ಶಬರಿಮಲೆಯಲ್ಲಿ ಮಕರ ಜ್ಯೋತಿ ದರ್ಶನ: ಇರುಮುಡಿ ಹೊತ್ತ ಶಿವಣ್ಣ!

Makara Jyothi 2026 Darshan at Sabarimala: ಶಬರಿಮಲೆ: ಅಖಿಲ ಕೋಟಿ ಬ್ರಹ್ಮಾಂಡ ನಾಯಕ ಅಯ್ಯಪ್ಪ ಸ್ವಾಮಿಯ ಪರಮ ಪವಿತ್ರ ‘ಮಕರ ಜ್ಯೋತಿ’ ದರ್ಶನ ಇಂದು ಸಂಜೆ ಶಬರಿಮಲೆಯಲ್ಲಿ ಅತ್ಯಂತ ಸಡಗರದಿಂದ ನೆರವೇರಿತು. ಮಳೆಯ ಆತಂಕದ ನಡುವೆಯೂ ಲಕ್ಷಾಂತರ ಭಕ್ತರು ಈ ಅಪರೂಪದ ಕ್ಷಣಕ್ಕೆ ಸಾಕ್ಷಿಯಾದರು.

ಪೊನ್ನಂಬಲಮೇಡುವಿನಲ್ಲಿ ಬೆಳಗಿದ ಪವಿತ್ರ ಜ್ಯೋತಿ
ಪ್ರತಿ ವರ್ಷದಂತೆ ಈ ವರ್ಷವೂ ಲಕ್ಷಾಂತರ ಅಯ್ಯಪ್ಪ ಮಾಲೆಧಾರಿಗಳು ಶಬರಿಮಲೆಯ ಪೊನ್ನಂಬಲಮೇಡು ಬೆಟ್ಟದಲ್ಲಿ ಕಾಣುವ ಜ್ಯೋತಿಯ ವೀಕ್ಷಣೆಗಾಗಿ ಕಾತರದಿಂದ ಕಾಯುತ್ತಿದ್ದರು. ಇಂದು ಸಂಜೆ 6.45ಕ್ಕೆ ಸರಿಯಾಗಿ ಶಬರಿಮಲೆಯಿಂದ ಸುಮಾರು 8 ಕಿ.ಮೀ. ದೂರದಲ್ಲಿರುವ ಬೆಟ್ಟದ ಮೇಲೆ ಮಕರ ಜ್ಯೋತಿ ಮೂರು ಬಾರಿ ಗೋಚರಿಸಿತು.

ಈ ವೇಳೆ ಆಕಾಶದಲ್ಲಿ ಶ್ರೇಷ್ಠವಾದ ಉತ್ರಮ ನಕ್ಷತ್ರ ದರ್ಶನ ನೀಡಿದ್ದು ಭಕ್ತರ ಸಡಗರವನ್ನು ಇಮ್ಮಡಿಗೊಳಿಸಿತು. “ಸ್ವಾಮಿಯೇ ಶರಣಂ ಅಯ್ಯಪ್ಪ” ಎಂಬ ಮಂತ್ರಘೋಷ ಬೆಟ್ಟದಾದ್ಯಂತ ಮೊಳಗಿತು. ಆಕಾಶದಲ್ಲಿ ಬೇರೆ ಯಾವುದೇ ನಕ್ಷತ್ರಗಳಿಲ್ಲದೆ ಕೇವಲ ಅಯ್ಯಪ್ಪನ ಸಂಕೇತವಾದ ನಕ್ಷತ್ರ ಕಂಡುಬಂದಿದ್ದು ಭಕ್ತರಲ್ಲಿ ಭಕ್ತಿಭಾವ ಮೂಡಿಸಿತು.

