ಗುಡ್​ ನ್ಯೂಸ್​ : ಶೀಘ್ರದಲ್ಲೇ ಮಾರುಕಟ್ಟೆಗೆ ಬರ್ತಿದೆ 15 ಸಾವಿರಕ್ಕೂ ಕಡಿಮೆ ದರದ ಜಿಯೋ ಲ್ಯಾಪ್​ಟಾಪ್​​

Jio Laptops Just Rs 15000 : ಕೊರೊನಾ ಬಳಿಕ ಐಟಿ ಕಂಪನಿಗಳು ವರ್ಕ್ ಫ್ರಾಮ್​ ಹೋಮ್​ ಆರಂಭಿಸಿದ ಬಳಿಕ ಲ್ಯಾಪ್​ಟಾಪ್​ಗೆ ಡಿಮ್ಯಾಂಡ್​ ಎಂದಿಗಿಂತ ಜಾಸ್ತಿಯಾಯ್ತು. ಇದಾದ ಬಳಿಕ ಕಡಿಮೆ ಬೆಲೆಗೆ ಲ್ಯಾಪ್​ಟಾಪ್​ (Laptop) ಸಿಗೋದೇ ಕಷ್ಟವಾಯ್ತು. ನಮಗೆ ಬೇಕಾದ ಎಲ್ಲಾ ಫೀಚರ್​ಗಳು ಇರೋದಿಲ್ಲ. ಎಲ್ಲಾ ಫೀಚರ್​​ಗಳು ಇರುವ ಲ್ಯಾಪ್​ಟಾಪ್​ ಬೇಕು ಅಂದರೆ ಹೆಚ್ಚು ಹಣ ಖರ್ಚು ಮಾಡ್ಬೇಕು. ಆದರೆ ಈ ಎಲ್ಲಾ ನಿಮ್ಮ ಸಮಸ್ಯೆಗಳಿಗೆ ರಿಲಯನ್ಸ್​ ಜಿಯೋ ಹೊಸ ಪರಿಹಾರವೊಂದನ್ನು ನೀಡಿದೆ. ಜಿಯೋ ಕಂಪನಿಯು ಮಾರುಕಟ್ಟೆಗೆ ಅತ್ಯಂತ ಕಡಿಮೆ ಬೆಲೆಯ ಜಿಯೋ ಲ್ಯಾಪ್​ಟಾಪ್​ನ್ನು(Jio Laptops) ತಂದಿದೆ.

ಮುಕೇಶ್​ ಅಂಬಾನಿ ಮಾಲೀಕತ್ವದ ರಿಲಾಯನ್ಸ್​ ಜಿಯೋ ಕಂಪನಿಯು ಅತೀ ಕಡಿಮೆ ದರದಲ್ಲಿ ಗ್ಯಾಜೆಟ್​ಗಳನ್ನು ಮಾರುಕಟ್ಟೆಗೆ ಪರಿಚಯಿಸೋದಕ್ಕೆ ಹೆಸರುವಾಸಿಯಾಗಿದೆ. ಈಗಾಗಲೇ ಅತೀ ಕಡಿಮೆ ದರಕ್ಕೆ ಇಂಟರ್ನೆಟ್​ ಸೌಕರ್ಯ, ಕೀಪ್ಯಾಡ್​ ಫೋನ್​ಗಳು ಹಾಗೂ ಸ್ಮಾರ್ಟ್ ಫೋನ್​ಗಳು ಇದು ಸಾಲದು ಎಂಬಂತೆ ಕಡಿಮೆ ದರಕ್ಕೆ ಪ್ರಿಪೇಯ್ಡ್​ ಸೌಕರ್ಯ ಹೀಗೆ ಕಡಿಮೆ ದರದಲ್ಲಿ ಹೆಚ್ಚಿನ ಲಾಭದ ಯೋಜನೆಗಳು ಜಿಯೋ ಕಂಪನಿಯ ಸಿಗ್ನೇಚರ್​ ಸ್ಟೈಲ್​ ಇದ್ದಂತೆ. ಇದೀಗ ಈ ಸಾಲಿಗೆ ಜಿಯೋ ಕಂಪನಿಯ ಲ್ಯಾಪ್​ಟಾಪ್​ ಕೂಡ ಸೇರಿದೆ. ಕೇವಲ 14,999 ರೂಪಾಯಿಗಳಿಗೆ ಲ್ಯಾಪ್​ಟಾಪ್​ನ್ನು ಮಾರುಕಟ್ಟೆಗೆ ತರಲು ರಿಲಯನ್ಸ್​ ಜಿಯೋ ಕಂಪನಿ ಎಲ್ಲಾ ರೀತಿಯ ತಯಾರಿಯನ್ನು ಮಾಡಿದೆ ಎನ್ನಲಾಗಿದೆ.

