ಕರ್ನಾಟಕದಲ್ಲಿ ಅನ್ನಪೂರ್ಣ ಮಹಿಮಾ ಯೋಜನೆ: ಬೀದರ್, ಧಾರವಾಡ, ಬಾಗಲಕೋಟೆ, ಚಿಕ್ಕಮಗಳೂರು ಭಾಗಗಳಲ್ಲಿ ವಿಸ್ತರಣೆ

Sant Rampal Ji Annapurna Muhim Scheme: ಉತ್ತರ ಭಾರತದಲ್ಲಿ ಯಶಸ್ವಿಯಾಗಿ ಕಾರ್ಯನಿರ್ವಹಿಸುತ್ತಿರುವ ‘ಅನ್ನಪೂರ್ಣ ಮಹಿಮಾ’ ಯೋಜನೆ ಈಗ ಕರ್ನಾಟಕಕ್ಕೂ ಕಾಲಿಟ್ಟಿದೆ. ಹಸಿವು ಮುಕ್ತ ಸಮಾಜ ನಿರ್ಮಾಣದ ಸಂಕಲ್ಪದೊಂದಿಗೆ, ಸಂತ ರಾಂಪಾಲ್ ಜಿ ಮಹಾರಾಜ್ ಅವರ ಮಾರ್ಗದರ್ಶನದಲ್ಲಿ ಈ ಯೋಜನೆಯನ್ನು ರಾಜ್ಯದಾದ್ಯಂತ ವಿಸ್ತರಿಸಲು ನಿರ್ಧರಿಸಲಾಗಿದೆ.

ಯೋಜನೆಯ ಪ್ರಮುಖ ಉದ್ದೇಶಗಳು:

ಕೇವಲ ತಾತ್ಕಾಲಿಕವಾಗಿ ಹಸಿವು ನೀಗಿಸುವುದು ಈ ಯೋಜನೆಯ ಗುರಿಯಲ್ಲ, ಬದಲಿಗೆ ಅಗತ್ಯವಿರುವ ಕುಟುಂಬಗಳನ್ನು ಆರ್ಥಿಕವಾಗಿ ಸಬಲಗೊಳಿಸುವುದು ಇದರ ಆಶಯವಾಗಿದೆ.

• ಆಹಾರ ಧಾನ್ಯಗಳ ನೆರವು: ಬಡ ಮತ್ತು ಅಗತ್ಯವಿರುವ ಕುಟುಂಬಗಳಿಗೆ ಗುಣಮಟ್ಟದ ದಿನಸಿ ಹಾಗೂ ಆಹಾರ ಧಾನ್ಯಗಳನ್ನು ಒದಗಿಸಲಾಗುತ್ತದೆ.
• ನಿರಂತರ ಬೆಂಬಲ: ನೆರವು ಪಡೆಯುವ ಕುಟುಂಬವು ಆರ್ಥಿಕವಾಗಿ ಸ್ವತಂತ್ರವಾಗಿ, ಸ್ವತಃ ಸಂಪಾದಿಸುವ ಸಾಮರ್ಥ್ಯ ಪಡೆಯುವವರೆಗೂ ಈ ಆಹಾರದ ನೆರವು ಮುಂದುವರಿಯಲಿದೆ.
• ಶೈಕ್ಷಣಿಕ ಪ್ರೋತ್ಸಾಹ: ಹಸಿವಿನ ಜೊತೆಗೆ ಅಜ್ಞಾನವನ್ನೂ ಹೋಗಲಾಡಿಸಲು ಮಕ್ಕಳ ಶಿಕ್ಷಣಕ್ಕೆ ಬೇಕಾದ ಅಗತ್ಯ ಬೆಂಬಲವನ್ನು ಈ ಯೋಜನೆಯಡಿ ನೀಡಲಾಗುತ್ತದೆ.
• ಆಹಾರ ಪೋಲಾಗುವುದಕ್ಕೆ ತಡೆ: ಸಮಾಜದಲ್ಲಿ ಆಹಾರ ವ್ಯರ್ಥವಾಗುವುದನ್ನು ತಡೆದು, ಅದನ್ನು ಹಸಿದವರಿಗೆ ತಲುಪಿಸುವುದು ಈ ಯೋಜನೆಯ ಮೂಲ ಆಶಯ.

ವಿಸ್ತರಣಾ ವ್ಯಾಪ್ತಿ:

ಕರ್ನಾಟಕದ ಬೀದರ್, ಧಾರವಾಡ, ಬಾಗಲಕೋಟೆ ಮತ್ತು ಚಿಕ್ಕಮಗಳೂರು ಜಿಲ್ಲೆಗಳು ಸೇರಿದಂತೆ ರಾಜ್ಯದ ವಿವಿಧ ಭಾಗಗಳಲ್ಲಿ ಈ ಯೋಜನೆ ಜಾರಿಗೆ ಬರುತ್ತಿದೆ. ಅಷ್ಟೇ ಅಲ್ಲದೆ, ದಕ್ಷಿಣ ಭಾರತದ ತೆಲಂಗಾಣ, ಆಂಧ್ರಪ್ರದೇಶ ಮತ್ತು ತಮಿಳುನಾಡು ಸೇರಿದಂತೆ ಒಟ್ಟು 10 ಲಕ್ಷಕ್ಕೂ ಹೆಚ್ಚು ಕುಟುಂಬಗಳಿಗೆ ದೀರ್ಘಕಾಲದ ಪುನರ್ವಸತಿ ಕಲ್ಪಿಸುವ ಬೃಹತ್ ಗುರಿಯನ್ನು ಹೊಂದಲಾಗಿದೆ.

