kantara: ‘ಭೂತಕೋಲ ಎನ್ನುವುದು ಹಿಂದೂ ಸಂಸ್ಕೃತಿಯೇ ಅಲ್ಲ’ : ನಟ ಚೇತನ್ ಹೊಸ ವಿವಾದ
kantara chetan : ಆ ದಿನಗಳು ಸಿನಿಮಾ ಖ್ಯಾತಿಯ ನಟ ಚೇತನ್ಗೆ ವಿವಾದಗಳು ಹೊಸದೇನಲ್ಲ. ಒಂದಿಲ್ಲೊಂದು ಕಾರಣದಿಂದಾಗಿ ನಟ ಚೇತನ ವಿವಾದದ ಸುಳಿಯಲ್ಲಿ ಸಿಲುಕಿಕೊಂಡೇ ಇರುತ್ತಾರೆ. ರಾಜಕೀಯ ವಿಚಾರ ಆಗಿರಬಹುದು ಅಥವಾ ಸಿನಿಮಾದ ವಿಚಾರ ಆಗಿರಬಹುದು ನಟ ಚೇತನ್ ನೀಡುವ ಪ್ರತಿಯೊಂದು ಹೇಳಿಕೆಗಳು ವಿವಾದವಾಗಿಯೇ ಬದಲಾಗುತ್ತದೆ. ಈ ಸಾಲಿಗೆ ಇದೀಗ ಕಾಂತಾರ ಸಿನಿಮಾ ಕೂಡ ಸೇರಿಕೊಂಡಿದೆ.
ನಟ ಹಾಗೂ ನಿರ್ದೇಶಕ ರಿಷಭ್ ಶೆಟ್ಟಿಯವರ ಕಾಂತಾರ ಸಿನಿಮಾವು ಭರ್ಜರಿ ಪ್ರದರ್ಶನ ಕಾಣುತ್ತಿದೆ ಅನ್ನೋದ್ರಲ್ಲಿ ಎರಡು ಮಾತಿಲ್ಲ. ಸ್ಯಾಂಡಲ್ವುಡ್ನ ಹಿಟ್ ಸಿನಿಮಾಗಳ ಸಾಲಿಗೆ ಸೇರಿರುವ ಕಾಂತಾರ ಈಗಾಗಲೇ ನೂರು ಕೋಟಿ ಕ್ಲಬ್ ದಾಟಿದೆ. ಕರಾವಳಿ ಭಾಗದ ಪಂಜುರ್ಲಿ ದೈವ ಹಾಗೂ ಮಾನವನ ನಡುವಿನ ಸಂಘರ್ಷವನ್ನು ಆಧರಿಸಿ ಈ ಸುಂದರ ಕತೆಯನ್ನು ಹೆಣೆಯಲಾಗಿದ್ದು ಈ ಸಿನಿಮಾದಲ್ಲಿ ರಿಷಭ್ ಶೆಟ್ಟಿ ಅಭಿನಯವು ಮೈನವಿರೇಳಿಸುವಂತಿದೆ.
Glad our Kannada film ‘Kantara’ is making national waves
— Chetan Kumar Ahimsa / ಚೇತನ್ ಅಹಿಂಸಾ (@ChetanAhimsa) October 18, 2022
Director Rishabh Shetty claims Bhootha Kola is ‘Hindu culture’
False
Our Pambada/Nalike/Parawa’s Bahujan traditions predate Vedic-Brahminical Hinduism
We ask that Moolnivasi cultures be shown w/ truth on & off screen
ರಿಷಭ್ ಶೆಟ್ಟಿ ಸಾಕಷ್ಟು ಸಂದರ್ಶನಗಳಲ್ಲಿ ಭೂತಕೋಲ ಎನ್ನುವುದು ಹಿಂದೂಗಳ ಸಂಸ್ಕೃತಿ ಎಂದು ಹೇಳಿಕೆ ನೀಡಿದ್ದರು. ಆದರೆ ಈ ಮಾತು ಸುಳ್ಳು ಎನ್ನುವುದು ನಟ ಚೇತನ್ ವಾದವಾಗಿದೆ. ಕಾಂತಾರ ಸಿನಿಮಾ ದೇಶಮಟ್ಟದಲ್ಲಿ ಹೊಸ ಅಲೆಯನ್ನೇ ಸೃಷ್ಟಿಸಿದೆ. ರಿಷಭ್ ಶೆಟ್ಟಿ ಭೂತ ಕೋಲ ಹಿಂದೂ ಸಂಸ್ಕೃತಿ ಎಂದು ಹೇಳಿಕೆ ನೀಡಿದ್ದಾರೆ. ಆದರೆ ಈ ಹೇಳಿಕೆ ಸುಳ್ಳು. ನಮ್ಮ ಪಂಬದ, ನಲಿಕೆ, ಪರವರ ಬಹುಜನ ಸಂಪ್ರದಾಯಗಳು. ವೈದಿಕ ಬ್ರಾಹ್ಮಣೀಯ ಹಿಂದೂ ಧರ್ಮಕ್ಕಿಂತ ಹಿಂದಿನವು. ಮೂಲ ನಿವಾಸಿ ಸಂಸ್ಕೃತಿಗಳನ್ನು ಪರದೆ ಮೇಲೆ ಮತ್ತು ಹೊರಗೆ ಸತ್ಯದೊಂದಿಗೆ ಪ್ರದರ್ಶಿಸಬೇಕು ಎಂದು ಟ್ವೀಟಾಯಿಸಿದ್ದಾರೆ. ನಟ ಚೇತನ್ರ ಈ ಹೇಳಿಕೆ ಇದೀಗ ಭಾರೀ ಚರ್ಚೆಗೆ ಗ್ರಾಸವಾಗಿದ್ದು ಪರ -ವಿರೋಧದ ಮಾತುಕತೆಗಳು ಸೋಶಿಯಲ್ ಮೀಡಿಯಾದಲ್ಲಿ ತುಸು ಹೆಚ್ಚಾಗಿಯೇ ಸದ್ದು ಮಾಡ್ತಿದೆ.
ಇದನ್ನೂ ಓದಿ : Pregnant:ಗರ್ಭಿಣಿ ಎಂದು ತಿಳಿದ ಎರಡೇ ದಿನಕ್ಕೆ ಮಗುವಿಗೆ ಜನ್ಮ ನೀಡಿದ ಮಹಿಳೆ
ಇದನ್ನೂ ಓದಿ : Australia announced new captain : ಟಿ20 ವಿಶ್ವಕಪ್ ಮಧ್ಯೆಯೇ ಹೊಸ ನಾಯಕನನ್ನು ಘೋಷಿಸಿದ ಕ್ರಿಕೆಟ್ ಆಸ್ಟ್ರೇಲಿಯಾ
bhoota kola is not hindu culture actor chetan react on kantara
Comments are closed.