ಸೌಲಭ್ಯ (Lease Accommodation), ವೈದ್ಯಕೀಯ ಸೌಲಭ್ಯಗಳು, ಸಾಲ ಸೌಲಭ್ಯಗಳು (ಮನೆ, ವಾಹನ ಇತ್ಯಾದಿಗಳಿಗೆ), ಪಿಂಚಣಿ ಸೌಲಭ್ಯಗಳು, ಇತ್ಯಾದಿ.
Also Read : ಹಿಂದೂಸ್ತಾನ್ ಪೆಟ್ರೋಲಿಯಂನಲ್ಲಿ ಉದ್ಯೋಗಾವಕಾಶ : ಮಾಸಿಕ ವೇತನ 1.60 ಲಕ್ಷ ರೂ.
ಅರ್ಜಿ ಶುಲ್ಕ:
ಸಾಮಾನ್ಯ (General), EWS, ಮತ್ತು OBC ವರ್ಗದ ಅಭ್ಯರ್ಥಿಗಳಿಗೆ: ₹750/-
SC, ST, ಮತ್ತು PwBD ವರ್ಗದ ಅಭ್ಯರ್ಥಿಗಳಿಗೆ: ಯಾವುದೇ ಶುಲ್ಕವಿಲ್ಲ (Nil).
ಶುಲ್ಕವನ್ನು ಆನ್ಲೈನ್ ಮೂಲಕ (ಡೆಬಿಟ್ ಕಾರ್ಡ್, ಕ್ರೆಡಿಟ್ ಕಾರ್ಡ್, ನೆಟ್ ಬ್ಯಾಂಕಿಂಗ್) ಪಾವತಿಸಬಹುದು. ಪಾವತಿಸಿದ ಶುಲ್ಕವು ಮರುಪಾವತಿಸಲಾಗುವುದಿಲ್ಲ.
SBI PO Recruitment 2025 : ಆಯ್ಕೆ ಪ್ರಕ್ರಿಯೆ:
ಪೂರ್ವಭಾವಿ ಪರೀಕ್ಷೆ (Phase-I): 100 ಅಂಕಗಳ ಆನ್ಲೈನ್ ಪರೀಕ್ಷೆ. (ಇಂಗ್ಲಿಷ್, ಕ್ವಾಂಟಿಟೇಟಿವ್ ಆಪ್ಟಿಟ್ಯೂಡ್, ರೀಸನಿಂಗ್ ಎಬಿಲಿಟಿ)
ಮುಖ್ಯ ಪರೀಕ್ಷೆ (Phase-II): 200 ಅಂಕಗಳ ಆನ್ಲೈನ್ ವಸ್ತುನಿಷ್ಠ ಪರೀಕ್ಷೆ ಮತ್ತು 50 ಅಂಕಗಳ ವಿವರಣಾತ್ಮಕ ಪರೀಕ್ಷೆ (Descriptive Test).
ಸಂದರ್ಶನ ಮತ್ತು ಗುಂಪು ಚರ್ಚೆ (Phase-III): ಮುಖ್ಯ ಪರೀಕ್ಷೆಯಲ್ಲಿ ಉತ್ತೀರ್ಣರಾದ ಅಭ್ಯರ್ಥಿಗಳಿಗೆ ಸಂದರ್ಶನ (30 ಅಂಕಗಳು) ಮತ್ತು ಗುಂಪು ಚರ್ಚೆ (20 ಅಂಕಗಳು) ನಡೆಸಲಾಗುತ್ತದೆ.
ಆಸಕ್ತರು ಎಸ್ಬಿಐನ ಅಧಿಕೃತ sbi.co.in/careers ವೆಬ್ಸೈಟ್ನಲ್ಲಿ ಲಭ್ಯ ಇರುವ ಅಧಿಸೂಚನೆಯನ್ನು ಕಡ್ಡಾಯವಾಗಿ ಓದಿ.
Also Read : ಜಸ್ಟ್ 10ನೇ ತರಗತಿ ಉತ್ತೀರ್ಣರಾದವರಿಗೆ ಸರಕಾರಿ ಉದ್ಯೋಗ : ಯಾವ ಇಲಾಖೆಯಲ್ಲಿ ಯಾವಾಗ ನೇಮಕಾತಿ
SBI PO Recruitment 2025: 48480 rs Salary Kannada News