ರೈತರಿಗೆ ಗುಡ್‌ ನ್ಯೂಸ್: ಕಿಸಾನ್ ಕ್ರೆಡಿಟ್ ಕಾರ್ಡ್ ನಿಯಮಗಳಲ್ಲಿ ಭಾರಿ ಬದಲಾವಣೆ

ಯಾರು ಈ ಸಂತ ರಾಂಪಾಲ್ ಜಿ ಮಹಾರಾಜ್?

ಸಂತ ರಾಂಪಾಲ್ ಜಿ ಮಹಾರಾಜ್ ಅವರು ಹರಿಯಾಣ ಮೂಲದ ಆಧ್ಯಾತ್ಮಿಕ ಗುರುಗಳು ಮತ್ತು ಸಮಾಜ ಸುಧಾರಕರು. ಇವರು ಸ್ಥಾಪಿಸಿದ ‘ಸತ್ಲೋಕ್ ಆಶ್ರಮ’ ಮೂಲಕ ಜಗತ್ತಿನಾದ್ಯಂತ ಲಕ್ಷಾಂತರ ಅನುಯಾಯಿಗಳನ್ನು ಹೊಂದಿದ್ದಾರೆ.

• ಮೂಢನಂಬಿಕೆ ವಿರೋಧಿ: ಸಮಾಜದಲ್ಲಿ ಬೇರೂರಿರುವ ಕಂದಾಚಾರ ಮತ್ತು ಮೂಢನಂಬಿಕೆಗಳ ವಿರುದ್ಧ ಧ್ವನಿ ಎತ್ತುತ್ತಾ, ಶಾಸ್ತ್ರೋಕ್ತ ಭಕ್ತಿಯ ಮಾರ್ಗವನ್ನು ಬೋಧಿಸುತ್ತಾರೆ.
• ದುಶ್ಚಟ ಮುಕ್ತ ಸಮಾಜ: ತಮ್ಮ ಅನುಯಾಯಿಗಳು ಮಾದಕ ದ್ರವ್ಯ, ಮದ್ಯಪಾನ ಮತ್ತು ಮಾಂಸಾಹಾರದಿಂದ ದೂರವಿರುವಂತೆ ಪ್ರೇರೇಪಿಸುವ ಮೂಲಕ ಲಕ್ಷಾಂತರ ಕುಟುಂಬಗಳಲ್ಲಿ ನೆಮ್ಮದಿ ತಂದಿದ್ದಾರೆ.
• ವರದಕ್ಷಿಣೆ ಮುಕ್ತ ವಿವಾಹ: ಇವರ ಮಾರ್ಗದರ್ಶನದಲ್ಲಿ ‘ರಮೈಣಿ’ ಎಂಬ ಸರಳ ವಿವಾಹ ಪದ್ಧತಿಯ ಮೂಲಕ ವರದಕ್ಷಿಣೆ ಇಲ್ಲದೆ ಸಾವಿರಾರು ಸಾಮೂಹಿಕ ವಿವಾಹಗಳು ಜರುಗುತ್ತಿವೆ.
• ಜಾತಿ ವಿಮುಕ್ತ ಸಮಾಜ: ಭಕ್ತಿಯಲ್ಲಿ ಯಾವುದೇ ಜಾತಿ-ಧರ್ಮದ ಭೇದವಿಲ್ಲ ಎಂದು ಸಾರುವ ಅವರು, ಸಮಾನತೆಯ ತಳಹದಿಯ ಮೇಲೆ ಸಮಾಜವನ್ನು ಕಟ್ಟುವ ಕೆಲಸ ಮಾಡುತ್ತಿದ್ದಾರೆ.

ಒಟ್ಟಾರೆಯಾಗಿ, ಆಧ್ಯಾತ್ಮಿಕ ಜ್ಞಾನದ ಜೊತೆಗೆ ಹಸಿವು ಮತ್ತು ಬಡತನದಂತಹ ಸಾಮಾಜಿಕ ಪಿಡುಗುಗಳನ್ನು ತೊಡೆದುಹಾಕಲು ಸಂತ ರಾಂಪಾಲ್ ಜಿ ಅವರ ಈ ‘ಅನ್ನಪೂರ್ಣ ಮಹಿಮಾ’ ಯೋಜನೆ ಹೊಸ ಭರವಸೆಯನ್ನು ಮೂಡಿಸಿದೆ.