new Covid variant IHU : ಫ್ರಾನ್ಸ್ನಲ್ಲಿ ಮತ್ತೊಂದು ಹೊಸ ರೂಪಾಂತರಿ ಪತ್ತೆ; 12 ಮಂದಿಗೆ ಸೋಂಕು
new Covid variant IHU :ಇಡೀ ವಿಶ್ವದಲ್ಲಿ ಕೋವಿಡ್ ಓಮಿಕ್ರಾನ್ ರೂಪಾಂತರಿಯ ಆತಂಕ ಮನೆ ಮಾಡಿದೆ. ಹೊಸದಾಗಿ ರೂಪುಗೊಂಡ ಆಫ್ರಿಕನ್ ಮೂಲದ ಈ ರೂಪಾಂತರಿಯವ ವಿರುದ್ಧ ಹೋರಾಡಲು ವಿವಿಧ ರಾಷ್ಟ್ರಗಳು ತಮ್ಮದೇ ಆತ ಸಿದ್ಧತೆಗಳನ್ನು ನಡೆಸುತ್ತಿವೆ. ಈ ಎಲ್ಲದರ ನಡುವೆ ಆಘಾತಕಾರಿ ಮಾಹಿತಿ ಎಂಬಂತೆ ಫ್ರೆಂಚ್ ಸಂಶೋಧಕರು ಕ್ಯಾಮರೂನಿಯನ್ ಮೂಲದ್ದು ಎಂದು ಶಂಕಿಸಲಾದ ಹೊಸ ಕೋವಿಡ್ ರೂಪಾಂತರಿಯನ್ನು ಪತ್ತೆ ಮಾಡಿದ್ದಾರೆ. ಈ ಹೊಸ ರೂಪಾಂತರಿಗೆ ತಾತ್ಕಾಲಿಕವಾಗಿ ಐಹೆಚ್ಯು ಎಂದು ಹೆಸರಿಡಲಾಗಿದೆ.
B.1.640.2 ಹೆಸರಿನ ಈ ವಂಶಾವಳಿಯ ಹೊಸ ರೂಪಾಂತರವು ಈಗಾಗಲೇ 12 ಮಂದಿಗೆ ಸೋಂಕನ್ನು ತಗುಲಿಸಿದೆ ಎನ್ನಲಾಗಿದೆ. ಇದು ಓಮಿಕ್ರಾನ್ಗಿಂತ ಹೆಚ್ಚು ಅಂದರೆ 46 ರೂಪಾಂತರಿಗಳು ಹಾಗೂ 37 ಡಿಕ್ಟೇಷನ್ಗಳನ್ನು ಹೊಂದಿದೆ. ಆಗ್ನೇಯ ಫ್ರಾನ್ಸ್ನಲ್ಲಿ ಇದೇ ಭೌಗೋಳಿಕ ವಿಭಾಗದಲ್ಲಿ ವಾಸಿಸುವ 12 ಕೊರೊನಾ ಪಾಸಿಟಿವ್ ರೋಗಿಗಳಲ್ಲಿ ಮ್ಯೂಟೆಷನ್ಗಳು ವಿಭಿನ್ನವಾಗಿ ಕಂಡು ಬಂದಿದೆ ಫಿಲಿಪ್ ಕೋಲ್ಸನ್ ಹೇಳಿದ್ದಾರೆ.
ಈ 12 ಪ್ರಕರಣಗಳನ್ನು ಆಧಾರವಾಗಿಟ್ಟುಕೊಂಡು ಈ ಹೊಸ ರೂಪಾಂತರಿಯ ವೈರಲಾಜಿಕಲ್, ಎಪಿಡಮಿಯೋಲಾಜಿಕಲ್ ಅಥವಾ ವೈದ್ಯಕೀಯ ವೈಶಿಷ್ಟ್ಯಗಳ ಕುರಿತು ಈಗಲೇ ಏನನ್ನೂ ವಿಶ್ಲೇಷಿಸಲು ಸಾಧ್ಯವಿಲ್ಲ ಎಂದು ಕೋಲ್ಸನ್ ಇದೇ ವೇಳೆ ಹೇಳಿದರು.
ಅಧ್ಯಯನದ ಪ್ರಕಾರ ಈ ಹೊಸ ರೂಪಾಂತರಿಯ ಸೋಂಕಿಗೆ ಒಳಗಾದ ಮೊದಲ ರೋಗಿಯು ಲಸಿಕೆ ಸ್ವೀಕರಿಸಿದವರಾಗಿದ್ದು ಮಧ್ಯ ಆಫ್ರಿಕಾದಿಂದ ಕ್ಯಾಮರೂನ್ಗೆ ಪ್ರವಾಸ ಕೈಗೊಂಡು ಬಳಿಕ ಫ್ರಾನ್ಸ್ಗೆ ಮರಳಿದ್ದರು ಎನ್ನಲಾಗಿದೆ. ಹೀಗಾಗಿ ಓಮಿಕ್ರಾನ್ನಂತೆಯೇ ಈ ಹೊಸ ರೂಪಾಂತರಿ ಕೂಡ ಆಫ್ರಿಕಾದ ಜೊತೆ ಸಂಬಂಧ ಹೊಂದಿರಬಹುದು ಎಂದು ಶಂಕಿಸಲಾಗಿದೆ.
ಕ್ಯಾಮರೂನ್ನಿಂದ ಫ್ರಾನ್ಸ್ಗೆ ಮರಳಿದ ಮೂರು ದಿನಗಳ ಬಳಿಕ ಅವರಿಗೆ ಸೌಮ್ಯವಾದ ಉಸಿರಾಟದ ತೊಂದರೆ ಆರಂಭವಾಯಿತು. ಅಲ್ಲದೇ ಇನ್ನಿತರ ರೋಗ ಲಕ್ಷಣಗಳು ಕ್ರಮೇಣವಾಗಿ ಒಂದೊಂದಾಗಿಯೇ ಆರಂಭವಾದವು. 7 ಮಂದಿ ಕೊರೊನಾ ಸೋಂಕಿತರಿಂದ ಪರೀಕ್ಷಾ ಮಾದರಿಗಳನ್ನು ಸಂಗ್ರಹಿಸಿ ಪ್ರಯೋಗಾಲಯಗಳಿಗೆ ಪರೀಕ್ಷೆಗೆ ರವಾನೆ ಮಾಡಲಾಯಿತು. ಇಲ್ಲಿ ಹೊಸ ರೂಪಾಂತರಿಯು ಮೊದಲ ಬಾರಿಗೆ ವರದಿಯಾಗಿದೆ ಎನ್ನಲಾಗಿದೆ.
France detects new Covid variant IHU, 12 infected
ಇದನ್ನು ಓದಿ : daily covid cases : ಬರೋಬ್ಬರಿ 4 ತಿಂಗಳ ಬಳಿಕ ದೇಶದಲ್ಲಿ ಅತಿ ಹೆಚ್ಚು ದೈನಂದಿನ ಕೋವಿಡ್ ಕೇಸ್ ವರದಿ
ಇದನ್ನೂ ಓದಿ : corona 3rd wave : ರಾಜ್ಯಕ್ಕೆ ಮೂರನೆ ಅಲೆಯ ಎಂಟ್ರಿಯಾಗಿದೆ: ಆತಂಕಕಾರಿ ಮಾಹಿತಿ ನೀಡಿದ ಸಚಿವ ಡಾ.ಸುಧಾಕರ್
Comments are closed.