ರೇಷನ್ ಕಾರ್ಡ್ ಬಳಕೆದಾರರೇ ಗಮನಿಸಿ: ಇ-ಕೆವೈಸಿ (e-KYC)ಗೆಜೂನ್ನಲ್ಲಿ ಹೊಸ ಗಡುವು; ರದ್ದಾಗುತ್ತೆ ಉಚಿತ ಅಕ್ಕಿ
ರಾಜ್ಯ ಸರ್ಕಾರದ ಮಹತ್ವಾಕಾಂಕ್ಷೆಯ 'ಅನ್ನಭಾಗ್ಯ ಯೋಜನೆ'ಯ (Anna Bhagya Scheme) ಅಡಿಯಲ್ಲಿ ಉಚಿತ ಅಕ್ಕಿ ಹಾಗೂ ನಗದು ಹಣದ ಸೌಲಭ್ಯವನ್ನು ಮುಂದುವರಿಸಲು ಜೂನ್ ತಿಂಗಳ ಒಳಗಾಗಿ ಎಲ್ಲಾ ರೇಷನ್ ಕಾರ್ಡ್ ಸದಸ್ಯರು ಕಡ್ಡಾಯವಾಗಿ ಇ-ಕೆವೈಸಿ (e-KYC Verification) ಪೂರ್ಣಗೊಳಿಸಬೇಕಿದೆ.
ಬೆಂಗಳೂರು: ಕರ್ನಾಟಕದಲ್ಲಿ ಪಡಿತರ ಚೀಟಿ (Ration Card) ಹೊಂದಿರುವ ಗ್ರಾಹಕರಿಗೆ ಆಹಾರ ಮತ್ತು ನಾಗರಿಕ ಸರಬರಾಜು ಇಲಾಖೆಯು ಅತ್ಯಂತ ಪ್ರಮುಖ ಮುನ್ನೆಚ್ಚರಿಕೆಯೊಂದನ್ನು ನೀಡಿದೆ. ರಾಜ್ಯ ಸರ್ಕಾರದ ಮಹತ್ವಾಕಾಂಕ್ಷೆಯ ‘ಅನ್ನಭಾಗ್ಯ ಯೋಜನೆ’ಯ (Anna Bhagya Scheme) ಅಡಿಯಲ್ಲಿ ಉಚಿತ ಅಕ್ಕಿ ಹಾಗೂ ನಗದು ಹಣದ ಸೌಲಭ್ಯವನ್ನು ಮುಂದುವರಿಸಲು ಜೂನ್ ತಿಂಗಳ ಒಳಗಾಗಿ ಎಲ್ಲಾ ರೇಷನ್ ಕಾರ್ಡ್ ಸದಸ್ಯರು ಕಡ್ಡಾಯವಾಗಿ ಇ-ಕೆವೈಸಿ (e-KYC Verification) ಪೂರ್ಣಗೊಳಿಸಬೇಕಿದೆ.
ಒಂದು ವೇಳೆ ನಿಗದಿತ ಗಡುವಿನೊಳಗೆ ಇ-ಕೆವೈಸಿ ಪ್ರಕ್ರಿಯೆ ಮುಗಿಸದೇ ಇದ್ದರೆ, ಅಂತಹ ಪಡಿತರ ಚೀಟಿಗಳನ್ನು ಅಮಾನತು ಮಾಡಲು ಅಥವಾ ರದ್ದುಗೊಳಿಸಲು ಸರ್ಕಾರ ಚಿಂತನೆ ನಡೆಸಿದೆ.
Ration Card ekyc : ಇ-ಕೆವೈಸಿ ಮಾಡುವ ಸುಲಭ ಹಂತಗಳು
ಇ-ಕೆವೈಸಿ ಏಕೆ ಕಡ್ಡಾಯ ಸರ್ಕಾರದ ಹೊಸ ನಿಯಮವೇನು?
