WhatsApp Limited Backup Plan: ಗೂಗಲ್ ಖಾತೆಯ ಮೂಲಕ ವಾಟ್ಸಾಪ್ ಬ್ಯಾಕಪ್‌; ಅನಿಯಮಿತ ಯೋಜನೆ ನಿಲ್ಲಿಸಲು ಚಿಂತನೆ

ವಾಟ್ಸಾಪ್ ಬಳಕೆದಾರರು ತಮಗೆ ಅಗತ್ಯವಿರುವ ಯಾವುದೇ ಡೇಟಾವನ್ನು ಕಳೆದುಕೊಳ್ಳುವುದನ್ನು ತಪ್ಪಿಸಲು ಗೂಗಲ್ ಡ್ರೈವ್‌ನಲ್ಲಿ ಸಂಗ್ರಹಿಸಲು ವಾಟ್ಸಾಪ್ ಬ್ಯಾಕಪ್‌ಗಳ (WhatsApp Limited Backup Plan) ಬಗ್ಗೆ ತಿಳಿದಿರಬಹುದು. ಚಾಟ್ ಹಿಸ್ಟರಿ, ಚಿತ್ರಗಳು, ವೀಡಿಯೊಗಳು, ಇತ್ಯಾದಿಗಳನ್ನು ಫೋನಿನಲ್ಲಿ ಸೇವ್ ಮಾಡಲು ನಿಮ್ಮ ಫೋನ್‌ನಲ್ಲಿ ಸ್ಥಳಾವಕಾಶವಿಲ್ಲದಿದ್ದರೆ ಬ್ಯಾಕಪ್‌ಗಳು ಅವಶ್ಯಕ. ಆಂಡ್ರಾಯ್ಡ್ ಬಳಕೆದಾರರು ತಮ್ಮ ಗೂಗಲ್ ಖಾತೆಯ ಮೂಲಕ ವಾಟ್ಸಾಪ್ ಬ್ಯಾಕಪ್‌ಗಳನ್ನು (WhatsApp Limited Backup Plan) ತೆಗೆದುಕೊಳ್ಳಬಹುದು. ಇತ್ತೀಚಿನ ಅಪ್ಡೇಟ್ ಪ್ರಕಾರ, ಗೂಗಲ್ ಸೀಮಿತ ಯೋಜನೆಯನ್ನು ಪ್ರಾರಂಭಿಸಲು ಯೋಜಿಸುತ್ತಿದೆ! ಹೌದು, (WABetalnfo) ಪ್ರಕಾರ, “ಗೂಗಲ್ ನಮ್ಮ ವಾಟ್ಸಾಪ್ ಬ್ಯಾಕಪ್‌ಗಳನ್ನು ಸಂಗ್ರಹಿಸಲು ಅನಿಯಮಿತ ಯೋಜನೆಯನ್ನು ನೀಡುವುದನ್ನು ನಿಲ್ಲಿಸಲು ಯೋಜಿಸುತ್ತಿದೆ.” ಎಂದಿದೆ.

ವಾಸ್ತವವಾಗಿ, ವಾಟ್ಸಾಪ್ ಬ್ಯಾಕ್‌ಅಪ್‌ಗಳಿಗಾಗಿ ಗೂಗಲ್ ಲಿಮಿಟೆಡ್ ಆಫರ್ ನೀಡಬಹುದು. ವಾಟ್ಸಾಪ್ ಬೆಟ (WABetalnfo) ತನ್ನ ಟ್ವಿಟರ್ ಹ್ಯಾಂಡಲ್‌ನಲ್ಲಿ, “ಗೂಗಲ್ ವಾಟ್ಸಾಪ್ ಬ್ಯಾಕಪ್‌ಗಳಿಗಾಗಿ ಸೀಮಿತ ಯೋಜನೆಯನ್ನು ನೀಡುತ್ತದೆ! ವಾಟ್ಸಾಪ್ ಬ್ಯಾಕಪ್‌ಗಳು ನಿಮ್ಮ ಗೂಗಲ್ ಡ್ರೈವ್ ಸ್ಟೋರೇಜ್ ಕೋಟಾದ ವಿರುದ್ಧ ಮತ್ತೆ ಎಣಿಕೆಯಾಗುತ್ತವೆ. ಆದರೆ ಗೂಗಲ್ ಭವಿಷ್ಯದಲ್ಲಿ ಉಚಿತ ಸೀಮಿತ ಯೋಜನೆಯನ್ನು ನೀಡಲು ಯೋಜಿಸುತ್ತಿದೆ” ಎಂದು ಅದು ಟ್ವೀಟ್ ಮಾಡಿದೆ.

