Massive blast in Srinagar: ದೆಹಲಿ ಸ್ಫೋಟದ ಬೆನ್ನಲ್ಲೇ ಶ್ರೀನಗರ ಪೊಲೀಸ್ ಠಾಣೆ ಆವರಣದಲ್ಲಿ ಭಾರೀ ಸ್ಫೋಟ : 6 ಮಂದಿ ಪೊಲೀಸರು ದುರ್ಮರಣ
Massive blast in Srinagar : ಜಮ್ಮು ಮತ್ತು ಕಾಶ್ಮೀರದ ಶ್ರೀನಗರದಲ್ಲಿರುವ ನೌಗಾಮ್ ಪೊಲೀಸ್ ಠಾಣೆ ಆವರಣದಲ್ಲಿ ಭಾರೀ ಸ್ಪೋಟ ಸಂಭವಿಸಿ 6 ಮಂದಿ ಪೊಲೀಸರು ಮೃತಪಟ್ಟ ದಾರುಣ ಘಟನೆಯು ತಡರಾತ್ರಿ ಸಂಭವಿಸಿದೆ. ಈ ದುರಂತದಲ್ಲಿ 27ಕ್ಕೂ ಅಧಿಕ ಮಂದಿ ಗಾಯಗೊಂಡಿದ್ದಾರೆ.
ಹರಿಯಾಣದ(Haryana) ಫರಿದಾಬಾದ್ನಲ್ಲಿ ಉಗ್ರರಿಂದ ವಶಪಡಿಸಿಕೊಳ್ಳಲಾಗಿದ್ದ ಸ್ಫೋಟಕಗಳನ್ನು ನೌಗಾಮ್ ಪೊಲೀಸ್ ಠಾಣೆಯಲ್ಲಿ ಸಂಗ್ರಹಿಸಿ ಇಡಲಾಗಿತ್ತು. ಆದರೆ ಈ ಸ್ಫೋಟಕಗಳಿಗೆ ಆಕಸ್ಮಿಕ ಬೆಂಕಿ ತಗುಲಿದ ಪರಿಣಾಮ ಈ ದುರ್ಘಟನೆ ಸಂಭವಿಸಿದೆ .
ನೌಗಾಮ್ ಪೊಲೀಸ್ ಠಾಣೆಯಿಂದ ಬೆಂಕಿ ಕೆನ್ನಾಲಿಗೆ ಹೊರ ಚಾಚುತ್ತಿರುವ ಸಿಸಿ ಟಿವಿವಿಡಿಯೋಗಳು ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡಿದ್ದು ದುರಂತದ ತೀವ್ರತೆಯನ್ನು ತೋರಿಸುವಂತಿದೆ.
Also Read: Delhi blast : ಬಾಬ್ರಿ ಮಸೀದಿ ದ್ವಂಸಕ್ಕೆ ಪ್ರತೀಕಾರವೇ ದೆಹಲಿ ಸ್ಪೋಟ : 32 ಕಡೆ ಸ್ಫೋಟಕ್ಕೆ ಹುನ್ನಾರ..!
ಫರಿದಾಬಾದ್ನಲ್ಲಿರುವ ಡಾ. ಮುಜಮ್ಮಿಲ್ ಗನೈ ಎಂಬಾತನ ನಿವಾಸದಿಂದ ಜಮ್ಮು ಕಾಶ್ಮೀರ ಪೊಲೀಸರು ಬರೋಬ್ಬರಿ 350 ಕೆಜಿ ತೂಕದ ಸ್ಫೋಟಕಗಳನ್ನು ವಶಕ್ಕೆ ಪಡೆದು ನೌಗಾಮ್ ಠಾಣೆಯಲ್ಲಿ ಇರಿಸಿದ್ದರು. ನಿನ್ನೆ ರಾತ್ರಿ 11:30ರ ಸುಮಾರಿಗೆ ಠಾಣೆಯಲ್ಲಿ ಭಾರೀ ಸ್ಫೋಟ ಸಂಭವಿಸಿದೆ.
ಈ ದುರಂತದಲ್ಲಿ ಮಡಿದವರಲ್ಲಿ ಅನೇಕರು ಪೊಲೀಸರು ಹಾಗೂ ವಿಧಿವಿಜ್ಞಾನ ಪ್ರಯೋಗಾಲಯದ ಅಧಿಕಾರಿಗಳು ಎಂದು ತಿಳಿದುಬಂದಿದೆ. ದೆಹಲಿ ಕಾರು ಸ್ಪೋಟದಲ್ಲಿ ಬಳಕೆ ಮಾಡಿದ ಅಮೋನಿಯಂ ನೈಟ್ರೇಟ್ಗಳನ್ನೇ ವಶಪಡಿಸಿಕೊಂಡು ಠಾಣೆಯಲ್ಲಿ ಸಂಗ್ರಹಿಸಿ ಇಡಲಾಗಿತ್ತು.
Also Read: ಬಿಹಾರ ಚುನಾವಣೆ ಎನ್ಡಿಎ ಮೈತ್ರಿಕೂಟಕ್ಕೆ ಗೆಲುವು : ಕ್ಲೀನ್ ಸ್ವೀಪ್ ಮಾಡ್ತಾರಾ ಮೋದಿ
ಇದರ ಪರೀಕ್ಷೆ ನಡೆಸುತ್ತಿದ್ದ ಸಂದರ್ಭದಲ್ಲಿಯೇ ಈ ದುರ್ಘಟನೆ ಸಂಭವಿಸಿದೆ. ಸ್ಫೋಟದ ತೀವ್ರತೆ ಯಾವ ಮಟ್ಟಿಗೆ ಇತ್ತೆಂದರೆ ಕೆಲ ಕಾಲ ಅಲ್ಲಿನ ಭೂಮಿಯೇ ಕಂಪಿಸಿತ್ತು ಎಂದು ತಿಳಿದುಬಂದಿದೆ.