ರಾಜ್ಯದಲ್ಲಿ ಲಕ್ಷಾಂತರ ನಕಲಿ ರೇಷನ್ ಕಾರ್ಡ್ಗಳು ಮತ್ತು ಮರಣ ಹೊಂದಿದ ವ್ಯಕ್ತಿಗಳ ಹೆಸರಲ್ಲೂ ಉಚಿತ ಅಕ್ಕಿ ಹಾಗೂ ಗೃಹಲಕ್ಷ್ಮಿ ಯೋಜನೆಯ ಹಣ ಲೂಟಿಯಾಗುತ್ತಿರುವುದನ್ನು ತಡೆಯಲು ಸರ್ಕಾರ ಈ ಕಠಿಣ ಕ್ರಮಕ್ಕೆ ಮುಂದಾಗಿದೆ. ಪಡಿತರ ಚೀಟಿಯಲ್ಲಿ ಹೆಸರಿರುವ ಪ್ರತಿಯೊಬ್ಬ ಸದಸ್ಯನೂ ಸಕ್ರಿಯನಾಗಿದ್ದಾನೆಯೇ ಎಂಬುದನ್ನು ಖಚಿತಪಡಿಸಿಕೊಳ್ಳಲು ಬಯೋಮೆಟ್ರಿಕ್ ಅಥವಾ ಆಧಾರ್ ಆಧಾರಿತ ಇ-ಕೆವೈಸಿ ಕಡ್ಡಾಯಗೊಳಿಸಲಾಗಿದೆ. ಜೂನ್ ಕೊನೆಯ ವಾರದೊಳಗೆ ಇ-ಕೆವೈಸಿ ಆಗದ ಕಾರ್ಡ್ಗಳಿಗೆ ಜುಲೈ ತಿಂಗಳಿನಿಂದ ಉಚಿತ ಅಕ್ಕಿ ಮತ್ತು ಅನ್ನಭಾಗ್ಯದ ನಗದು ವರ್ಗಾವಣೆ (DBT Status) ಸಂಪೂರ್ಣವಾಗಿ ಸ್ಥಗಿತಗೊಳ್ಳಲಿದೆ.
ರೇಷನ್ ಕಾರ್ಡ್ ಇ-ಕೆವೈಸಿ ಮಾಡುವುದು ಹೇಗೆ? (Step-by-Step Guide)
ಗ್ರಾಹಕರು ತಮ್ಮ ಇ-ಕೆವೈಸಿಯನ್ನು ಎರಡು ಸುಲಭ ವಿಧಾನಗಳ ಮೂಲಕ ಪೂರ್ಣಗೊಳಿಸಬಹುದು:
ವಿಧಾನ 1: ನ್ಯಾಯಬೆಲೆ ಅಂಗಡಿ (Ration Shop) ಮೂಲಕ (ಅತ್ಯಂತ ಸುರಕ್ಷಿತ)
ನಿಮ್ಮ ರೇಷನ್ ಕಾರ್ಡ್ನಲ್ಲಿ ಹೆಸರಿರುವ ಎಲ್ಲಾ ಸದಸ್ಯರು ತಮ್ಮ ಆಧಾರ್ ಕಾರ್ಡ್ ಸಂಖ್ಯೆಯೊಂದಿಗೆ ಸ್ಥಳೀಯ ಪಡಿತರ ಅಂಗಡಿಗೆ (Fair Price Shop) ಭೇಟಿ ನೀಡಬೇಕು.
ಪಡಿತರ ವಿತರಕರು ತಮ್ಮ ಬಳಿ ಇರುವ ಇ-ಪಾಯಿಂಟ್ (e-PoS) ಯಂತ್ರದ ಮೂಲಕ ಸದಸ್ಯರ ಹೆಬ್ಬೆರಳಿನ ಗುರುತು (Biometric Verification) ಪಡೆಯುತ್ತಾರೆ.
ಆಧಾರ್ ದತ್ತಾಂಶದೊಂದಿಗೆ ಬಯೋಮೆಟ್ರಿಕ್ ಹೊಂದಾಣಿಕೆಯಾದ ತಕ್ಷಣ ಇ-ಕೆವೈಸಿ ಯಶಸ್ವಿಯಾಗುತ್ತದೆ. ಇದಕ್ಕೆ ಯಾವುದೇ ಶುಲ್ಕ ನೀಡಬೇಕಾಗಿಲ್ಲ (ಸಂಪೂರ್ಣ ಉಚಿತ).