“ನೀವು ಆಂಡ್ರಾಯ್ಡ್‌ನಲ್ಲಿ ವಾಟ್ಸಾಪ್ ಅನ್ನು ಬಳಸುತ್ತಿದ್ದರೆ, ಕೆಲವು ವರ್ಷಗಳ ಹಿಂದೆ ವಾಟ್ಸಾಪ್ ಮತ್ತು ಗೂಗಲ್ ನಡುವಿನ ಒಪ್ಪಂದದ ನಂತರ ನಿಮ್ಮ ಡ್ರೈವ್ ಸಂಗ್ರಹಣೆಯ ಕೋಟಾದ ವಿರುದ್ಧ ನಿಮ್ಮ ಬ್ಯಾಕ್‌ಅಪ್‌ಗಳ ವರ್ಕ್ ಆಗುವುದಿಲ್ಲ ಎಂದು ನಿಮಗೆ ಈಗಾಗಲೇ ತಿಳಿದಿದೆ. ಆಪಲ್ ಸಂಸ್ಥೆ ಆಫರ್ ನೀಡದ ಕಾರಣ ಇದು ಆಂಡ್ರಾಯ್ಡ್ ಬಳಕೆದಾರರಿಗೆ ಉತ್ತಮ ಪ್ರಯೋಜನವಾಗಿದೆ. ಐಕ್ಲೌಡ್‌ನಲ್ಲಿ ಬ್ಯಾಕಪ್‌ಗಳನ್ನು ಸಂಗ್ರಹಿಸಲು ಅನಿಯಮಿತ ಯೋಜನೆ, ಭವಿಷ್ಯದಲ್ಲಿ ಬರಲಿದೆ”ಎಂದು ವರದಿಯಲ್ಲಿ ತಿಳಿಸಿದೆ.

ಗೂಗಲ್ ಡ್ರೈವ್‌ನಲ್ಲಿ ಬ್ಯಾಕಪ್ ಮಾಡುವಾಗ ನಿಮ್ಮ ವಾಟ್ಸಾಪ್ ಚಾಟ್‌ಗಳನ್ನು ನಿರ್ವಹಿಸಲು ಅನುಮತಿಸುವ ಹೊಸ ವೈಶಿಷ್ಟ್ಯವು ಅಭಿವೃದ್ಧಿಯ ಹಂತದಲ್ಲಿದೆ. ನೀವು ಕೆಲವು ಮೆಸೇಜ್ ಗಳನ್ನು ಬ್ಯಾಕಪ್‌ನಿಂದ ಹೊರಗಿಡಲು ಸಾಧ್ಯವಾಗುತ್ತದೆ, ಇದರಿಂದ ನೀವು ಗೂಗಲ್ ಡ್ರೈವ್‌ನಲ್ಲಿ ಸ್ವಲ್ಪ ಜಾಗವನ್ನು ಉಳಿಸಬಹುದು. ವಾಟ್ಸಾಪ್ ಬೀಟಾ ಇನ್ಫೋ ಪ್ರಕಾರ, ವಾಟ್ಸಾಪ್ ಬ್ಯಾಕ್‌ಅಪ್‌ಗಳನ್ನು ಸಂಗ್ರಹಿಸಲು ಅನಿಯಮಿತ ಯೋಜನೆಯನ್ನು ನೀಡುವುದನ್ನು ನಿಲ್ಲಿಸಲು ಗೂಗಲ್ ಯೋಚನೆ ನಡೆಸುತ್ತಿದೆ. ನಿರ್ದಿಷ್ಟವಾಗಿ ಗೂಗಲ್ ಬ್ಯಾಕ್‌ಅಪ್‌ಗಳಿಗಾಗಿ ಬದಲಾವಣೆಗಳನ್ನು ಪರಿಚಯಿಸಲು ಯೋಜಿಸುತ್ತಿದೆ ಎಂದು ವಾಟ್ಸಾಪ್ ವಿವರಿಸಿದೆ. ಅಂದರೆ, ಡ್ರೈವ್ ಬಹುತೇಕ ತುಂಬಿದಾಗ ನೋಟಿಫಿಕೇಶನ್, ಮಿತಿಯನ್ನು ತಲುಪಿದಾಗ ಮತ್ತು ಬದಲಾವಣೆಗಳು ಯಾವಾಗ ಕಾರ್ಯಗತಗೊಳ್ಳುತ್ತವೆ ಎಂಬುದರ ಕುರಿತು ಮಾಹಿತಿ ಇತ್ಯಾದಿ.

ಇದನ್ನೂ ಓದಿ: SBI YONO App: ನೀವು ಎಸ್‌ಬಿಐ ಗ್ರಾಹಕರೇ? YONO ಆ್ಯಪ್ ನೋಂದಣಿ, ಬಳಕೆ ಕುರಿತ ಸಮಗ್ರ ಮಾಹಿತಿ ಇಲ್ಲಿದೆ

(WhatsApp Limited Backup Plan will be launch Google take steps)