Justin Bieber : ಖ್ಯಾತ ಪಾಪ್ ಗಾಯಕ ಜಸ್ಟಿನ್ ಬೈಬರ್ ಹೆಸರು ಕೇಳಿದ್ರೆ ಸಾಕು ಯುವ ಜನತೆ ಹುಚ್ಚೆದ್ದು ಕುಣಿಯುತ್ತಾರೆ. ಅತ್ಯಂತ ಚಿಕ್ಕ ವಯಸ್ಸಿನಲ್ಲಿಯೇ ತಮ್ಮ ಪ್ರತಿಭೆಯ ಮೂಲಕ ಜಸ್ಟಿನ್ ಬೈಬರ್ ಮನೆ ಮಾತಾಗಿದ್ದಾರೆ ಎಂದರೆ ತಪ್ಪಾಗಲಾರದು. ಕೆನಡಾ ಮೂಲದ 28 ವರ್ಷದ ಈ ಗಾಯಕ 2008ರಲ್ಲಿಯೇ ತಮ್ಮ ಕಂಠಸಿರಿಯ ಮೂಲಕ ಯುವ ಜನತೆಯ ಮನಸ್ಸನ್ನು ಕದಿಯುವಲ್ಲಿ ಯಶಸ್ವಿಯಾಗಿದ್ದಾರೆ. ಸದ್ಯ ತಮ್ಮ ಜಸ್ಟೀಸ್ ವರ್ಲ್ಡ್ ಟೂರ್ನಲ್ಲಿ ಬ್ಯುಸಿಯಾಗಿದ್ದ ಜಸ್ಟಿನ್ ಬೈಬರ್ ಇದೀಗ ತಮ್ಮ ಅಭಿಮಾನಿಗಳಿಗೆ ಶಾಕಿಂಗ್ ನ್ಯೂಸ್ ನೀಡಿದ್ದಾರೆ.
ಶುಕ್ರವಾರದಂದು ತಮ್ಮ ಇನ್ಸ್ಟಾಗ್ರಾಂ ಖಾತೆಯಲ್ಲಿ ವಿಡಿಯೋವೊಂದನ್ನು ಶೇರ್ ಮಾಡಿರುವ ಪಾಪ್ ಗಾಯಕ ಜಸ್ಟಿನ್ ಬೈಬರ್ ತಾವು ರಾಮ್ಸೆ ಹಂಟ್ ಸಿಂಡ್ರೋಮ್ನಿಂದ ಬಳಲುತ್ತಿರುವುದಾಗಿ ಮಾಹಿತಿ ನೀಡಿದ್ದಾರೆ. ಈ ಕಾಯಿಲೆಯು ಮುಖದ ಪಾರ್ಶ್ವವಾಯುವಿಗೆ ಕಾರಣವಾಗುತ್ತದೆ. ಈ ಕಾಯಿಲೆಯಿಂದಾಗಿ ತಾವು ತಮ್ಮ ಜಸ್ಟೀಸ್ ವರ್ಲ್ಡ್ ಟೂರ್ನ್ನು ರದ್ದುಗೊಳಿಸುತ್ತಿರುವುದಾಗಿ ಹೇಳಿದ್ದಾರೆ. ಟೊರ್ನೋಟೋದಲ್ಲಿ ನಿಗದಿಯಾಗಿದ್ದ ಸಂಗೀತ ಕಾರ್ಯಕ್ರಮಕ್ಕೂ ಕೆಲವು ಗಂಟೆಗಳ ಮುನ್ನ ಜಸ್ಟಿನ್ ಬೈಬರ್ ಅನಾರೋಗ್ಯದಿಂದ ಕಾರ್ಯಕ್ರಮ ನಡೆಸುತ್ತಿಲ್ಲವೆಂದು ಹೇಳಿದ್ದರು.
