ರಾಜ್ಯದ ಹೆತ್ತವರ ನೆಮ್ಮದಿ ಕೆಡಿಸಿ, ಲಕ್ಷಾಂತರ ಯುವಕರ ಭವಿಷ್ಯವನ್ನು ಅಂಧಕಾರಕ್ಕೆ ದೂಡುತ್ತಿರುವ ಹೆಮ್ಮಾರಿ ಮಾದಕವಸ್ತು (Drugs) ಜಾಲದ ವಿರುದ್ಧ ಕರ್ನಾಟಕ ಸರ್ಕಾರ ಈಗ ಅಧಿಕೃತವಾಗಿ ಯುದ್ಧ ಸಾರಿದೆ. ಇಷ್ಟು ದಿನ ಕೇವಲ ಬೆಂಗಳೂರು, ಮಂಗಳೂರು, ಮೈಸೂರಿನಂತಹ ಮೆಟ್ರೋ ಸಿಟಿಗಳಿಗಷ್ಟೇ ಸೀಮಿತವಾಗಿದ್ದ ಈ ಮಾರಕ ದಂಧೆ, ಈಗ ಸದ್ದಿಲ್ಲದೆ ನಮ್ಮ ಹಳ್ಳಿ ಹಳ್ಳಿಗಳತ್ತ ಮುಖ ಮಾಡಿದೆ . ಗ್ರಾಮೀಣ ಭಾಗದ ಶಾಲಾ-ಕಾಲೇಜು ವಿದ್ಯಾರ್ಥಿಗಳನ್ನೇ ಟಾರ್ಗೆಟ್ ಮಾಡಿ ಈ ಮಾಫಿಯಾ ಜಾಲ ವಿಸ್ತರಿಸುತ್ತಿರುವುದು ತನಿಖೆಯಿಂದ ಬೆಳಕಿಗೆ ಬಂದಿದೆ. ಈ ಭೀಕರ ಸತ್ಯವನ್ನು ಮನಗಂಡಿರುವ ಗೃಹ ಇಲಾಖೆ, ಜೂನ್ 22 ರಂದು ನಡೆಸಿದ ಹೈ-ಲೆವೆಲ್ ಮೀಟಿಂಗ್‌ನಲ್ಲಿ ದಂಧಕೋರರ ಹೆಡೆಮುರಿ ಕಟ್ಟಲು ಅತ್ಯಂತ ಕಠಿಣವಾದ ‘ಮಾಸ್ಟರ್ ಪ್ಲಾನ್’ ಒಂದನ್ನು ಜಾರಿಗೆ ತಂದಿದೆ.

ಗುಪ್ತಚರ ಇಲಾಖೆಯ ಶಾಕಿಂಗ್ ವರದಿ – ಅಲರ್ಟ್ ಆದ ಸರ್ಕಾರ!

ಡ್ರಗ್ ಪೆಡ್ಲರ್‌ಗಳು ಈಗ ನಗರ ಪ್ರದೇಶಗಳನ್ನು ಬಿಟ್ಟು, ನಿಗಾ ಕಮ್ಮಿ ಇರುವ ತಾಲೂಕು ಮತ್ತು ಗ್ರಾಮ ಪಂಚಾಯತ್ ಮಟ್ಟದ ಸಣ್ಣ ಪುಟ್ಟ ಹಳ್ಳಿಗಳನ್ನು ತಮ್ಮ ಕೇಂದ್ರವಾಗಿಸಿಕೊಳ್ಳುತ್ತಿದ್ದಾರೆ ಎಂದು ಗುಪ್ತಚರ ಇಲಾಖೆ ಎಚ್ಚರಿಸಿತ್ತು. ಈ ವರದಿ ಬೆನ್ನಲ್ಲೇ ಎಚ್ಚೆತ್ತುಕೊಂಡಿರುವ ಸರ್ಕಾರ, ಗ್ರಾಮೀಣ ಭಾಗದಲ್ಲಿ ಹದ್ದಿನ ಕಣ್ಣಿಡಲು ತಾಂತ್ರಿಕ ಅಸ್ತ್ರವನ್ನು ಕೈಗೆತ್ತಿಕೊಂಡಿದೆ. ರಾಜ್ಯ ಸರ್ಕಾರದ ಅತ್ಯಾಧುನಿಕ ನೆಟ್‌ವರ್ಕ್ ಆದ ‘KSWAN 3.0’ (Karnataka State Wide Area Network) ತಂತ್ರಜ್ಞಾನವನ್ನು ಇದಕ್ಕಾಗಿ ಬಳಸಿಕೊಳ್ಳಲಾಗುತ್ತಿದ್ದು, ಇದರ ಮೂಲಕ ಪ್ರತಿ ಸ್ಥಳೀಯ ಪೊಲೀಸ್ ಠಾಣೆ ಹಾಗೂ ಗ್ರಾಮೀಣ ಆಡಳಿತದ ನಡುವೆ ಡ್ರಗ್ ವಿರೋಧಿ ಕಾರ್ಯಾಚರಣೆಯ ನೇರ ಮತ್ತು ಸೀಕ್ರೆಟ್ ಸಂಪರ್ಕ ಏರ್ಪಡಿಸಲಾಗಿದೆ.