15 ಸಾವಿರ ರೂಪಾಯಿಗಳಿಗಿಂತಲೂ ಕಡಿಮೆ ದರದ ಲ್ಯಾಪ್​ಟಾಪ್​ ಮಾರುಕಟ್ಟೆಗೆ ಬರ್ತಿರೋದು ವಿದ್ಯಾರ್ಥಿಗಳಿಗೆ ಸಿಹಿ ಸುದ್ದಿಯೇ ಆಗಿದೆ. ಈ ಕೈಗೆಟಕುವ ದರದ ಜಿಯೋ ಕಂಪನಿಯ ಲ್ಯಾಪ್​ಟಾಪ್​ನಲ್ಲಿ ಕ್ಲೌಡ್​​ ಕಂಪ್ಯೂಟಿಂಗ್​​ಗೆ ಚಂದಾದಾರಿಕೆ ಶುಲ್ಕ ಇರದಲಿ. ಒಂದು ಲ್ಯಾಪ್​ಟಾಪ್​ನಲ್ಲಿ ಹಲವು ಚಂದಾದಾರಿಕೆಯನ್ನು ಹೊಂದಬಹುದಾಗಿದೆ. ಭಾರತದಲ್ಲಿ ಇದೊಂದು ಹೊಸ ಪ್ರಯತ್ನವೇ ಅಗಿದೆ. ಶಿಕ್ಷಣ ಸಂಸ್ಥೆಗಳಿಗೆ ಹಾರ್ಡವೇರ್​ ವೆಚ್ಚ ಕಡಿಮೆ ಆಗೋದ್ರಿಂದ ನಿಜಕ್ಕೂ ಈ ಲ್ಯಾಪ್​ಟಾಪ್​ಗಳು ಉತ್ತಮ ಆಯ್ಕೆ ಆಗಿವೆ,

ಇದನ್ನೂ ಓದಿ : ಕೇವಲ 35,000 ರೂ.ಗೆ ನಿಮ್ಮದಾಗಬಹುದು ಐಫೋನ್​ : ಈ ಚಾನ್ಸ್​ ಮಿಸ್​ ಮಾಡಿಕೊಳ್ಳಬೇಡಿ..!

ಮೂಲಗಳ ಪ್ರಕಾರ ಮುಂದಿನ ತಿಂಗಳಿನಿಂದ ಈ ಅಗ್ಗದ ಬೆಲೆಯ ಲ್ಯಾಪ್​ಟಾಪ್​ ಮೇಕಿಂಗ್​ ಕಾರ್ಯ ಆರಂಭಗೊಳ್ಳಲಿದೆ ಅಂತಾ ಹೇಳಲಾಗ್ತಿದೆ. ಇದು ಕ್ಲೌಡ್​ನಿಂದ ಚಾಲಿತವಾಗುವ ಲ್ಯಾಪ್​ಟಾಪ್​ ಆಗಿರೋದ್ರಿಂದ ಜಿಯೋ ಕಂಪನಿಗೆ ಲ್ಯಾಪ್​ಟಾಪ್ ಕಡಿಮೆ ದರದಲ್ಲಿ ಮಾರಾಟ ಮಾಡಲು ಯಾವುದೇ ನಷ್ಟ ಇರೋದಿಲ್ಲ ಎನ್ನಲಾಗ್ತಿದೆ. ಹೊಸ ಲ್ಯಾಪ್​ಟಾಪ್​ ಆವಿಷ್ಕಾರದ ಬಗ್ಗೆ ರಿಲಯನ್ಸ್​ ಜಿಯೋ ಕಂಪನಿಯು ಈಗಾಗಲೇ ಪ್ರತಿಷ್ಠಿತ ಕಂಪನಿಗಳಾದ ಹೆಚ್​ಪಿ, ಡೆಲ್​​ , ಲೆನೋವೋಗಳ ಜೊತೆ ಮೊದಲನೇ ಹಂತದ ಮಾತುಕತೆ ನಡೆಸಿದೆ ಎನ್ನಲಾಗಿದೆ.

