ಆಧಾರ್​ ಕಾರ್ಡ್​ನಲ್ಲಿ ನಿಮ್ಮ ಫೋಟೋ ಬದಲಿಸುವುದು ಈಗ ಇನ್ನಷ್ಟು ಸುಲಭ : ಹೇಗೆ ಅಂತೀರಾ? ಇಲ್ಲಿದೆ ಮಾಹಿತಿ

ಭಾರತದಲ್ಲಿ ಮೋದಿ ಸರ್ಕಾರ (Central Government)  ಆಡಳಿತಕ್ಕೆ ಬಂದ ಬಳಿಕ ಪ್ರತಿಯೊಂದು ಸರ್ಕಾರಿ ಕಾರ್ಯಕ್ಕೆ ಆಧಾರ್​ ಕಾರ್ಡ್ (Aadhaar Card)  ಕಡ್ಡಾಯವಾಗಿದೆ, 2010ರ ಸೆಪ್ಟೆಂಬರ್​​ 29ರಿಂದಲೇ ಆಧಾರ್​ ಯೋಜನೆ ದೇಶದಲ್ಲಿ ಜಾರಿಗೆ ಬಂದಿತ್ತು. ಆದರೆ ಆಧಾರ್​ ಆಗ ಅಷ್ಟೊಂದು ಪ್ರಾಮುಖ್ಯತೆ ಪಡೆದುಕೊಂಡಿರಲಿಲ್ಲ. ಇದೀಗ ಕಳೆದ 13 ವರ್ಷಗಳಿಂದ ಪ್ರತಿಯೊಂದು ವ್ಯವಹಾರಕ್ಕೂ ಆಧಾರ್​ ನಂಬರ್ ಒದಗಿಸುವುದು ಕಡ್ಡಾಯವಾಗಿದೆ.

ಆಧಾರ್​ ಕಾರ್ಡ್​ನಲ್ಲಿ ನಿಮ್ಮ ಫೋಟೋ, ಬಯೋಮೆಟ್ರಿಕ್​, ವಿಳಾಸ, ಜನ್ಮದಿನಾಂಕ, ಇಮೇಲ್​ ಐಡಿ, ಫೋನ್​ ನಂಬರ್ ಹೀಗೆ ಪ್ರತಿಯೊಂದು ಮಾಹಿತಿಯೂ ಇರುತ್ತದೆ . ಇದು ನಿಮ್ಮ ಗುರುತಿನ ಚೀಟಿಯಂತೆ ಕಾರ್ಯ ನಿರ್ವಹಿಸುತ್ತದೆ. ಹೀಗಾಗಿ ಈಗಿನ ಜಮಾನದಲ್ಲಿ ಆಧಾರ್​ ಕಾರ್ಡ್​ನಲ್ಲಿ ಒಂದೇ ಒಂದು ಮಾಹಿತಿ ತಪ್ಪಾಗಿದ್ದರೂ ಸಹ ನಿಮಗೆ ಸರ್ಕಾರಿ ಸವಲತ್ತುಗಳನ್ನು ಪಡೆಯುವುದು ತುಂಬಾನ ಕಷ್ಟವಾಗುತ್ತದೆ.

ಹೀಗಾಗಿ ಕೇಂದ್ರ ಸರ್ಕಾರ ನೀಡಿರುವ ಆಧಾರ್​ ಕಾರ್ಡ್​ನಲ್ಲಿ ಇರುವ ನಿಮ್ಮ ವಿವರಗಳನ್ನು ಸರಿಯಾಗಿ ಇರುವಂತೆ ನೋಡಿಕೊಳ್ಳುವುದು ಕಡ್ಡಾಯವಾಗಿದೆ. ಆಧಾರ್​ ಕಾರ್ಡ್​ನಲ್ಲಿ ನೀವು ನಮೂದಿಸಿದ ಮಾಹಿತಿಗಳಲ್ಲಿ ಯಾವುದೇ ಬದಲಾವಣೆಗಳು ಇದ್ದರೂ ಸಹ ನೀವು ಕೂಡಲೇ ಅದನ್ನು ಬದಲಾಯಿಸಿಕೊಳ್ಳಬೇಕು. ಆಧಾರ್​ ಕಾರ್ಡ್ ವಿವರಗಳನ್ನು ಕಾಲ ಕಾಲಕ್ಕೆ ಅಪ್​ಡೇಟ್​ ಮಾಡುವುದು ಕಡ್ಡಾಯವಾಗಿದೆ.

ಇದನ್ನೂ ಓದಿ : ವಾಟ್ಸಾಪ್​ನಲ್ಲಿ ಶೀಘ್ರದಲ್ಲಿಯೇ ಬರ್ತಿದೆ ಹೊಸ ವೈಶಿಷ್ಟ್ಯ : ಇನ್ಮೇಲೆ ನೀವು ಮಾಡಬಹುದು ಮತದಾನ

