Yamaha EC-06 Scooter: ಭಾರತದ ಎಲೆಕ್ಟ್ರಿಕ್ ಸ್ಕೂಟರ್ ವಿಭಾಗಕ್ಕೆ ಮತ್ತೊಂದು ಸ್ಕೂಟರ್ ಸೇರ್ಪಡೆಯಾಗಿದೆ. ಯಮಹಾ ತನ್ನ ಮೊದಲ ಇ–ಸ್ಕೂಟರ್ ಬಿಡುಗಡೆ ಮಾಡುವುದರ ಮೂಲಕ ಇಲ್ಲಿನ ರಸ್ತೆಗೆ ಪಾದಾರ್ಪಣೆ ಮಾಡಿದೆ.
ಇದು ಭಾರತದ ಆಯ್ದ ನಗರಗಳಲ್ಲಿ ಪ್ರೀಮಿಯಂ ಬ್ಲೂ ಸ್ಕ್ವೇರ್ ಡೀಲರ್ಶಿಪ್ಗಳ ಮೂಲಕ ಮಾರಾಟ ಮಾಡಲಾಗುತ್ತದೆ. ಭಾರತ ಎಲೆಕ್ಟ್ರಿಕ್ ಮೊಬಿಲಿಟಿ ಕ್ಷೇತ್ರಕ್ಕೆ ಪ್ರವೇಶಿಸುತ್ತಿರುವಾಗ ಇದು ಕಂಪನಿಗೆ ಮಹತ್ವದ ಮೈಲಿಗಲ್ಲಾಗಿದೆ.
ಯಮಹಾ EC-06: ವೈಶಿಷ್ಟ್ಯಗಳು
ಈಗ ಬಿಡುಗಡೆಯಾಗಿರುವ ಯಮಹಾ EC-06 ಅನ್ನು ಮೂರು ಸವಾರಿ ವಿಧಾನಗಳೊಂದಿಗೆ ಸಜ್ಜುಗೊಳಿಸಿದೆ. ಇಕೋ, ಸ್ಟ್ಯಾಂಡರ್ಡ್ ಮತ್ತು ಪವರ್. ಇವು ಸವಾರರಿಗೆ ಇಂಧನ, ಸಮತೋಲಿತ ಕಾರ್ಯಕ್ಷಮತೆ ಅಥವಾ ತ್ವರಿತ ವೇಗವರ್ಧನೆ ನಡುವೆ ಆಯ್ಕೆ ಮಾಡುವ ಅವಕಾಶವನ್ನು ನೀಡುತ್ತದೆ.
ಇದು ರಿವರ್ಸ್ ಮೋಡ್ ಅನ್ನು ಸಹ ಒಳಗೊಂಡಿದೆ. ಇದರಿಂದ ಪಾರ್ಕಿಂಗ್ ಕಷ್ಟಕರವಾದ ಜಾಗದಲ್ಲಿ ಸುಲಭವಾಗಿ ಪಾರ್ಕ್ ಮಾಡಲು ಅನುವುಮಾಡಿಕೊಡುತ್ತದೆ.
ಹೈಡ್ರಾಲಿಕ್ ಡ್ಯಾಂಪರ್ಗಳು ಮತ್ತು ಹಿಂಭಾಗದ ಕಾಯಿಲ್ ಸ್ಪ್ರಿಂಗ್ಗಳೊಂದಿಗೆ ಟೆಲಿಸ್ಕೋಪಿಕ್ ಫ್ರಂಟ್ ಫೋರ್ಕ್ಗಳಿಂದ ಸಸ್ಪೆನ್ಷನ್ ಹದಗೆಟ್ಟ ರಸ್ತೆಗಳಲ್ಲೂ ಉತ್ತಮ ಸವಾರಿಯನ್ನು ಖಚಿತಗೊಳಿಸುತ್ತದೆ.
ಇನ್ನು ಸ್ಕೂಟರ್ ವೇಗ, ಬ್ಯಾಟರಿ ಸ್ಥಿತಿ, ಸವಾರಿ ಮೋಡ್ ಮತ್ತು ಸಂಪರ್ಕ ವೈಶಿಷ್ಟ್ಯಗಳನ್ನು ತೋರಿಸುವ ವರ್ಣರಂಜಿತ LCD ಡಿಸ್ಪ್ಲೇಯನ್ನು ಸಹ ಹೊಂದಿದೆ.
EC-06 ಸ್ಕೂಟರ್ ಬಿಡುಗಡೆಯ ಸಮಯದಲ್ಲಿ ಕೇವಲ ನೀಲಿ ಬಿಳಿ ಬಣ್ಣದಲ್ಲಿ ಮಾತ್ರ ಲಭ್ಯವಿರುತ್ತದೆ. ಇದನ್ನು ಭಾರತದಲ್ಲಿ ವಿನ್ಯಾಸಗೊಳಿಸಿದ್ದರಿಂದ ಪರಿಸರ ಸ್ನೇಹಿ ಪ್ರಯಾಣದ ಅನುಭವವನ್ನು ನೀಡುತ್ತದೆ.
