ಒಂದೇ ವಧುವನ್ನು ಮದುವೆ ಆದ ಸಹೋದರರು

Himachal polyandry : ಹಿಮಾಚಲ ಪ್ರದೇಶ : ಸಹೋದರರಿಬ್ಬರು ಒಂದೇ ವಧುವನ್ನು ಮದುವೆ ಆಗಿರುವ ಅಪರೂಪದ ಘಟನೆ ನಡೆದಿದೆ. ಈ ಮದುವೆ ಎರಡೂ ಕುಟುಂಬಗಳ ಒಪ್ಪಿಗೆಯೂ ಇತ್ತು. ಇಂತಹ ಅಪರೂಪದ ಮದುವೆ ನಡೆದಿರೋದು ಹಿಮಾಚಲ ಪ್ರದೇಶದಲ್ಲಿ.

ಮಹಾಭಾರತದಲ್ಲಿ ದ್ರೌಪದಿ ಪಂಚ ಪಾಂಡವರನ್ನು ವರಿಸಿದ್ದಳು ಅನ್ನೋದನ್ನು ಕೇಳಿದ್ದೇವೆ. ಆದರೆ ಹಿಮಾಚಲ ಪ್ರದೇಶದಲ್ಲಿ ಇಂತಹದ್ದೇ ಘಟನೆ ನಡೆದಿದೆ.

ಹಿಮಾಚಲ ಪ್ರದೇಶದಲ್ಲಿ ಬಹುಪತ್ನಿತ್ವ ಜಾರಿಯಲ್ಲಿದೆ. ಹಿಮಾಚಲಯ ಪ್ರದೇಶದ ಸಿರ್ಮೌರ್‌ ಜಿಲ್ಲೆಯಲ್ಲಿ ಈ ಘಟನೆ ನಡೆದಿದೆ.

Also Read : ಗೃಹಲಕ್ಷ್ಮೀ ಯೋಜನೆ : ಗೃಹಿಣಿಯರಿಗೆ ಭರ್ಜರಿ ಗುಡ್‌ನ್ಯೂಸ್‌

ಹಟ್ಟಿ ಸಮುದಾಯದ ಜೋಡಿದಾರ ಸಂಪ್ರದಾಯ ಹಿಮಾಚಲ ಪ್ರದೇಶದ ಸಿರ್ಮೌರ್‌ ಜಿಲ್ಲೆಯ ಟ್ರಾನ್ಸ್-ಗಿರಿ ಪ್ರದೇಶದಲ್ಲಿ ವಾಸಿಸುವ ಹಟ್ಟಿ ಸಮುದಾಯದಲ್ಲಿ “ಜೋಡಿದಾರ” ಎಂಬ ಪ್ರಾಚೀನ ಬಹುಪತಿತ್ವದ (Polyandry) ಸಂಪ್ರದಾಯವು ಇಂದಿಗೂ ಆಚರಣೆಯಲ್ಲಿದೆ.

ಈ ಸಂಪ್ರದಾಯದ ಪ್ರಕಾರ ಒಬ್ಬ ಮಹಿಳೆ ಇಬ್ಬರು ಅಥವಾ ಹೆಚ್ಚು ಸಹೋದರರನ್ನು ಮದುವೆಯಾಗುತ್ತಾಳೆ. ಇದು ಮಹಾಭಾರತದ ದ್ರೌಪದಿ ಪಂಚ ಪಾಂಡವರನ್ನು ಮದವೆ ಆದಂತೆ. ಇಲ್ಲಿನ ಜನರು ಇದನ್ನು “ದ್ರೌಪದಿ ಪ್ರಥಾ ಅಂತಾನೂ ಕರೆಯುತ್ತಾರೆ.

ಶಿಲಾಯಿ ಗ್ರಾಮದ ಪ್ರದೀಪ್ ಮತ್ತು ಕಪಿಲ್ ನೇಗಿ ಸಹೋದರರು ಕುನ್ಹಾಟ್ ಗ್ರಾಮದ ಸುನಿತಾ ಚೌಹಾಣ್ ಎಂಬುವವರನ್ನು ಮದುವೆಯಾಗಿದ್ದಾರೆ.

