Uttara Kannada News : ಮುಂಡಗೋಡ್: ಅತ್ತೆ ಮಾವನ ಕಾಟಕ್ಕೆ ಅಳಿಯ ಸಾವು ! ಕಠಿಣ ಕ್ರಮಕ್ಕೆ ಆಗ್ರಹ
Uttara Kannada News : ಮುಂಡಗೋಡು: ಅತ್ತೆ ಮತ್ತು ಮಾವನ ಕಡೆಯವರಿಂದ ನಿರಂತರವಾಗಿ ಎದುರಾಗುತ್ತಿದ್ದ ಮಾನಸಿಕ ಹಿಂಸೆಯನ್ನು ತಾಳಲಾರದೆ ವ್ಯಕ್ತಿಯೊಬ್ಬರು ವಿಷ ಸೇವಿಸಿ ಆತ್ಮಹತ್ಯೆ ಮಾಡಿಕೊಂಡಿರುವ ಘಟನೆ ಉತ್ತರ ಕನ್ನಡ ಜಿಲ್ಲೆಯ ಮುಂಡಗೋಡಿನಲ್ಲಿ ವರದಿಯಾಗಿದೆ.
ಮುಂಡಗೋಡಿನ ನಿವಾಸಿ ಬಸವರಾಜ ಮೊರೆನ್ನವರ್ ಆತ್ಮಹತ್ಯೆ ಮಾಡಿಕೊಂಡ ದುರ್ದೈವಿ. ಇವರು ತಮ್ಮ ಅತ್ತೆ ಮತ್ತು ಮಾವ ನೀಡುತ್ತಿದ್ದ ಎನ್ನಲಾದ ಸತತ ಕಿರುಕುಳದಿಂದ ತೀವ್ರವಾಗಿ ನೊಂದಿದ್ದರು ಎಂದು ತಿಳಿದುಬಂದಿದೆ.
ಇದೇ ಮನಸ್ತಾಪದ ಹಿನ್ನೆಲೆಯಲ್ಲಿ ಬಸವರಾಜ ಅವರು ಫೆಬ್ರವರಿ 7ರ ಸಂಜೆ ಕ್ರಿಮಿನಾಶಕ ಸೇವಿಸಿದ್ದರು. ತಕ್ಷಣ ಅವರನ್ನು ಆಸ್ಪತ್ರೆಗೆ ದಾಖಲಿಸಲಾಯಿತಾದರೂ, ಚಿಕಿತ್ಸೆ ಫಲಕಾರಿಯಾಗದೆ ಫೆಬ್ರವರಿ 8ರಂದು ಅವರು ಮೃತಪಟ್ಟಿದ್ದಾರೆ.
ದೂರು ದಾಖಲು:
ಈ ಕುರಿತು ಮೃತರ ಸಂಬಂಧಿ ದೇವರಾಜ ಶಂಕರಪ್ಪ ಮೊರೆನ್ನವರ್ ಅವರು ಪೊಲೀಸರಿಗೆ ದೂರು ನೀಡಿದ್ದಾರೆ. ದೂರಿನಲ್ಲಿ ಉಲ್ಲೇಖಿಸಿರುವಂತೆ, ಹುಬ್ಬಳ್ಳಿಯ ಗೋಪಿನಕೊಪ್ಪದಲ್ಲಿ ವಾಸವಾಗಿರುವ ಅತ್ತೆ ಜಗನ್ನಾಥ್, ಮಾವ ಪ್ರಭಪ್ಪ ಹಾಗೂ ಸಂಬಂಧಿಕರಾದ ಉಮೇಶ್ ಮತ್ತು ಆನಂದ್ ಎಂಬುವವರೇ ಈ ಆತ್ಮಹತ್ಯೆಗೆ ನೇರ ಕಾರಣ ಎಂದು ಆರೋಪಿಸಲಾಗಿದೆ. ಆರೋಪಿಗಳು ಬಸವರಾಜ ಅವರಿಗೆ ಪದೇ ಪದೇ ಮಾನಸಿಕ ಕಿರುಕುಳ ನೀಡುತ್ತಿದ್ದರು ಎಂದು ದೂರಿನಲ್ಲಿ ವಿವರಿಸಲಾಗಿದೆ.
Aslo Read : ಸುಚಿತ್ರಾ ನಾಯ್ಕ್ ಕಳ್ಳಾಟ; ಅಪ್ಪು ಹೆಸರಿನ ದುರ್ಬಳಕೆ, ಕಲಬುರಗಿ ಜಮೀನ್ದಾರನ ಜೊತೆ ಅಕ್ರಮ ಸಂಬಂಧ !
ಪೊಲೀಸ್ ಕ್ರಮ:
ಸದ್ಯ ಮುಂಡಗೋಡು ಪೊಲೀಸ್ ಠಾಣೆಯಲ್ಲಿ ಈ ಸಂಬಂಧ ಪ್ರಕರಣ ದಾಖಲಾಗಿದ್ದು, ಮೃತರ ಕುಟುಂಬಸ್ಥರು ತಪ್ಪಿತಸ್ಥರ ವಿರುದ್ಧ ಕಠಿಣ ಕಾನೂನು ಕ್ರಮ ಜರುಗಿಸುವಂತೆ ಆಗ್ರಹಿಸಿದ್ದಾರೆ. ಪೊಲೀಸರು ತನಿಖೆಯನ್ನು ಮುಂದುವರಿಸಿದ್ದಾರೆ.