ಇದನ್ನೂ ಓದಿ :  ಬಿಗ್ ಅಲರ್ಟ್: ಮಳೆಗಾಲದ ಜ್ವರ ಅಂತ ನಿರ್ಲಕ್ಷಿಸಬೇಡಿ! ನಿಮ್ಮ ಮನೆ ಬಾಗಿಲಿಗೇ ಬಂದಿದೆ ಹೆಮ್ಮಾರಿ!

ಯುವ ಪೀಳಿಗೆ ಮತ್ತು ವಿದ್ಯಾರ್ಥಿಗಳನ್ನು ಈ ಜಾಲದಿಂದ ರಕ್ಷಿಸಲು ಕಟ್ಟುನಿಟ್ಟಿನ ನಿಯಮ:

• ಸಿಸಿಟಿವಿ ಕಣ್ಗಾವಲು: ಪ್ರತಿ ಶಾಲೆ ಮತ್ತು ಕಾಲೇಜುಗಳ ಸುತ್ತಮುತ್ತಲಿನ 100 ಮೀಟರ್ ವ್ಯಾಪ್ತಿಯಲ್ಲಿ ಸಿಸಿಟಿವಿ ಕ್ಯಾಮೆರಾಗಳನ್ನು ಅಳವಡಿಸುವುದನ್ನು ಕಡ್ಡಾಯಗೊಳಿಸಲು ಚಿಂತನೆ ನಡೆಸಲಾಗಿದೆ.
• ಡ್ರಗ್ ವಿರೋಧಿ ಸಮಿತಿ: ಹಳ್ಳಿಯ ಹೈಸ್ಕೂಲ್ ಹಾಗೂ ಕಾಲೇಜುಗಳಲ್ಲಿ ಶಾಲಾ ಆಡಳಿತ ಮಂಡಳಿ ಮತ್ತು ಸ್ಥಳೀಯ ಪೊಲೀಸರನ್ನೊಳಗೊಂಡ ‘ಡ್ರಗ್ ವಿರೋಧಿ ಸಮಿತಿ’ಗಳನ್ನು ತಕ್ಷಣವೇ ರಚಿಸಲು ಆದೇಶಿಸಲಾಗಿದೆ.
• ಬಿಗಿ ಪೆಟ್ರೋಲಿಂಗ್: ಕಾಲೇಜು ಮುಗಿಯುವ ಸಮಯದಲ್ಲಿ ಹಾಗೂ ಸ್ಟೂಡೆಂಟ್ ಹಾಸ್ಟೆಲ್‌ಗಳ ಆಸುಪಾಸಿನಲ್ಲಿ ಪೊಲೀಸರು ನಿರಂತರವಾಗಿ ರೌಂಡ್ಸ್ ಹಾಕಲಿದ್ದಾರೆ.

ಈ ಮಾಫಿಯಾವನ್ನು ಬುಡಸಮೇತ ಕಿತ್ತೊಗೆಯಲು ಕೇವಲ ಪೊಲೀಸರಷ್ಟೇ ಅಲ್ಲ, ಸಾರ್ವಜನಿಕರ ಸಹಭಾಗಿತ್ವವೂ ಅತಿ ಮುಖ್ಯ ಎಂದು ಗೃಹ ಇಲಾಖೆ ತಿಳಿಸಿದೆ. ನಿಮ್ಮ ೂರಲ್ಲಿ ಅಥವಾ ಕಾಲೇಜುಗಳ ಹತ್ತಿರ ಯಾರಾದರೂ ಶಂಕಾಸ್ಪದವಾಗಿ ಮಾದಕವಸ್ತು ಮಾರಾಟ ಮಾಡುವುದು ಕಂಡುಬಂದರೆ, ಸಾರ್ವಜನಿಕರು ತಕ್ಷಣವೇ ಸರ್ಕಾರದ ‘ಜನಸ್ಪಂದನ’ ಆನ್‌ಲೈನ್ ಪೋರ್ಟಲ್ ಅಥವಾ ಸಹಾಯವಾಣಿ ಮೂಲಕ ದೂರು ದಾಖಲಿಸಬಹುದು.