Also Read : ಪಿಎಂ ಕಿಸಾನ್‌ ಸಮ್ಮಾನ್‌ ನಿಧಿ ಹಣ ರೈತರ ಖಾತೆಗೆ ಜಮೆ ಆಗಿದ್ಯಾ ? ಚೆಕ್‌ ಮಾಡುವುದು ಹೇಗೆ

ಈ ಮದುವೆಯು ಮೂರು ದಿನಗಳ ಕಾಲ ಸಾಂಪ್ರದಾಯಿಕ ಹಾಡುಗಳು, ನೃತ್ಯಗಳು ಮತ್ತು ಆಚರಣೆಗಳೊಂದಿಗೆ ವಿಜೃಂಭಣೆಯಿಂದ ನಡೆಯಿತು. ಈ ಮದುವೆಯು ಸಾರ್ವಜನಿಕವಾಗಿ ನಡೆದಿದ್ದು, ಹಲವರ ಗಮನ ಸೆಳೆದಿದೆ.

ಸುನಿತಾ ಚೌಹಾಣ್, ಪ್ರದೀಪ್, ಮತ್ತು ಕಪಿಲ್ ನೇಗಿ ಅವರು ಈ ನಿರ್ಧಾರವನ್ನು ಯಾವುದೇ ಒತ್ತಡವಿಲ್ಲದೆ, ಪರಸ್ಪರ ಒಪ್ಪಿಗೆಯಿಂದ ತೆಗೆದುಕೊಂಡಿರುವುದಾಗಿ ಹೇಳಿದ್ದಾರೆ.

ಇದು ತಮ್ಮ ಸಮುದಾಯದ ಹೆಮ್ಮೆಯ ಸಂಪ್ರದಾಯ ಎಂದು ಅವರು ಹೇಳಿಕೊಂಡಿದ್ದಾರೆ. ಕಪಿಲ್ ವಿದೇಶದಲ್ಲಿ ಕೆಲಸ ಮಾಡುತ್ತಿದ್ದರೆ, ಪ್ರದೀಪ್ ಸರ್ಕಾರಿ ಇಲಾಖೆಯಲ್ಲಿ ಕೆಲಸ ಮಾಡುತ್ತಾರೆ.

Himachal polyandry : ಏನಿದು ಹಟ್ಟಿ ಸಮುದಾಯದ ವಿಚಿತ್ರ ಆಚರಣೆ ?

