ಸಿನಿಮಾ ಪ್ರೇಮಿಗಳಿಗೆ ಗುಡ್ ನ್ಯೂಸ್: ‘3 ಇಡಿಯಟ್ಸ್’ 2 ಬಗ್ಗೆ ಬಿಗ್ ಅಪ್‌ಡೇಟ್ ನೀಡಿದ ಆಮೀರ್ ಖಾನ್!

2009ರಲ್ಲಿ ತೆರೆ ಕಂಡು ಭರ್ಜರಿ ಪ್ರದರ್ಶನ ಕಂಡಿದ್ದ 3 ಇಡಿಯಟ್ಸ್​ ಸಿನಿಮಾಗೆ ತನ್ನದೇ ಆದ ಅಭಿಮಾನಿ ಬಳಗವಿದೆ. ಈ ಸಿನಿಮಾ ತೆರೆಕಂಡು ಈಗಾಗಲೇ ಸರಿ ಸುಮಾರು 17 ವರ್ಷಗಳೇ ಕಳೆಯುತ್ತಾ ಬಂದಿದೆ. ಆದರೆ ಈ ಸಿನಿಮಾದ ಸಿಕ್ವೇಲ್​ ಬಗ್ಗೆ ಸಾಕಷ್ಟು ಊಹಾಪೋಹಗಳು ಕೇಳಿ ಬರುತ್ತಿತ್ತಾದರೂ, ಅಧಿಕೃತ ಮಾಹಿತಿ ಹೊರಬಿದ್ದಿರಲಿಲ್ಲ. ಕೊನೆಗೂ ಈ ಸಿನಿಮಾದ ಸಿಕ್ವೇಲ್​ ಕುರಿತಂತೆ ಬಿಗ್​ ಅಪ್​ಡೇಟ್​ ಹೊರಬಿದ್ದಿದ್ದು ಅಭಿಮಾನಿಗಳು ಫುಲ್​ ಖುಷ್​ ಆಗಿದ್ದಾರೆ.

ಹೌದು..! ಬರೋಬ್ಬರಿ 17 ವರ್ಷಗಳ ಬಳಿಕ ಮತ್ತೊಮ್ಮೆ ತೆರೆಗೆ ಮರಳಲು ರಾಂಚೋ – ಫರಾನ್​ ಹಾಗೂ ರಾಜು ಸಜ್ಜಾಗಿದ್ದಾರೆ. ಈ ಬಗ್ಗೆ ಸ್ವತಃ ನಟ ಆಮೀರ್​ ಖಾನ್​ ಮಾಹಿತಿ ಹಂಚಿಕೊಂಡಿದ್ದಾರೆ. ರಾಜ್​ಕುಮಾರ್ ಹಿರಾನಿ ಈ ಸಿನಿಮಾದ ನಿರ್ದೇಶನದ ಜವಾಬ್ದಾರಿ ಹೊತ್ತಿದ್ದು, ಕತೆ ಬಹಳ ಸುಂದರವಾಗಿ ಮೂಡಿ ಬಂದಿದೆ ಎಂದು ನಟ ಆಮೀರ್​ ಖಾನ್​ ಹೇಳಿದ್ದಾರೆ.

 ಇದನ್ನೂ  ಓದಿ : 31 ವರ್ಷಗಳ ಜೈಲು ಶಿಕ್ಷೆ ಮರೆತು ಅಮಾಯಕರ ಪರ ನಿಂತ ಪೆರಾರಿವಾಲನ್: ‘ನ್ಯಾಯದೂತ’ನ ಹೊಸ ಅವತಾರ!

ಈ ಸಿನಿಮಾದಲ್ಲಿ ಅಮೀರ್ ಖಾನ್, ಆರ್. ಮಾಧವನ್, ಶರ್ಮನ್ ಜೋಶಿ, ಕರೀನಾ ಕಪೂರ್ ಮತ್ತು ಬೋಮನ್ ಇರಾನಿ ಮುಖ್ಯಪಾತ್ರದಲ್ಲಿ ಕಾಣಿಸಿಕೊಂಡಿದ್ದರು. 3 ಇಡಿಯಟ್ಸ್​ 2ನಲ್ಲಿ ಯಾವೆಲ್ಲ ತಾರಾಗಣ ಇರಲಿದೆ ಎಂಬುದರ ಬಗ್ಗೆ ಚಿತ್ರತಂಡ ಯಾವುದೇ ಮಾಹಿತಿ ಹೊರಬಿಚ್ಚಿಲ್ಲ.

ಸದ್ಯ ಆಮೀರ್​ ಖಾನ್​ ನಟನೆಯ ಯಾವುದೇ ಸಿನಿಮಾ ದೊಡ್ಡಮಟ್ಟದಲ್ಲಿ ಸದ್ದು ಮಾಡಿಲ್ಲ. ತಾರೆ ಜಮೀನ್​ ಪರ್​ ಮಾದರಿಯಲ್ಲೇ ಮೂಡಿಬಂದ ಸಿತಾರೆ ಜಮೀನ್​ ಪರ್​ ಕೂಡ ಸಾಧಾರಣ ಯಶಸ್ಸು ಕಂಡಿತ್ತು. ಸ್ಪ್ಯಾನಿಷ್ ಚಲನಚಿತ್ರ ‘ಕ್ಯಾಂಪಿಯೋನ್ಸ್’ ನ ರಿಮೇಕ್​ ಆದ ಈ ಸಿನಿಮಾದಲ್ಲಿ ಆಮೀರ್​ ಬಾಸ್ಕೇಟ್​ ಬಾಲ್​ ತರಬೇತುದಾರನಾಗಿ ನಟಿಸಿದ್ದರು. ಇದೀಗ 3 ಇಡಿಯಟ್ಸ್​ ಸಿನಿಮಾ ಸಿಕ್ವೇಲ್​ಗೆ ತಯಾರಿ ಶುರುವಾಗಿದ್ದು ,ಈ ಫಿಲಂ ಮೂಲಕವಾದರೂ ಆಮೀರ್​ ಬಾಕ್ಸಾಫೀಸಿನಲ್ಲಿ ಸದ್ದು ಮಾಡುವಲ್ಲಿ ಮತ್ತೆ ಯಶಸ್ವಿಯಾಗ್ತಾರಾ ಅನ್ನೋದನ್ನ ಕಾದು ನೋಡ್ಬೇಕಿದೆ.