Toll plaza free highways : ಟೋಲ್​ ಪ್ಲಾಜಾಗಳಿಗೆ ಶೀಘ್ರದಲ್ಲೇ ಕೊಕ್​ : ರಾಷ್ಟ್ರೀಯ ಹೆದ್ದಾರಿಗಳಲ್ಲಿ ಇನ್ಮುಂದೆ ಬ್ಯಾರಿಯರ್​ ಫ್ರೀ ಸಂಚಾರ

Toll plaza free highways : ನವದೆಹಲಿ : ರಾಷ್ಟ್ರೀಯ ಹೆದ್ದಾರಿಗಳಲ್ಲಿ ದಿನನಿತ್ಯ ಸಂಚರಿಸುವವರಿಗೆ ಮಾತ್ರ ಟೋಲ್​ ಪ್ಲಾಜಾ ವ್ಯವಸ್ಥೆ ಎಷ್ಟು ಕಿರಿಕಿರಿ ಎಂಬುದರ ಅರಿವಿರುತ್ತದೆ. ಇದೇ ಕಾರಣದಿಂದಲೇ ಕೇಂದ್ರ ಸರಕಾರ ರಾಷ್ಟ್ರೀಯ ಹೆದ್ದಾರಿಗಳಲ್ಲಿ ಇನ್ಮುಂದೆ ಟೋಲ್‌ ಪ್ಲಾಜಾಗಳಿಗೆ ಕೋಕ್‌ ನೀಡಲಿದೆ.

ಟೋಲ್‌ ಕಟ್ಟುವ ಕಾರಣಕ್ಕೆ ಗಂಟೆಗಟ್ಟಲೇ ಟ್ರಾಫಿಕ್​ ಜಾಂನಲ್ಲಿ ಸಮಯ ವ್ಯರ್ಥ ಮಾಡುವುದು ಮಾತ್ರವಲ್ಲದೇ, ಟೋಲ್​ ಪ್ಲಾಜಾಗಳಲ್ಲಿ ಇರುವ ಸಂಚಾರ ದಟ್ಟಣೆ ಕೂಡ ಮತ್ತೊಂದು ತಲೆನೋವಾಗಿದೆ. ಅಲ್ಲಲ್ಲಿ ಟೋಲ್​ ಪ್ಲಾಜಾಗಳ ಸಿಬ್ಬಂದಿ ದುರ್ವರ್ತನೆ ತೋರಿದ ಘಟನೆಗಳೂ ಬೆಳಕಿಗೆ ಬರುತ್ತಲೇ ಇದೆ. ಈ ಎಲ್ಲಾ ಕಿರಿಕಿರಿಗಳಿಗೆ ತಿಲಾಂಜಲಿ ನೀಡಲು ಕೇಂದ್ರ ಸರ್ಕಾರ ಮುಂದಾಗಿದ್ದು, ಶೀಘ್ರದಲ್ಲಿಯೇ ತಡೆರಹಿತ ಟೋಲ್​ ವ್ಯವಸ್ಥೆ ಜಾರಿಗೆ ಮುಂದಾಗಿದೆ.

ಫಾಸ್ಟ್ಯಾಗ್​ ವ್ಯವಸ್ಥೆಗಿಂತಲೂ ಸುಧಾರಿತ ಟೋಲ್​ ವ್ಯವಸ್ಥೆಯನ್ನು ಜಾರಿಗೆ ತರಲು ಕೇಂದ್ರ ಸರ್ಕಾರ ಉದ್ದೇಶಿಸಿದ್ದು, ಎಲ್ಲಾ ಟೋಲ್​ ಪ್ಲಾಜಾಗಳನ್ನು ತೆಗೆದು ಹಾಕಲು ನಿರ್ಧರಿಸಿದೆ. ಈ ವರ್ಷದ ಡಿಸೆಂಬರ್​ ತಿಂಗಳಿನಿಂದಲೇ ಈ ಯೋಜನೆ ಅನುಷ್ಠಾನಕ್ಕೆ ಬರಲಿದ್ದು, ರಾಷ್ಟ್ರೀಯ ಹೆದ್ದಾರಿಗಳಲ್ಲಿ ಇರುವ ಟೋಲ್​ ಪ್ಲಾಜಾಗಳು ಮಾಯವಾಗಲಿವೆ.

