LPG Rule Change: ಜೂನ್ 30ರೊಳಗೆ ಈ ಕೆಲಸ ಮಾಡದಿದ್ದರೆ ಗ್ಯಾಸ್ ಸಿಲಿಂಡರ್ ಕನೆಕ್ಷನ್ ಕಟ್! ಕೇಂದ್ರದ ಖಡಕ್ ರೂಲ್ಸ್‌

LPG Gas KYC Last Date 2026: ಎಲ್‌ಪಿಜಿ (LPG) ಗ್ಯಾಸ್ ಸಿಲಿಂಡರ್ ಬಳಕೆ ಮಾಡುವ ಪ್ರತಿಯೊಬ್ಬರೂ ಕೂಡ ಈ ಸುದ್ದಿಯನ್ನು ಓದಲೇ ಬೇಕು ಕೇಂದ್ರ ಸರ್ಕಾರ ಮತ್ತು ಭಾರತದ ಪ್ರಮುಖ ತೈಲ ಕಂಪನಿಗಳಾದ ಇಂಡೇನ್ (Indane), ಭಾರತ್ ಗ್ಯಾಸ್ (Bharat Gas) ಹಾಗೂ ಹೆಚ್‌ಪಿ ಗ್ಯಾಸ್ (HP Gas) ಗ್ರಾಹಕರಿಗೆ ಹೊಸದೊಂದು ಗಡುವನ್ನು ವಿಧಿಸಿವೆ. ಜೂನ್ 30ರ ಒಳಗೆ ಒಂದು ಪ್ರಮುಖ ಪ್ರಕ್ರಿಯೆಯನ್ನು ಪೂರ್ಣಗೊಳಿಸದಿದ್ದರೆ ನಿಮ್ಮ ಗ್ಯಾಸ್ ಸಪ್ಲೈ ಬಂದ್ ಆಗುವ ಅಪಾಯವಿದೆ.

ಹಾಗಾದರೆ ಗ್ಯಾಸ್ ಗ್ರಾಹಕರು ಮಾಡಬೇಕಾದ ಆ ಕಡ್ಡಾಯ ಕೆಲಸ ಯಾವುದು? ಕೊನೆಯ ದಿನಾಂಕ ಯಾವಾಗ? ಇಲ್ಲಿದೆ ಸಂಪೂರ್ಣ ವಿವರ.

ಗ್ಯಾಸ್ ಗ್ರಾಹಕರಿಗೆ ಇ-ಕೆವೈಸಿ (e-KYC) ಕಡ್ಡಾಯ

ಎಲ್‌ಪಿಜಿ ಸಿಲಿಂಡರ್ ದುರುಪಯೋಗ ತಡೆಯಲು, ನಕಲಿ ಕನೆಕ್ಷನ್‌ಗಳಿಗೆ ಬ್ರೇಕ್ ಹಾಕಲು ಮತ್ತು ಅರ್ಹರಿಗೆ ಮಾತ್ರ ಸಬ್ಸಿಡಿ ತಲುಪಿಸಲು ಸರ್ಕಾರ ಈಗ ಆಧಾರ್ ಇ-ಕೆವೈಸಿ (Aadhaar e-KYC) ಅನ್ನು ಕಡ್ಡಾಯಗೊಳಿಸಿದೆ. ಇದಕ್ಕೆ ಜೂನ್ 30 ಕೊನೆಯ ದಿನಾಂಕವಾಗಿದೆ.

ತೈಲ ಕಂಪನಿಗಳ ಹೊಸ ಮಾರ್ಗಸೂಚಿ ಪ್ರಕಾರ, ನಿಗದಿತ ಸಮಯದೊಳಗೆ ಯಾರು ಕೆವೈಸಿ ಪ್ರಕ್ರಿಯೆ ಮುಗಿಸುವುದಿಲ್ಲವೋ ಅಂತವರ ಗ್ಯಾಸ್ ಸಿಲಿಂಡರ್ ಬುಕಿಂಗ್ ಅನ್ನು ತಾತ್ಕಾಲಿಕವಾಗಿ ಬ್ಲಾಕ್ ಮಾಡಲು ಅಥವಾ ಕನೆಕ್ಷನ್ ಕಟ್ ಮಾಡಲು ನಿರ್ಧರಿಸಲಾಗಿದೆ.