Also Read : ಪೆಟ್ರೋಲ್, ಡೀಸೆಲ್ ಮತ್ತೆ ದುಬಾರಿ? ವಾಹನ ಸವಾರರಿಗೆ ಆತಂಕ.. ಮತ್ತೊಂದು ಏರಿಕೆಯ ಸುದ್ದಿ
ವಿಧಾನ 2: ಆಹಾರ ಇಲಾಖೆಯ ಅಧಿಕೃತ ವೆಬ್ಸೈಟ್ ಮೂಲಕ ಸ್ಟೇಟಸ್ ಪರಿಶೀಲನೆ
ನಿಮ್ಮ ಕಾರ್ಡ್ನ ಇ-ಕೆವೈಸಿ ಈಗಾಗಲೇ ಆಗಿದೆಯೇ ಅಥವಾ ಇಲ್ಲವೇ ಎಂಬುದನ್ನು ಮೊಬೈಲ್ನಲ್ಲೇ ಪರಿಶೀಲಿಸಬಹುದು:
ಆಹಾರ ಇಲಾಖೆಯ ಅಧಿಕೃತ ವೆಬ್ಸೈಟ್ ahara.kar.nic.in ಗೆ ಭೇಟಿ ನೀಡಿ.
ಮುಖಪುಟದಲ್ಲಿ ‘ಇ-ಸೇವೆಗಳು’ (e-Services) ಟ್ಯಾಬ್ ಕ್ಲಿಕ್ ಮಾಡಿ, ‘ಪಡಿತರ ಚೀಟಿ’ (Ration Card) ಆಯ್ಕೆಯನ್ನು ಆರಿಸಿ.
ಅಲ್ಲಿ ‘ಇ-ಕೆವೈಸಿ ಸ್ಟೇಟಸ್’ (e-KYC Status) ಲಿಂಕ್ ಮೇಲೆ ಕ್ಲಿಕ್ ಮಾಡಿ.
ನಿಮ್ಮ ರೇಷನ್ ಕಾರ್ಡ್ ನಂಬರ್ ಹಾಗೂ ಆಧಾರ್ ನಂಬರ್ ನಮೂದಿಸಿ, ನಿಮ್ಮ ಕಾರ್ಡ್ನ ಸದ್ಯದ ಸ್ಥಿತಿಯನ್ನು ಉಚಿತವಾಗಿ ಪರಿಶೀಲಿಸಿಕೊಳ್ಳಿ.
ಅನ್ನಭಾಗ್ಯ ಮತ್ತು ಗೃಹಲಕ್ಷ್ಮೀ ಮೇಲಾಗುವ ಪರಿಣಾಮವೇನು ?
ಇಕೆವೈಸಿ ಮಾಡಿಸಬೇಕಾಗಿರುವುದು ಕೇವಲ ಪಡಿತರ ಅಕ್ಕಿ ಪಡೆಯುವ ಸಲುವಾಗಿ ಮಾತ್ರವಲ್ಲ. ಕರ್ನಾಟಕ ಸರಕಾರ ಜಾರಿಗೆ ತಂದಿರುವ ಗ್ಯಾರಂಟಿ ಯೋಜನೆಗಳಿಗೂ ಇದು ಲಿಂಕ್ ಆಗಲಿದೆ. ಯೋಜನೆಯ ಹೆಸರು ಇಕೆವೈಸಿ ಆಗದೇ ಇದ್ರೆ, ಪಡಿತರ ಅಕ್ಕಿ ಮಾತ್ರವಲ್ಲ ಗೃಹಲಕ್ಷ್ಮೀ ಯೋಜನೆಯ ಅಡಿಯಲ್ಲಿ ಸಿಗುವ 2000 ರೂಪಾಯಿ ಹಣಕ್ಕೂ ಕುತ್ತು ಬರಲಿದೆ. ಗೃಹಲಕ್ಷ್ಮೀ ಯೋಜನೆಯ ಯಜಮಾನಿ ಅನಿಸಿಕೊಂಡವರ ಇಕೆವೈಸಿ ಮಾಡಿಸದೇ ಇದ್ದಲ್ಲಿ ಅವರ ಗೃಹಲಕ್ಷ್ಮೀ ಯೋಜನೆಯ ಹಣ ಕೂಡ ರದ್ದಾಗಲಿದೆ.
ration card ekyc Karnataka June deadline free rice updates 2026