Also Read : ಜೀವನಾಂಶ ವಿಚಾರದಲ್ಲಿ ಸುಪ್ರೀಂಕೋರ್ಟ್ ಮಹತ್ವದ ತೀರ್ಪು : ವಿವಾಹ ನಂತರ ಜನಿಸಿದ ಕಂದಮ್ಮನಿಗೂ ನಿಯಮ ಅನ್ವಯ

ಅಂದಹಾಗೆ ಟೋಲ್​ ಪ್ಲಾಜಾಗಳನ್ನು ತೆಗೆದ ಮಾತ್ರಕ್ಕೆ ಟೋಲ್​ ಶುಲ್ಕ ಕೂಡ ಮಾಯವಾಗುತ್ತೆ ಎಂದುಕೊಳ್ಳುವಂತಿಲ್ಲ. ಏಕೆಂದರೆ ಕೇಂದ್ರ ಸರ್ಕಾರವು ಸ್ಯಾಟಲೈಟ್​ ಆಧಾರಿತ ಟೋಲ್​ ವ್ಯವಸ್ಥೆ ಜಾರಿಗೆ ಮುಂದಾಗಿದೆ.

ನಿಮ್ಮ ವಾಹನದಲ್ಲಿ ನೀವು ಪ್ರಯಾಣಿಸಿದ ಕಿಲೋಮೀಟರ್​ನ್ನು ಜಿಪಿಎಸ್​ ಮೂಲಕ ಟ್ರ್ಯಾಕ್​ ಮಾಡಿ, ಹಣ ಕಡಿತ ಮಾಡಲಾಗುತ್ತದೆ. ರಾಷ್ಟ್ರೀಯ ಹೆದ್ದಾರಿಗಳಲ್ಲಿ ಹೈಸ್ಪೀಡ್​ ಕ್ಯಾಮರಾಗಳನ್ನು ಶೀಘ್ರದಲ್ಲೇ ಅಳವಡಿಸಲಾಗುತ್ತಿದ್ದು, ಈ ಕ್ಯಾಮರಾಗಳು ನಂಬರ್​ ಪ್ಲೇಟ್​ನ್ನು ಸ್ಕ್ಯಾನ್​ ಮಾಡಿ ಟೋಲ್​ ಶುಲ್ಕ ನಿರ್ಧರಿಸಲಿವೆ.

Also Read : ಕೇಂದ್ರ ಸರ್ಕಾರಿ ನೌಕರರಿಗೆ ಗುಡ್​ನ್ಯೂಸ್​ : 2 ಪರ್ಸೆಂಟ್​ ತುಟ್ಟಿ ಭತ್ಯೆ ಹೆಚ್ಚಳಕ್ಕೆ

ನಿಮ್ಮ ಫಾಸ್ಟ್​ಟ್ಯಾಗ್​ಗೆ ಲಿಂಕ್​ ಆಗಿರುವ ಬ್ಯಾಂಕ್​ ಖಾತೆಯಿಂದ ನೇರವಾಗಿ ಹಣ ಕಡಿತಗೊಳ್ಳಲಿದೆ. ಇದರಿಂದ ನೀವು ಹೆದ್ದಾರಿಯಲ್ಲಿ ವೇಗವಾಗಿ ವಾಹನ ಚಲಾವಣೆ ಮಾಡಬಹುದಾಗಿದೆ.

ಯಾವುದೇ ಸಮಯ ವ್ಯರ್ಥವಾಗುವುದಿಲ್ಲ. ಟೋಲ್​ ಪ್ಲಾಜಾ ಸಿಬ್ಬಂದಿಯ ಕಾರ್ಯವನ್ನು ಹೈ ಸ್ಪೀಡ್​ ಕ್ಯಾಮರಾಗಳು ನಿರ್ವಹಿಸಲಿದ್ದು, ವಾಹನ ಸವಾರರಿಗೆ ಟೋಲ್​ ಕಿರಿಕಿರಿ ತಪ್ಪಲಿದೆ.

toll plaza free highways india gps satellite toll collection update