ಒಂದು ಕೆಜಿ ಬೆಳ್ಳಿಯ ಹಣದಲ್ಲಿ ಖರೀದಿಸಬಹುದಾದ 5 ಸಖತ್ ಬೈಕ್‌ಗಳು ಇಲ್ಲಿವೆ!

Buy Bikes in Silver Price: ಹೂಡಿಕೆದಾರರ ಪಾಲಿಗೆ ಬೆಳ್ಳಿ ಸದ್ಯ ‘ಬಂಗಾರ’ದಂತೆ ಹೊಳೆಯುತ್ತಿದೆ. 2020ರ ಜನವರಿಯಲ್ಲಿ ಕೇವಲ 42,000 ರೂಪಾಯಿ ಇದ್ದ ಒಂದು ಕೆಜಿ ಬೆಳ್ಳಿಯ ಬೆಲೆ, ಇಂದು ನೋಯ್ಡಾದಲ್ಲಿ ಬರೋಬ್ಬರಿ 2.68 ಲಕ್ಷ ರೂಪಾಯಿಗೆ ಏರಿಕೆಯಾಗಿದೆ. ಅಚ್ಚರಿಯ ವಿಷಯವೆಂದರೆ, ಒಂದು ಕೆಜಿ ಬೆಳ್ಳಿಯನ್ನು ಮಾರಿ ನೀವು ಇಂದಿನ ಟ್ರೆಂಡಿಂಗ್ ಬೈಕ್‌ಗಳನ್ನು ಖರೀದಿಸುವುದಷ್ಟೇ ಅಲ್ಲದೆ, ಹಣವನ್ನೂ ಉಳಿಸಬಹುದು!

ಬೆಳ್ಳಿಯ ಬೆಲೆಗಿಂತಲೂ ಕಡಿಮೆ ಬೆಲೆಗೆ ಸಿಗುವ ಐದು ಪ್ರಮುಖ ಬೈಕ್‌ಗಳ ವಿವರ ಇಲ್ಲಿದೆ:

ಕೆಟಿಎಂ ಡ್ಯೂಕ್ 250 (KTM Duke 250)
ನಗರದ ಟ್ರಾಫಿಕ್ ಹಾಗೂ ಹೈವೇ ಪ್ರಯಾಣ ಎರಡಕ್ಕೂ ಹೇಳಿ ಮಾಡಿಸಿದ ಬೈಕ್ ಇದು. ಇದರ ಎಕ್ಸ್ ಶೋರೂಂ ಬೆಲೆ 2.12 ಲಕ್ಷ ರೂ. ಒಂದು ಕೆಜಿ ಬೆಳ್ಳಿಗೆ ಹೋಲಿಸಿದರೆ, ಈ ಬೈಕ್ ಕೊಂಡ ನಂತರವೂ ನಿಮ್ಮ ಬಳಿ ಸುಮಾರು 56,000 ರೂ. ಉಳಿಯುತ್ತದೆ. ಈ ಹಣದಲ್ಲಿ ನೀವು ಪ್ರೀಮಿಯಂ ಹೆಲ್ಮೆಟ್ ಮತ್ತು ಗ್ಲೌಸ್‌ಗಳನ್ನು ಖರೀದಿಸಬಹುದು.

ಬಜಾಜ್ ಪಲ್ಸರ್ NS400Z (Bajaj Pulsar NS400Z)
ಬಜಾಜ್ ಸಂಸ್ಥೆಯ ಅತ್ಯಂತ ಶಕ್ತಿಶಾಲಿ ಪಲ್ಸರ್ ಇದಾಗಿದ್ದು, ಇದರ ಬೆಲೆ ಕೇವಲ 1.92 ಲಕ್ಷ ರೂ. ಇದನ್ನು ಖರೀದಿಸಿದರೆ ಬೆಳ್ಳಿಯ ಬೆಲೆಗಿಂತ ಸುಮಾರು 80,000 ರೂ. ಲಾಭವಾಗಲಿದೆ. ಈ ಉಳಿತಾಯದ ಹಣದಲ್ಲಿ ನೀವು ಒಂದು ಸುಂದರ ಪ್ರವಾಸವನ್ನೇ ಕೈಗೊಳ್ಳಬಹುದು.