• ಹಟ್ಟಿ ಸಮುದಾಯದಲ್ಲಿ ಈ ಬಹುಪತಿತ್ವದ ಪದ್ಧತಿಯು ಶತಮಾನಗಳಿಂದಲೂ ಅಸ್ತಿತ್ವದಲ್ಲಿದೆ. ಇದರ ಹಿಂದಿನ ಪ್ರಮುಖ ಕಾರಣಗಳನ್ನು ನೋಡಿದ್ರೆ ಅಚ್ಚರಿಯ ಮಾಹಿತಿಗಳು ಹೊರ ಬೀಳುತ್ತವೆ.
• ಭೂಮಿಯ ವಿಭಜನೆಯನ್ನು ತಡೆಯುವುದು: ಪರ್ವತ ಪ್ರದೇಶಗಳಲ್ಲಿ ಸೀಮಿತ ಕೃಷಿ ಭೂಮಿ ಇರುವುದರಿಂದ, ಭೂಮಿಯು ಸಹೋದರರ ನಡುವೆ ವಿಭಜನೆಯಾಗುವುದನ್ನು ತಡೆಯಲು ಈ ಪದ್ಧತಿ ಸಹಾಯಕವಾಗಿದೆ. ಹೀಗೆ ಇಡೀ ಕುಟುಂಬದ ಸಂಪತ್ತನ್ನು ಸಂರಕ್ಷಿಸಲಾಗುತ್ತದೆ.
• ಕೌಟುಂಬಿಕ ಏಕತೆ: ಒಬ್ಬ ಹೆಂಡತಿಯನ್ನು ಹಂಚಿಕೊಳ್ಳುವ ಮೂಲಕ, ಸಹೋದರರು ಒಗ್ಗಟ್ಟಾಗಿ ಇರುತ್ತಾರೆ ಮತ್ತು ಕುಟುಂಬದ ಸದಸ್ಯರ ನಡುವೆ ಬಾಂಧವ್ಯ ಬಲಗೊಳ್ಳುತ್ತದೆ. ಇದು ಕೃಷಿ ಮತ್ತು ದೈನಂದಿನ ಜೀವನದಲ್ಲಿ ಸಹಕಾರಕ್ಕೆ ಸಹಕಾರಿ.
• ಭದ್ರತೆಯ ಭಾವನೆ: ದೊಡ್ಡ ಕುಟುಂಬ, ಹೆಚ್ಚು ಪುರುಷರು ಇರುವಲ್ಲಿ ಬುಡಕಟ್ಟು ಸಮಾಜದಲ್ಲಿ ಹೆಚ್ಚು ಭದ್ರತೆ ಇರುತ್ತದೆ ಎಂಬ ನಂಬಿಕೆಯೂ ಇದೆ.
• ಮಕ್ಕಳ ಪಾಲನೆ: ಮಕ್ಕಳಿಗೆ ಎಲ್ಲ ಸಹೋದರರೂ ಪೋಷಕರಾಗಿರುತ್ತಾರೆ ಮತ್ತು ಅವರ ಪಾಲನೆಯ ಜವಾಬ್ದಾರಿಯನ್ನು ಹಂಚಿಕೊಳ್ಳುತ್ತಾರೆ.

ಭಾರತದಲ್ಲಿ ಬಹುಪತಿತ್ವವು ಕಾನೂನುಬಾಹಿರವಾಗಿದ್ದರೂ (ಹಿಂದೂ ವಿವಾಹ ಕಾಯ್ದೆಯ ಅಡಿಯಲ್ಲಿ), ಹಿಮಾಚಲ ಪ್ರದೇಶದ ಆದಾಯ ಕಾನೂನುಗಳ ಅಡಿಯಲ್ಲಿ “ಜೋಡಿದಾರ” ಪದ್ಧತಿಯನ್ನು ಗುರುತಿಸಲಾಗಿದೆ ಮತ್ತು ಬುಡಕಟ್ಟು ಸಮುದಾಯಗಳಲ್ಲಿ ಇದನ್ನು ಮುಂದುವರಿಸಲು ಅವಕಾಶ ನೀಡಲಾಗಿದೆ.

ಆದರೆ ಶಿಕ್ಷಣದ ಹೆಚ್ಚಳ ಮತ್ತು ಆರ್ಥಿಕ ಪ್ರಗತಿಯಿಂದಾಗಿ ಇಂತಹ ಪ್ರಕರಣಗಳು ಕಡಿಮೆಯಾಗುತ್ತಿವೆ, ಆದರೆ ಕೆಲವು ಪ್ರದೇಶಗಳಲ್ಲಿ ಇನ್ನೂ ಗೌಪ್ಯವಾಗಿ ಅಥವಾ ಸಾರ್ವಜನಿಕವಾಗಿ ಆಚರಿಸಲಾಗುತ್ತದೆ.

Himachal polyandry : ಹಟ್ಟಿ ಸಮುದಾಯದ ವಿಶೇಷತೆಗಳು:

ಹಟ್ಟಿ ಸಮುದಾಯವು ಹಿಮಾಚಲ ಪ್ರದೇಶದ ಸಿರ್ಮೌರ್‌ ಜಿಲ್ಲೆಯ ಟ್ರಾನ್ಸ್-ಗಿರಿ ಪ್ರದೇಶ ಮತ್ತು ಉತ್ತರಾಖಂಡದ ಗಡಿಗೆ ಹೊಂದಿಕೊಂಡಿರುವ ಪ್ರದೇಶಗಳಲ್ಲಿ ವಾಸಿಸುವ ಒಂದು ನಿಕಟ ಸಮುದಾಯವಾಗಿದೆ.

