ವಿಮಾನ ಪ್ರಯಾಣಿಕರಿಗೆ ಬಿಗ್ ಶಾಕ್ : ಶೇ.30 ರಷ್ಟು ಟಿಕೆಟ್ ದರ ಏರಿಕೆ ಸಾಧ್ಯತೆ

ನವದೆಹಲಿ : ನಾಗರಿಕ ವಿಮಾನಯಾನ ಸಚಿವಾಲಯವು ವಿಮಾನಯಾನ ಪ್ರಯಾಣಿಕರಿಗೆ ಶಾಕ್ ಕೊಟ್ಟಿದೆ. ಗುರುವಾರ ದೇಶೀಯ ವಿಮಾನಗಳ ಮೇಲಿನ ಮತ್ತು ಮೇಲಿನ ಮಿತಿಗಳನ್ನು 10 ರಿಂದ 30% ರಷ್ಟು ಹೆಚ್ಚಿಸಿದೆ. ಈ ಹಿನ್ನೆಲೆಯಲ್ಲಿ ದೇಶೀಯ ವಿಮಾನಗಳ ಟಿಕೆಟ್‌ಗಳು ಏರಿಕೆಯಾಗಲಿದೆ.

ದೇಶೀಯ ವಿಮಾನಗಳ ಪ್ರಯಾಣದ ಅವಧಿಯ ಮೇಲೆ ಒಟ್ಟು 7 ವಿಭಾಗಗಳಲ್ಲಿ ಪ್ರಯಾಣ ದರವನ್ನು ವರ್ಗೀಕರಿಸಿದೆ. ವಿಭಾಗದ 1ರಲ್ಲಿ 40 ನಿಮಿಷಗಳಿಗಿಂತ ಕಡಿಮೆ ಅವಧಿಯ ನಗರಗಳು, 2ನೇ ವಿಭಾಗದಲ್ಲಿ 40 ರಿಂದ 60 ನಿಮಿಷ, 3ನೇ ವಿಭಾಗದಲ್ಲಿ 60 ರಿಂದ 90 ನಿಮಿಷ, 4ನೇ ವಿಭಾಗದಲ್ಲಿ 90 ರಿಂದ 120 ನಿಮಿಷ, 5ನೇ ವಿಭಾಗದಲ್ಲಿ 120 ರಿಂದ 150 ನಿಮಿಷಗಳ 6ನೇ ವಿಭಾಗದಲ್ಲಿ 150 ರಿಂದ 180 ನಿಮಿಷಗಳು ಮತ್ತು 7ನೇ ವಿಭಾಗದಲ್ಲಿ 180 ರಿಂದ 210 ನಿಮಿಷಗಳ ಪ್ರಯಾಣದ ನಗರಗಳನ್ನು ವರ್ಗೀಕರಿಸಲಾಗಿದೆ.

ಕೊರೊನಾ ವೈರಸ್ ಸೋಂಕಿನ ಹಿನ್ನೆಲೆಯಲ್ಲಿ ಕಳೆದ ಮೇ ತಿಂಗಳಿನಲ್ಲಿ ದೇಶೀಯ ವಿಮಾನಗಳ ಪ್ರಯಾಣದ ಮೇಲೆ ನಿಷೇಧವನ್ನು ಹೇರಿತ್ತು. ಇನ್ನು ವಿಮಾನದಲ್ಲಿ ಒಟ್ಟು 40% ಸೀಟುಗಳನ್ನು ವಿಮಾನಯಾನ ಸಂಸ್ಥೆಗಳು ಅತ್ಯಧಿಕ ಮತ್ತು ಕಡಿಮೆ ದರಗಳ ಮಧ್ಯದ ಬಿಂದುವಿಗಿಂತ ಕಡಿಮೆ ದರದಲ್ಲಿ ಲಭ್ಯವಾಗುವಂತೆ ಮಾಡಬೇಕು.

ಕೊರೊನಾ ಸೋಂಕಿನ ಪ್ರಮಾಣ ತಗ್ಗುತ್ತಿದ್ದಂತೆಯೇ ಭಾರತೀಯ ವಿಮಾನಯಾನ ಸಂಸ್ಥೆಗಳು ಕಾರ್ಯನಿರ್ವಹಿಸಲು ಅನುಮತಿ ನೀಡಲಾಗಿದ್ದು, 31 ರವರೆಗೆ ಅಥವಾ ಬೇಸಿಗೆಯ ವೇಳಾಪಟ್ಟಿ ಪ್ರಾರಂಭವಾಗುವವರೆಗೆ ಶೇ.80 ರಷ್ಟು ವಿಮಾನಗಳು ಕಾರ್ಯನಿರ್ವಹಿಸಲಿವೆ ಎಂದು ವಿಮಾನಯಾನ ಕಾರ್ಯದರ್ಶಿ ಪ್ರದೀಪ್ ಸಿಂಗ್ ಖರೋಲಾ ಈ ಹಿಂದೆ ಹೇಳಿದ್ದಾರೆ.