ರಾಮ್ಸೆ ಹಂಟ್ ಸಿಂಡ್ರೋಮ್ ಎನ್ನುವುದು ಒಂದು ಮುಖದ ಪಾರ್ಶ್ವವಾಯುವಾಗಿದ್ದು ಇದು ಕಿವಿಯ ಸಮೀಪವಿರುವ ಮುಖದ ನರಗಳ ಮೇಲೆ ಪ್ರತಿಕೂಲ ಪರಿಣಾಮವನ್ನು ಬೀರುತ್ತದೆ. ಇದು ಶ್ರವಣ ನಷ್ಟವನ್ನೂ ಸಹ ಉಂಟು ಮಾಡಬಹುದು. ನೀವೆಲ್ಲರೂ ನೋಡುತ್ತಿರುವಂತೆ ನನ್ನ ಈ ಕಣ್ಣು ಮಿಟುಕಿಸಲು ಆಗುತ್ತಿಲ್ಲ. ನನ್ನ ಈ ಭಾಗದ ಮುಖ ನಗುತ್ತಿಲ್ಲ. ಈ ಮೂಗಿನ ಹೊಳ್ಳೆ ಚಲಿಸುತ್ತಿಲ್ಲ ಎಂದು ಬೈಬರ್ ಇನ್ಸ್ಟಾಗ್ರಾಂನಲ್ಲಿ ಪೋಸ್ಟ್ ಮಾಡಿರುವ ವಿಡಿಯೋದಲ್ಲಿ ಹೇಳಿಕೊಂಡಿದ್ದಾರೆ.
ನನ್ನ ಮುಖದ ಈ ಭಾಗವು ಸಂಪೂರ್ಣ ಪಾರ್ಶ್ವವಾಯುವಿಗೆ ಗುರಿಯಾಗಿದೆ. ನನ್ನ ಮುಂದಿನ ಪ್ರದರ್ಶನಗಳು ರದ್ದುಗೊಂಡಿದ್ದ ಬಗ್ಗೆ ನಿರಾಶರಾಗಿದ್ದವರಿಗೆ ನಾನು ಹೇಳುವುದು ಇಷ್ಟೇ, ನಾನು ದೈಹಿಕವಾಗಿ ಈ ಪ್ರದರ್ಶನಗಳನ್ನು ನಡೆಸಲು ಸಮರ್ಥನಾಗಿಲ್ಲ. ನೀವೇ ನೋಡುತ್ತಿರುವಂತೆ ಇದೊಂದು ಗಂಭೀರ ಸಮಸ್ಯೆ ಎಂದು ಬೈಬರ್ ಹೇಳಿದ್ದಾರೆ.
ಪಾಪ್ ಗಾಯಕ ಪಾರ್ಶ್ವವಾಯುವಿನಿಂದ ಪಾರಾಗಲು ಮುಖದ ವ್ಯಾಯಾಮಗಳನ್ನು ಮಾಡುತ್ತಿದ್ದಾರೆ. ವಿಶ್ರಾಂತಿ ಪಡೆಯುತ್ತಿದ್ದಾರೆ. ತಾನು ಯಾವಾಗ ಹುಷಾರಾಗಬಹುದು ಎಂಬುದಕ್ಕೆ ಬೈಬರ್ ಯಾವುದೇ ಮಾಹಿತಿಯನ್ನು ನೀಡಿಲ್ಲ.
ಇದನ್ನು ಓದಿ : Mask Compulsory : ರಾಜ್ಯಕ್ಕೆ ಮತ್ತೆ ಕೊರೋನಾ ಆತಂಕ : ಮಾಸ್ಕ್ ಕಡ್ಡಾಯಗೊಳಿಸಿದ ರಾಜ್ಯ ಸರ್ಕಾರ
ಇದನ್ನೂ ಓದಿ : British Tourist Raped : ಮಸಾಜ್ ನೆಪದಲ್ಲಿ ವಿದೇಶಿ ಮಹಿಳೆ ಮೇಲೆ ಗೋವಾದಲ್ಲಿ ಅತ್ಯಾಚಾರ : ಆರೋಪಿ ಬಂಧನ
“Eye Is Not Blinking”: Justin Bieber Says Suffering From Facial Paralysis
Comments are closed.