ಯಾರೆಲ್ಲಾ ಇ-ಕೆವೈಸಿ ಮಾಡಿಸಬೇಕು?

ಉಜ್ವಲ ಯೋಜನೆ ಗ್ರಾಹಕರು: ಪ್ರಧಾನ ಮಂತ್ರಿ ಉಜ್ವಲ ಯೋಜನೆ (PMUY) ಅಡಿಯಲ್ಲಿ ಉಚಿತ ಗ್ಯಾಸ್ ಕನೆಕ್ಷನ್ ಪಡೆದವರು ಪ್ರತಿ ವರ್ಷ ಈ ಪ್ರಕ್ರಿಯೆ ಮಾಡಿಸುವುದು ಕಡ್ಡಾಯ.

ಸಾಮಾನ್ಯ ಗ್ರಾಹಕರು (Non-PMUY): ಈ ಹಿಂದೆ ಒಮ್ಮೆಯೂ ಇ-ಕೆವೈಸಿ ಮಾಡಿಸದ ಸಾಮಾನ್ಯ ಗ್ರಾಹಕರು ಕೂಡ ಜೂನ್ 30ರ ಒಳಗೆ ಆಧಾರ್ ದೃಢೀಕರಣ ಮಾಡಿಸಲೇಬೇಕು. (ಗಮನಿಸಿ: ಈಗಾಗಲೇ ಯಶಸ್ವಿಯಾಗಿ ಕೆವೈಸಿ ಮುಗಿಸಿರುವ ಗ್ರಾಹಕರು ಮತ್ತೆ ಮಾಡುವ ಅಗತ್ಯವಿಲ್ಲ).

ಮನೆಯಲ್ಲೇ ಕುಳಿತು ಮೊಬೈಲ್‌ನಲ್ಲೇ ಎಲ್‌ಪಿಜಿ ಕೆವೈಸಿ ಮಾಡುವುದು ಹೇಗೆ?

ಗ್ಯಾಸ್ ಏಜೆನ್ಸಿಗಳ ಮುಂದೆ ಗಂಟೆಗಟ್ಟಲೆ ಕ್ಯೂ ನಿಲ್ಲುವ ಅಗತ್ಯವಿಲ್ಲ. ಗ್ರಾಹಕರು ತಮ್ಮ ಸ್ಮಾರ್ಟ್‌ಫೋನ್ ಮೂಲಕವೇ ಕೇವಲ 2 ನಿಮಿಷಗಳಲ್ಲಿ ಇ-ಕೆವೈಸಿ ಮುಗಿಸಬಹುದು:

ಮೊದಲು ಗೂಗಲ್ ಪ್ಲೇ ಸ್ಟೋರ್‌ನಿಂದ ನಿಮ್ಮ ಗ್ಯಾಸ್ ಕಂಪನಿಯ ಅಧಿಕೃತ ಆಪ್ (IndianOil One / Hello BPCL / HP Pay) ಡೌನ್‌ಲೋಡ್ ಮಾಡಿಕೊಳ್ಳಿ. साथೇ Aadhaar FaceRD ಆಪ್ ಕೂಡ ಇನ್‌ಸ್ಟಾಲ್ ಇರಲಿ.

Also Read: ಗೃಹಬಳಕೆಯ ಎಲ್‌ಪಿಜಿ ಸಿಲಿಂಡರ್ ದರ ಮತ್ತೊಮ್ಮೆ ಏರಿಕೆ! ಏಕಾಏಕಿ 29 ರೂಪಾಯಿ ಹೆಚ್ಚಳ

ಆಪ್‌ನಲ್ಲಿ ನಿಮ್ಮ ಮೊಬೈಲ್ ನಂಬರ್ ಬಳಸಿ ಲಾಗಿನ್ ಆಗಿ.