ಹಟ್ಟಿ ಸಮುದಾಯವು ತಮ್ಮ ವಿಶಿಷ್ಟ ಸಂಸ್ಕೃತಿ ಮತ್ತು ಪ್ರಾಚೀನ ಸಂಪ್ರದಾಯಗಳನ್ನು ಉಳಿಸಿಕೊಂಡಿದೆ. ಇವುಗಳಲ್ಲಿ “ಜೋಡಿದಾರ” ಅಥವಾ “ಜಜ್ದಾ” ಎಂದು ಕರೆಯಲ್ಪಡುವ ಬಹುಪತಿತ್ವದ ಪದ್ಧತಿಯು ಪ್ರಮುಖವಾಗಿದೆ. ಈ ಪದ್ಧತಿಯು ಮಹಾಭಾರತದ ದ್ರೌಪದಿ ಕಥೆಯೊಂದಿಗೆ ಸಂಬಂಧ ಹೊಂದಿದೆ ಎಂದು ನಂಬಲಾಗಿದೆ.

ಈ ಸಮುದಾಯಕ್ಕೆ ಮೂರು ವರ್ಷಗಳ ಹಿಂದೆ ಭಾರತ ಸರ್ಕಾರದಿಂದ ಪರಿಶಿಷ್ಟ ಪಂಗಡ (Scheduled Tribe – ST) ಸ್ಥಾನಮಾನವನ್ನು ನೀಡಲಾಗಿದೆ.

ಇದು ಅವರ ಸಾಂಸ್ಕೃತಿಕ ಗುರುತನ್ನು ಮತ್ತಷ್ಟು ಬಲಪಡಿಸಿದೆ. ಹಟ್ಟಿ ಸಮುದಾಯದ ಜನರು ಹೆಚ್ಚಾಗಿ ಕೃಷಿ ಮತ್ತು ಪಶುಸಂಗೋಪನೆಯನ್ನು ಅವಲಂಬಿಸಿದ್ದಾರೆ.

ಬೆಟ್ಟಗುಡ್ಡಗಳ ಪ್ರದೇಶದಲ್ಲಿ ವಾಸಿಸುವ ಇವರು ತಮ್ಮ ಭೂಮಿ ಮತ್ತು ಕುಟುಂಬದ ಆಸ್ತಿಯನ್ನು ವಿಭಜನೆಯಾಗದಂತೆ ಕಾಪಾಡಿಕೊಳ್ಳಲು ಬಹುಪತಿತ್ವದಂತಹ ಪದ್ಧತಿಗಳನ್ನು ಅನುಸರಿಸುತ್ತಾರೆ.

ಈ ಸಮುದಾಯದಲ್ಲಿ ಕುಟುಂಬದ ಏಕತೆಗೆ ಹೆಚ್ಚಿನ ಮಹತ್ವ ನೀಡಲಾಗುತ್ತದೆ. ಬಹುಪತಿತ್ವವು ಸಹೋದರರ ನಡುವೆ ಬಾಂಧವ್ಯವನ್ನು ಬಲಪಡಿಸುತ್ತದೆ ಮತ್ತು ಕುಟುಂಬದ ಸಂಪನ್ಮೂಲಗಳನ್ನು ಒಟ್ಟಾಗಿ ನಿರ್ವಹಿಸಲು ಸಹಾಯ ಮಾಡುತ್ತದೆ.