ಒಂದು ವೇಳೆ ನೀವು ಕಳೆದ ಅನೇಕ ವರ್ಷಗಳಿಂದ ನೀವು ಆಧಾರ್​ ಕಾರ್ಡ್​ನಲ್ಲಿ ನಿಮ್ಮ ಫೋಟೋ ಬದಲಾವಣೆ (Aadhaar Card Photo Change)  ಮಾಡಿಲ್ಲ ಎಂದಾದಲ್ಲಿ ಇದೀಗ ಕೇಂದ್ರ ಸರ್ಕಾರವು ನಿಮಗೆ ಮನೆಯಲ್ಲಿಯೇ ಕುಳಿತು ನಿಮ್ಮ ಆಧಾರ್​ ಕಾರ್ಡ್​ನಲ್ಲಿರುವ ನಿಮ್ಮ ಫೋಟೋವನ್ನು ಬದಲಾವಣೆ ಮಾಡಲು ಸದಾವಕಾಶವನ್ನು ನೀಡಿದೆ .ಅಲ್ಲದೇ ಯುಐಡಿಎಐ ನಿಮಯದ ಪ್ರಕಾರ ಹದಿನೈದು ವರ್ಷ ದಾಟಿದ ಪ್ರತಿಯೊಬ್ಬರೂ ಕೂಡ ತಮ್ಮ ಆಧಾರ್​ ಕಾರ್ಡ್ ವಿವರಗಳನ್ನು ಅಪ್​ಡೇಟ್​​ ಮಾಡಿಕೊಳ್ಳುವುದು ಕಡ್ಡಾಯವಾಗಿರುತ್ತದೆ .

ಹಾಗಾದರೆ ನೀವು ಕೂಡ ಆಧಾರ್​ ಕಾರ್ಡ್​ನಲ್ಲಿ ನಿಮ್ಮ ಫೋಟೋವನ್ನು ಅಪ್​ಡೇಟ್​ ಮಾಡಿಕೊಳ್ಳಬೇಕು ಎಂದುಕೊಂಡಿದ್ದರೆ ನೀವು ಈ ಕೆಳಗಿನ ಹಂತಗಳನ್ನು ನೀವು ಪಾಲಿಸುವ ಮೂಲಕ ನಿಮ್ಮ ಫೋಟೋವನ್ನು ಆನ್​ಲೈನ್​ನಲ್ಲಿಯೇ ಅಪ್​ಡೇಟ್​ ಮಾಡಿಕೊಳ್ಳಬಹುದಾಗಿದೆ. ಇದಕ್ಕಾಗಿ ನೀವು ಯಾವ ಹಂತಗಳನ್ನು ಪಾಲಿಸಬೇಕು ಅನ್ನೋದಕ್ಕೆ ಇಲ್ಲಿ ಸಂಕ್ಷಿಪ್ತವಾಗಿ ನೀಡಲಾಗಿದೆ.

ಇದನ್ನೂ ಓದಿ : ಈ ಕೆಲಸ ಮಾಡಿಸದಿದ್ರೆ ನಿಷ್ಕ್ರೀಯಗೊಳ್ಳಲಿದೆ ನಿಮ್ಮ ಪ್ಯಾನ್‌ಕಾರ್ಡ್‌ : ಸರಕಾರದಿಂದ ಹೊಸ ರೂಲ್ಸ್‌ ಜಾರಿ

ಮೊದಲು ನೀವು ಯುಐಡಿಎಐನ ಅಧಿಕೃತ ವೆಬ್​ಸೈಟ್​ ಆಗಿರುವ – uidai.gov.inಗೆ ಭೇಟಿ ನೀಡಿ. ಈ ವೆಬ್​ಸೈಟ್​ನಿಂದ ನೀವು ಆಧಾರ್​ ದಾಖಲಾತಿ ಫಾರ್ಮ್​ನ್ನು ಡೌನ್​ಲೋಡ್​ ಮಾಡಿಕೊಳ್ಳಿ. ಈ ದಾಖಲಾತಿ ಫಾರ್ಮ್​ನಲ್ಲಿ ಕೇಳಲಾಗುವ ಎಲ್ಲಾ ಮಾಹಿತಿಗಳನ್ನು ಸರಿಯಾಗಿ ನಮೂದಿಸಿ. ಇದಾದ ಬಳಿಕ ಹತ್ತಿರದಲ್ಲಿರುವ ಆಧಾರ್​ ಸೇವಾ ಕೇಂದ್ರ ಅಥವಾ ಆಧಾರ್​ ನೋಂದಣಿ ಕೇಂದ್ರಗಳಲ್ಲಿ ನೀವು ದಾಖಲಾತಿ ಫಾರ್ಮ್ ಸಲ್ಲಿಸುವ ಮೂಲಕ ನಿಮ್ಮ ಫೋಟೋ ಅಪ್​ಡೇಟ್​ ಮಾಡಿಕೊಳ್ಳಬಹುದಾಗಿದೆ. ನಿಮ್ಮ ಹತ್ತಿರದಲ್ಲಿ ಆಧಾರ್ ನೋಂದಣಿ ಕೇಂದ್ರ ಎಲ್ಲಿದೆ ಎಂಬ ಮಾಹಿತಿ ನಿಮಗಿಲ್ಲ ಎಂದಾದಲ್ಲಿ ನೀವು points.uidai.gov.in/. ಎಂಬ ಈ ವೆಬ್​ಸೈಟ್​ಗೆ ಭೇಟಿ ನೀಡುವ ಮೂಲಕ ನಿಮ್ಮ ಹತ್ತಿರದ ಆಧಾರ್​ ಕೇಂದ್ರದ ಬಗ್ಗೆ ಮಾಹಿತಿಯನ್ನು ಪಡೆದುಕೊಳ್ಳಬಹುದಾಗಿದೆ.

ಇದನ್ನೂ ಓದಿ : ಸುಕನ್ಯಾ ಸಮೃದ್ಧಿ ಯೋಜನೆ : 12000 ರೂ. ಹೂಡಿಕೆ ಮಾಡಿ ರೂ 70 ಲಕ್ಷ ಪಡೆಯಿರಿ

Aadhaar Card Photo Can be Updated Online Now Even Easier How ? Here is the information