‘LPG Service’ ಅಥವಾ ‘Link Aadhaar’ ಆಪ್ಷನ್ ಮೇಲೆ ಕ್ಲಿಕ್ ಮಾಡಿ.

ಅಲ್ಲಿ ನಿಮ್ಮ ಆಧಾರ್ ನಂಬರ್ ನಮೂದಿಸಿ, Face Authentication (ಮುಖದ ಗುರುತು) ಆಯ್ಕೆ ಮಾಡಿ ಕ್ಯಾಮೆರಾ ಮುಂದೆ ಕಣ್ಣು ಮಿಟುಕಿಸಿದರೆ ನಿಮ್ಮ ಇ-ಕೆವೈಸಿ ಪ್ರಕ್ರಿಯೆ ತಕ್ಷಣವೇ ಸಕ್ಸಸ್ ಆಗುತ್ತದೆ!

ಆಫ್‌ಲೈನ್ ವಿಧಾನ: ಆನ್‌ಲೈನ್‌ನಲ್ಲಿ ಸಾಧ್ಯವಾಗದಿದ್ದರೆ, ನಿಮ್ಮ ಆಧಾರ್ ಕಾರ್ಡ್ ಮತ್ತು ಗ್ಯಾಸ್ ಪಾಸ್‌ಬುಕ್ ಹಿಡಿದು ನೇರವಾಗಿ ನಿಮ್ಮ ಹತ್ತಿರದ ಗ್ಯಾಸ್ ವಿತರಕರ (Gas Agency) ಕಚೇರಿಗೆ ಭೇಟಿ ನೀಡಿ ಬಯೋಮೆಟ್ರಿಕ್ (ಹೆಬ್ಬೆಟ್ಟಿನ ಗುರುತು) ನೀಡುವ ಮೂಲಕವೂ ಉಚಿತವಾಗಿ ಕೆವೈಸಿ ಮಾಡಿಸಬಹುದು.

ಒಂದು ಮನೆಗೆ ಒಂದೇ ಗ್ಯಾಸ್ ಕನೆಕ್ಷನ್ ನಿಯಮ

ಇಷ್ಟೇ ಅಲ್ಲದೇ ಕೇಂದ್ರ ಸರಕಾರವು “One Household, One Gas Connection” ನಿಯಮವನ್ನು ಕಠಿಣಗೊಳಿಸುತ್ತಿದೆ. ಒಂದು ವೇಳೆ ನಿಮ್ಮ ಮನೆಯಲ್ಲಿ ಪೈಪ್ಡ್ ನ್ಯಾಚುರಲ್ ಗ್ಯಾಸ್ (PNG) ಸಂಪರ್ಕವಿದ್ದರೆ, ಅಂತಹ ಗ್ರಾಹಕರು ತಮ್ಮ ಎಲ್‌ಪಿಜಿ ಸಿಲಿಂಡರ್ ಕನೆಕ್ಷನ್ ಅನ್ನು ಸರೆಂಡರ್ ಮಾಡಬೇಕಾಗುತ್ತದೆ. ಅವರಿಗೆ ಸಬ್ಸಿಡಿ ಸಿಲಿಂಡರ್ ಸಿಗುವುದಿಲ್ಲ. ಜೂನ್ ಕೊನೆಯ ವಾರದಲ್ಲಿ ಸರ್ವರ್ ಬಿಝಿ ಬರುವ ಸಾಧ್ಯತೆ ಇರುವುದರಿಂದ, ತಕ್ಷಣವೇ ನಿಮ್ಮ ಇ-ಕೆವೈಸಿ ಸ್ಟೇಟಸ್ ಚೆಕ್ ಮಾಡಿಕೊಂಡು ಪ್ರಕ್ರಿಯೆ ಪೂರ್ಣಗೊಳಿಸಿ ಆತಂಕದಿಂದ ಮುಕ್ತರಾಗಿ.

LPG Rule Change If this work is not done by June 30th gas cylinder connection will be cut Khadak Rules of the Centre