ಆದರೆ ಜಿಯೋ ಕಂಪನಿಯು ಈವರೆಗೆ ತನ್ನ ಕಂಪನಿಯ ಲ್ಯಾಪ್​ಟಾಪ್​ನಲ್ಲಿ ಇರಲಿರುವ ಫೀಚರ್​ಗಳ ಬಗ್ಗೆ ಗುಟ್ಟು ಬಿಟ್ಟುಕೊಟ್ಟಿಲ್ಲ. ರಿಲಯನ್ಸ್​ ಜಿಯೋ ಕಂಪನಿಯು ಜಿಯೋ ಬುಕ್​ ಬಿಡುಗಡೆ ಮಾಡಿದ್ದು ಇದರ ಬೆಲೆ 16, 499 ರೂಪಾಯಿ ಆಗಿದೆ . ರಿಲಯನ್ಸ್​ ಜಿಯೋ ಕಂಪನಿಯು ತಮ್ಮ ಕಂಪನಿಯ ಹೊಸ ಲ್ಯಾಪ್​ಟಾಪ್​ ಖರೀದಿದಾರರಿಗೆ 100 ಜಿಬಿ ಕ್ಲೌಡ್​ ಸ್ಟೋರೇಜ್​ ಉಚಿತವಾಗಿ ನೀಡೋದಾಗಿ ಹೇಳಿದೆ.

ಇದನ್ನೂ ಓದಿ : 200 MP ಕ್ಯಾಮೆರಾ, 8GB RAM… ಅಬ್ಬಬ್ಬಾ Motorola Edge 30 Ultra 5G ಫೀಚರ್ಸ್‌ ನೋಡಿದ್ರೆ ಸುಸ್ತಾಗೋದು ಗ್ಯಾರಂಟಿ

ಈಗಾಗಲೇ ಲ್ಯಾಪ್​ಟಾಪ್​ ತಯಾರಿಕೆಗೆ ವಿವಿಧ ಪ್ರಯೋಗಳು ಕೂಡ ಆರಂಭಗೊಂಡಿವೆ ಎನ್ನಲಾಗಿದೆ. ಕ್ಲೌಡ್​ ಚಂದಾದಾರಿಕೆಯಲ್ಲಿ ನೀವು ಒಂದೇ ಲ್ಯಾಪ್​ಟಾಪ್​ ಅನೇಕ ಚಂದಾದಾರಿಕೆ ಹೊಂದಬಹುದಾಗಿದ್ದು ಇದೊಂದು ರೀತಿಯಲ್ಲಿ ಮಲ್ಟಿ ಯುಸೇಜ್​ ಲ್ಯಾಪ್​ಟಾಪ್​ ಆಗಿರಲಿದೆ. ಇದು ಸಾರ್ವಜನಿಕವಾಗಿ ಲ್ಯಾಪ್​ಟಾಪ್​ ಬಳಕೆಗೆ ಇಡುವವರಿಗೆ ಖಂಡಿತವಾಗಿಯೂ ಒಂದು ಉತ್ತಮ ಆಯ್ಕೆಯಾಗಿದೆ.

Jio Laptops Just rs 15000 : Mukesh Ambani many launch cloud Laptop in coming months chansing rs 70000 crore