ಪಶುಸಂಗೋಪನೆ ಕ್ಷೇತ್ರದಲ್ಲಿ ಹೊಸ ಕ್ರಾಂತಿ.. ಜಾನುವಾರುಗಳಿಗೂ ಬಂತು ಆಧಾರ್​ ಕಾರ್ಡ್..!

ಕರ್ನಾಟಕದ ಪಶುಸಂಗೋಪನಾ ಕ್ಷೇತ್ರದಲ್ಲಿ ಅತ್ಯಾಧುನಿಕ ಡಿಜಿಟಲ್ ಕ್ರಾಂತಿಯೊಂದು ಆರಂಭವಾಗಲು ವೇದಿಕೆ ಸಿದ್ಧವಾಗಿದೆ. ಇನ್ಮುಂದೆ ಮನುಷ್ಯರಂತೆ ರೈತರ ಜೀವನಾಡಿಯಾಗಿರುವ ಹಸು, ಎಮ್ಮೆ ಹಾಗೂ ಕರುಗಳಿಗೂ ವಿಶಿಷ್ಟವಾದ ಡಿಜಿಟಲ್ ಗುರುತಿನ ಚೀಟಿ ನೀಡಲು ರಾಜ್ಯ ಸರ್ಕಾರವು ಅಂತಿಮ ಹಂತದ ಸಿದ್ಧತೆಗಳನ್ನು ಕೈಗೊಂಡಿದೆ. ಈ ಮೂಲಕ ದೇಶದಲ್ಲೇ ಜಾನುವಾರುಗಳಿಗೆ ಬಯೋಮೆಟ್ರಿಕ್ ವ್ಯವಸ್ಥೆ ತರುತ್ತಿರುವ ಪ್ರಥಮ ರಾಜ್ಯ ಎಂಬ ಹೆಗ್ಗಳಿಕೆಗೆ ಕರ್ನಾಟಕ ಪಾತ್ರವಾಗಲಿದೆ.

ದನ-ಕರುಗಳನ್ನು ಗುರುತಿಸಲು ಅವುಗಳ ಕಿವಿ ಚುಚ್ಚಿ ಪ್ಲಾಸ್ಟಿಕ್ ಟ್ಯಾಗ್‌ಗಳನ್ನು ಹಾಕುವ ಈ ಸಾಂಪ್ರದಾಯಿಕ ಹಾಗೂ ಪ್ರಾಣಿಗಳಿಗೆ ನೋವು ನೀಡುವ ಪದ್ಧತಿಗೆ ಮುಕ್ತಿ ಸಿಗಲಿದೆ. ಮನುಷ್ಯರ ಬೆರಳಚ್ಚುಗಳು ಒಬ್ಬರಿಂದ ಮತ್ತೊಬ್ಬರಿಗೆ ಹೇಗೆ ಭಿನ್ನವಾಗಿರುತ್ತವೆಯೋ, ಅದೇ ರೀತಿ ಪ್ರತಿ ಜಾನುವಾರಿನ ಮೂಗಿನ ಮೇಲಿನ ರೇಖೆಗಳು ಮತ್ತು ಮಡಿಕೆಗಳುಕೂಡ ವಿಭಿನ್ನವಾಗಿರುತ್ತವೆ. ಇದೇ ವೈಜ್ಞಾನಿಕ ಸತ್ಯವನ್ನು ಬಳಸಿಕೊಂಡು ಜಾನುವಾರುಗಳ ಮೂಗಿನ ಭಾಗವನ್ನು ಸ್ಕ್ಯಾನ್ ಮಾಡಿ ಪ್ರತ್ಯೇಕ ಡಿಜಿಟಲ್ ಐಡಿಯನ್ನು ಸೃಷ್ಟಿಸಲಾಗುತ್ತದೆ.

ಇದನ್ನೂ ಓದಿ :  ರಾಜ್ಯದಲ್ಲಿ ಇಂದಿನಿಂದ 5 ದಿನ ಗುಡುಗು, ಬಿರುಗಾಳಿ ಸಹಿತ ಭಾರಿ ಮಳೆ ಮುನ್ಸೂಚನೆ

ಒಟ್ಟಾರೆಯಾಗಿ, ತಂತ್ರಜ್ಞಾನದ ಹೊಸ ಆಸರೆಯಲ್ಲಿ ಮೂಡಿಬರುತ್ತಿರುವ ಈ ನೂತನ ‘ಜಾನುವಾರು ಆಧಾರ್’ ಯೋಜನೆಯು ರಾಜ್ಯದ ಪಶುಸಂಗೋಪನಾ ಕ್ಷೇತ್ರದಲ್ಲಿ ದೊಡ್ಡ ಕ್ರಾಂತಿಗೆ ಮುನ್ನುಡಿ ಬರೆಯಲಿದೆ. ಮೂಕ ಪ್ರಾಣಿಗಳಿಗೆ ಡಿಜಿಟಲ್ ಗುರುತು ನೀಡುವ ಮೂಲಕ ಸರ್ಕಾರದ ಸೌಲಭ್ಯಗಳು ನೇರವಾಗಿ ಮತ್ತು ಪಾರದರ್ಶಕವಾಗಿ ರೈತರಿಗೆ ತಲುಪಲಿವೆ. ಕೃತಕ ಬುದ್ಧಿಮತ್ತೆ ಆಧಾರಿತ ಈ ಹೈಟೆಕ್ ವ್ಯವಸ್ಥೆಯು ವಂಚನೆಗಳಿಗೆ ಬ್ರೇಕ್ ಹಾಕುವುದರ ಜೊತೆಯಲ್ಲಿ ರೈತರ ಬದುಕನ್ನು ಸುಲಭಗೊಳಿಸಲಿದೆ.