ಪಾಕಿಸ್ತಾನದ ವಾಯು ಪ್ರದೇಶ ದಾಟಿದ ಏರ್‌ ಇಂಡಿಯಾ : ಅಧಿಕಾರಿಗಳಿಂದ ತನಿಖೆ

ನವದೆಹಲಿ : ದೆಹಲಿ ಮತ್ತು ಅಮೃತಸರ ನಡುವೆ ಪ್ರಯಾಣಿಸುತ್ತಿದ್ದ ಏರ್‌ ಇಂಡಿಯಾ  ವಿಮಾನ (Air india Flight) ವು ಪಾಕಿಸ್ತಾನದ ವಾಯುಪ್ರದೇಶವನ್ನು (Pakistan Airspace) ಪ್ರವೇಶಿಸಿದೆ ಎಂದು ಏರ್ ಇಂಡಿಯಾ (AIr India) ದೃಢಪಡಿಸಿದೆ.

ಅಮೃತ್‌ಸರ ವಿಮಾನ ನಿಲ್ದಾಣದ ಬಳಿ ಗೋ ರೌಂಡ್‌ ಕಾರ್ಯವಿಧಾನದ ಸಂದರ್ಭದಲ್ಲಿ ದೆಹಲಿಯಿಂದ ಅಮೃತಸರಕ್ಕೆ ತೆರಳುವ ಏರ್‌ ಇಂಡಿಯಾ ವಿಮಾನವು ಪಾಕಿಸ್ತಾನದ ವಾಯುಪ್ರದೇಶವನ್ನು ಪ್ರವೇಶಿಸಿರುವುದನ್ನು ವಿಮಾನಯಾನ ಸಂಸ್ಥೆ ಖಚಿತ ಪಡಿಸಿದೆ.

ಜೂನ್‌ 22 ರಂದು ಈ ಘಟನೆ ನಡೆದಿದ್ದು, ಏರ್‌ ಇಂಡಿಯಾದ ನೀಡಿರುವ ಮಾಹಿತಿಯ ಪ್ರಕಾರ ಈ ವಿಚಾರವನ್ನು ವಾಯುಯಾನ ನಿಯಂತ್ರಕರ ಗಮನಕ್ಕೆ ತೆರಲಾಗಿದ್ದು, ಅಧಿಕಾರಿಗಳು ತನಿಖೆಯನ್ನು ಮುಂದುವರಿಸಿದ್ದಾರೆ.

Also Read : ಯೋಗ ದಿನದಂದು ಬೆಂಗಳೂರಿನಲ್ಲಿ ಜಾಗತಿಕ ಇತಿಹಾಸ: ಒಂದೇ ದಿನ 21 ಗಿನ್ನೆಸ್ ದಾಖಲೆ ಬರೆದ ಅಕ್ಷರ ಯೋಗ ಕೇಂದ್ರ

ಪಾಕಿಸ್ತಾನದ ವಾಯುಪ್ರದೇಶಕ್ಕೆ ಎಂಟ್ರಿ ಕೊಟ್ಟಿದ್ಯಾಕೆ ಏರ್‌ ಇಂಡಿಯಾ ?

ಜೂನ್ 22 ರಂದು ದೆಹಲಿಯಿಂದ ಅಮೃತಸರಕ್ಕೆ AI479 ವಿಮಾನವನ್ನು ನಿರ್ವಹಿಸುತ್ತಿದ್ದ ಸಿಬ್ಬಂದಿ ಅಮೃತಸರ ವಿಮಾನ ನಿಲ್ದಾಣದಲ್ಲಿ ಸಂಚಾರ ನಡೆಸುವಾಗ ಪಾಕಿಸ್ತಾನದ ವಾಯುಪ್ರದೇಶವನ್ನು ಸ್ವಲ್ಪ ಮಟ್ಟಿಗೆ ಉಲ್ಲಂಘಿಸಿದ್ದಾರೆ. ಈ ಘಟನೆಯನ್ನು ನಿಯಂತ್ರಕ ಅಧಿಕಾರಿಗಳಿಗೆ ವರದಿ ಮಾಡಲಾಗಿದೆ ಮತ್ತು ಆಂತರಿಕವಾಗಿ ತನಿಖೆ ನಡೆಸಲಾಗುತ್ತಿದೆ ಎಂದು ವಿಮಾನಯಾನ ಸಂಸ್ಥೆ ಹೇಳಿಕೆಯಲ್ಲಿ ತಿಳಿಸಿದೆ.

Also Read : Delhi Fire Accident: ದೆಹಲಿಯ ಹೋಟೆಲ್‌ನಲ್ಲಿ ಸಿಲಿಂಡರ್ ಸ್ಫೋಟ; 21 ಮಂದಿ ಸಜೀವ ದಹನ

ಸದ್ಯಕ್ಕೆ ಲಭ್ಯವಿರುವ ಮಾಹಿತಿಯ ಪ್ರಕಾರ, 13 DME ಗಿಂತ ಹೆಚ್ಚಿನ ಹೋಲ್ಡಿಂಗ್ ಮಾದರಿಯಲ್ಲಿರಲು ATC ಕೇಳಿದೆ. ಬದಲಾಗಿ, ಅದು AAR ಕಡೆಗೆ ಸಾಗಿತು, ಎಡಕ್ಕೆ ತಿರುಗಿತು ಮತ್ತು ಅಜಾಗರೂಕತೆಯಿಂದ ಅಂತರರಾಷ್ಟ್ರೀಯ ಗಡಿಯನ್ನು ದಾಟಿತು, ಇದರ ಪರಿಣಾಮವಾಗಿ ಪಾಕಿಸ್ತಾನಿ ವಾಯುಪ್ರದೇಶಕ್ಕೆ ಸಂಕ್ಷಿಪ್ತ ಪ್ರವೇಶವಾಯಿತು. ಕುಶಲತೆಯ ಸಮಯದಲ್ಲಿ ವಿಮಾನವು ನಿಯಂತ್ರಕರ ಸೂಚನೆಗಳನ್ನು ಅನುಸರಿಸಲು ಸಾಧ್ಯವಾಗಲಿಲ್ಲ ಎಂದು ವರದಿಯಾಗಿದೆ.

ಈ ಘಟನೆಯನ್ನು ಸಂಬಂಧಿತ ನಿಯಂತ್ರಕ ಅಧಿಕಾರಿಗಳಿಗೆ ವರದಿ ಮಾಡಲಾಗಿದೆ ಮತ್ತು ಆಂತರಿಕವಾಗಿ ತನಿಖೆ ನಡೆಸಲಾಗುತ್ತಿದೆ ಎಂದು ಏರ್ ಇಂಡಿಯಾ ಹೇಳಿದೆ.

Air India Delhi-Amritsar flight briefly crosses border into Pakistani airspace investigate