ಬೆಜ್ಜವಳ್ಳಿ ಅಯ್ಯಪ್ಪನಿಗೆ ಇರುಮುಡಿ ಹೊತ್ತ ಹ್ಯಾಟ್ರಿಕ್ ಹೀರೋ
ಇತ್ತ ಕರ್ನಾಟಕದಲ್ಲಿ ನಟ ಶಿವರಾಜ್‌ಕುಮಾರ್ ಅವರು ಶಬರಿಮಲೆ ಯಾತ್ರೆಯ ಸಂಪ್ರದಾಯವನ್ನು ಮುಂದುವರಿಸಿದ್ದಾರೆ. ಅಪ್ಪಟ ಅಯ್ಯಪ್ಪ ಭಕ್ತರಾಗಿರುವ ಶಿವಣ್ಣ, ಈ ವರ್ಷವೂ ಮಾಲೆ ಧರಿಸಿ ಇರುಮುಡಿ ಹೊತ್ತು ಭಕ್ತಿ ಸಮರ್ಪಿಸಿದರು.

ಮೆರವಣಿಗೆ: ಶಿವಮೊಗ್ಗ ಜಿಲ್ಲೆಯ ತೀರ್ಥಹಳ್ಳಿ ತಾಲೂಕಿನ ಪ್ರಸಿದ್ಧ ಶ್ರೀಕ್ಷೇತ್ರ ಬೆಜ್ಜವಳ್ಳಿ ಅಯ್ಯಪ್ಪ ಸ್ವಾಮಿ ದೇವಾಲಯಕ್ಕೆ ಶಿವರಾಜ್‌ಕುಮಾರ್ ಅವರು ಇರುಮುಡಿ ಹೊತ್ತು ಪಾದಯಾತ್ರೆ ನಡೆಸಿದರು.

ಸಂಚಾರಿ ನಿಯಮ ಉಲ್ಲಂಘನೆ ತಡೆಗೆ ಹೊಸ ಅಸ್ತ್ರ : ಇನ್ಮುಂದೆ ದಂಡದ ಜೊತೆ ಎಫ್ಐಆರ್​

ಗೀತಾ ಶಿವರಾಜ್‌ಕುಮಾರ್ ಸಾಥ್: ಶಿವಣ್ಣನ ಪತ್ನಿ ಗೀತಾ ಶಿವರಾಜ್‌ಕುಮಾರ್ ಅವರು ಕೂಡ ಈ ಪೂಜಾ ಕಾರ್ಯಕ್ರಮದಲ್ಲಿ ಪಾಲ್ಗೊಂಡು ಸಾಥ್ ನೀಡಿದರು.

ವಿಶೇಷ ಪೂಜೆ: ವಿಶ್ವ ಸಂತೋಷ ಭಾರತಿ ಗುರೂಜಿ ಅವರ ನೇತೃತ್ವದಲ್ಲಿ ಅದ್ಧೂರಿ ಮೆರವಣಿಗೆ ನಡೆಯಿತು. ಮಕರ ಸಂಕ್ರಮಣದ ವಿಶೇಷವಾಗಿ ವಿವಿಧ ಆಭರಣಗಳು ಹಾಗೂ ಉತ್ಸವ ಮೂರ್ತಿಯನ್ನು ದೇವಸ್ಥಾನಕ್ಕೆ ಮೆರವಣಿಗೆಯ ಮೂಲಕ ತರಲಾಯಿತು. ಬೆಜ್ಜವಳ್ಳಿ ಅಯ್ಯಪ್ಪನ ಉತ್ಸವದ ಅಂಗವಾಗಿ ಇಂದು ಸಾವಿರಾರು ಭಕ್ತರು ಜಮಾಯಿಸಿದ್ದು, ಶಿವಣ್ಣ ಅವರನ್ನು ನೋಡಲು ಮತ್ತು ಅಯ್ಯಪ್ಪನ ದರ್ಶನ ಪಡೆಯಲು ಜನಜಂಗುಳಿಯೇ ನೆರೆದಿತ್ತು.