ಇತ್ತೀಚಿನ ದಿನಗಳಲ್ಲಿ ಇಂತಹ ವಿವಾಹಗಳು ಸಾರ್ವಜನಿಕವಾಗಿ ನಡೆಯುವುದು ಕಡಿಮೆಯಾಗಿದ್ದರೂ, ಕೆಲವು ಕುಟುಂಬಗಳು ತಮ್ಮ ಸಂಪ್ರದಾಯದ ಬಗ್ಗೆ ಹೆಮ್ಮೆ ಪಟ್ಟುಕೊಂಡು ಸಾರ್ವಜನಿಕವಾಗಿ ಆಚರಿಸುತ್ತವೆ.

Himachal polyandry : ಬಹುಪತಿತ್ವಕ್ಕೆ ಕಾನೂನು ಮಾನ್ಯತೆ:

ಭಾರತದಲ್ಲಿ, ಹಿಂದೂ ವಿವಾಹ ಕಾಯಿದೆ (Hindu Marriage Act) ಅಡಿಯಲ್ಲಿ ಬಹುಪತಿತ್ವ (ಮತ್ತು ಬಹುಪತ್ನಿತ್ವ) ಕಾನೂನುಬಾಹಿರವಾಗಿದೆ. ಈ ಕಾಯಿದೆಯು ಹಿಂದೂಗಳಿಗೆ ಏಕಪತ್ನಿತ್ವವನ್ನು (Monogamy) ಕಡ್ಡಾಯಗೊಳಿಸುತ್ತದೆ.

ಹಟ್ಟಿ ಸಮುದಾಯದಂತಹ ಕೆಲವು ಬುಡಕಟ್ಟು ಸಮುದಾಯಗಳಲ್ಲಿ ಅವರ ಸಾಂಪ್ರದಾಯಿಕ ಪದ್ಧತಿಗಳಿಗೆ ವಿನಾಯಿತಿಗಳಿವೆ. ಹಿಮಾಚಲ ಪ್ರದೇಶದಲ್ಲಿ, ಹಟ್ಟಿ ಸಮುದಾಯದ “ಜೋಡಿದಾರ” ಪದ್ಧತಿಯನ್ನು ರಾಜ್ಯದ ಕಂದಾಯ ಕಾನೂನುಗಳ ಅಡಿಯಲ್ಲಿ (revenue laws) ಗುರುತಿಸಲಾಗಿದೆ.

ಇದರರ್ಥ, ಈ ನಿರ್ದಿಷ್ಟ ಬುಡಕಟ್ಟು ಸಮುದಾಯದಲ್ಲಿ ಬಹುಪತಿತ್ವವು ಸಾಮಾಜಿಕವಾಗಿ ಅಂಗೀಕೃತವಾಗಿದೆ ಮತ್ತು ಕಾನೂನುಬದ್ಧವಾಗಿ ಮಾನ್ಯತೆ ಪಡೆದಿದೆ.

ಭಾರತದಾದ್ಯಂತ ಬಹುಪತಿತ್ವಕ್ಕೆ ಕಾನೂನು ಮಾನ್ಯತೆ ಇದೆ ಎಂದರ್ಥವಲ್ಲ. ಇದು ಕೇವಲ ಹಿಮಾಚಲ ಪ್ರದೇಶದ ಹಟ್ಟಿ ಸಮುದಾಯದಂತಹ ಕೆಲವು ನಿರ್ದಿಷ್ಟ ಬುಡಕಟ್ಟು ಸಮುದಾಯಗಳಿಗೆ ಅನ್ವಯವಾಗುವ ವಿನಾಯಿತಿಯಾಗಿದೆ.

ಶಿಕ್ಷಣ ಮತ್ತು ಆಧುನಿಕತೆಯ ಪ್ರಭಾವದಿಂದಾಗಿ, ಈ ಪದ್ಧತಿಯು ಕ್ರಮೇಣ ಕಡಿಮೆಯಾಗುತ್ತಿದೆ, ಆದರೆ ಕೆಲವು ಹಳ್ಳಿಗಳಲ್ಲಿ ಇನ್ನೂ ಮುಂದುವರಿದಿದೆ.

Himachal Pradesh polyandry Brothers Marry One Bride Kannada News