ಸ್ಕೂಟರ್ ಎರಡೂ ಚಕ್ರಗಳಲ್ಲಿ 200mm ಡಿಸ್ಕ್ ಬ್ರೇಕ್ಗಳನ್ನು ಮತ್ತು ಕಾಂಬಿ ಬ್ರೇಕ್ ಸಿಸ್ಟಮ್ (CBS) ಅನ್ನು ಹೊಂದಿದೆ. ಇದು ಸ್ಥಿರ ಮತ್ತು ನಿಖರವಾದ ಬ್ರೇಕ ಹಾಕಿದ್ದನ್ನು ಖಚಿತಪಡಿಸುತ್ತದೆ.
LED ಹೆಡ್ಲೈಟ್ಗಳು ಮತ್ತು ಟೈಲ್ಲೈಟ್ಗಳಿಂದ ಆಕರ್ಷಕವಾಗಿ ಕಾಣಿಸುತ್ತದೆ. ಇದು ಕಡಿಮೆ ಬೆಳಕಿನಲ್ಲಿಯೂ ಸ್ಪಷ್ಟ ಗೋಚರತೆಯನ್ನು ನೀಡುತ್ತದೆ. ಒಟ್ಟಾರೆಯಾಗಿ ಈ ಸ್ಕೂಟರ್ ಹೆಚ್ಚು ಆಕರ್ಷಕವಾಗಿ ಕಾಣಿಸುತ್ತದೆ.
ಬ್ಯಾಟರಿ ಮತ್ತು ವ್ಯಾಪ್ತಿ
EC-06 4kWh ಸ್ಥಿರ ಬ್ಯಾಟರಿಯೊಂದಿಗೆ ಇಂಟರ್ನಲ್ ಪೆರ್ಮನೆಂಟ್ ಮ್ಯಾಗ್ನೆಟ್ ಸಿಂಕ್ರೊನಸ್ ಮೋಟಾರ್ (IPMSM) ಅನ್ನು ಹೊಂದಿದೆ. ಅದು 6.7kW ಗರಿಷ್ಠ ಶಕ್ತಿ, 26Nm ಟಾರ್ಕ್ ಮತ್ತು 79 km/h ಗರಿಷ್ಠ ವೇಗವನ್ನು ನೀಡುತ್ತವೆ.
ಇದನ್ನು ಮನೆಯಲ್ಲಿರುವ ಪ್ಲಗ್ ಬಳಸಿ ಸುಲಭವಾಗಿ ಚಾರ್ಜ್ ಮಾಡಬಹುದಾಗಿದೆ. ಇದನ್ನು ಸಂಪೂರ್ಣವಾಗಿ ಚಾರ್ಜ್ ಮಾಡಲು ಸುಮಾರು 8 ಗಂಟೆ ತೆಗೆದುಕೊಳ್ಳುತ್ತದೆ. ಸ್ಕೂಟರ್ ಒಂದೇ ಚಾರ್ಜ್ನಲ್ಲಿ 169 ಕಿಮೀ ವ್ಯಾಪ್ತಿ ಕ್ರಮಿಸುತ್ತದೆ. ಯಮಹಾದ ಈ ಸ್ಕೂಟರ್ ನಗರ ಬಳಕೆಗೆ ಹೆಚ್ಚು ಸೂಕ್ತವಾಗಿದೆ.
ಇದನ್ನೂ ಓದಿ: ಭಾರತದ ರಸ್ತೆಯಲ್ಲಿ ಧೂಳೆಬ್ಬಿಸಲು ಹೊಸ ಮಾಡೆಲ್ನೊಂದಿಗೆ ಮತ್ತೆ ಬಂದ ರೆನಾಲ್ಟ್ ಡಸ್ಟರ್
ಯಮಹಾ EC-06 ಬೆಲೆ
ಯಮಹಾ EC-06 ಬೈಕ್ ಅನ್ನು 1,67,600 ರೂ. (ಎಕ್ಸ್ ಶೋ ರೂಂ ಬೆಲೆ) ಗೆ ಬಿಡುಗಡೆ ಮಾಡಿದೆ. ಇದು ಭಾರತೀಯ ಮಾರುಕಟ್ಟೆಯಲ್ಲಿ ರಿವರ್ ಇಂಡೀ, ಅಥರ್ 450X, ಓಲಾ S1 ಪ್ರೊ, ಸುಜುಕಿ ಇ-ಆಕ್ಸೆಸ್ ಮತ್ತು ಇತರ ಬೈಕ್ಗಳೊಂದಿಗೆ ಸ್ಪರ್ಧಿಸುತ್ತದೆ.