ಹೀರೋ ಎಕ್ಸ್‌ಪಲ್ಸ್ 210 (Hero Xpulse 210)
ಸಾಹಸ ಪ್ರಿಯರಿಗಾಗಿ ಸಿದ್ಧವಾಗಿರುವ ಈ ಆಫ್-ರೋಡ್ ಬೈಕ್ ಬೆಳ್ಳಿಯ ಬೆಲೆಗಿಂತ ಬರೋಬ್ಬರಿ 1 ಲಕ್ಷಕ್ಕೂ ಹೆಚ್ಚು ಕಡಿಮೆ ಬೆಲೆಗೆ ಲಭ್ಯವಿದೆ. ಉಳಿತಾಯದ ಹಣವನ್ನು ನೀವು ರೈಡಿಂಗ್ ಬೂಟ್ಸ್ ಮತ್ತು ಬೈಕ್ ಪರಿಕರಗಳ ಮೇಲೆ ಹೂಡಿಕೆ ಮಾಡಬಹುದು.

ಯಮಹಾ R15 (Yamaha R15)
ಸ್ಪೋರ್ಟ್ಸ್ ಬೈಕ್ ಪ್ರಿಯರ ಆಲ್ ಟೈಮ್ ಫೇವರೆಟ್ ಆಗಿರುವ ಯಮಹಾ R15 ಬೆಲೆ 1.66 ಲಕ್ಷ ರೂ. ಒಂದು ಕೆಜಿ ಬೆಳ್ಳಿಯ ಬೆಲೆಯಲ್ಲಿ ಈ ಬೈಕ್ ಖರೀದಿಸಿದರೆ ನಿಮ್ಮ ಜೇಬಿನಲ್ಲಿ ಇನ್ನೂ 1 ಲಕ್ಷ ರೂ. ಬಾಕಿ ಇರುತ್ತದೆ.

ಅಪಘಾತ ಆದವರಿಗೆ ಸಹಾಯ ಮಾಡಿ ಸೂಪರ್‌ ಹೀರೋ ಆಗಿ; ರಸ್ತೆ ವೀರ ಯೋಜನೆ ಜಾರಿ

ಕವಾಸಕಿ KLX 230 (Kawasaki KLX 230)
ಮಣ್ಣಿನ ಹಾದಿಯಲ್ಲಿ ರೈಡ್ ಮಾಡಲು ಇಷ್ಟಪಡುವವರಿಗಾಗಿ ಈ ಡರ್ಟ್ ಬೈಕ್ ಸೂಕ್ತವಾಗಿದೆ. ಇದರ ಬೆಲೆ 1.84 ಲಕ್ಷ ರೂ. ಆಗಿದ್ದು, ಬೆಳ್ಳಿಯ ಬೆಲೆಗೆ ಹೋಲಿಸಿದರೆ ನೀವು ಇಲ್ಲಿಯೂ 80,000 ರೂ. ಉಳಿತಾಯ ಮಾಡಬಹುದಾಗಿದೆ.

ಬೆಳ್ಳಿಯ ಮೇಲಿನ ಹೂಡಿಕೆ ಸ್ಥಿರತೆಯನ್ನು ನೀಡಿದರೆ, ಬೈಕ್ ಸವಾರಿಯು ಅದ್ಭುತ ಅನುಭವಗಳನ್ನು ನೀಡುತ್ತದೆ. ಬೆಳ್ಳಿಯ ಬೆಲೆ ಗಗನಕ್ಕೇರಿರುವ ಈ ಕಾಲದಲ್ಲಿ, ಅಷ್ಟೇ ಮೊತ್ತದಲ್ಲಿ ಈ ಬಲಿಷ್ಠ ದ್ವಿಚಕ್ರ ವಾಹನಗಳು ನಿಮ್ಮದಾಗಿಸಿಕೊಳ್ಳಬಹುದು ಎಂಬುದು ಅಚ್ಚರಿಯಾದರೂ ಸತ್ಯ.